වත්මන් රජයෙන් ගොවියා මහපාරට දමා රණවිරු දඩයම පටන්ගෙන තිබෙන බවත් පාර්ලිමේන්තු මන්ත්‍රී ශ්‍රී ලංකා පොදු පෙරමුණේ ජාතික සංවිධායක නාමල් රාජපක්ෂ පවසනවා.
මාතලේ දිස්ත්‍රික්කයේ පැවති ජන හමුවකට එක්වෙමින් මන්ත්‍රීවරයා මේ බව කියා සිටියා.
ශ්‍රී ලංකා පොදු ජන පෙරමුණේ මාතලේ දිස්ත්‍රික් සංවිධායක නිශාන්ත ඩයස් බණ්ඩාර ඇතුළු කණ්ඩායමක් මෙම උත්සවය සංවිධාන කොට තිබුණා.
දේශීය ලොකුලූණු, අර්තාපල් සහ වී ගොවීන් මෙන්ම ලාංකික ගොවියාට රජය විසින් ලබා දුන් පොරොන්දු කිසිවක් වර්තමාන රජය විසින් ඉටු නොකරන බව මන්ත්‍රීවරයා පෙන්වා දුන්නා. මේ අතර විදේශ රටවලින් ගෙන්වන භෝග සඳහා ඉඩ ලබා දී දේශීය ගොවියා විනාශ කිරීමේ සැලසුම ක්‍රියාත්මක වන බවද නාමල් රාජපක්ෂ මන්ත්‍රීවරයා වැඩිදුරටත් කියා සිටියා.
