ක්‍රීඩාංගනයකට සමාන විශාල ග්‍රහ වස්තුවක් පෘථිවියට ආසන්නව ගමනේ
පිරමීඩය උගුලකි – වැරදි මාර්ගයට නොයන්න.
ගුවන් යානයේ එන්ජින් දෙකෙහිම ඉන්ධන කපා හැරීමේ ස්විචයන් “RUN” ස්ථානයේ සිට “CUTOFF” ස්ථානයට, මාරුකරලා
ක්‍රීඩාංගනයකට සමාන ග්‍රහ වස්තුවක් පෘථිවියට ආසන්නයෙන්
විෂයන් නවයටම A සාමාර්ථ ගත් සිසුන් 13392ක්

ජනාධිපති හා ජර්මනියේ සංචාරක කර්මාන්ත වල නියෝජිතයන් හමුව අද

ජර්මානු ෆෙඩරල් ජනරජයේ නිල සංචාරයක නිරත ජනාධිපති අනුර කුමාර දිසානායක අද (13) ජර්මනියේ සංචාරක සහ චාරිකා කර්මාන්ත සමාගම්වල නියෝජිතයින් හමුවීමට නියමිතයි.

හමුව බර්ලීනයේ වැල්ඩොෆ් ඇස්ටෝරියා හෝටලේදී සිදු කෙරේ. ඉන් අනතුරුව ජනාධිපති අනුර කුමාර දිසානායක ජර්මනියේ වාණිජ හා කර්මාන්ත මණ්ඩලය සංවිධානය කරනු ලබන ව්‍යාපාරික සංසදයට සහභාගී වේ.

එය ජර්මනියේ වාණිජ හා කර්මාන්ත සංගම් මූලස්ථානයේ පැවැත්වෙනවා. ඉන් අනතුරුව අද පස්වරුවේ බර්ලීනයේ වැන්ඩොෆ් හෝටලේදි එරට ආර්ථික සහයෝගීතා සහ සංවර්ධන අමාත්‍ය ඊම් අලබලි රිඩෝවන් මහත්මිය හමුවීමට නියමිතය.

පස්වරුවේ ජනාධිපතිවරයා ජර්මනියේ සිටින ශ්‍රී ලංකා ප්‍රජාවද හමුවේ.

නේපාල තානාපති , තරුණ කටයුතු හා ක්‍රීඩා අමාත්‍ය අතර හමුවක්

ශ්‍රී ලංකාවේ සිටින නේපාල තානාපති පූර්ණ බහදූර් නේපාලි සහ තරුණ කටයුතු හා ක්‍රීඩාඅමාත්‍ය සුනිල් කුමාර ගමගේ යන මහත්වරුන් අතර හමුවක් ඊයේ ක්‍රීඩා අමාත්‍යංශයේදී සිදුවුනා .

දෙරට අතර තරුණයන්ගේ සංස්කෘතික බැඳීම් පුළුල් කිරීමට ගත හැකි ක්‍රියාමාර්ග පිළිබඳව මෙහිදී සාකච්ඡාවට ලක්වුනා.

කලාපීය ක්‍රීඩා කුසලතාවයන් වර්ධනයට ගත හැකි ක්‍රියාමාර්ග පිළිබඳව ද දෙපළගේ අවධානය යොමු කළා.

කලාපීය සහයෝගිතාවේ උන්නතිය වෙනුවෙන් දකුණු ආසියාතික රටවල් සමඟ ශක්තිමත් බැඳීමක් පවත්වා ගැනීමට නිරන්තරයෙන් රජය කැපවී සිටින බව සාකච්ඡාවේදී තරුණ කටයුතු හා ක්‍රීඩා ඇමතිවරයා කරුණු පැහැදිලි කළා.

බෝරා සමුළුව සාර්ථක කර ගැනීමට රජයෙන් උපරිම සහාය

ගෝලීය බෝරා ප්‍රජාවගේ අධ්‍යාත්මික සමුළුව සහ ප්‍රදර්ශනය ජූලි මස 27 වන දා සිට ජුලි 05 දක්වා කොළඹදී පැවැත්වෙයි. මෙය සිදු වන්නේ ආධ්‍යාත්මික නායක ආචාර්ය අති උතුම් සෙයියදිනා මුෆද්දල් සෙයිෆුද්දීන් සහෙබ් තුමාගේ සහභාගීත්වයෙන් .

ඒ සඳහා අවශ්‍ය පහසුකම් සැපයීම සඳහා වන සාකච්ඡාවක් ඊයේ ජනාධිපති ලේකම් කාර්යාලයේදී සිද්ධ වුණා. ඒ ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙනුයි.

එහිදී බෝරා ප්‍රජාවගේ ආධ්‍යාත්මික සමුළුව සහ ප්‍රදර්ශනය සාර්ථක කර ගැනීමට උපරිම සහය ලබා දෙන ලෙස අදාළ නිලධාරීන්ට ජනාධිපති ලේකම්වරයා විසින් උපදෙස් දෙනු ලැබුවා.

ප්‍රදර්ශනය සහ සමුළුව සඳහා ඉන්දියාව ඇතුළු රටවල් රැසක බෝරා ප්‍රජාවගේ සාමාජිකයින් පැමිණීමට නියමිතයි.ඔවුන් වෙනුවෙන් ගුවන්තොටුපල පහසුකම් ,ඇතුළු සෙසු පහසුකම් සැපයීම සම්බන්ධයෙන් දීර්ඝ ලෙස සාකච්ඡා කෙරුණා.

මේ සඳහා විදේශ කටයුතු අමාත්‍යංශයේ ලේකම් අරුණි රණරාජා, ජනාධිපති ජේෂ්ඨ අතිරේක ලේකම් රෝෂන් ගමගේ යන මහත්ම මහත්මීන් ඇතුළු බෝරා ප්‍රජාවගේ ආගමික නායකයන් පිරිසක් එක්වුණා.

ඊශ්‍රාලයෙන් ඉරානයට ගුවන් පහර

ඊශ්‍රායලය විසින් ඉරානයේ න්‍යෂ්ටික වැඩසටහනට සහ ජ්‍යෙෂ්ඨ හමුදා නායකයින් ඉලක්ක කර ගනිමින් ගුවන් ප්‍රහාරයක් දියත් කර තිබේ.
ඉරානයේ ටෙහෙරාන් අගනුවර ඇතුළු ස්ථාන කිහිපයක් වෙත ඊශ්‍රායලය විසින් ඊයෙ මෙම ප්‍රහාර මාලාව එල්ල කර ඇත.

‘සතුරා අඩපණ කිරීමේ ප්‍රහාර’ ලෙස ඔවුන් මෙය නම් කර තිබේ.ප්‍රහාර හමුවේ ඉරානයේ වඩාත් බලගතු පුද්ගලයෙක් ලෙස සැලකෙන ඉස්ලාමීය විප්ලවවාදී ආරක්ෂක බළකායේ ප්‍රධාන අණදෙන නිලධාරී ජෙනරාල් හොසේන් සලාමි මිය ගොස් ඇත. මේ අතර ඊශ්‍රායලය විසින් රටටම හදිසි තත්ත්වයක් නම්කර පාසල් ඇතුළු සියලු සේවා අත්හිටුවා ඒකරාශීවීම්ද තහනම් කිරීමට පියවර ගෙන තිබේ.ඒ ඉරානය ඊට නිසැකව ප්‍රතිචාර දක්වනු ඇති බවට පවතින සැකය මතයි.
ප්‍රහාර සඳහා එක්සත් ජනපද මැදිහත්වීමක් හෝ එක්සත් ජනපද සහායක් නොතිබූ බව රාජ්‍ය ලේකම් මාර්කෝ රුබියෝ පැවසීය.
“අද රාත්‍රියේ ඊශ්‍රායලය ඉරානයට එරෙහිව ඒකපාර්ශ්වික ක්‍රියාමාර්ගයක් ගත්තා. අපි ඉරානයට එරෙහි ප්‍රහාරවලට සම්බන්ධ නොවන අතර අපගේ ප්‍රමුඛතාවය වන්නේ කලාපයේ ඇමරිකානු හමුදා ආරක්ෂා කිරීමයි” ඔහු පැවසීය.

2025.06.12 වන දින ප්‍රකාශයට පත් පලතුරු , එළවළු හා සහල් 1Kg සඳහා තොග මිල ගනන්

මූලශ්‍රය :- හෙක්ටර් කොබ්බෑකඩුව ගොවි කටයුතු පර්යේෂණ හා පුහුණු කිරීමේ ආයතනය

අහමදාබාද් ජාත්‍යන්තර ගුවන්තොටුපලේ සියලු ගුවන් කටයුතු නවතා දැමේ

අනතුරට ලක් වූ A171 Air ඉන්දියා ගුවන් යානය Boeing 787-8 Dreamliner යානයකි.
විදෙස් වාර්තාවලට අනුව ගුවන් යානා අනතුරට ලක් වූ ස්ථානයේ අසල තිබූ ගොඩනැගිල්ලක් ද ගිනිගෙන දැවි තිබේ.

ගුවන් යානයේ ගමන් ගත් මගීන් අතර බ්‍රිතාන්‍ය ජාතිකයන් 53 ක්, ඉන්දීය ජාතිකයන් 169 , කැලේඩියානු ජාතිකයන් 1 අයෙකු සහ පෘතුගාලයේ 7 දෙනෙක් විය. ඒ අතර වැඩිහිටියන් 217 සහ දරුවන් 11 දෙනෙක් ඇතුලත් වේ.
ගුජරාට් ප්‍රාන්‍තයේ මහා අමාත්‍යවරයා පවසන්නේ කඩිනමින් ගලවා ගැනීමේ සහ සහන මෙහෙයුම් සිදුකිරීමට කටයුතු සම්පාදනය කරන ලෙස නිලධාරීන්ට උපදෙස් ලබා දී ඇති බවයි.

මේ අතර අහමදාබාද් ජාත්‍යන්තර ගුවන්තොටුපලේ සියලු ගුවන් කටයුතු නැවත දැනුම් දෙන තුරු නවතා ඇත.

පුංචි ආණ්ඩුවල බලය ගන්න පොදු විපක්ෂය එක්වේ

පළාත් පාලන ආයතනවල බලය පිහිටුවීමේදී විපක්ෂයේ සියලු පක්ෂ පොදු විපක්ෂයක් ලෙස කටයුතු කිරීමට එකඟතාවයකට පැමිණි බව සමගි ජන බලවේගයේ ජාතික සංවිධායක තිස්ස අත්තනායක පවසනවා.

සමගි ජනබලවේගය, ශ්‍රී ලංකා පොදුජන පෙරමුණ, එක්සත් ජාතික පක්ෂය, ශ්‍රී ලංකා නිදහස් පක්ෂය, සමගිජන බලවේගය සමඟ කටයුතු කරන වතුකරයේ පක්ෂ සහ මුස්ලිම් පක්ෂද, ස්වාධීන කණ්ඩායම් මෙම පොදු විපක්ෂයේ එකඟතාවය අනුව ඉදිරියේදී ක්‍රියාත්මක වනවා.

තවත් ප්‍රධාන දේශපාලන පක්ෂ කිහිපයක් සමඟද මේවන විට සාකච්ඡා කරමින් සිටින බවයි තිස්ස අත්තනායක සඳහන් කළේ.

මෙම මාධ්‍ය හමුව පැවැත්වුණේ බොරැල්ල එන්.එම්. පෙරේරා මධ්‍යස්ථානයේදිය.

පළාත් පාලන ආයතන බලය පිහිටුවිමේදී විවෘත ඡන්ද විමසීමක් අවශ්‍ය බව පොදු විපක්ෂ ලෙස තමන් දන්වා ඇති බව ඔහු ප්‍රකාශ කළා.

පක්ෂය ගත් තීරණ අනුව තේරී පත් වූ සභිකයින් කටයුතු කළ යුතු අතර එසේ නොමැති වුවහොත් ඔවුන්ට එරෙහිව විනය ක්‍රියාමාර්ග ගන්නා බවද තිස්ස අත්තනායක පෙන්වා දුන්නා.

පොදු විපක්ෂය ලෙස පළාත් පාලන ආයතන 100කට වැඩි ප්‍රමාණයක බලය පිහිටුවන බව ඔහු වැඩිදුරටත් පැවසුවා.

2025 ලෝක ටෙස්ට් ශූරතාවලියේ ඔස්ට්‍රෙලියනුවන්ට දැඩි පීඩනයක්  

ලෝක ටෙස්ට් ශූරතාවලියේ පළමු දිනය අවසන් වන විට සිය පළමු ඉනිම ක්‍රීඩා කරන දකුණු අප්‍රිකාවෙ  ලකුණු 43 කට කඩුලු 4 ක් දවා ගැනීමට ඕස්ට්‍රේලියානු වේග පන්දු යවන්නන් සමත් වුනා.මිචෙල් ස්ටාර්ක් ආරම්භක පිතිකරුවන් දෙදෙනාම දවා ගත් අතර පැට් කමින්ස් සහ ජොෂ් හේසල්වුඩ් එක් කඩුල්ල බැගින් දවා ගත්තා.ඕස්ට්‍රේලියාව සහ දකුණු අප්‍රිකාව අතර ලෝඩ්ස්හිදී පැවති 2025 ICC ලෝක ටෙස්ට් ශූරතාවලියේ (WTC) අවසන් මහා තරගය ඊයේ ආරම්භ වුණා.

දිනය අවසන් වන විට දෙපිලේම කඩුලු 14 ක් බිඳ වැටුණු අතර දිනය තුළ රැස් කළේ ලකුණු 255 ක් පමණි.දිනයේ මුල් ඉනිම් දෙක තුලදී තරගයේ ආධිපත්‍ය තබා ගැනීමට දකුණු අප්‍රිකාව සමත් වුනා.ඒ ඕස්ට්‍රේලියාවේ සියලු ක්‍රීඩකයින් ලකුණු 212 කට දවා ගනිමින්. කගීසෝ රබාඩා ලකුණු 51 කට කඩුලු 5 ක් දවා ගැනීමට සමත් විය.පිළිතුරු වශයෙන් ක්‍රීඩා කරන දකුණු අප්‍රිකානු පිල මේ වනවිට කඩුලු 4 ක් දැවී ලකුණු 62 ක් ලබා ගෙන ඇත. දකුණු අප්‍රිකානු නායක ටෙම්බා බවුමා (26*) හා ඩේවිඩ් බෙඩින්හැම් (17*) කඩුල්ලේ රැදී සිටී.2025 ICC ලෝක ටෙස්ට් ශූරතාවලියේ අවසන් මහා තරගය එංලන්තයේ ලෝඩ්ස් පිටියේදී ඊයේ ආරම්භ විය. අද තරගයේ දෙවන දිනයයි.

රුසියාව සිය යුද   අවි පද්ධති නවීකරණයට සුදානම්

රුසියාව නවීනතම අවි පද්ධති ගොඩනැගීම කෙරෙහි අවධානය යොමු කළ යුතු බව රුසියානු ජනාධිපති Vladimir Putin මහතා පවසයි. ඊයේ(11) ජාතික හමුදා උපකරණ පිළිබඳ රැස්වීමක දී හෙතෙම මේ බව පැවසීය. ආයුධ සංචිතය ප්‍රමාණවත් විය යුතු බව ද ඔහු පවසා ඇත.

2027-2036 රුසියානු නව අවි සැලැස්ම සැකසීම එම රැස්වීමේදී නිල වශයෙන් ආරම්භ විය. ඉදිරි දශකය තුළ රුසියාව හමුදා පද්ධතියේ සංවර්ධනය සඳහා මෙම සැලැස්ම උපයෝගී කර ගනු ඇත.නව ජාතික අවි සැලැස්මෙන් “න්‍යෂ්ටික බලය” කෙරෙහි විශේෂ අවධානයක් යොමු කළ යුතු බව Putin මහතා එහිදී සඳහන් කළේ ය. රුසියානු අභ්‍යවකාශ හමුදාවන් සඳහා ආයුධ පර්යේෂණය කිරීම, ප්‍රසම්පාදනය, නවීකරණයෙන් දියුණු කිරීම සහ නඩත්තු කිරීම සඳහා ක්‍රමානුකූල ප්‍රවේශයක් ලබා දිය යුතු බව ද හෙතෙම පැවසීය. -CGTN Sinhala

සත්ත්ව සංගණනයේ ප්‍රතිඵල වාර්තාව නිකුත් වේ.

සත්ත්ව සංගණයේ වාර්තා අනුව රිලවුන් මිලියන 5. 17 ක් , වඳුරන් මිලියන 1.74 ක් ප්‍රමාණයක් සිටින බව කෘෂිකර්ම, පශුසම්පත් , ඉඩම් හා වාරිමාර්ග අමාත්‍යංශය පවසනවා.
දඩුලේනුන් ප්‍රමාණය මිලියන 2.66 ක් වාර්තා වී ඇති අතර මොනරුන් මිලියන 4.24 ක ප්‍රමාණයක් සංගණනය වාර්ථාවේ සඳහන් .