ගුවන් තොටුපොළ ආශ්‍රිතව සරුංගල් යැවීම සම්බන්ධයෙන් ශ්‍රී ලංකා ගුවන් හමුදාව අනතුරු ඇඟවීමක් කර තිබෙනවා.
ඒ අනුව, එළඹ ඇති සරුංගල් සමයත් සමඟ, ගුවන් ධාවන පථ ආසන්න ප්‍රදේශවල සරුංගල් යැවීම ඉතා අවදානම් සහගත බවත්, ගුවන් යානා පියාසර කිරීම සඳහා සරුංගල් යැවීම සෘජුව බලපාන බාධකයක් බවයි ගුවන් හමුදාව සඳහන් කරන්නේ.
කටුනායක, රත්මලාන, හිඟුරක්ගොඩ, චීන වරාය, පලාලි, කටුකුරුන්ද, කොග්ගල, වව්නියාව, වීරවිල සහ මත්තල වැනි ප්‍රදේශවල ඇති ගුවන් ධාවන පථ ආසන්නයේ බහුලව සරුංගල් යැවීම අවදානම් බවත්, ඒ සම්බන්ධයෙන් සැලකිලිමත් වන ලෙසත් ශ්‍රී ලංකා ගුවන් හමුදාව වැඩිදුරටත් පවසා සිටිනවා.
