අධිකරණයෙන් පිට විවිධ ප්‍රකාශ කර විපක්ෂය අධිකරණ ක්‍රියාවලියට බලපෑම් කරනවා

හිටපු ජනාධිපති – රනිල් වික්‍රමසිංහ මැතිතුමා ධුරය දැරූ කාලය තුළ විදේශ සංචාර 23ක් කර ඇති බවට වාර්තා වී තිබෙනවා. ඒ සංචාර අතරින් කියුබාවට සහ එක්සත් ජනපදයට ගොස් ආපසු එන අතර, එතුමාගේ භාර්යාවගේ උපාධි ප්‍රදානෝත්සවයකට රජයේ මුදල් වැයකර ලන්ඩනයට ගොස් නැවතී සිටීමක් සම්බන්ධයෙන් නඩු නිමිත්තක් තිබෙනවා. අධිකරණයට වාර්තා කර තිබෙන කරුණු අනුව ස්ටර්ලින් පවුම් 44,000කට වැඩි මුදලක් එම ගමන වෙනුවෙන් වැය කර ඇති බවයි. මේ සම්බන්ධයෙන් අධිකරණයට වාර්තා කර තිබෙන්නේ දණ්ඩනීති සංග්‍රහය සහ පොදු දේපළ පනත යටතේයි. මේ අධිකරණ ක්‍රියාදාමය ගැන අද (24 දා) උදේ මාධ්‍ය හමුවක් පැවැත්වූ විපක්ෂය විවිධ ප්‍රකාශ සිදු කළා. මහාචාර්ය ජී.එල්. පීරිස් මහතා ප්‍රකාශ කර තිබුණේ රනිල් වික්‍රමසිංහ මැතිතුමාව අත්අඩංගුවට නොගත යුතුව තිබූ බවයි. එතුමා ඉදිරිපත් කරන්නේ නීතිමය තර්කයක්. ඒ අත්අඩංගුවට ගැනීම සිදුකර තිබෙන්නේ, රාජ්‍යය සතු මුදල් හෝ සම්පත් කිසිම කෙනෙකුට අවභාවිතා කළ නොහැකියි යන පදනමෙනුයි. ඒක රටේ ජනාධිපතිවරයා, මැති ඇමතිවරු සිවිල් ජනතාව යන සියලු දෙනාටම එකම ආකාරයෙන් බලපවත්වන නීතියක්. රාජ්‍ය දේපළ ආරක්ෂා කර ගැනීමේ වගකීමක් රාජ්‍යයට තිබෙන නිසයි වාහන අනතුරකින් ලයිට් කණුවක් කඩාගෙන වැටුණත් තරාතිරම නොබලා වන්දි අය කරන්නේ.

නමුත් මෙතනදී විපක්ෂය දිගටම අධිකරණයේ ක්‍රියාමාර්ග විවේචනයට ලක්කරන්නේ අධිකරණයට අපහාසයක් සිදුකරනා ආකාරයෙන්. පොදු දේපළ පනත යටතට ගැනෙන්නේ රුපියල් 25,000ට වැඩි මූල්‍යමය අලාභයක් රජයට සිදුකිරීම සම්බන්ධ චෝදනා. මේ යටතේ අත්අඩංගුවට ගත් කෙනෙකු සුවිශේෂී කරුණු නැත්නම් ඇප ලබා නොදී, නඩු කටයුත්ත අවසන් වන තුරු රිමාන්ඩ් බන්ධනාගාර ගත කිරීම සිදු කළ හැකියි. මෙතැන නඩු නිමිත්ත වී තිබෙන්නේ පවුම් 44,000කට වැඩි, ලංකාවේ රුපියල්වලින් එක්කෝටිහැටඅට ලක්ෂයක මුදලක් සම්බන්ධයෙන්. නමුත් විපක්ෂය ජනගත කරන්න උත්සාහ කරන්නේ අධිකරණය දේශපාලනීය කරණයට ලක්කර තිබෙන බව සහ මේ මූල්‍ය අපරාධය අපරාධයක් නොවේය කියන කාරණය. පසුගිය කාලයේ එක පිරිසකට නීතිය ක්‍රියාත්මක කර, තවත් ස්ථරයකට නීතිය ක්‍රියාත්මක කළේම නැහැ. පොදුවේ ප්‍රකාශ කෙරුණේ, නීතිය කියන මකුළු දැලේ පොඩි සත්තු පැටලුණත් ලොකු සත්තු ඒක කඩාගෙන යන බවයි. අද වෙනකොට ඒ තත්වය වෙනස් කර, සෑම කෙනෙකුටම නීතිය එක හා සමාන ලෙස ක්‍රියාත්මක කරනවා. විපක්ෂය කියන්නේ ජනාධිපතිවරයෙකුට නිල හෝ පුද්ගලික බෙදීමක් ජීවිතයේ නැති බවයි. මේ ඉදිරිපත් කරන්නේ විත්තියේ තර්කයක් මිස, අධිකරණයේ තර්කයක් නොවෙයි. ජනාධිපතිවරයා මුදල් වියදම් කිරීමේදී ක්‍රියා කළ යුතු ආකාරය ගැන නීතියේ කිසිම සඳහනක් නැහැ. පොදු දේපළ පනතේ ජනාධිපතිවරයාට, ඇමතිවරුන්ට හෝ සිවිල් ජනතාවට ක්‍රියාත්මක කෙරෙන ආකාරය වෙන වෙනම දක්වා නැහැ.

විපක්ෂය කරන්නේ විත්තිය විසින් අධිකරණයට ඉදිරිපත් කළ යුතු තර්කයක් මාධ්‍ය හමුවේ ප්‍රකාශ කිරීමයි. එය අධිකරණය හමුවේ කළ යුතු දෙයක්. ලංකාවේ පවතින නීතිය, විමර්ශන ක්‍රියාවලිය සහ නීතිය ක්‍රියාත්මක කිරීම යන කරුණුවලදී අත්අඩංගුවට ගැනීමට නිමිත්තක් තිබෙනවා. ඒ වගේම මහේස්ත්‍රාත්වරයාගේ අභිමතය පරිදි රක්ෂිත බන්ධනාගාර ගත කිරීම හෝ ඇප මත නිදහස් කිරීමේ හැකියාව තිබෙනවා. මේ ක්‍රියාමාර්ග දියත් කර තිබෙන්නේ, මෙන්න මේ නීති රාමුව යටතේයි. අධිකරණයෙන් පිට විවිධ ප්‍රකාශ කරමින් විපක්ෂය සිදුකරන්නේ අධිකරණ ක්‍රියාවලියට විශාල බලපෑමක් සිදුකිරීමයි. ඒ බලපෑම රටේ සමාජ දේහයටම ඇතුල් වී අධිකරණය සම්බන්ධයෙන් පොදු ජනතාවට අවිශ්වාසයක් ඇති වෙන්න පුළුවන්. ඔවුන් කරන ප්‍රකාශ තුළ අධිකරණයට අපහාස කිරීමේ ගුණාංග සියල්ලම තිබෙනවා. 2023 දී අධිකරණයට අපහාස කිරීම සම්බන්ධයෙන් ක්‍රියාකරන්න වෙනම නීතියක් සම්මත කරගෙන තිබෙනවා. නිශ්චිත කාරණයට නිසි ආකාරයෙන් මුහුණ නොදී දේශපාලන අවශ්‍යතාවයක් මත විපක්ෂය ක්‍රියාකිරීම ඉතාම බරපතළයි. විපක්ෂය අද මාධ්‍ය ඉදිරියේ ඉදිරිපත් කළ තර්ක අධිකරණය ඉදිරියේ ඉදිරිපත් කර නැහැ. නමුත් එසේ නොකර, සමාජය ඉදිරියේ අධිකරණය හෑල්ලුවට ලක්කරන එක ඉතා බරපතළ තත්වයක්. මේ ආණ්ඩුව බලයට පත් වුණේ වංචා, දූෂණ සියල්ල නතර කර, එම වැරදි කළ අය අධිකරණය ඉදිරියට පමුණුවා යුක්තිය ඉෂ්ට කරනවා යන පොරොන්දුවට මහජන අනුමැතියක් ලබා ගැනීමෙනුයි. ඒ ගමන පටන් ගත් පසුව විපක්ෂය අධිකරණයට එරෙහි මතවාදයක් ගොඩනඟන්න උත්සාහ කරන්නේ ඊට බාධා කරන්නයි. ජනතාව සියලු දෙනාම මේ පිළිබඳව දැනුවත් වීම අත්‍යවශ්‍යයි.

නීතිමය අවකාශය තුළ නඩු පැවරීමේ සුජාතභාවය කිසිවෙකුටත් ප්‍රශ්න කළ නොහැකියි
නීතිඥ අකලංක උක්වත්ත
අද විපක්ෂයේ මාධ්‍ය හමුවට එකතු වී සිටි හිටපු පාලකයන් පසුගිය අවුරුදු 76ක කාලය තුළ ජනතාව වෙනුවෙන් එකතු වී ක්‍රියා කළේ නැහැ. ආණ්ඩුක්‍රම ව්‍යවස්ථාව ඇතුළු නීති විශාරදයෙක් වගේම නීති පීඨයේ මහාචාර්යවරයෙක් වන ජී.එල්. පීරිස් මහතා නීතියේ ආධිපත්‍යය තුළ ගන්නා ලද ක්‍රියාමාර්ගයක් පිළිබඳව එළියේ සමාජයේ පිරිසක් ඒකරාශී කිරීමට මූලික වී සිටියා. ඔවුන් සඳහන් කරන්නේ ප්‍රජාතන්ත්‍රවාදයට අනතුරක් සිදුවන බවයි. ඇමෙරිකා එක්සත් ජනපදයේ 41වැනි ජනාධිපති රොනල්ඩ් රේගන් එක අවස්ථාවක සඳහන් කර තිබෙන්නේ, “සැබෑ ප්‍රජාතන්ත්‍රවාදයට ඇතුළත් වන්නේ කුමක්දැයි අපි දනිමු. එම අර්ථයේ ඵලය අපි අවබෝධ කර ගනිමු. එනම් පාලකයන්ටත් ජනතාවටත් නීතිය එකසේ අදාළය.” යනුවෙනුයි. අද එකතු වුණු කට්ටිය මේ කරුණු ඔක්කොම දන්නවා. දැනගෙන තමයි ජනතාව ඉදිරියේ ඒ බව හංගාගෙන කතා කරන්නේ. ගිය සිකුරාදා අධිකරණය තුළ නීතිමය කරුණු නිසි ආකාරයෙන් අවධානයට ලක්කළ ගරු විනිශ්චයකාරතුමිය ඒ අවස්ථාවේදී විත්තිය සඳහන් කළ සුවිශේෂී කාරණා අදාළ සැකකරුට ඇපදීම සම්බන්ධයෙන් ප්‍රමාණවත් නොවෙන බව සලකා 26දින දක්වා රක්ෂිත බන්ධනාගාර ගත කළා. ඒ වගේම විපක්ෂයේ ප්‍රකාශකයන් උද්දීපනය කරන්න උත්සාහ කරන්නේ මෙම කටයුත්ත නිසි විමර්ශනයක් සිදු නොවුණු පොදු දේපළක් භාවිත නොවුණු කරුණක් බවයි.

නමුත් අධිකරණයට ඉදිරිපත් කළ ‘බී’ වාර්තාව තුළ සාක්ෂිකරුවන් 32දෙනෙකුගේ ප්‍රකාශ සටහන් කරගෙන, ඒවා ඒ උදෘත වගේම අදාළ ලේඛන ඇමුණුම් හැටියට සංවිධිතව අධිකරණයට ඉදිරිපත් කර තිබෙනවා. ඒ වාර්තා පදනම් කරගෙන රජයේ නියෝජ්‍ය සොලිසිටර් ජනරාල්තුමා විසින් කරුණු ඉදිරිපත් කර තිබෙනවා. මේක දේශපාලන පළිගැනීමක් බව කියන්නත් පිරිසක් උත්සාහ කරනවා. ෆොන්සේකා මහත්තයා කුදලාගෙන ගිහින් පස්සේ පරීක්ෂණ පැවැත්වූවා වගේ ක්‍රියාදාමයක් නොවෙයි මේක. විධිමත් පරීක්ෂණයක් සිදුකර වාර්තාවක් සකස් කර, අධිකරණයට ඉදිරිපත් කර තිබෙනවා. විදේශ අමාත්‍යාංශය සහ ජනාධිපති ලේකම් කාර්යාලය මගින් අවශ්‍ය ලේඛන ලබාගෙන හෙළිදරව් කරගෙන ඇති පරිදි සහ සාක්ෂිකරුවන් ලබාදුන් ප්‍රකාශ අනුව එංගලන්ත සංචාරය කිසිසේත්ම නිල කටයුත්තක් නොවෙයි. මේ සංචාරය වෙනුවෙන් පවුම් 44,000කට වැඩි මුදලක් වියදම් කර තිබෙනවා. මේ මුදල සංසන්දනාත්මකව තේරුම් ගැනීම වැදගත්. බි්‍රතාන්‍ය අග්‍රාමාත්‍යවරයාගේ මාසික වැටුප පවුම් 14,000යි. ඇමෙරිකානු ජනාධිපතිවරයාගේ වැටුප මසකට ඇමෙරිකානු ඩොලර් 33,000යි. ලංකාවේ ජනාධිපතිවරයාගේ දීමනා හැර මාසික වැටුප රුපියල් 97,500යි. ලංකාවේ ජනාධිපතිවරයෙක් වාර දෙකක් ධුරය දැරුවත් අවුරුදු දහයකදී ලබන්නේ රුපියල් එක්කෝටි දාහත්ලක්ෂයකට ආසන්න මුදලක්. ඒ අනුව බැලුවාම දවස් දෙකක මේ සංචාරය සඳහා වියදම ඊටත් වැඩිය විශාලයි.

අපරාධමය නඩුවක් සම්බන්ධයෙන් ශ්‍රී ලංකාවේ හිටපු ජනාධිපතිවරයෙක් අත්අඩංගුවට ගත් පළමු අවස්ථාව මෙයයි. මීට පෙර චන්ද්‍රිකා බණ්ඩාරනායක කුමාරතුංග හිටපු ජනාධිපතිවරියට ‘වොටර්ස් ඒජ්’ නඩුව මූලික අයිතිවාසිකම් සම්බන්ධයෙන් පවරා තිබුණා. මෛත්‍රීපාල සිරිසේන හිටපු ජනාධිපතිවරයාට දින 52 කුමන්ත්‍රණ නඩුව, පාස්කු දා ප්‍රහාරය පිළිබඳ නඩුව ඇතුළු මූලික අයිතිවාසිකම් නඩු පවරා තිබුණා. ගෝඨාභය රාජපක්ෂ සහ මහින්ද රාජපක්ෂට ආර්ථිකය බංකොලොත් කිරීම පිළිබඳව මූලික අයිතිවාසිකම් නඩු පවරා තිබුණා. අපරාධමය නඩුවක් සම්බන්ධයෙන් හිටපු ජනාධිපතිවරයෙකු අධිකරණයට ඉදිරියට පැමිණ වූ පළමු අවස්ථාව මෙයයි. නීතිමය අවකාශය තුළ මෙම නඩුව පැවරීම සම්බන්ධයෙන් පවතින සුජාතභාවය කිසිවෙකුටත් ප්‍රශ්න කරන්න බැහැ. අධිකරණයෙන් ලබාදුන් නියෝගය සම්බන්ධයෙන් පාර්ලිමේන්තුව තුළ හැර එයින් පිටත සිදුකරන සියලුම ප්‍රකාශයන් අධිකරණයට අපහාස කිරීමක් දක්වා ඉදිරියට යන්න පුළුවන්. එය මහජන කැළඹීමක් දක්වා වර්ධනය කළහොත් තත්වය තවත් බරපතළ වෙනවා. නීතිපතිතුමා මෙහිදී මැදිහත් වන්නේ දණ්ඩ නීති සංග්‍රහය හෝ වෙන ඕනෑම නීතිමය ප්‍රතිපාදනයක් මත මේ රටේ ජනතාව වෙනුවෙන්. නීතිය ජනතාව වෙනුවෙන් ක්‍රියාත්මක වන බව පේන්නේ දැන් තමයි. පොදු දේපළ පනත 1982 සිට මේ රටේ සිවිල් ජනතාවට විරුද්ධව දිගින් දිගටම යොදා ගත් හැටි අපි දැක්කා. ඒ නිසා අපි ජනතාවට අවධාරණය කරන්නේ සමස්ත සමාජයම වෙනස් කිරීමේදී තමනුත් වෙනස් විය යුතු බවයි. මේ දක්වා නීතිය උඩම ස්ථරයට ක්‍රියාත්මක නොවී පහළ ස්ථරයට පමණක් ක්‍රියාත්මක වුණා. ඒ තත්වය වෙනස් වී ඇති බව සුබවාදීව තේරුම් ගෙන වරදක් කර ඇත්නම් තරාතිරම නොබලා, නීතිය ක්‍රියාත්මක කෙරෙන බවට අවධාරණය කර ගැනීම වැදගත්. පසුගිය ජාතික මැතිවරණ දෙකේදී ජනතාව බලය ලබාදී තිබෙන්නේ රට සියලුම අංශවලින් ප්‍රගතිය කරා ගෙනයන්නයි.

අධිකරණයට කරුණු දැක්වීම වෙනුවට ජනතාව ඇවිස්සීමට විපක්ෂය අසාර්ථක කුමන්ත්‍රණයක යෙදී සිටිනවා
නීතිඥ හේමක සේනානායක
ඉහළ ස්ථරවල සිටි තෝරු මෝරුන්ට විරුද්ධව නීතිය ක්‍රියාත්මක වන ආකාරය මේ රටේ ජනතාව පළමු වර අත්දකිනවා. මේ ආණ්ඩුවට පහර දෙන්න පටන් ගන්නේ කොටුව, ගරු මහේස්ත්‍රාත්තුමිය විසින් ලබාදුන් නියෝගයක් පදනම් කර ගෙනයි. ගරු විනිසුරුතුමෙකු ලබාදුන් තීන්දුවක් සම්බන්ධයෙන් සෑහීමකට පත්වෙන්න බැරි නම් ඉහළ අධිකරණවලට යාමේ හැකියාව තිබෙනවා. නමුත් විපක්ෂය අලුත් තත්වයක් මතුකරමින් මාධ්‍ය ඉදිරියේ විවිධ කරුණු කියන්න පටන්ගෙන තිබෙනවා. අධිකරණය ඉදිරියේ හැර අනෙක් සියලුම තැන්වල නීතිය අර්ථ නිරූපණය කරන්න ආචාර්ය මහාචාර්යවරු පවා ඉදිරිපත් වී සිටිනවා. ඔවුන් මේ කරුණු ඉදිරිපත් කරන්නේ කාට විරුද්ධවද? හිටපු ජනාධිපති රනිල් වික්‍රමසිංහ එක්තරා අවස්ථාවකදී “අධිකරණ ම්ලේච්ඡත්වය” කියලා අදහසක් ඉදිරිපත් කරනවා. හිරිකිතයක් නැතිව මේ රටේ උත්තරීතර නීතිය සහ ව්‍යවස්ථාව කඩකරමින් ඔය වැනි ප්‍රකාශ සිදුකළා. අධිකරණ තීන්දු නොසලකා පුංචි ඡන්දය කල්දැම්මා. පුංචි ඡන්දයට මුදල් වෙන්නොකිරීම වැරදි බව ශ්‍රේෂ්ඨාධිකරණයෙන් තීරණය කළ අවස්ථාවේ එම ගරු විනිසුරුතුමන්ලා තිදෙනාම පාර්ලිමේන්තු කමිටුවක් හමුවට ඉදිරිපත් කළ යුතු බව ප්‍රකාශ කළ පිරිසක් අද මේ ආකාරයට මාධ්‍ය හමු පවත්වනවා. පාර්ලිමේන්තුවේ තේරීම් කාරක සභාවට විනිසුරුවරුන් කැඳවීම දේශපාලනික සියදිවි නසා ගැනීමක් බව පසුව ඔවුන්ට තේරී ඒ වැඩේ නවත්වා ගත්තා.

ත්‍රස්තවාදය වැළැක්වීමේ පනත යටතේ බොහෝ දෙනෙකු රඳවා තබාගෙන සිටියා. ගෝඨාභය රාජපක්ෂ මහත්තයාගේ පාලන කාලය තුළ දේශපාලන පළිගැනීම් පිළිබඳව සොයන බව සඳහන් කරමින් චෞර වළල්ල බේරා ගන්න කොමිසමක් පත් කළා. නීතිපති දෙපාර්තමේන්තුවේ සිටි විශිෂ්ටම නීතිඥවරු පවා මේ කොමිසම හමුවේ වැරදිකරුවන් කරන්න උත්සාහ කළ එකල ආණ්ඩුව සමග සිටි පිරිසක් අද මාධ්‍ය සාකච්ඡා පැවැත්වූවා. අධිකරණය විහිළුවට ලක්කර, අධිකරණයට කෑගසා, අධිකරණයට ගල්ගසා, විනිසුරුතුමන්ලාට බලපෑම් කළ කණ්ඩායමකට රිදෙන එක සාධාරණයි. වත්මන් ආණ්ඩුව යටතේ විනිසුරුවරයෙකුට අබමල් රේණුවක තරම්වත් බලපෑම් සිදුකර නැහැ. නමුත් රනිල් වික්‍රමසිංහ මහතා අත්අඩංගුවට ගත්තාත් එක්කම දෙබරයට ගල්ගැසුවා වගේ වුණා. ඉහළටම නීතිය ක්‍රියාත්මක කිරීමෙන් අනෙක් සියල්ලන්ටමත් ඒ නීතිය ක්‍රියාත්මක වෙන බව තේරුම් ගත් කණ්ඩායම එකට එකතු වී සිටිනවා. කොටුව ගරු මහේස්ත්‍රාත්තුමියට පෞද්ගලිකව පහර එල්ල කිරීමට පටන්ගෙන තිබෙනවා. නීතිය පිළිබඳව අධිකරණය ඉදිරියට ඇවිත් කරුණු කියනවා වෙනුවට රටේ ජනතාව ඇවිස්සීම සඳහා ඉතාමත්ම අසාර්ථක කුමන්ත්‍රණයක මේ අය යෙදී සිටිනවා. ජාතික ජන බලවේගයේ නීතිඥයන් හැටියට අපි මේ ගැන ඉතාමත් සුපරීක්ෂාවෙන් පසුවෙනවා. රනිල් වික්‍රමසිංහ මහතා වරදක් කර නැත්නම් අධිකරණයෙන් ඔහුව නිදහස් කරයි. නමුත් විපක්ෂයේ කණ්ඩායම් මේ උත්සාහ කරන්නේ කලින් තිබුණු ම්ලේච්ඡ යුගයට නැවතත් ගෙන යන්නයි. අපි අවධාරණය කරන්නේ නීතිය පිළිබඳව තීරණය කිරීම අධිකරණයට බාර දෙන ලෙසයි.

නීතියේ ආධිපත්‍යය නිසි ආකාරයෙන් ක්‍රියාත්මක කිරීම ලංකාවටත් වලංගුයි
නීතිඥ ජයන්ත දෙහිඅංගගේ
විපක්ෂයේ විවිධ කණ්ඩායම් ජනතාව නොමග යවන්න සහ ප්‍රකෝප කරන්න විවිධ ප්‍රකාශ කරමින් සිටින බව පේන්න තිබෙනවා. ජනතාව මේ දක්වා ප්‍රශ්න කළේ රටේ එක පිරිසක් නීතියට ඉහළින් සිටින්නේ ඇයි කියලයි. විශේෂයෙන්ම 2022 වසරේ මහජනතාව මේ පිළිබඳව විරෝධතා පවත්වමින් නීතිය කාටත් සමානව ක්‍රියාත්මක කළ යුතු බව අවධාරණය කළා. අපරාධ පරීක්ෂණ දෙපාර්තමේන්තුවට කර තිබූ පැමිණිල්ලක් අනුව දීර්ඝ විමර්ශන ක්‍රියාවලියක් අවසානයේ රනිල් වික්‍රමසිංහ මහතාගෙන් ප්‍රකාශයක් ලබාගෙන මේ අත්අඩංගුවට ගැනීම සිදු කළා. ඔහුට ඇප දෙනවාද නැද්ද යන්න තීරණය කරන්නේ අධිකරණයට ඉදිරිපත් වෙන කරුණු අනුව මිස ඔහු හිටපු ජනාධිපතිවරයෙක්, අගමැතිවරයෙක්, ඇමතිවරයෙක් වශයෙන් සලකා බැලීමෙන් නොවේ.

මේ ආණ්ඩුවට ජනවරමක් ලබාදී තිබෙන්නේ නීතිය කාටත් සාධාරණව ක්‍රියාත්මක කරන අධිකරණ ක්‍රියාවලියක් ශක්තිමත් කරන්නයි. මිනිසුන්ගේ ඉල්ලීම ක්‍රියාවට නැගෙමින් තිබෙන අතර, හිටපු ජනාධිපතිවරයා අත්අඩංගුවට ගැනීමෙන් කලබල වී සිටින පිරිස කවුද කියා බැලීම අවශ්‍යයි. ලෝකයේ රටවල් ගණනාවක රාජ්‍ය නායකයන් සම්බන්ධයෙන් විමර්ශන සිදුකර අත්අඩංගුවට ගැනීම් පමණක් නොව අධිකරණයෙන් දඬුවම් පැමිණවීම් පවා සිදුකර තිබෙනවා. නීතියේ ආධිපත්‍යය නිසි ආකාරයෙන් ක්‍රියාත්මක කරන එක ලංකාවට වලංගු වන්නේ නැද්ද? විපක්ෂයේ අය එකතුවී සිටියේ ‘ව්‍යවස්ථාපිත ඒකාධිපතිත්වයක්’ බව කියමින් සිටිනවා. විපක්ෂයට මේ සම්බන්ධයෙන් හරිහමන් මාතෘකාවක්වත් සොයා ගන්න නොහැකි වී තිබෙනවා. මෛත්‍රීපාල සිරිසේන ජනාධිපතිවරයා 2018 දී රනිල් වික්‍රමසිංහ අගමැති ධුරයෙන් පහකර මහින්ද රාජපක්ෂ පත්කිරීම නීති විරෝධී බව ශ්‍රේෂ්ඨාධිකරණය විසින් තීරණය කළා. ඒ අවස්ථාවේදී ඒ ක්‍රියාවලියට විරුද්ධව අධිකරණයට ගිය අය අද මොනවාද කරන්නේ. අපි ජනතාවට කියන්නේ නීතිය හැමදෙනාටම එක හා සමාන බව භාවිතයෙන් ඔප්පු කිරීම පිළිබඳව හොඳින් තේරුම් ගන්න කියලයි.

ක්‍රමයේ වෙනස කියන්නේ අධිකරණ තීන්දු තීරණ දේශපාලන යූටියුබ්කරුවන් පූර්වයෙන් ප්‍රකාශයට පත් කිරීමද ?

යුක්තිය පසිදලීමේ ක්‍රියාදාමය නීතියෙ ආධිපත්‍ය ක්‍රියාත්මක වීම ප්‍රජාතන්ත්‍රවාදීව නිවැරදිව සිදුවිය යුතු බවත් නිවැරදි ක්‍රමවේදයක් අනුගමනය කරන්නට සියලු දෙනාම සූදානම් වුවත් යූටියුබ් හරහා දෙන යුක්තිය සාධාරණත්වය ගැන කිසිදු එකගතාවක් නොමැති බවත් අධිකරණය මගින් ලබා දෙන තීන්දු සහ යුක්තිය පසිදලීමේ ක්‍රියාදාමය සම්බන්ධයෙන් දින ගණනාවකට පෙර දේශපාලන පක්ෂවල යූටියුබ් ක්‍රියාකාරීන් ප්‍රකාශයට පත් කරන්නේ කොහොමද කියා ගැටලුවක් ඇති බවත් එවැනි දෙයක් සිදුවිය නොහැකි බවත් විපක්ෂ නායකවරයා පැවසීය.

මෙය අධිකරණයට, යුක්තිය පසිදලීමේ ක්‍රියාදාමයට, ආණ්ඩුක්‍රම ව්‍යවස්ථාවට, උත්තරීතර නීතියට කරන අපහාසයක් බවත් ක්‍රමයේ වෙනසක් කියා සිදු කර ඇත්තේ මෙය ද කියා ප්‍රශ්න කරන බවත් ආණ්ඩුක්‍රම ව්‍යවස්ථාව හෝ යුක්තිය පසිදලීමේ යාන්ත්‍රණයේ නීති රීතී ක්‍රියාත්මක වීමේ දී විනිවිදභාවයක් පිරිසුදුභාවයක් තිබිය යුතු බවත් දේශපාලන යූටියුබ්කරුවකුට යුක්තිය පසිදලීමේ ක්‍රියාදාමයේ ගන්නා තීන්දු තීරණ පූර්වයෙන් ප්‍රකාශයට පත් කළ නොහැකි බවත් එවැනි දෙයක් සිදු වන්නේ ඒකාධිපතීත්වය රජකරවන ආඥාදායකත්වය රජකරවන රටක මිස අප රට වැනි ප්‍රජාතන්ත්‍රවාදය රජකරවන රටක එවැනි දෙයක් සිදු කළ නොහැකි බවත් විපක්ෂ නායක සජිත් ප්‍රේමදාස මහතා පැවසීය.

විපක්ෂ නායක සජිත් ප්‍රේමදාස මහතා මේ බව කියා සිටියේ රෝහල් ගත කර සිටින හිටපු ජනාධිපති රනිල් වික්‍රමසිංහ මහතාගේ සුවදුක් බැලීමට ජාතික රෝහලට පැමිණි අවස්ථාවේ මාධ්‍ය නැගූ ප්‍රශ්නවලට පිළිතුරු ලබා දෙමිනි.

යූටියුබ් නාලිකාවක් විසින් අත්අඩංගුවට ගන්නා පුද්ගලයන්, අත්අඩංගුවට ගන්නා දිනය සහ බන්ධනාගාර ගත කරන දින ගණන පවා ප්‍රකාශයට පත් කරන්නේ නම් එය යුක්තිය පසිදලීමේ ක්‍රියාවලිය තුළ සිටින අයට කරන අපහාසයක් බවත් යූටියුබ් නාලිකා හරහා යුක්තිය පසිදලීමේ ක්‍රියාදාමය සිදු කරන්න සමගි ජන බලවේගය සූදානම් නොමැති බවත් හැමෝටම නීතිය ක්‍රියාත්මක කිරීම එක හා සමානව සැලකීම ගැටලුවක් නොවුවත් දේශපාලන යූටියුබ්කරුවන් යුක්තිය පසිදලීමේ ක්‍රියාවලියට බලපෑම් කිරීම නීතිගරුක නොවන බවත් විපක්ෂ නායකවරයා පැවසීය.

තවද මේ අවස්ථාවේ විපක්ෂයේ පක්ෂ එකට සාකච්ඡා කරන්නේ දේශපාලන වාසි ලබා ගන්න නොවන බවත් මේ වන විට රටෙන් 50%ක් පමණ දුප්පත් වුවත් 75%ක් පමණ අස්වැසුම ඉල්ලා ඇති බවත් 2028 ණය ගෙවන්න නම් 5%ක ආර්ථික වර්ධනයක් අවශ්‍ය වුවත් එවැනි දෙයක් රටේ නොවන බවත් ක්ෂුද්‍ර කුඩා හා මධ්‍ය පරිමාණ කර්මාන්තකරුවන් කඩා වැටී ඇති බවත් රටේ ප්‍රශ්නවලට උත්තර නොමැති බවත් මෙවැනි තත්ත්වයක් තුළ ඉදිරියට යා නොහැකි බවත් 2028 සිට ඇ. ඩොලර් බිලියන 5.5ක් වාර්ෂිකව ණය ගෙවිය යුතු බවත් ඒ සඳහා අප රටට ශක්තියක් ඇත් ද කියා ප්‍රශ්න කළ යුතු බවත් විපක්ෂ නායකවරයා පෙන්වා දුන්නේය.

මේ යන විදිහට 2028 වන විට තවදුරටත් නව බංකොලොත්භාවයක් නිර්මාණය විය හැකි බවට බියක් ඇති වන බවත් මේ යන ක්‍රමය සුදුසු නොවන බවත් රට ගොඩනගන ඉලක්ක කරා යා නොහැකි බවත් රජය මේ දැවෙන ප්‍රශ්නවලට විසදුම් ලබා නොදෙන බවත් විපක්ෂය පවා ඉදිරියට එන්නේ රට ගොඩනගන සංකල්ප මත බවත් රට ගොඩනගන ප්‍රතිපත්ති සමූහය මත එකට එකතු වෙනවා මිස බලය ලබා ගැනීමට හෝ තනතුරු බෙදා ගැනීමට එකට එකතු නොවන බවත් විපක්ෂ නායකවරයා පැවසීය.

නයිජිරියාවෙන් ජිහාඩ් සටන්කාමීන්ට ප්‍රහාරයක්

නයිජිරියානු ආරක්ෂක අංශ එල්ල කළ ගුවන් ප්‍රහාර මාලාවකින් ජිහාඩ් සටන්කාමීන් 35 දෙනෙකු ජීවිතක්ෂයට.

අද ප්‍රදේශ කිහිපයක උණුසුම ඉහළට!

දිවයිනේ ප්‍රදේශ කිහිපයක මිනිස් සිරුරට දැනෙන උණුසුම අද(25) අවධානය යොමුකළ යුතු මට්ටමක පවතින බව කාලගුණ විද්‍යා දෙපාර්තමේන්තුව පවසයි.

එම දෙපාර්තමේන්තුව පැවසුවේ උතුරු, උතුරු-මැද සහ නැගෙනහිර පළාත් මෙන්ම හම්බන්තොට, මොණරාගල දිස්ත්‍රික්කවල ජනතාව ඒ පිළිබඳ අවධානය යොමුකළ යුතු බවයි.

ලංකාව ගොඩ දැමූ රනිල් වහා නිදහස් කරනු.. චෝදනා කිසි අගයක් නෑ – එරික් සොල්හයිම්

රක්‍ෂිත බන්ධනාගාරගත කර සිටින හිටපු ජනාධිපති රනිල් වික්‍රමසිංහ මහතාගේ සෞඛ්‍ය තත්ත්වය පිළිබඳව කනස්සල්ල පළ කරමින් ඔහු වහාම නිදහස් කරන ලෙස ශ්‍රී ලංකාවේ හිටපු විශේෂ සාම නියෝජිතයෙකු වන එරික් සොල්හයිම් මහතා ඉල්ලයි.

X සමාජ මාධ්‍ය ඔස්සේ සටහනක් තබමින් සොල්හයිම් මහතා සඳහන් කර ඇත්තේ, වික්‍රමසිංහ මහතා වහාම නිදහස් කරන ලෙස ඉල්ලා සිටින “ශ්‍රී ලංකාවේ, දකුණු ආසියාවේ සහ ලොව පුරා සිටින නායකයින්” සමඟ තමන්ද එක්වන බවයි.

ඔහු වැඩිදුරටත් සඳහන් කළේ, වික්‍රමසිංහ මහතා 2022 වසරේ ඇති වූ ආර්ථික හා දේශපාලන අර්බුදයේදී “ශ්‍රී ලංකාව බේරා ගැනීමට නැගී සිටි නායකයා” බවයි.

තවදුරටත් අදහස් දක්වමින් සොල්හයිම් මහතා කියා සිටියේ, වික්‍රමසිංහ මහතාට එල්ල වන චෝදනා “අගයක් නැති” බවත්, එම චෝදනා සත්‍ය වුවද, යුරෝපයේදී ඒවා කිසිදු අපරාධමය හෝ පිළිගත නොහැකි හැසිරීමක් ලෙස නොසලකන බවත් ය.

ශ්‍රී ලංකාවේ දූෂණ විරෝධී ව්‍යාපාරයට සිය සහාය පළ කර ඇති හිටපු නෝර්වේ දූතයා, බලධාරීන්ගෙන් දැඩිව ඉල්ලා සිටියේ වික්‍රමසිංහ මහතාට එරෙහිව නඩු පැවරීම වෙනුවට “සැබෑ ගැටලු කෙරෙහි අවධානය යොමු කරන” ලෙසයි.

අදත් වැල්ලම්පිටියේ වෙඩි තැබීමක්.

අද (25) අලුයම වැල්ලම්පිටිය, කිත්තම්පහුව ප්‍රදේශයේ පිහිටි නවාතැන්ලක සිටි පුද්ගලයන් දෙදෙනෙක් ඉලක්ක කර ගනිමින් වෙඩි තැබීමක් වාර්තා විය. පොලිසිය පවසන්නේ මෙම සිදුවීමට පුද්ගලයන් තුන් දෙනෙකු සම්බන්ධ වී ඇති බවයි.

ඔවුන් යතුරුපැදියකින් පැමිණ ඇති අතර, වෙඩි තැබීම සඳහා පිස්තෝල වර්ගයේ ගිනි අවියක් භාවිත කර තිබේ.

කෙසේ වෙතත්, වෙඩි ප්‍රහාරයෙන් එම ලැඟුම්හලේ සිටි කිසිදු පුද්ගලයෙකුට තුවාල හෝ ජීවිත හානි සිදුව නොමැත.

වෙඩි තැබීමට ලක් වූ පුද්ගලයන් පසුව පොලීසියට පැමිණිලි කර ඇත.

පොලීසිය විසින් සිද්ධිය වූ ස්ථානයේ පරීක්ෂණ සිදුකිරීමේදී, වෙඩි තැබීමට පැමිණි පුද්ගලයන්ට අයත් ජංගම දුරකතනයක් සහ වෙඩි තැබීමට යොදාගත් පිස්තෝලයේ මැගසීනය සොයා ගැනීමට හැකි වී තිබේ.

වැල්ලම්පිටිය පොලීසිය මේ වන විට වැඩිදුර විමර්ශන පවත්වයි.

බස්නාහිර ආණ්ඩුකාරවරයා ඉල්ලා අස්වෙයිද?

බස්නාහිර පළාත් ආණ්ඩුකාර හනිෆ් යුනුස් මහතා ආණ්ඩුකාර ධුරයෙන් ඉල්ලා අස්වීමට තීරණය කර ඇති බවට සමාජ මාධ්‍යවල වාර්තා පල වෙයි.

නමුත් ඒ සදහා ජනාධිපති අනුර දිසානායක මහතා එකගතාව පල කර නැති බවත් සැප්තැම්බර් මස අවසන් වන තෙක් හෝ ධුරයේ සිටින ලෙස ඉල්ලා ඇති බවත් ඒවායේ සදහන්ය.

ඒ පිලිබදව ආරංචි මාර්ග වාර්තා කරන්නේ සිය ව්‍යාපාර කටයුතු වල යෙදීම ඇතුළු පෞද්ගලික කාරණා මත බස්නාහිර ආණ්ඩුකාරවරයා මෙම තීරණය ගැනීමට ඉඩ ඇති බවය.

හනිෆ් යුනුස් මහතා මෙරට ප්‍රමුඛ පෙලේ ව්‍යාපාර සමූහයක ප‍්‍රධානියෙකු වන අතර ඔහු යටතේ සේවකයන් විශාල පිරිසක් සිටින ආයතන කිහිපයක්ම පවතී.

හිටපු ජනපති සම්බන්ධයෙන් චන්ද්‍රිකාගෙන් නිවේදනයක්

හිටපු ජනාධිපති රනිල් වික්‍රමසිංහ මහතා අත්අඩංගුවට ගැනීම සම්බන්ධයෙන් හිටපු ජනාධිපතිනි චන්ද්‍රිකා බණ්ඩාරනායක කුමාරතුංග විසින් නිවේදනයක් නිකුත් කර තිබෙනවා
එම නිවේදනයේ සඳහන් වන්නේ විමර්ශනය බොහෝ දුරට අවසන් වී ඇති අවස්ථාවක, හිටපු ජනාධිපති රනිල් වික්‍රමසිංහ අත්අඩංගුවට ගැනීම රටේ මූලික ප්‍රජාතන්ත්‍රවාදී ආයතනවල ශක්තිය සම්බන්ධයෙන් බරපතල කනස්සල්ලක් ඇති කරන බවයි
එමෙන්ම මෙහි ප්‍රතිවිපාක පුද්ගලයෙකුගේ හෝ ඕනෑම දේශපාලන කණ්ඩායමක ඉරණමට වඩා සමාජයේ අයිතිවාසිකම් සඳහා ගැටලුවක් ඇති කරවන බවත් ,දේශපාලන නායකයින්ට විරුද්ධ ගෙන යන මෙම ක්‍රියාකාරකම් සඳහා තමන් දැඩිව සිය විරෝධය දක්වන බවත් එම නිවේදයේ වැඩි දුරටත් සදහන් වෙනවා

හිටපු ජනපති රනිල්ගේ සුවදුක් සොයා බැලීමට විපක්ෂයේ නියෝජිතයින් රැසක් ජාතික රෝහලට

කොළඹ ජාතික රෝහලේ දැඩිසත්කාර ඒකයේ ප්‍රතිකාර ලබමින් සිටින හිටපු ජනාධිපති රනිල් වික්‍රමසිංහගේ සුව දුක් සොයා බැලීමට විපක්ෂයේ දේශ්පාලන නියෝජිතයන් රැසක් අද එම රෝහල් පරිශ්‍රයට පැමිනියා
මේ අතර හිටපු ජානාධිපතිගේ සෞඛ්‍ය තත්වය පිළීබදව වෛද්‍ය රැක්ෂාන් බෙල්ලන මාද්‍ය හමුවේ මෙලෙස අදහස් පළකලා

හිටපු ජනාධිපටහි රනිල්වික්‍රමසිංහ මහතා මේ වන විට දැඩි වෛද්‍යය අධික්ෂණය යටතේ ජාතික රෝහලේ ප්‍රතිකාර ලබන බව වෛද්‍ය රැක්ෂාන් බෙල්ලන පවසනවා

වෛද්‍යය වරයා පැවසුවේ අධිකරණ ශාලාවේදී පැය කිහිපයක් රැඳී සිටීමේදි එහිදී ඇතිවූ විදුලි විසන්දිවීම්, ජලය පානය නොකිරීම් හේතුවෙන් ඇතිවූ සංකූලතා මත ඔහු විජලන තත්ත්වයට පත්ව ඇති බවයි
මේ හේතුවෙන් බන්ධනාගාර රෝහලින් පසුව ජාතික රෝහලට මාරුකර එවා ඇති බවත් ඒ අනුව දැඩි වෛද්‍ය නිරීක්ෂණය යටතේ හිටපු ජනාධිපතිවරයා කොළඹ ජාතික රෝහලේ ප්‍රතිකාර ලබන බවත් වෛද්‍ය බෙල්ලන වැඩිදුරටත් පවසා සිටියා

තැපල් වර්ජය අවසන්

අද දින පස්වරු 4.00 සිට වෘත්තීය සමිති ක්‍රියාමාර්ග අතහැර නියමිත පරිදි සිය රාජකාරී සිදුකිරීමට වර්ජනයේ නිරතව සිටි තැපැත් සේවකයින් එකඟ වූ බව විෂයභාර අමාත්‍ය නලින්ද ජයතිස්ස පවසනවා අමාත්‍යවරයා මේ බව කියා සිටියේ වර්ජනයේ නිරත තැපැල් සේවකයින් අතර අද පැවති විශේෂ සාකච්ඡාවකින් අනතුරුව වෙත මාධ්‍යට අදහස් දක්වමින්

කෙසේවෙතත් මේ සම්බන්ධයෙන් අදහස් දැක්වූ වර්ජනයේ නියත තැපැල් සේවකයින් පැවසුවේ අදාළ එකඟතාවයන් සම්බන්ධයෙන් ලිඛිතව පිළිතුරුක් ලැබෙන තුර වර්ජනය නැවැත්වීම සම්බන්ධයෙන් නිෂ්චිතව කිව නොහැකි බවයි
ඒ අනුව ඔවුන් කියා සිටියේ “සාකච්ඡාව පිළිබඳ අවසන් තීන්දුවක් පැවය සිය නොහැකි බවත් . තැපැල්පතිවරයා ලිඛිතව ඔවුන් ට දැනුම් දිය යුතු බවත් . යම් යම් කාරණා ගැන එකඟතාවයන් තිබිය යුතු බවත් . ලිඛිතව ලියවිල්ලක් ඉදිරිපත් වුණාට පස්සේ. ඒ ලියවිල්ලත් එක්ක ඔවුන් වැඩවර්ජනය ගැන අවසන් තීන්දුවක් ගන්නා බවත් ය “
විදුලි සංදේශ නිලධාරීන්ගේ සංගමය සහ ඒකාබද්ධ තැපැල් වෘත්තීය සමිති ඇතුළු සංගම් කිහිපයක් ඉල්ලීම් 19ක් මුල් කර ගනිමින් පසුගිය 17වනදා ආරම්භ කළ වර්ජනය අද 07වන දිනටත් ක්‍රියාත්මක උනා
වර්ජනය ආරම්භ කිරීමත් සමග දිවයින පුරා පිහිටි තැපැල් කාර්යාලවල තැපැල් සේවා කටයුතු අඩාල වී ඇති අතර තැපැල් සේවා ලබා ගැනීමට පැමිණි ජනතාව දැඩි දුෂ්කරතාවටද පත්ව තිබේ

channel 7

Today News

ලෝටස් පාර තාවකාලිකව වසයි

පූජ්‍ය අතුරලියේ රතන හිමියන්ට ඇප

බෙනඩික්ට් ජෝසප් ප්‍රනාන්දු පියතුමා ස්වර්ගස්ථ වෙයි

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි