ක්‍රීඩාංගනයකට සමාන විශාල ග්‍රහ වස්තුවක් පෘථිවියට ආසන්නව ගමනේ
පිරමීඩය උගුලකි – වැරදි මාර්ගයට නොයන්න.
ගුවන් යානයේ එන්ජින් දෙකෙහිම ඉන්ධන කපා හැරීමේ ස්විචයන් “RUN” ස්ථානයේ සිට “CUTOFF” ස්ථානයට, මාරුකරලා
ක්‍රීඩාංගනයකට සමාන ග්‍රහ වස්තුවක් පෘථිවියට ආසන්නයෙන්
විෂයන් නවයටම A සාමාර්ථ ගත් සිසුන් 13392ක්
Hot News

ස්වාධීන රූපවාහිනීයේ විකාශන කටයුතු වැඩිදියුණු කිරීමට ප්‍රතිපාදන වෙන් කෙරේ

ප්‍රේක්ෂක ආකර්ෂණය ඉහළ නංවාගැනීමට සහ විකාශන කටයුතු බාධාවකින් තොරව පවත්වාගෙන යාමට හැකි වන පරිදි ස්වාධීන…

WEB EDITOR
Foreign NewsHot News

අග්‍රාමාත්‍යවරිය ග්ලෝබල් සවුත් අඛණ්ඩතා සමුළුවට සහභාගී වෙයි.

ගෝබල් සවුත් අඛණ්ඩතා සමුළුවේ සම්මාරම්භක උත්සවය ඊයේ කොළඹ සිනමන් ලයිෆ් හෝටලේදි ආරම්භ කෙරුණා.එහි ප්‍රධාන දේශනය…

WEB EDITOR
Hot News

මතට ඇබ්බැහිවූවන් සඳහා වන පුනරුත්ථාපන මධ්‍යස්ථානයට නව ගොඩනැගිල්ලක්

මත්ද්‍රව්‍ය භාවිතයට ඇබ්බැහි වූ ළමුන් සහ තරුණ පුද්ගලයින් සඳහා ප්‍රතිකාර අවස්ථාවන් පුළුල් හා කඩිනම් කිරීමට…

WEB EDITOR

මඟීන් 242ක් සමඟ ඉන්දීය ගුවන් යානයක් කඩා වැටේ.

පස්වරු 1.30ට පමණ අහමදාබාද් ගුවන් තොටුපළ අසලදී ලන්ඩන් බලා ගිය එයාර් ඉන්දියා ගුවන් යානයක් ගුවන් ගත වී ටික වේලාවකට පසු අනතුරට ලක් විය.

බෝයිං 787-8 ඩ්‍රීම්ලයිනර් ගුවන් යානයේ මගීන් 230 ක් සහ කාර්ය මණ්ඩල සාමාජිකයින් 12 දෙනෙකු ඇතුළුව පුද්ගලයින් 242 දෙනෙකු ගමන් කළහ. ගුවන් යානය එයාර් ඉන්දියා 171 ලෙස හඳුනාගෙන ඇත.

අනතුරෙන් පසු ගිනි නිවන රථ හතක් ඇතුළුව හදිසි සේවා එම ස්ථානයට ලගාවී ඇත.

මහ කන්නයට අදාළ සියළුම රක්ෂණ වන්දි ගෙවීමට පියවර

2025 වර්ෂයේ පෙබරවාරි සිට මේ දක්වා ගංවතුර ,නියඟ ,වනඅලි හානියන්ට ලක් වූ වගාවන් සඳහා මෙම මස නිමවීමට පෙර සියලුම වන්දි මුදල් ගෙවීමට කටයුතු කරන බව කෘෂිකර්ම හා ගොවිජන රක්ෂණ මණ්ඩලය පවසනවා.

වී ,බඩ ඉරිඟු ,ලොකු ලුණු ,අර්තාපල් ,සෝයා සහ මිරිස් යන වගාවන් සඳහා රක්ෂණය වී නොමැති වුවද අක්කර පහක් දක්වා නොමිලේ රක්ෂණ වන්දි ලබාදීමට නියමිතයි.
හෙක්ටයාරයක් රුපියල් ලක්ෂයක උපරිමයකට යටත්ව වන්දි ගෙවීම සිදුවේ.2024 වර්ෂයේ නොවැම්බර් මස වර්ෂාව නිසා සිදුවූ වගා හානි සඳහා ගොවීන් 53,511 දෙනෙකුට අක්කර 61, 071 සඳහා රුපියල් මිලියන 951 ක මුදලක් ගෙවා ඇති බව කෘෂිකර්ම හා ගොවිජන රක්ෂණ මණ්ඩලය පවසනවා.
පසුගිය 2024 යල කන්නයට අදාළ වගා වන්දි මුදල මේ වන විට ගෙවා අවසන් කර ඇත. 2024/2025 මහ කන්නයට අදාළ අභියාචනා ලෙස ලද රක්ෂණ වන්දි සුළු ප්‍රමාණයක් ඉතිරිව ඇති අතර එම වගා වන්දි කඩිනමින් ගෙවා අවසන් කිරීමට කටයුතු කෙරේ.

චිකුන්ගුන්‍යා ගැන ඔබ දැනුවත්ද ?

චිකුන්ගුන්‍යා රෝගය පැතිරෙන්නේ කෙසේද?

  • රෝගය බෝකරන මදුරුවන් දෂ්ට කිරීම මගින්.
  • ගර්භණී මවගෙන් තම දරුවාට බෝවීමෙන්.
  • පුද්ගලයෙකුට රුධිරය ලබාදීමේදී  ලබාදෙන්නා චිකුන්ගුන්‍යා  රෝගියකු නම්.

චිකුන්ගුන්‍යා රෝග ලක්ෂණ මොනව ද?

  • අධික උණ තත්වය.
  • හන්දිවල පවතින වේදනාව සහ හන්දි ඉදිමීම.
  • සමෙහි ඇතිවන කුෂ්ඨ .
  • ඊට අමතරව හිසරදය ,ඇස් යට කැක්කුම, මස් පිඩුවල වේදනාව, අධික තෙහෙට්ටුව, ආහාර අරුචිය, බඩෙහි කැක්කුම, කට තුළ තුවාල ඇතිවීම, ඇස් වල රතු ගතිය අනෙකුත් රෝග ලක්ෂණ වේ.

ආසාදිත මඳුරුවෙකු දෂ්ට කර දින 3 ත් 7 ත් අතර කාලයකදී රෝග ලක්ෂණ මතුවේ. රෝග ලක්ෂණ දින 7 සිට 10 දක්වා පැවැතිය හැකිය.

චිකුන්ගුන්‍යා රෝගය සඳහා ප්‍රතිකාර

  • විශේෂ ඖෂධයක් නැත. වෛද්‍යවරුන් රෝග ලක්ෂණ මත පදනම්ව ප්‍රතිකාර කරයි.
  • රෝගය වැළඳුණු දරුවන්ට පානය සඳහා අවශ්‍ය පමණ දියර වර්ග ලබාදීම.
  • උණට සහ හන්දි වේදනාවට පැර සිට මෝල් පමණක් ලබාදීම.
  • ඩෙංගු නොවන බවට සැක හැර දැනගත් පසු පමණක් වේදනා නාෂක ලබාදීම.

(ඩෙංගු රෝගය සහිත දරුවන්ට අධික උණ සඳහා ලබාදෙන ඖෂධ ලබාදීමෙන් ලේ ගැලීමක් මෙන්ම අනිකුත් සංකූලතාද ඇතිවිය හැකිය.)

  • දිගුකල් පවතින හන්දි අමාරු සඳහා විශේෂිත ඖෂධ වර්ග ලබාදීමට සිදුවිය හැකිය.

රෝගයෙන් ආරක්ෂා විය හැක්කේ කෙසේද ?

  • මඳුරුවන් බෝන ස්ථාන ඉවත් කිරීම
  • සුදුසු ඇඳුම් ඇඳීම සහ අලේපන වර්ග භාවිතා කර මඳුරු දෂ්ටන වළක්වා ගැනීම.

මේ කරුණු ගැනද සැලකිලිමත් වන්න.

  • දරුවාට දින දෙකකට වඩා පවතින උණ ගතියක් ඇත්නම් සුදුසුකම්ලත් වෛද්‍යවරයෙකු ගෙන් ප්‍රතිකාර ගන්න.
  • දරුවාට අසමාන්‍යය නිදිමත, අධික ලෙස වමනය හෝ පාචනය, අඩුවෙන් මුද්‍රා පිටකිරීම, වලිප්පු තත්ත්වය, අසමාන්‍ය අපහසු ගතිය ඇත්නම් රෝහල් ගත කරන්න.

ස්වාධීන රූපවාහිනීයේ විකාශන කටයුතු වැඩිදියුණු කිරීමට ප්‍රතිපාදන වෙන් කෙරේ

ප්‍රේක්ෂක ආකර්ෂණය ඉහළ නංවාගැනීමට සහ විකාශන කටයුතු බාධාවකින් තොරව පවත්වාගෙන යාමට හැකි වන පරිදි ස්වාධීන රූපවාහිනී මාධ්‍ය ජාලය සඳහා අත්‍යවශ්‍ය උපකරණ කිහිපයක් සපයා ගැනීමට අවශ්‍ය ප්‍රතිපාදන ප්‍රමුඛතා පදනම මත 2026 අයවැය මඟින් වෙන් කර දීමට අමාත්‍ය මණ්ඩල තීරණය කරන ලදි‍‍.

වසර ගණනාවක් පැරණි පරිගණක උපාංග හා යල්පැනගිය මෘදුකාංග භාවිත කරමින් වැඩසටහන් නිෂ්පාදනය කිරීමට සිදු වීම හේතුවෙන් ක්ෂේත්‍රයේ තරගකාරීව කටයුතු කරමින් ගුණාත්මකබවින් ඉහළ, ආකර්ෂණීය වැඩසටහන් විකාශය කිරීම ගැටලු සහගත වී තිබෙනවා.

කසළ ප්‍රවාහන කම්පැක්ටර් රථ 16ක් මිලදී ගැනීමට අනුමැතිය

තෝරා ගත් පළාත් පාලන ආයතනවල කසළ එක්රැස් කිරීම සහ ප්‍රවාහනය විධිමත් කිරීම සඳහා කසළ ප්‍රවාහන කම්පැක්ටර් රථ 16ක් මිල දී ගැනීමට කැබිනට් අනුමැතිය හිමව තිබෙනවා.

ක්ලීන් ශ්‍රී ලංකා වැඩසටහන යටතේ 2025 වර්ෂය වෙනුවෙන් වෙන් කර ඇති අයවැය ප්‍රතිපාදනවලින් රුපියල් මිලියන 500ක ප්‍රතිපාදන මේ සඳහා වෙන් කෙරේ.

රාජ්‍ය පරිපාලන, පළාත් සභා සහ පළාත් පාලන අමාත්‍යවරයා ඉදිරිපත් කළ යෝජනාව අමාත්‍ය මණ්ඩල අනුමත කර තිබෙනවා.

අග්‍රාමාත්‍යවරිය ග්ලෝබල් සවුත් අඛණ්ඩතා සමුළුවට සහභාගී වෙයි.

ගෝබල් සවුත් අඛණ්ඩතා සමුළුවේ සම්මාරම්භක උත්සවය ඊයේ කොළඹ සිනමන් ලයිෆ් හෝටලේදි ආරම්භ කෙරුණා.
එහි ප්‍රධාන දේශනය පවත්වන ලද්දේ ප්‍රධාන ආරාධිත අමුත්තා ලෙස සහභාගි වූ අග්‍රාමාත්‍ය ආචාර්ය හරිනි අමරසූරිය විසින්.

සමුළුවේ මෙවර තේමාව වන්නේ මැතිවරණ අඛණ්ඩතාව, තොරතුරු අඛණ්ඩතාව මෙන්ම ඩිජිටල් ආරක්ෂාව යන්නයි. තාක්ෂණය ප්‍රජාතන්ත්‍රවාදය සහ යහ පාලනය යන අංශ අතර පවත්නා සම්බන්ධතාව හඳුනා ගැනීම වඩාත් කාලෝචිත අවශ්‍යතාවයක් බව සමුළුවේ ප්‍රධාන දේශනය අමතමින් අග්‍රාමාතිතුමිය පැවසුවාය.
වත්මන් ඩිජිටල් යුගය තුළ ප්‍රජාතන්ත්‍රවාදී ක්‍රියාවන් අතර තිබුණු ගැටළු විසඳීම සඳහා ගෝලීය දකුණු කලාපයෙන් ලැබෙන නායකත්වය දිරිමත් කිරීමට Factum ආයතනය දරන උත්සහය පැසසුමට ලක් කරා.
ග්ලෝබල් සවුත් අඛණ්ඩතා සමුළුව යනු කොළඹ කේන්ද්‍ර කර කරගත් ආසියා ෆැසිපික් කලාපය පිළිබඳ අවධානය යොමු කරන Factum පර්යේෂණ ආයතනය විසින් ඩිමොක්‍රසි රිපොටින් ඉන්ටර්නැෂනල් (Democracy Reporting International ) හා එක්ව යුරෝපා සංගමයේ සහාය ඇතිව සංවිධානය කරනු ලබනවා. එය මැතිවරණ අඛණ්ඩතාව පිළිබඳ ජාත්‍යන්තර සමුළුවකි.


මෙම සමුළුවට දකුණු කලාපීය රටවල් දොළහකට අධික සංඛ්‍යාවක සිට පැමිණෙන ඩිජිටල් අයිතිවාසිකම් සහ තාක්ෂණික ප්‍රතිපත්ති විශේෂඥයන් ඇතුලු විද්වතුන් එක්වුණා.

චීන-ඇමරිකා ආර්ථික හා වෙළඳ සාකච්ඡා යාන්ත්‍රණයේ පළමු රැස්වීම ලන්ඩන්හිදී

චීන-ඇමරිකා ආර්ථික හා වෙළඳ සාකච්ඡා යාන්ත්‍රණයේ පළමු රැස්වීම ප්‍රාදේශීය වේලාවෙන් ජුනි 9 වැනිදා සිට 10 වැනිදා දක්වා ලන්ඩන්හිදී පැවැත්විණ. චීන-ඇමරිකානු ආර්ථික හා වෙළඳ කටයුතු පිළිබඳ චීන පාර්ශ්වයේ ප්‍රධානි, උප අගමැති He Lifeng මහතා සහ ඇමරිකානු පාර්ශ්වයේ ප්‍රධානි, එරට භාණ්ඩාගාර ලේකම් Scott Bessent, වාණිජ ලේකම් Howard Lutnick සහ වෙළඳ නියෝජිත Jamieson Greer යන මහත්වරු එම රැස්වීමට එක්වූහ. දෙපාර්ශ්වය අවංක හා ගැඹුරු සංවාදයක් පැවැත්වූ අතර, අන්‍යෝන්‍ය වශයෙන් සැලකිලිමත් වන ආර්ථික හා වෙළඳ ගැටලු පිළිබඳව ගැඹුරින් අදහස් හුවමාරු කර ගනිමින්, ජුනි 5 වනදා රාජ්‍ය නායකයින් දෙදෙනා විසින් ඇති කරගත් වැදගත් එකඟතාවය ක්‍රියාත්මක කිරීම සහ ජිනීවා ආර්ථික හා වෙළඳ සාකච්ඡාවල ප්‍රතිඵල තහවුරු කිරීම සම්බන්ධයෙන් ප්‍රතිපත්තිමය එකඟතාවයකට පැමිණ තිබේ. දෙපාර්ශ්වයේ ආර්ථික හා වෙළඳ ගැටලු විසඳීමේදී රැස්වීමෙන් නව ප්‍රගතියක් ලබා ගැනිණ.

චීන-ඇමරිකානු ආර්ථික හා වෙළඳ සබඳතාවල හරය අන්‍යෝන්‍ය ප්‍රතිලාභ සහ පොදු ජයග්‍රහණය බව චීන ප්‍රධානියා එහිදී පැවසීය. වෙළඳ යුද්ධයකින් ජයග්‍රාහකයෙකු බිහි නොවේ. චීනය සටන් කිරීමට කැමැත්තක් නොමැති නමුත් සටන් කිරීමට බිය ද නැත. දෙපාර්ශ්වයම සමාන සංවාදයකින් සහ අන්‍යෝන්‍ය වශයෙන් වාසිදායක සහයෝගීතාවයකින් ආර්ථික හා වෙළඳ වෙනස්කම් විසඳා ගත යුතුය. ආර්ථික හා වෙළඳ සාකච්ඡාවලදී චීනය අවංක හා ප්‍රතිපත්තිගරුක ආකල්පයක සිටියි. ඊළඟ පියවර වශයෙන්, දෙපාර්ශ්වය දුරකථන සංවාද අතරතුර රාජ්‍ය නායකයින් දෙදෙනා ඇති කරගත් වැදගත් එකඟතාවය සහ අවශ්‍යතාවලට අනුකූලව දෙරටේ ආර්ථික හා වෙළඳ සාකච්ඡා යාන්ත්‍රණයේ කාර්යභාරය තවදුරටත් ඉටු කළ යුතුය. එසේම අඛණ්ඩව පොදු අදහස් රැස් කරමින්, වැරදි අවබෝධය අවම කරමින් සහයෝගීතාව ශක්තිමත් කිරීමට අපේක්ෂා කරන බව ද චීන පාර්ශ්වය එහිදී අදහස් පළ කළේය.

දෙපාර්ශ්වය එකිනෙකා දෙසට ගමන් කරමින් සිය පොරොන්දු ඉටු කළ යුතු ය. සන්නිවේදනය සහ සංවාදය පවත්වා ගත යුතු අතර චීන-ඇමරිකානු ආර්ථික හා වෙළඳ සබඳතාවල ස්ථාවර හා දිගුකාලීන සංවර්ධනය ප්‍රවර්ධනය කළ යුතු බවත්, ලෝක ආර්ථිකයට වඩාත් නිශ්චිතභාවයක් සහ ස්ථාවරත්වයක් එකතු කළ යුතු බවත් එම රැස්වීමේදී චීනය නැවත අවධාරණය කර ඇත.

මෙම රැස්වීම ධනාත්මක ප්‍රතිඵල අත්කර ගෙන ඇති බවත්, ද්විපාර්ශ්වික ආර්ථික හා වෙළඳ සබඳතා තවදුරටත් ස්ථාවර කර ඇති බවත් ඇමරිකානු පාර්ශ්වය ප්‍රකාශ කළේය. රාජ්‍ය නායකයින් දෙදෙනාගේ දුරකථන සංවාදයේ ජීවගුණයට අනුව මෙම රැස්වීමේ එකඟතාවය ඒකාබද්ධව ක්‍රියාත්මක කිරීම සඳහා චීනය සමඟ කටයුතු කිරීමට ඇමරිකාව කැමැත්තෙන් සිටින බව ද එහිදී ප්‍රකාශ කෙරිණ.
-CGTN Sinhala

මතට ඇබ්බැහිවූවන් සඳහා වන පුනරුත්ථාපන මධ්‍යස්ථානයට නව ගොඩනැගිල්ලක්

මත්ද්‍රව්‍ය භාවිතයට ඇබ්බැහි වූ ළමුන් සහ තරුණ පුද්ගලයින් සඳහා ප්‍රතිකාර අවස්ථාවන් පුළුල් හා කඩිනම් කිරීමට හැකි වන පරිදි ක්ලීන් ශ්‍රී ලංකා වැඩසටහන යටතේ නව නේවාසික ගොඩනැගිල්ලක් ඉදිකිරීමට ප්‍රතිපාදන වෙන් කර තිබෙනවා.

එය සඳහා වැය කිරීමට අපේක්ෂිත මුදල රුපියල් මිලියන 110කි.

මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල ඉදිරිපත් කළ යෝජනාව අමාත්‍ය මණ්ඩල අනුමැතිය හිමි තිබෙනවා.

චීන අධ්‍යයන දෙවැනි සමුළුව අද කොළඹදී ඇරඹේ.

දකුණු ආසියානු සයිනොලොජි (චීන අධ්‍යයන) විද්‍යාඥයින්ගේ දෙවැනි සමුළුව අද ශ්‍රී ලංකාවේදී පැවැත්වේ.
ලෝක සයිනොලොජි මධ්‍යස්ථානය, කැලණිය විශ්ව විද්‍යාලය සහ ශ්‍රී ලංකා – චීන සංගමය එක්ව අද (12) සහ හෙට (13) මෙම සමුළුව පැවැත්වීමට නියමිතය.
මෙහිදී සයිනොලොජි පර්යේෂණවල අධ්‍යයන අවබෝධයන් සහ චීන ජයග්‍රහණ බෙදා ගැනීමට සූදානම් වේ.
සමුළුවේ තේමාව වන්නේ ” සයිනොලොජි සහ චීන අධ්‍යයනවල දෘෂ්ටිකෝණයෙන් – දකුණු ආසියාවේ මානව වර්ගයා සඳහා බෙදාගත් අනාගතයක් සහිත ප්‍රජාවක භාවිතය සහ ගවේෂණය ප්‍රවර්ධනය කිරීම” යන්නයි.
සමුළුවට චීනය, නේපාලය, ඉන්දියාව, පාකිස්ථානය, බංගලාදේශය සහ ශ්‍රී ලංකාව යන රටවලින් පැමිණි විද්වතුන් තිහකට ආසන්න සංඛ්‍යාවක් සහභාගී වේ.
ඔවුන් විසින් ප්‍රධාන දේශන සහ සමාන්තර සංසද හරහා කලාපීය සයිනුලොජි සහ චීන අධ්‍යයන සංවර්ධනයට අදාළ ගැටලු සාකච්ඡා කරනු ඇත.

මාතර සංස්කෘතික හා සංවර්ධන මණ්ඩලය ස්ථාපනයට පනතක්

මාතර නගරය සඳහා මාතර උරුමය සහ සංවර්ධනය සම්බන්ධ පනත් කෙටුම්පතක් සකස් කිරීමට කැබිනට් අනුමැතිය හිමිව තිබෙනවා.

එම ඒකාබද්ධ යෝජනාවට ඉදිරිපත් කර ඇත්තේ විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, නාගරික සංවර්ධන, ඉදිකිරීම් සහ නිවාස අමාත්‍ය අනුර කරුණාතිලක සහ බුද්ධශාසන, ආගමික සහ සංස්කෘතික කටයුතු අමාත්‍ය සුනිල් සෙනෙවි විසිනි.