දකුණු අප්‍රිකානු කණ්ඩායමට එරෙහි තෙවන එක්දින ක්‍රිකට් තරගයෙන් ලකුණු 342ක වාර්තාගත ජයක් ලැබීමට එංගලන්ත කණ්ඩායම සමත් වුණා.
මෙය ජාත්‍යන්තර එක්දින තරග බිමේ කණ්ඩායමක් වැඩිම ලකුණු පරතරයක් සහිත ලැබූ එක්දින ජයග්‍රහණයයි.
මීට පෙර එම පරාජිත වාර්තාව ශ්‍රී ලංකාව නමින් ලියවී තිබුණ අතර එහිදී ඔවුන් ඉන්දියාව හමුවේ ලකුණු 317ක පරජයක් ලබා තිබුණා.
එංගලන්තයේ දී පැවති මෙම තරගයේ එංගලන්ත කණ්ඩායමෙන් හිමි වූ ලකුණු 415ක දැවැන්ත ඉලක්කයට පිළිතුරු ලෙස දකුණු අප්‍රිකාව රැස්කළේ සියලු දෙනා දැවී ලකුණු 72ක් පමණයි.
තරගාවලිය තරග 2-1ක් ලෙස ජයගැනීමට සමත් වූයේ සංචාරක දකුණු අප්‍රිකානු කණ්ඩායමයි
