යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ
120ක් අත්අඩංගුවට – සබරගමුවේ විශේෂපොලිස් මෙහෙයුමක්
දුමින්ද යලි රිමාණ්ඩ්
ජාතික පර්යේෂණ සහ සංවර්ධන ප්‍රතිපත්ති කෙටුම්පත පිළිබඳ දැනුවත් කිරීම සාර්ථකයි
IOC එකෙන් ජනාධිපති අරමුදලට රුපියල් මිලියන 100ක්
Hot News

දකුණු අප්‍රිකානු ජනරජයේ හිටපු ජනපති සහ ජාතික ජන බලවේගයේ නායකයින් අතර හමුවක්….

ශ‍්‍රී ලංකාවේ නව පාලනය වංචවෙන් දූෂණයෙන් තොරව රට ගොඩනැගීම සඳහා ගනු ලබන ක‍්‍රියා මාර්ගයන් සම්බන්ධයෙන්…

Editor

ප්‍රවේශ පත් නොමැතිව ගමන් කළ දුම්රිය මගින් 138 කට ලක්ෂ 4 ඉක්මවා දඩ

දුම්රිය ස්ථාන පහක සිදු කළ විශේෂ ප්‍රවේශ පත්‍ර පරික්ෂාවකදි දුම්රිය ප්‍රවේශ පත් නොමැතිව ගමන් කල  මගීන් 138 ක් අත්අඩංගුවට ගෙන තිබෙනවා.

එමගින්  රුපියල් හාරලක්ෂ විසිදාස් දෙසිය හැටක දඩ ආදායමක් රජයට ලබා දීමට දුම්රිය ආරක්ෂක නිලධාරීන් සමත්වී ඇත.

පසුගිය 27 වනදින දුම්රිය ස්ථාන පහක පෙරවරු 6.00 සිට පෙරවරු 9.00 දක්වා වු කාලය තුළ මෙම ප්‍රවේශ පත්  පරික්ෂාව සිදුකර තිබෙනවා.

එසේ අත්අඩංගුවට ගත් මගීන් අතර කාන්තාවන්ද සිටි අතර බොහෝ දෙනෙකු කාර්යාල වෙත ගමන් ගන්නා මගීන් බවයි සහකාර අධිකාරී එන්.පී ජයන්ත මහතා පැවසුවේ.

මෙම ප්‍රවේශපත්‍ර පරික්ෂාව සිදු කොට ඇත්තේ මහලේකම් කාර්යාලය, කොම්පඤ්ඤවීදිය, කොල්ලුපිටිය, බම්බලපිටිය හා දෙමටගොඩ යන දුම්රිය ස්ථානවලදීයී.

මෙහිදී අත්අඩංගුවට ගත් මගීන්ගෙන් ඒ මොහොතේම රුපියල් හාරලක්ෂ විසිදාස් දෙසිය හැටක දඩ ආදායමක් ලබාගත් බව ඔහු පවසා සිටියා.

මේ ආකාරයෙන් ඉදිරියටත්  ප්‍රවේශපත්‍ර පරික්ෂාව සිදු කරන බව ත් ප්‍රවේශ පත් නොගෙන ගමන් කරන කිසිදු පුද්ගලයකුට සමාවක් නොදෙන බවත් දඩ මුදල් නොගෙවන්නේ නම් අධිකරණයට ඉදිරිපත් කිරීමට පියවර ගන්නා බවත් ඔහු  තවදුරටත් පැවසුවා.

ගාසා තීරයේ අවන්හලකට ඊශ්‍රායල ප්‍රහාරයක්

ගාසා හි වරාය අසල අවන්හලකට එල්ල වූ ඊශ්‍රායල ගුවන් ප්‍රහාරයකින් පුද්ගලයින් 40 කට වැඩි පිරිසක් මිය ගොස් තිබෙනවා.

සඳුදා රාත්‍රියේ දී අල්-ෂිෆා රෝහලේ අධ්‍යක්ෂ වෛද්‍ය මොහොමඩ් අබු සිල්මියා පැවසුවේ ප්‍රහාරයෙන් අවම වශයෙන් පුද්ගලයින් 41 දෙනෙකු මිය ගොස් 75 දෙනෙකු තුවාල ලබා ඇති බවයි.

කැෆේ එකට සහ අවට ප්‍රදේශයට පුළුල් හානියක් මෙන්ම එම ස්ථානයෙන් ඝන දුමාරයක් නැඟී එන ආකාරය ද දක්නට ලැබෙන බව විදෙස් මාධ්‍ය වාර්තා කරනවා.  

තුවාල ලැබූවන්ට ප්‍රතිකාර කිරීම සඳහා රෝහලේ දැඩි සත්කාර ඒකක ඇඳන් සහ නිර්වින්දන ද්‍රව්‍ය හිඟයක් පවතින බව ද ගාසා රෝහල් නිලධාරීන් පවසනවා.  

“කාමර සහ රෝහල් ඇඳන් නොමැති නිසා අපි තුවාලකරුවන්ට රෝහල් බිමේම ප්‍රතිකාර කරනවා” රෝහල් අධ්‍යක්ෂවරයා වැඩිදුරටත් පවසා තිබෙනවා.

මියගිය අය අතර නිදහස් මාධ්‍යවේදියෙකු වන ඉස්මයිල් අබු හටබ් ද සිටින බව විදෙස් මාධ්‍ය වාර්තා කරනවා.

හමාස් පාලනය යටතේ පවතින රජයේ මාධ්‍ය කාර්යාලය පැවසුවේ ඔහුගේ මරණයත් සමඟ 2023 ඔක්තෝබර් මාසයේ සිට ගාසා තීරයේ ඊශ්‍රායල හමුදා ක්‍රියාමාර්ගවලින් මියගිය මාධ්‍යවේදීන් සංඛ්‍යාව 228 දක්වා ඉහළ ගොස් ඇති බවයි.

ඉන්ධන මිල ඉහළ ට

මාසිකව සිදුවන ඉන්ධන මිල සංශෝධනය අනුව ජූලි මාසයට අදාලව ඉන්ධන මිල ඊයේ (30) මධ්‍යම රාත්‍රියේ සිට සංශෝධනය කර තිබෙනවා.

ඒ අනුව, රුපියල් 293ක්ව පැවති ඔක්ටේන් 92 පෙට්‍රල් ලීටරයක මිල රුපියල් 12 කින් ඉහළ දමා ඇත.

එහි නව මිල රුපියල් 305ක්.

රුපියල් 274ක්ව පැවති සුදු ඩීසල් ලීටරයක මිල රුපියල් 15 කින් ඉහළ දමා ඇති අතර, එහි නව මිල රුපියල් 289ක්.

රුපියල් 178ක්ව පැවති භූමිතෙල් ලීටරයක මිල රුපියල් 7 කින් ඉහළ දමා ඇති අතර, එහි නව මිල රුපියල් 289ක්.

රුපියල් 341ක්ව පැවති ඔක්ටේන් 95 පෙට්‍රල් මිලෙහි කිසිඳු වෙනසක් සිදුව නැහැ.

රුපියල් 325ක්ව පැවති සුපර් ඩීසල් ලීටරයක මිලෙහිද වෙනසක් සිදුව නැහැ.

අලි මිනිස් ගැටුම විසඳීමට සාකච්ඡා

දරුවන්ට සුරක්ෂිත හෙටක් හදන්නට ඔවුන් ජීවත් වන වටපිටාව සුරක්ෂිත විය යුතු බව කාන්තා හා ළමා කටයුතු නියෝජ්‍ය අමාත්‍ය වෛද්‍ය නාමල් සුදර්ශන පවසනවා.

ඉන් ප්‍රමුඛතම කාරණයක් වන්නේ අලි මිනිස් ගැටුම විසදීමයි.

මේ බව පැවසුවේ කුරුණෑගල හිරියාල ගම්වාසීන් සමග කළ විශේෂ සාකච්ඡාවකදීයි.


අලි උවදුර නිසා ඉහළ නෙල්ලිය , අළුත් කොළණිය සහ වෙල්ගාල ඇතුළු ගම්මාන රැසක් පීඩා විදියි. වෙල්ගාල විද්‍යාලය ඇතුළු පාසල් ගණනාවක විදුලි වැට කැඩීම, පෞද්ගලික ඉඩම් කිහිපයක් අලින් වාස භූමි බවට පත්කර ගැනීම වැනි හානි සිදු කර ඇත.

ගම්වාසීන් චෝදනා කරන්නේ එයින් ළමුන්ගේ පාසල් ගමන අඩාල වී ඇති බවයි.


මෙයට වනජීවී කාර්යාලයේ නිලධාරීන් සහ ගම්වාසීන් විශාල පිරිසක් සහභාගි වුණා.

අල්ලස් හෝ දුෂණ චෝදනා විමර්ශන කොමිසන් සභාවට පැමිණිලි රැසක්

මේ වසර තුළ  අල්ලස් හෝ දුෂණ චෝදනා විමර්ශන කොමිසන් සභාව වෙත ලැබී ඇති පැමිණිලි සංඛ්‍යාව 2,000 ඉක්මවා තිබෙනවා. 
 2025 වසරේ ජනවාරි මස පළමුවනදා සිට මැයි මස 31 වනදා දක්වා කොමිසන් සභාව වෙත පැමිණිලි 2,138ක් ලැබී ඇත.

2024 වර්ෂයේ ඇති පැමිණිලි සමග සමස්ත පැමිණිලි සංඛ්‍යාව 2,221ක් වන බව සඳහන් වෙනවා. ඉන් පැමිණිලි 224ක් විමර්ශනයට නියෝග කර ඇත. පැමිණිලි 524ක් විමර්ශනය නොකිරීමට තීරණය කර තිබේ. ඒ ප්‍රමාණවත් කරුණු නොතිබීම හා පනතට අදාළ නොවීම යන කරුණු මතයි. පැමිණිලි 282ක් විමර්ශනය සඳහා වෙනත් ආයතන වෙත යොමු කර තිබෙනවා. මෙම තොරතුරු අල්ලස් හෝ දූෂණ චෝදනා විමර්ශන කොමිසන් සභාව විසින් මේ වසරේ ගත වූ මාසය 05ට අදාළව නිකුත් කළ ප්‍රගති වාර්තාවේ දැක්වෙනවා.
අදාළ කාලය තුළ අල්ලස් කොමිසම විසින් සමස්ත වැටලීම් 44ක් සිදුකර ඇත.සාර්ථක වූ වැටලිම් 25ක දී සැකකරුවන් 31 දෙනෙකු අත්අඩංගුවට ගෙන තිබේ. ගතවූ මාස 05 තුළ අල්ලස් කොමිසම විසින් මහාධිකරණයේ නඩු පැවරීම් 42ක් සිදුකර ඇති අතර පොලිස් නිලධරීන් 11 දෙනෙකු ඇතුළු චූදිතයින් 45 දෙනෙකුට අදාළව එම නඩු පැවරීම් සිදුකර තිබෙනවා.
මේ වන විට අධිකරණය හමුවේ විභාග වෙමින් පවතින නඩු ගණන 272ක් වෙනවා.

සීගිරිය සංරක්ෂණය සඳහා වූ වාර්තාව භාර දෙයි.

සීගිරිය සංරක්ෂණය සඳහා වූ අන්තර් ආයතනික කමිටුවේ නිර්දේශ ඇතුලත් වාර්තාව බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා වෙත භාර දෙනු ලැබුවා. එය භාර දීම සිදු වුණේ සීගිරිය මධ්‍යම සංස්කෘතික අරමුදලේ ශ්‍රවණාගාරයේදීයි.
මෙම යෝජනාවලියේ අරමුණු වන්නේ සීගිරියේ ඇති ඓතිහාසික, පුරාවිද්‍යාත්මක, වාස්තුවිද්‍යාත්මක, සෞන්දර්යාත්මක, විද්‍යාත්මක, තාක්ෂණික හා නාගරික භූ දර්ශනය යන ක්ෂේත්‍රයන් ආරක්ෂා වන පරිදි උරුමය සංරක්ෂණය කිරීම හා සංවර්ධනය සමතුලිතව පවත්වා ගැනීමයි.
මෙයට සීගිරිය ලෝක උරුම ලැයිස්තුවෙන් ඉවත්වීමේ අවධානම සඳහා පිළියම් යෙදීම ඇතුළු යෝජනා රැසක් ඇතුළත් වෙයි. මෙම අවස්ථාවට මධ්‍යම සංස්කෘතික අරමුදලේ අධ්‍යක්ෂ ජනරාල් ආචාර්ය නිලාන් කුරේ ඇතුළු නිලධාරීන් පිරිසක් එක්වුණා .

ලෝක සමාජ මාධ්‍ය දිනය අදයි

ශ්‍රි ලංකාවේ ජනගහනයෙන් සියයට 53ක් සමාජ මාධ්‍ය භාවිතා කරන අතර 2025 වර්ශයේ ටික් ටොක් භාවිතය සියයට 30ක වර්ධනයක් පෙන්නුම් කරන බවයි ජන සන්නිවේදන අංශයේ ජේෂ්ඨ කථිකාචාර්ය විජයානන්ද රූපසිංහ මහතා පවසන්නේ.
නව මාධ්‍ය ප්‍රවනතා ඔස්සේ මේ වනවිට සමාජ මාධ්‍ය සමාජ කණ්ඩායම්වල මූලික අංගයක් බවට පත්වි තිබෙනවා. තොරතුරු සම්පාදනය, විනෝදාස්වාදය යන මුඛ්‍ය සන්නිවේදන අවශ්‍යතා අතික්‍රමණය කරමින් මේ වනවිට සමාජ මාධ්‍ය ප්‍රබල ජනමතයක් ගොඩනගා තිබීමද විශේෂත්වයක්

2002 වසරේදි Friendster ආරම්භ වුණා.2003 වසරේදි MySpace ආරම්භ විය. ෆේස් බුක් ආරම්භ වුණේ 2004 වසරේදීයි.
මේ වන විට ෆේස් බුක්, යූ ටියුබ්, ඉන්ස්ටර්ග්‍රෑම්, ටික් ටොක් ගැන සමාජ මාධ්‍ය භාවිතය පුළුල් වී ඇත. සමාජ මාධ්‍ය දේශපාලන බල තුලනයට ද බලපෑම් සිදුකරනු ලබනවා. මානව සන්නිවේදනයේ දී සමාජ මාධ්‍ය නැතිව බැරි අංගයක් බවට පත්ව ඇත.

දකුණු අප්‍රිකානු ජනරජයේ හිටපු ජනපති සහ ජාතික ජන බලවේගයේ නායකයින් අතර හමුවක්….

ශ‍්‍රී ලංකාවේ නව පාලනය වංචවෙන් දූෂණයෙන් තොරව රට ගොඩනැගීම සඳහා ගනු ලබන ක‍්‍රියා මාර්ගයන් සම්බන්ධයෙන් දකුණු අප‍්‍රිකානු ජනරජය තුළ විශ්වාසය සහ පැහැදීමක් ඇති බව දකුණු අප්‍රිකානු ජනරජයේ හිටපු ජනපති තාබෝ ම්බෙකි (Thabo Mbeki) මහතා පවසයි. ජාතික ජන බලවේගයේ නායකයින් අද (28) දහවල් ජනතා විමුක්ති පෙරමුණේ ප‍්‍රධාන කාර්යාලයේදී හමුවු අවස්තාවෙදි මෙබව ප්‍රකාශ කෙරින . ජාතික ජන බලවේගයේ ආණ්ඩුවට මෙම හමුවේදී සුබ පැතුම් එක්කරනලදි.

ශ‍්‍රී ලංකාව තුළ ජාතික සමගිය හා සහජීවනය ගොඩනැගීම වෙනුවෙන් දකුණු අප්‍රිකාවේ අත්දැකීම් ලබා ගත හැකි බව ජාතික ජන බලවේගයේ නායකයින් මෙහිදී අදහස පළකරනු ලැබීය. ඉදිරියේදී ශ‍්‍රී ලංකා ආණ්ඩුව දකුණු අප්‍රිකාව සමග ආර්ථික, දේශපාලන හා රාජ්‍යතාන්ත‍්‍රික සමීප සබඳතා පවත්වාගෙන යාමට දෙපාර්ශ්වයම මෙම හමුවේදී එකඟ වුණා.

මෙම අවස්ථාවට ශ්‍රී ලංකාවේ දකුණු අප්‍රිකානු තානාපති Sandile Schalk, තාබෝ ම්බෙකි පදනමේ විධායක Maxwell Bÿwaí මහතා, ඇතුලූ පිරිසක් සහභාගි විය. ජාතික ජන බලෙවේගය වෙනුවෙන් ජවිපෙ ප‍්‍රධාන ලේකම් ටිල්වින් සිල්වා, ජාතික ජන බලවේගයේ ප‍්‍රධාන ලේකම් විශේෂඥ වෛද්‍ය නිහාල් අබේසිංහ, අමාත්‍ය බිමල් රත්නායක, අමාත්‍ය රාමලිංගම් චන්ද්‍රසේකර් යන අය සහභාගි විය.

ශ්‍රී ලංකාවේ ආයෝජනයට ඉන්දුනීසියාව සූදානම්…

ශ්‍රී ලංකාවේ සංවර්ධනය වෙනුවෙන් ආයෝජනයට ව ඉන්දුනීසියාඅවධානය යොමු කරයි. ඒ සඳහා අවස්ථා සලසා ගැනීම අපේක්ෂාව බව ඉන්දුනීසියා තානාපතිනිය සඳහන් කලේ මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා සමග පැවති සාකච්ඡාවකදී ය. ඊට අමතරව ප්‍රවාහන, මහාමාර්ග සහ සිවිල් ගුවන්සේවා ක්ෂේත්‍රවල ඒකාබද්ධව කටයුතු කිරීමට ද ඉන්දුනීසියාව සූදානමින් සිටී. ඉන්දුනීසියා තානාපති සමග නියෝජ්‍ය තානාපති ද සාකච්ඡාවට එක්වූහ. එහිදී ඉන්දුනීසියාවේ දුම්රිය සේවා ආශ්‍රිත විශේෂ ජයග්‍රහණ පිළිබඳව ද අදහස් හුවමාරු කර ගැනිණ. ශ්‍රි ලංකාවේ යටිතල පහසුකම් සංවර්ධනය සඳහා ක්‍රියාවට නැංවෙන ව්‍යාපෘති සම්බන්ධව ද දෙපාර්ශවය සාකච්ඡා කළේ ය.

සූර්ය බල ව්‍යාපෘති වෙනුවෙන් එන ආයෝජකයින් හැරී යාමේ අවදානමක්

පුනර්ජනනීය බලශක්ති ව්‍යාපෘතිය සඳහා වන මිලදී ගැනීමේ ගාස්තු සංශෝධනය කිරීම සම්බන්ධයෙන් රජය විසින් ගනු ලැබූ ප්‍රතිපත්ති සහ තීරණ වෙනුවෙන් පුනර්ජනනීය බලශක්ති සංවර්ධකයින්ගේ සම්මේලනය විරෝධය පළ කර තිබේ.

අද (27) පැවැති මාධ්‍ය හමුවකට එක්වෙමින් එම සම්මේලනය පැවසුවේ රජය විසින් ගනු ලැබූ මෙම තීරණය හේතුවෙන් සමස්ත පුනර්ජනනීය බලශක්ති අංශය අස්ථාවර කිරීමටත් ආයෝජකයින්ගේ විහ්වාසය බිඳ දැමීමටත් සහ මෙරට පිරිසිදු බලශක්ති ඉලක්ක අනතුරේ හෙළීමටත් තර්ජනය කිරීමක් බවය.

එම සම්මේලනය පෙන්වා දෙනුයේ බලධාරීන්ගේ මෑත කාලීන ක්‍රියා මගින් පුනර්ජනීය බලශක්ති සංවර්ධනයේ වසර ගනනාවක් පුරා ලබා ගත් ප්‍රගතිය කඩාකප්පල් කිරීමටත් සිය කර්මාන්තය දැඩි ආර්ථික හා සාමාජීය ප්‍රතිවිපාක සහිත අවිනිශ්චිත අනාගතයකට ඇද දැමීමට තැත් කරන බවය.

එමෙන්ම විදුලිය මිලදී ගැනීමේදී මිල දැඩි ලෙස අඩු කිරීම කර්මාන්තයේ ස්ථාවරත්වයට හානි කරන බවත් පුනර්ජනනීය බලශක්ති ව්‍යාපෘති සඳහා සංශෝධිත මිලදී ගැනීම් ගාස්තු හඳුන්වා දුන් මෑත කාලීක කැබිනට් පත්‍රිකාව මගින් ඉදිරි කාලයේදී රැකියා අහිමි වීම් සහ ආයෝජකයින්ගේ විශ්වාසය බිඳ වැටීම් ඇති කරනු ඇති බවත් එම සංගමය පෙන්වා දී තිබේ.

තවද මිලදී ගැනීමේ ගාස්තු දැඩි ලෙස අඩු කිරීම මගින් ආයෝජන සඳහා සෘජු බලපෑමක් එල්ල කරනු ඇති බවත් ව්‍යාපෘතිවල ශක්‍යතාව මෙම ප්‍රතිපත්ති වෙනස් කිරීම නිසා නිරන්තර තර්ජනයකට ලක්වන බැවින් දේශීය හා විදේශීය ආයෝජකයින් මෙම අංශයේ ආයෝජනය කිරීම ඉදිරි කාලයේදී මැලිකමක් දක්වනු ඇති බවත් පෙන්වා දෙන එම සංගමය පැවසුවේ එය සූර්ය විදුලි බල කර්මාන්තය ආපසු හැරවිය නොහැකි පරිහානියකට පත් කරනු ඇති බවය.

එමෙන්ම ලංකා විදුලි බල මණ්ඩලය නියමිත වේලාවට බැටරි බලශක්ති ගබඩා පද්ධති ජාතික විදුලිබල පද්ධතියට හඳුන්වාදීමට නොහැකි වීම හේතුවෙන් සූර්ය විදුලි බල අංශයේ සෘණාත්මක වර්ධනයක් නොදැනුවත්වම ඇති කර ඇති බවට සිය සංගමයේ මතය වනු ඇති බවත් පෙන්වා දෙන එම සංගමය වැඩිදුරටත් පැවසුවේ මාස 6කට වැඩි කාලයක් පුරාවට සිය සම්මේලනය විසින් විවිධ සංසදවලදී අවම වශයෙන් මෙගා වොට් පැය 1000ක බැටරි බලශක්ති ගබඩා පද්ධති ධාරිතාවක් කඩිනමින් ජාතික පද්ධතිවය වෙත ඒකාබද්ධ කරන ලෙසද නිරන්තරයෙන් ඉල්ලීම් කළ බවත් සඳහන් කර තිබේ.

එමගින්  උදෑසන 10 සිට පස්වරු 2 දක්වා කාලය තුළ උපරිම සූර්ය උත්පාදනය ගබඩා කිරීමටත්, සන්ධ්‍යා කාලයේ ඉහළ ඉල්ලුම් පැය තුළදී ඒවා භාවිතා කිරීමටත්, එමගින් ජාල ස්ථායිතාව වැඩි දියුණු කිරීමටත්, පුනර්ජනනීය බලශක්ති උපයෝගීතාව උපරිම කිරීමටත් හැකි වනු ඇති බවත් එම සංගමය පෙන්වා දී තිබේ.

කෙසේ අඛණ්ඩ ඉල්ලීම්, ලංවිම සහ විදුලිබල හා බලශක්ති අමාත්‍යාංශයේ  අවධානයට ලක් නොවූ බවත් පෙන්වා දෙන පුනර්ජනනීය බලශත්කි සංවර්ධකයින්ගේ සම්මේලනය සඳහන් කළේ බැටරි බලශක්ති ගබඩා පද්ධති සඳහා මිලදී ගැනීමේ ගාස්තු පිළිබඳ මෙම  සතියේ  නිවේදනයක් නිකුත් කර ඇතත්, පැහැදිලි මෙහෙයුම් මාර්ගෝපදේශ නොමැතිකම හේතුවෙන් එය කර්මාන්තය තුළ තවදුරටත් ව්‍යාකූලත්වයක් පමණක් ඇති කර ඇති බවය.