ක්‍රීඩාංගනයකට සමාන විශාල ග්‍රහ වස්තුවක් පෘථිවියට ආසන්නව ගමනේ
පිරමීඩය උගුලකි – වැරදි මාර්ගයට නොයන්න.
ගුවන් යානයේ එන්ජින් දෙකෙහිම ඉන්ධන කපා හැරීමේ ස්විචයන් “RUN” ස්ථානයේ සිට “CUTOFF” ස්ථානයට, මාරුකරලා
ක්‍රීඩාංගනයකට සමාන ග්‍රහ වස්තුවක් පෘථිවියට ආසන්නයෙන්
විෂයන් නවයටම A සාමාර්ථ ගත් සිසුන් 13392ක්
Hot News

තුෂාර උපුල්දෙණියගේ වැඩ බැලීමට අධිකරණ අමාත්‍යාංශයේ අතිරේක ලේකම් එච්.එම්. එන්. සී ධනසිංහ පත් කෙරේ

මේ වනවිට රක්ෂිත බන්ධනාගාරගත කර සිටින බන්ධනාගාර කොමසාරිස් ජනරාල් තුෂාර උපුල්දෙණියගේ තනතුරේ වැඩ බැලීම සඳහා…

Channel7.lk
Hot News

මෑන්හන්ට් ඉන්ටර්නැෂනල් තරගාවලියේ අනුශූරතාව ශ්‍රී ලංකාවට

ඊයේ (10) තායිලන්තයේ බැංකොක්හි පැවති 23 වන මෑන්හන්ට් ඉන්ටර්නැෂනල් තරගාවලියේදී ශ්‍රී ලංකාවේ පියුමාල් සිතුම් අනුශූරතාවය…

WEB EDITOR

අද පලතුරු 1Kg සඳහා තොඟ මිල රුපියල්

ජනපති අනුර කුමාර දිසානායක ජර්මානු ජනපති හමුව අද පස්වරුවේ.

ජර්මානු ෆෙඩරල් ජනරජයේ නිල සංචාරයක නිරත වන ජනාධිපති අනුර කුමාර මහතා පිළිගැනීමේ නිල උත්සවය අද පස්වරුවේ බර්ලිනයේ බෙල්වීව් මන්දිරයේ පැවැත්වේ.

පිළිගැනීමේ උත්සවය පැවැත්වෙන්නේ ජර්මානු ජනාධිපති ෆ්‍රෑන්ක් වෝල්ටර් ස්ටයින්මියර් ම්හතාගේ ප්‍රධානත්වයෙනි.
ඉන් අනතුරුව ජනාධිපතිවරයන් දෙපල අතර නිල සාකච්ඡා පැවැත්වීමට නියමිතයි.

ජර්මානු ෆෙඩරල් ජනරජයේ නිල සංචාරය සඳහා දිවයිනෙන් පිටත්ව ගිය ජනාධිපති අනුර කුමාර මහතා අද පෙරවරුවේ බර්ලින්හි බ්‍රැන්ඩන්බර්ග් ජාත්‍යන්තර ගුවන්තොටුපළට ළඟා විය.

මෙම සංචාරය සඳහා ජනාධිපතිවරයා සමඟ විදේශ කටයුතු,විදේශ රැකියා සහ සංචාරක අමාත්‍ය විජිත හේරත් ඇතුළු ජ්‍යෙෂ්ඨ නිලධාරීන් කිහිපදෙනෙක් එක්වුණා

YouTube player

අදත් තද වැසි ඇතිවීමේ ලකුණු

බස්නාහිර, සබරගමුව, මධ්‍යම, දකුණු සහ වයඹ පළාත්වල විටින් විට වැසි ඇති වන බව කාළගුණ විද්‍යා දෙපාර්තමේන්තුව පවසයි.
නුවරඑළිය,මහනුවර,කළුතර,ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 100 ක පමණ වූ තද වැසි ඇති වේ.
උතුරු පළාතේ අනුරාධපුරය දිස්ත්‍රික්කයේ මද වැසි ඇති වේ.
මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු – මැද, බස්නාහිර, සබරගමුව, වයඹ සහ දකුණු පළාත්වල හා ත්‍රිකුණාමලය දිස්ත්‍රික්කයෙන් විටින් විට හමන සුළඟ පැ.කි.මී. (50-60) අතර වේ.

තද සුළං වලින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාළගුණ විද්‍යා දෙපාර්තමේන්තුව ජනතාවගෙන් ඉල්ලා සිටියි.

මී උණ පැතිරීමේ අවදානමක්

මී උණ පැතිරීමේ අවදානමක් පවතින බව සෞඛ්‍ය අමාත්‍යංශය පවසනවා.

අවදානම් කලාප ලෙස නම්කර තිබෙන්නේ රත්නපුර, කුරුණෑගල ,කෑගල්ල, ගම්පහ සහ කළුතර යන දිස්ත්‍රිකයි.
කුඹුරු ගොවීන්, කීර ගොවීන් , පතල්කරුවන්, මීරිදිය ධීවරයින් රෝගයට ගොදුරු විය හැකි කණ්ඩායම් ලෙස හදුනාගෙන තිබේ.
නාගරික ප්‍රදේශ වල මඩ ආශ්‍රිත ස්ථානයන්හි ගැවසෙන පිරිස්ද මේ අවදානමට ගොදුරු විය හැකි බැවින් ප්‍රවේශම් වන ලෙස අමාත්‍යංශය මහජනතාවගෙන් ඉල්ලා සිටියි.

ICC ලෝක ටෙස්ට් ශූරතාවලියේ අවසන් මහා තරගය අද

ජූනි 11 වන දින සිට ආරම්භ වන ලෝක ටෙස්ට් ශූරතාවලියේ අවසන් තරගය අද එංගලන්තයේ ලෝඩ්ස් ක්‍රීඩාංගනයේදී ආරම්භ වීමට නියමිතය.
WTC අවසන් මහා තරගය ඕස්ට්‍රේලියාව සහ දකුණු අප්‍රිකාව අතර අද පස්වරු තුනට ආරම්භවේ.
ජයග්‍රහකයින් සඳහා ඇමරිකානු ඩොලර් මිලියන 3.6 ක ත්‍යාග මුදලක් ලබාදීමට නියමිතයි. දෙවන ස්ථානය සඳහා ඇමරිකානු ඩොලර් මිලියන 2.16 ක මුදලක් ලබා දේ.
තරගය ජය පරාජයෙන් තොරව හෝ සම තත්ත්වයෙන් අවසන් වුවහොත් ලෝක ටෙස් ශූරතා සෙංකෝලය ඕස්ට්‍රේලියාව සහ දකුණු අප්‍රිකාව අතර බෙදාගනු ඇත.
තරඟයේ ජුනි 11 වන දින සිට 15 වන දින දක්වා පැවැත්වේ. ජුනි 16 වන දින අතිරේක දිනයක් ලෙස තබා ඇත.

ක්‍රීඩා කිරීමට නියමිත ක්‍රීඩකයින් එකලොස් දෙනාගේ නම් නිල වශයෙන් දැනුම් දීම ඊයෙ දිනයේදී සිදුවුනා.
දකුණු අප්‍රිකා XI :ඒඩන් මාක්‍රම්,රයන් රිකෙල්ටන්, වියාන් මෝල්ඩර්, ටෙම්බා බවුමා (c), ට්‍රිස්ටන් ස්ටබ්ස්, ඩේවිඩ් බෙඩිංහැම්, කයිල් වෙරයින් (wk), මාකෝ ජැන්සන්, කේෂව් මහරාජ්, කගීසෝ රබාඩා.
ඕස්ට්‍රේලියානු XI කණ්ඩායම : උස්මාන් කවාජා,මාර්නස් ලබුශේන්, කැමරන් ග්‍රීන්, ස්ටීව් ස්මිත්, ට්‍රැවිස් හෙඩ්, බියු වෙබ්ස්ටර්, ඇලෙක්ස් කේරි (wk), පැට් කමින්ස් (c), මිචෙල් ස්ටාක්, නේතන් ලියොන්,ජොෂ් හේසල්වුඩ්.

හෙට සිට විදුලි ගාස්තු 15%කින් ඉහළට

අද මධ්‍යම රාත්‍රියේ සිට ක්‍රියාත්මක වන පරිදි 2025 වසරේ දෙවන අර්ධය සඳහා විදුලි ගාස්තුව 15%කින් ඉහළ දැමීමට ශ්‍රී ලංකා මහජන උපයෝගීතා කොමිසම තීරණය කර තිබේ.

ශ්‍රී ලංකා මහජන උපයෝගීතා කොමිසම විශේෂ මාධ්‍ය හමුවක් පවත්වමින් මේ බව ප්‍රකාශ කර ඇත.

තුෂාර උපුල්දෙණියගේ වැඩ බැලීමට අධිකරණ අමාත්‍යාංශයේ අතිරේක ලේකම් එච්.එම්. එන්. සී ධනසිංහ පත් කෙරේ

මේ වනවිට රක්ෂිත බන්ධනාගාරගත කර සිටින බන්ධනාගාර කොමසාරිස් ජනරාල් තුෂාර උපුල්දෙණියගේ තනතුරේ වැඩ බැලීම සඳහා අධිකරණ සහ ජාතික ඒකාබද්ධතා අමාත්‍යාංශයේ අතිරේක ලේකම් එච්.එම්. එන්. සී ධනසිංහ නිත්‍ය තනතුරේ රාජකාරීවලට අමතරව එම තනතුරේ වැඩබැලීම සඳහා පත්කිරීමට කැබිනට් අනුමැතිය හිමිව තිබෙනවා. මේ වනවිට රක්ෂිත මේ අතර බන්ධනාගාරගත කර සිටින තුෂාර උපුල්දෙණියගේ වැටුප, වැඩතහනමට ලක්ව ඇති කාලසීමාව තුළ අඩක් ගෙවීමට අමාත්‍ය මණ්ඩල අනුමැතිය හිමිව තිබෙනවා.

කැබිනට් මාධ්‍ය ප්‍රකාශක, වෛද්‍ය නලින්ද ජයතිස්ස මේ බව සඳහන් කළේ අද (11) පැවති අමාත්‍ය මණ්ඩල තීරණ දැනුම්දීමේ මාධ්‍ය හමුවට එක්වෙමිනි.

ජාත්‍යන්තර ශිෂ්ටාචාර සංවාද දිනය සැමරේ

ඊයේ (10) ඇමරිකාවේ නිව්යෝර්ක් හි එක්සත් ජාතීන්ගේ මූලස්ථානයේදී ගෝලීය ශිෂ්ටාචාර සංවාද දිනය පවත්වනු ලැබිණි.
මෙය ගෝලීය ශිෂ්ටාචාර සංවාද දිනයේ පළමු සංවත්තර සැමරීම වේ.
ස්ථිර දූත මණ්ඩල සාමාජික රටවල් වන චීනය, ඊජිප්තුව, පේරු, ස්පාඤ්ඤ සහ උස්බෙකිස්ථාන නියෝජිතයින්ගේ මූලිකත්වයෙන් උත්සව මාලාවක් සංවිධානය කර තිබුණි.
ශිෂ්ටාචාර අතර සංවාදය ප්‍රවර්ධනය කිරීම, ගෝලීය සහයෝගීතාවය ශක්තිමත් කිරීම යන තේමාව යටතේ සංවාදයක් ද පැවැත්වුණි.
චීන විදේශ අමාත්‍ය වැන් ඊ (Wang Yi) මෙම සංවාදයේදී වීඩියෝ පණිවිඩයක් නිකුත් කරමින් ඉල්ලා සිටියේ සමානාත්මතාවය ආරක්ෂා කිරීමට සහ අන්තර් සංස්කෘතික හුවමාරුව ප්‍රවර්ධනය කිරීමට උත්සාහ කරන ලෙසයි.
මෙම අවස්ථාව සඳහා පණිවිඩයක් එක් කරමින් එක්සත් ජාතීන්ගේ මහලේකම් ඇන්ටෝනියෝ ගුටරේස් මහතා ප්‍රකාශ කළේ අවබෝධය සහ විශ්වාසයේ පාලම් ගොඩනැගීම සඳහා සංවාදය අත්‍යවශ්‍ය බවයි.
ගෝලීය ශිෂ්ටාචාර සංවාද දිනය චීනය විසින් ඉදිරිපත් කරන ලද රටවල් අසූවකට අධික සංඛ්‍යාවක් විසින් සම අනුග්‍රහය දක්වන ලද යෝජනාවකි.
එක්සත් ජාතීන්ගේ මහා මණ්ඩලය විසින් පසුගිය වසරේදී එය සම්මත කරන ලදී. ඒ අනුව ජූනි දහවන දින ගෝලීය ශිෂ්ටාචාර අතර සංවාද සඳහා වූ ජාත්‍යන්තර දිනය ලෙස නම් කිරීම සිදු විය.

-CGTN America –

මෑන්හන්ට් ඉන්ටර්නැෂනල් තරගාවලියේ අනුශූරතාව ශ්‍රී ලංකාවට

ඊයේ (10) තායිලන්තයේ බැංකොක්හි පැවති 23 වන මෑන්හන්ට් ඉන්ටර්නැෂනල් තරගාවලියේදී ශ්‍රී ලංකාවේ පියුමාල් සිතුම් අනුශූරතාවය දිනාගෙන තිබේ.

ප්‍රංශයේ ඇඩෝනිස් රෙනෝඩ් 2025 මෑන්හන්ට් ජාත්‍යන්තර ශූරතාව දිනා ගෙන ඇත.

ජැමෙයිකාවේ රයිම් රයිට් දෙවන අනුශූරතාවයට පත්විය.

1993 දී ආරම්භ කරන ලද මෑන්හන්ට් ඉන්ටර්නැෂනල් තරගාවලිය ලෝකයේ වඩාත් ගෞරවාදරයට පාත්‍ර වූ ජාත්‍යන්තර පිරමි නිරූපණ තරග වලින් එකකි.

ගෝලීය ආර්ථිකය නැවතත් කැලබේ

ලෝක බැංකුව ගෝලීය ආර්ථික පුරෝකථනය පහළ දමයි. වෙළඳ උණුසුම් තත්ත්වයන් හා ප්‍රතිපත්ති අස්ථිරභාවයන් ඊට හේතුවී තිබේ.සියලු කලාපයන්හි සියලු ආර්ථිකවල සහ ආදායම් කණ්ඩායම් සියයට 70ක පමණ ආර්ථික වර්ධනයේ පහළ යාමක් සිදුවනු ඇති බව ලෝක බැංකුවේ පුරෝකථනය වී තිබේ.ලෝක බැංකුව ඊයේ (10) නිකුත් කළ වාර්තාවට අනුව ගෝලීය ආර්ථික වර්ධනය සියයට 2.7 සිට සියයට 2.3ක් දක්වා පහළ දමා ඇති අතර 2026 වසරේ ආර්ථික වර්ධනය සියයට 2.7 සිට සියයට 2.4ක් දක්වා පහළ දමා තිබේ.

මෙම වසරේ උසස් ආර්ථිකයන්හි වර්ධන අපේක්ෂාවද සියයට 1.7 සිට සියයට 1.2ක් දක්වා අඩු කර ඇත. වර්ධනය වෙමින් පවතින‍ වෙළඳපොල සහ සංවර්ධනය වෙමින් පවතින ආර්ථිකයන්හි වර්ධනයද සියයට 0.3කින් පහළ දමා ඇති අතර නව වර්ධන අපේක්ෂාව සියයට 3.8කි. ඇමරිකානු ආර්ථිකය පිළිබඳ අපේක්ෂාවද සියයට 0.9කින් පහළ දමා තිබේ.ගෝලීය ආර්ථිකය යළි වරක් කුණාටු තත්ත්වයකට ප්‍රවේශ වී ඇතැයි ද එම වාර්තාව සඳහන් කරයි.
-CGTN Sinhala