චීන හා යුරෝපා සංගම් ඉහළ පෙළේ පරිසර හා දේශගුණ විපර්යාස සංවාදයක
දුෂ්කර පාසල් සංවර්ධනය කීරිම සදහා තොරාගැනීමේදී හිතවත්කම් මත නොව දිස්ත්‍රික් කමිටුවේ අනුමැතියෙන්
ශ්‍රී ලංකාවේ න්‍යෂ්ටික බලශක්ති අව්ශ්‍යාතාව සොයා බැලේ
ඩොනල්ඩ් ට්‍රම්ප්ගෙ තීරු බදු යුරෝපා සංගමයේ රටවලට සහ මෙක්සිකෝව සඳහා 30% ක්
ක්‍රීඩාංගනයකට සමාන විශාල ග්‍රහ වස්තුවක් පෘථිවියට ආසන්නව ගමනේ
Hot News

ක්‍රිකට් ක්‍රීඩා ව අලුතින් පටන්ගන්න පාසල් 30 කට ක්‍රීඩා උපකරන.

ක්‍රිකට් ක්‍රීඩාව වැඩිදියුණු කිරීමට අවශ්‍ය පහසුකම් ලබාදිම තුළින් ප්‍රාදේශීය මට්ටමෙන් ක්‍රිකට් ක්‍රීඩාවට කුසලතා සහිත දරුවන්…

Editor

හෙට දින සිට කාළගුණ වෙනසක්

හෙට දින සිට දිවයිනේ නිරිත දිග කොටසේ වැසි තත්වයේ වැඩි වීමක් දැක ගත හැකි බව කාලගුණ විද්‍යා දෙපාර්තමේන්තුව පවසයි.

දිවයින හරහා සහ දිවයින වටා මුහුදු ප්‍රදේශවල තද සුළං ඇති වේ.
හලාවත සිට පුත්තලම , මන්නාරම හරහා කන්කසන්තුරය දක්වා , ගාල්ල සිට හම්බන්තොට , පොතුවිල් දක්වා වෙරළට ඔබ්බෙන් වන මුහුදු ප්‍රදේශ විටින් විට රළු වේ.

හලාවත සිට කොළඹ , ගාල්ල දක්වා සහ කන්කසන්තුරේ සිට මුලතිව් , ත්‍රිකුණාමලය දක්වා වන මුහුදු ප්‍රදේශ රළු වේ.

හම්බන්තොට සිට පොතුවිල් දක්වා වූ වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් (2.5-3.0) ක් පමණ ඉහළ යාමේ හැකියාවක් ඇතැයි කාලගුණ විද්‍යා දෙපාර්තමේන්තුව පවසයි.

මේ පිළිබඳ සිය අවධානය යොමු කරන ලෙස ධීවර හා නාවික ප්‍රජාවගෙන් ඉල්ලා සිටියි.

ගිරා සොරකම ඇතුලෙම වැඩක්ද ?

ජාතික සත්වෝද්‍යානයේ ආරක්ෂාව තර කිරීමට කටයුතු කරන බව එහි අධ්‍යක්ෂ ජෙනරාල් වෛද්‍ය චන්දන රාජපක්ෂ මහතා පවසයි. දැනට දොළොස් දෙනෙක් පමණ වූ ආරක්ෂක නිලධාරීන් සංඛ්‍යාව ඉහළ නැංවීමට කටයුතු කරන බවද ඔහු කියා සිටී.

දෙහිවල සත්ව උද්‍යානයේ මැකෝ ගිරවකු සොරකම් කර ඇත්තේ පසුගිය හතරවෙනිදා රාත්‍රියේයි.ඒ වගකීම පරිපාලන අංශය භාරගත යුතු බව ඔහු පවසයි. ඒ පිළිබඳව මේ වන විට විමර්ශන දෙකක් ක්‍රියාත්මක වේ. පොලිස් විමර්ශනයක් හා සත්ව උද්‍යාන අභ්‍යන්තර පොලිස් විමර්ශනයක් ක්‍රියාත්මකයි.

ගිරවා සොරකම් කළ පුද්ගලයා සත්ව උද්‍යානයට ඇතුළු වූයේ කොතනින්ද යන්න නිශ්චිතව හඳුනාගෙන නොමැති අතර කූඩුවේ ඉබ්බා කඩා සොරකම සිදු කර ඇති බව එහි අධ්‍යක්ෂ ජෙනරාල් වෛද්‍ය රාජපක්ෂ මහතා වැඩිදුරටත් පැවසුවා.

සති දෙකක් තුළ සාකච්ඡාවක් දෙන බව රජය කිව්වත් ඊට පෙර වර්ජනයේ.

අද (09 ) දිවයින පුරා පශු වෛද්‍යවරුන්ගේ සංකේත වැඩ වර්ජනයක් ක්‍රියාත්මක බව පශු වෛද්‍යවරුන්ගේ සංගමයේ සභාපති උපුල් රංජිත් මහතා පවසා සිටියි.

සති දෙකක් ඇතුළත සංගමයට සාකච්ඡාවක් ලබා දෙන බව දැන්වුවද එය නොසලකා හැර ඇතැයි කෘෂි කර්මාන්ත පශු සම්පත් වාරිමාර්ග අමාත්‍යාංශයේ ඉහළ නිලධාරියෙක් channel 7 වෙත පවසා සිටියේ.

අමාත්‍යවරයාගේ උපදෙස් පරිදි මෙම ලිපිය දින කිහිපයකට පෙර පශු වෛද්‍යවරුන්ගේ වෘත්තීය සංගමයට යොමු කර ඇත.නව සේවා ව්‍යවස්ථාව ස්ථාපිත කර දෙන ලෙසයි වෘත්තීය සමිති සංගමයේ මූලික ඉල්ලීම බවට පත්වී ඇත්තේ.

අදාළ නිලධාරී සමග කලින් සාකච්ඡා පවත්වා ඇතත් ගැටළු වලට විසඳුම් නොලැබුණු බවයි සංගමයේ සභාපති උපුල් රංජිත් කියා සිටියේ

බංග්ලාදේශ ක්‍රිකට් කණ්ඩායම මේ මාසයේ 17 සිට ජූලි 16 දක්වා ශ්‍රී ලංකාවේ

බංග්ලාදේශ ක්‍රිකට් කණ්ඩායම මේ මාසයේ 17 සිට ජූලි 16 දක්වා ශ්‍රී ලංකාවේ සංචාරය කරන අතර, එහිදී ටෙස්ට් තරග දෙකක්, එක්දින තරග තුනක් සහ විස්සයි20 තරග තුනක් ක්‍රීඩා කිරීමට නියමිතයි .මෙම ටෙස්ට් තරගාවලිය ICC ලෝක ටෙස්ට් ශූරතාවලියේ කොටසක් ලෙස සිදුකෙරේ.

මස්ක් සහ ට්‍රම්ප් අතර ගැටුම අවසන් වෙයිද ?

ඇමරිකානු ජනාධිපති ට්‍රම්ප් සහ ලොව ධනවත්ම මිනිසා වන එලෝන් මස්ක් අතර ඇති වූ ප්‍රසිද්ධ ගැටුම සමතයකට පත්වීමේ සලකුණු පෙන්නුම් කරමින් , සිකුරාදා සවස් භාගයේදී X හි පළ කළ සටහනකින් එලොන් මස්ක් ජනාධිපති ට්‍රම්ප්ට සුභ පතා තිබේ .

සිකුරාදා පෙරවරුවේ මස්ක් ගැන විමසූ විට, ට්‍රම්ප් , ප්‍රකෝටිපතියාට පහර දීමෙන් වැළකී, “මම ඔහුට සුභ පතනවා” යැයි වාර්තාකරුවන්ට පැවසීය. පැය කිහිපයකට පසු, මස්ක් ජනාධිපතිවරයාගේ අදහස්වල වීඩියෝවකින් ඒ ආකාරයෙන්ම පිළිතුරු දෙන ලදී.
අන්‍යෝන්‍ය සුභ පැතුම් මස්ක් සහ ට්‍රම්ප් අතර සැබෑ සංහිඳියාවක් සනිටුහන් කරයිද යන්න පැහැදිලි නැත, ඔහු බ්‍රහස්පතින්දා දවස පුරා රණ්ඩු විය. ට්‍රම්ප් සිකුරාදා මුලදී වාර්තාකරුවන්ට පැවසුවේ ටෙස්ලා ප්‍රධාන විධායක නිලධාරියා සමඟ කතා කිරීමට තමාට කිසිදු සැලසුමක් නොමැති බවත්, මස්ක් නව දේශපාලන පක්ෂයක් ආරම්භ කිරීම පිළිබඳව දිගින් දිගටම කල්පනා කරන බවත්ය.

ක්‍රිකට් ක්‍රීඩා ව අලුතින් පටන්ගන්න පාසල් 30 කට ක්‍රීඩා උපකරන.

ක්‍රිකට් ක්‍රීඩාව වැඩිදියුණු කිරීමට අවශ්‍ය පහසුකම් ලබාදිම තුළින් ප්‍රාදේශීය මට්ටමෙන් ක්‍රිකට් ක්‍රීඩාවට කුසලතා සහිත දරුවන් හඳුනා ගැනීම’ අරමුණු කර ගනිමින් ක්‍රිකට් උපකරණ බෙදාදීමෙ වඩසටහනක් තරුණ කටයුතු සහ ක්‍රීඩා අමාත්‍යංශය මඟින් ක්‍රියාත්මක කෙරෙ. එ අනුව
බස්නාහිර පළාත් පාසල් සඳහා ක්‍රිකට් උපකරණ බෙදාදීම ක්‍රීඩා නියෝජ්‍ය අමාත්‍ය සුගත් තිලකරත්න අමාත්‍යවරයාගේ ප්‍රධානත්වයෙන් තරුණ කටයුතු සහ ක්‍රීඩා අමාත්‍යංශයේ දී සිදුවිය .බ්ස්නහිර පළාතේ තෝරාගත්, නව (දැනට ක්‍රිකට් ක්‍රීඩාව නොපවතින) පාසල් 30 ක් සඳහා පැති විකට්, ක්‍රිකට් ක්‍රීඩා උපකරණ ලබා දීම මෙහිදී සිදු කෙරිණි. ශක්තිමත් ජාතික ක්‍රිකට් කණ්ඩායමක් නිර්මාණය කිරීම සඳහා පදනමක් ගොඩනැගීමටත්, මානව සම්පත හඳුනා ගැනීම තුළින් ක්‍රිකට් ක්‍රීඩාව කර්මාන්තයක් ලෙස වර්ධනය කිරීමටත් බලාපොරොත්තු වේ.

මෙම අවස්ථාවට ක්‍රීඩා නියෝජ්‍ය අමාත්‍ය සුගත් තිලකරත්න, තරුණ කටයුතු සහ ක්‍රීඩා අමාත්‍යංශයේ නිළධාරීන්, බස්නාහිර පළාත් තෝරාගත් පාසල් වල විදුහල්පතිවරුන්, ගුරුභවතුන් සහ පාසල් ශිෂ්‍ය ශිෂ්‍යාවන් සහභාගී විය.
මෙම වැඩසටහන සියලුම දිස්ත්‍රික්ක ඉලක්ක කරගනිමින් සිදු කරන බවත්, එහි ප්‍රතිලාභ සියලුම ක්‍රිකට් ක්‍රීඩාවෙ යෙදෙන පාසල් වල දරුදැරියන්ට ලැබෙන බවත් පැවසූ නියෝජ්‍ය අමාත්‍යවරයා, ක්‍රීඩා භාණ්ඩ මිලදී ගැනීමට වත්කමක් නොමැති බොහෝ දරු දැරියන් සිටින බැවින් මෙම ක්‍රිකට් උපකරණ ලබා දීම ඔවුන්ගේ ක්‍රීඩා ජීවිතයට උපකාරී වනු ඇතැයි තමන් අපේක්ෂා කරන බව වැඩිදුරටත් පැවසුවේ ය.

රාජ්‍ය ආයතනවල අල්ලස හා දුෂණ වැලැක්වීමට අභ්‍යන්තර ඒකක

අල්ලස හා දුෂණයෙන් තොර රාජ්‍ය සේවයක් සදහා ඒ ඒ ආයතනවල අභ්‍යන්තර එකක පිහිටුවීමේ ක්‍රියාවලිය අග්‍රාමාත්‍ය කාර්යාලයෙන් ආරම්බකෙරේ .
ජනාධිපති ලේකම් නිකුත් කළ PS/SB/Circular/2/2025 චක්‍රලේඛය අනුව අග්‍රාමාත්‍ය කාර්යාලයේ අභ්‍යන්තර කටයුතු ඒකකය පිහිටුවීම අග්‍රාමාත්‍ය ලේකම් ප්‍රදීප් සපුතන්ත්‍රී මහතාගේ ප්‍රධානත්වයෙන් ) අරලියගහ මන්දිරයේ දී සිදු කෙරිණ. නිලධාරීන්ගේ සුපිළිපන්නභාවය තහවුරු කරමින් අල්ලස සහ දූෂණයෙන් තොර රාජ්‍ය සේවයක් ශ්‍රී ලංකාව තුළ නිර්මාණය කිරීමේ අත්‍යවශ්‍ය වැදගත්කම කෙරෙහි රජයේ ප්‍රමුඛතම අවධානය යොමුකර තිබේ. රාජ්‍ය අංශය තුළ ශක්තිමත් දුෂණ විරෝධී ක්‍රියා මාර්ග හඳුන්වා දීම, ආණ්ඩුක්‍රම ව්‍යවස්ථාවේ 156 වැනි වගන්තිය යටතේ සහතික කර ඇත. දූෂණයට එරෙහි එක්සත් ජාතීන්ගේ සම්මුතිය (UNCAC) ඇතුළු අනෙකුත් දූෂණ විරෝධී ජාත්‍යන්තර සම්මුතීන් ක්‍රියාත්මක කිරීම, 2023 අංක 9 දරන දූෂණ විරෝධී පනත සහ අල්ලස් හා දුෂණ වැළැක්වීමේ ජාතික ක්‍රියාකාරී සැලැස්ම (2025-2029) වෙනුවෙන් අභ්‍යන්තර කටයුතු ඒකකය පිහිටුවීම සිදු කරන ලදී.
ශ්‍රී ලංකාවේ රාජ්‍ය අංශය තුළ දූෂණය මැඩලීමේ ක්‍රියාවලියේ ප්‍රධාන මුල පිරීමක් ලෙස රාජ්‍ය අංශය පුරා විනිවිදභාවය, වගවීම සහ සුපිළිපන්නභාවය පෝෂණය කරන සංස්කෘතියක් නිර්මාණය කර, සියලුම පුරවැසියන්ට ඵලදායි රජයේ සේවාවන් සැපයීම මෙහි අරමුණයි.

ආයතනය තුළ දූෂණය වැළැක්වීම සහ සුපිළිපන්න සංස්කෘතියක් වර්ධනය කිරීම, ආයතනයේ සියලුම ක්‍රියාකාරකම්වල විනිවිදභාවයත් වගවීමත් සහතික කිරීම මෙන්ම ආයතනික ක්‍රියාකාරකම් සහ තීරණ සම්බන්ධ තොරතුරු වෙත මහජන ප්‍රවේශය සහතික කිරීම, ආයතනය තුළ සදාචාරාත්මක පාලනය ප්‍රවර්ධනය කිරීම, විෂමාචාර වාර්තා කිරීම දිරිගැන්වීම, තොරතුරු හෙළි කරන්නන් ආරක්ෂා කිරීම සහ රහස්‍යභාවය පවත්වා ගැනීම සඳහා ආරක්ෂිත ප්‍රවේශ ක්‍රමවේදයක් සකස් කිරීම, නීතිය ක්‍රියාත්මක කරන ආයතන සහ අල්ලස් හෝ දුෂණ චෝදනා විමර්ශන කොමිෂන් සභාව සමඟ සහයෝගයෙන් නීති බලාත්මක කිරීමට සහාය වීම ද මෙමගින් අපේක්ෂා කෙරේ.
ඒ අනුව අග්‍රාමාත්‍ය කාර්යාලයේ අභ්‍යන්තර කටයුතු ඒකකයේ ප්‍රධානී ලෙස අතිරේක ලේකම් (පාලන) රුවන් ජයසුන්දර මහතා ද, සුපිළිපන්න නිලධාරී ලෙස පරිපාලන නිලධාරී කේ. ඒ. එස්. ශ්‍රීපාලි මහත්මිය ද පත්කර තිබේ.
අග්‍රාමාත්‍ය කාර්යාලයේ කටයුතු සම්බන්ධයෙන් වන පැමිණිලි, යෝජනා චෝදනා වෙනුවෙන් පැමිණිලි පෙට්ටි දෙකක් අරලියගහ මන්දිරය සහ සිරිමතීපායේ පිහිටි අග්‍රාමාත්‍ය කාර්යාලයේ ස්ථානගත කර ඇත. ඊට අමතරව 0711130898 වට්ස් අප් අංකයෙන්, 0114354754 දුරකථන අංකයෙන් හා [email protected] ඊමේල් මඟින්ද පැමිණිලි යොමු කළ හැකිය.

තඹුත්තේගම රෝහල පොකුරු සෞඛ්‍ය පද්ධතියක් ලෙස ජාලගත කෙරෙයි.

නියමු ව්‍යාපෘතියක් ලෙස තඹුත්තේගම මූලික රෝහල අවට ඇති ප්‍රාදේශීය රෝහල් සහ සෞඛ්‍ය වෛද්‍ය නිලධරි කාර්යාල පොකුරු සෞඛ්‍ය පද්ධතියක් ලෙස ජාලගත කෙරුනා. මේ යටතේ ඉදිරියේදී දිවයිනේ සියලුම රෝහල් ජාලගත කෙරෙනවා.

පද්ධතිය මඟින් ඉහල විශේෂඥ සත්කාර සපයන රෝහලක් වටා ඇති ප්‍රදේශීය රෝහල් සහ සායන පොකුරු ලෙස සම්බන්ද කෙරෙනවා. ඒ මඟින් බලයලත් වෛද්‍යවරුන්ට සහ හෙදියන්ට රෝගීන් පිළිබඳ වැදගත් තොරතුරු අධ්‍යයනයට ඉඩ සැලසෙනවා.

සියලුම තොරතුරු අනෙකුත් රොහල් සමඟ ජාලගත කෙරෙනවා. රසායනාගාර නොමැති රෝහලක් නම් පොකුර තුල ඇති රෝහලකට පරීක්ෂණ සාම්පල යොමු කෙරෙනවා.

මෙරට සෞඛ්‍ය සේවා පද්ධතිය ඩිජිටල්කරනය කිරීමට සමගාමීව මෙම වැඩපිලිවෙල සෞඛ්‍ය හා ජනමාධ්‍ය අමාත්‍ය නලින්ද ජයතිස්ස, ආසියානු සංවර්ධන බැංකුවේ ශ්‍රීලංකා සහ මාලදිවයින් සෞඛ්‍ය අංශ ප්‍රධනි Dai Ling යන මහත්වරු ඇතුලු පිරිසකගේ සහභාගිත්වයෙන් ආරම්භ කෙරුනා. ආසියානු සංවර්ධන බැංකුවේ සහය මේ සඳහා ලැබෙනවා.

ට්‍රම්ප්ගේ සංචාරක තහනම ඇමෙරිකාවටම පාරාවලල්ලක්

ට්‍රම්ප්ගේ සංචාරක තහනම ඇමෙරිකාවටම පාරාවලල්ලක් විය හැකිබවට විවිධ අදහස් පලවෙමින් තිබේ .මෙම තහනම මගින් ඉරානය, ලිබියාව සහ යේමනය ඇතුළු රටවල් 12 ක පුරවැසියන් සඳහා සංක්‍රමණික සහ සංක්‍රමණ නොවන වීසා බලපත්‍ර සම්පූර්ණයෙන්ම අත්හිටුවා ඇත. ඊට අමතරව, කියුබාව සහ වෙනිසියුලාව වැනි රටවල් හතක් ඇතැම් වීසා කාණ්ඩවලට බලපාන අර්ධ සීමාවන්ට මුහුණ දෙයි.
ජාතික ආරක්ෂක ගැටළු උපුටා දක්වමින් ජාත්‍යන්තර සිසුන් හාවඩ් විශ්ව විද්‍යාලයට ඇතුළත් වීම තහනම් කිරීමට පරිපාලනය දරන උත්සාහය තවදුරටත් ඉදිරියටයමින් මෙම තීරණය ගෙන ඇත. ෆෙඩරල් අධිකරණයක් විසින් මෙයට එරෙහිව තාවකාලික වාරණයක් නියෝග කලත් ට්‍රම්ප් ගේ ක්‍රියාපිළිවෙත තවදුරටත් දැඩි කරමින් සිටියි.
එක්සත් ජනපද උසස් අධ්‍යාපනය සඳහා පැමිණෙන ජාත්‍යන්තර සිසුන් විශේෂයෙන් STEM ක්ෂේත්‍රවල පර්යේෂණ සඳහා සැලකිය යුතු දායකත්වයක් ලබා දෙන අතර වත්මන් වාතාවරණය තුල ගෝලීය දක්ෂතා වළක්වන අතර, උසස් අධ්‍යාපනයේ සහ නවෝත්පාදනයේ ප්‍රමුඛයෙකු ලෙස එක්සත් ජනපදයේ ස්ථානයට බලපෑම් කළ හැකි බව මෙම තහනමට විරෝධය පලකරන පිරිස් පෙන්වාදෙතෙති . එ මෙන්ම පර්යේෂණ සහ නවෝත්පාදන සඳහා සීමා කිරීම් ජාත්‍යන්තර සහයෝගීතාවයන්ට බාධාවක් වනු ඇතැයි අපේක්ෂා කෙරේ, විශේෂයෙන් බෝවන රෝග පර්යේෂණ වැනි තීරණාත්මක ක්ෂේත්‍රවල. බලපෑමට ලක් වූ රටවලින් පර්යේෂකයන් ඉවත් කිරීම අඛණ්ඩ ව්‍යාපෘතිවලට බාධාවක් විය හැකි අතර විද්‍යාත්මක දියුණුවේ ප්‍රගතියට බාදා ඇති කරයි.
සංචාරක තහනම ජාත්‍යන්තර ප්‍රජාවෙන් දැඩි විවිචනයට ලක්ව තිබේ. හයිටි සහ වෙනිසියුලාව වැනි රටවල්, දැනටමත් අභ්‍යන්තර දුස්කරතා සමග පොරබදමින් සිටින අතර,මෙම තහනම පවතින දුෂ්කරතා උග්‍ර කරනු ඇති සැලකේ . මෙම ප්‍රතිපත්තිය බොහෝ දෙනෙකු විසින් වෙනස් කොට සැලකීමක් ලෙස සලකන අතර එහි මානුෂීය නොසලකා හරිම පිළිබද අප්‍රසාදය ද මතු කර ඇත.

ශාස්ත්‍රීය හා පර්යේෂණවලට අමතරව, සංචාරක තහනම මගින් පුළුල් ආර්ථික ප්‍රතිවිපාක ඇති කළ හැකිය. ජාත්‍යන්තර සිසුන් සහ වෘත්තිකයන් එක්සත් ජනපද ආර්ථිකයේ විවිධ අංශවලට දායක වේ. ඔවුන්ගේ ප්‍රවේශය සීමා කිරීම පාරිභෝගික වියදම් අඩුවීමට, නවෝත්පාදන අඩුවීමට සහ විශේෂිත ක්ෂේත්‍රවල විභව ශ්‍රම හිඟයට හේතු විය හැක.

සෑම ව්‍යාපෘතියක් ම නියමිත කාලයෙදි අවසන් කරන්න – ජනපති

මෙවර අය වැය මඟින් වෙන්කල මූල්‍ය ප්‍රතිපාදන යටතේ නාගරික සංවර්ධන ඉදිකිරීම් හා නිවාස අමාත්‍යංශය යටතේ ක්‍රියාත්මක කරන ව්‍යාපෘති වල ප්‍රගතිය සමාලෝචනය වල සාකච්ඡාවක් අද ජනාධිපති කාර්‍යලයේදී පැවැත්විණි.

සාකච්ඡා ව පැවත්වුනේ ජනාධිපති අනුර කුමාර මහතාගේ ප්‍ර්ධානන්තවයෙන් . මෙහිදි සෑම ව්‍යාපෘතියක්ම සැලසුම් කර පරිදි නියමිත කාලපරිච්ඡේදය තුළ අවසන් කිරීමට කටයුතු කරන ලෙස අදාල නිලධාරීන්ට ජනාධිපතිතුමා උපදෙස් ලබා දුන්නා.
ආකර්ෂණීය සංචාරක ගමනාන්තයක් බවට ශ්‍රි ලංකාව පත් කිරීමෙ අරමුණු ඇතුව ක්‍රියාත්මක කෙරෙන ව්‍යාප්ති කිහිපකයක් පිලිබදව මෙහිදි සාකච්ඡාවට ලක් වුනා. කොලඹ දිස්ත්‍රික්කයේ ඇල මාර්ග පවිත්‍රතා සඳහා කසල කලමණාකරන ව්‍යාපෘති , ජල ව්‍යාපෘති සහ නිවාස ආධාර ව්‍යාපෘති වල ක්‍රියාකාරීත්වය සහ වත්මන් ප්‍රගතිය මෙහිදි දීර්ඝ වශයෙන් සාකච්ඡා කෙරුණා.

නාගරික සංවර්ධන ඉදිකිරීම් සහ නිවාස අමත්‍ය අනුර කරුණාතිලක, ජනාධිපති ලේකම්, ආචාර්‍ය නන්දික සරත් කුමාර්නායක යන මහත්වරු ඇතුලු අමාත්‍යංශ කිහිපයක නිලධාරී එක්ව සිටියා.