ෆුල්ෆේස් තහනම් වෙයිද?

මේ වන විට රට පුරා පැවති වෙඩි තැබීම් හා ඝාතන සිදුවීම් විශ්ලේෂණය කිරීමේදී බොහෝ අපරාධකරුවන් ඉතාමත් සූක්ෂම අන්දමින් සිය අනන්‍යතාවයන් සැඟවීමට සම්පූර්ණ ලෙස මුහුණු ආවරණය කරමින් හිස්වැසුම් පැළඳ එම අපරාධයන් සිඳුකර ඇති බව මේ දින වල සංසරණය වන cctv දර්ශන වලින් සනාථ වී තිබේ.

ඒ හේතුවෙන් මහජනතාවගේ ආරක්ෂාව තහවුරු කිරීම සඳහා යම් පුද්ගලයෙකු හෝ කණ්ඩායමක් යතුරුපැඳියක් පැදවීමකින් තොරව සම්පූර්ණ මුහුණු ආවරණ සහිත හිස් වැසුම් පැළඳ සිටින්නේ නම් හෝ සැක සහිත අන්දමින් යම් පුද්ගලයෙකු හැසිරෙන්නෙ නම් එම පුද්ගලයා පරීක්ෂා කිරීමටද ඔවුන්ගේ අනන්‍යතාවයන් තවුරු කළ නොහැකි වුවහොත් අත් අඩංගුවට ගැනීමට වහාම පියවර ගන්නා ලෙස පොලිස් මූලස්ථානය සියලුම පොලිස් නිළධාරීන්ට උපදෙස් ලබා දී ඇත

රුසියානු සටන් විරාමය ඇරඹේ

“යුධ ජයග්‍රහණ දින සටන් විරාමය”ක්‍රියාත්මක කරන බව රුසියානු ජනාධිපති ව්ලැදිමීර් පුටින් මහතා ප්‍රකාශ කරයි. අද(8) සිට “යුධ ජයග්‍රහණ දින සටන් විරාමය”ක්‍රියාත්මක කරන බව හෙතෙම ප්‍රකාශ කළේ ය.

සෝවියට් සංගමයේ මහා ‍දේශප්‍රේමී යුධ ජයග්‍රහණයේ 80වැනි සංවත්සරය පැවැත්වෙන කාලයේ එනම් මෙමස 8වන දින සිට 11වන දින දක්වා කාලයේ සටන් විරාමයක් ක්‍රියාත්මක කරන බව ඉකුත් 28වැනි දා ව්ලැදිමීර් පුටින් ජනාධිපතිවරයා කියා සිටියේ ය. ඒ අනුව එම කාලසීමාව තුළ රුසියාව සියලු යුධ ක්‍රියාකාරකම් නතර කරනු ඇත.
-CGTN Sinhala

චීන ජනපති රුසියාවේ නිල සංචාරය අරඹයි

චීන ජනාධිපතිවරයා මොස්කව් හි Vnukovo Andrei Tupolev ජාත්‍යන්තර ගුවන්තොටුපොලේ දී

චීන ජනාධිපති ෂී ජින් පිං මහතා 7වැනිදා පස්වරුවේ විශේෂ ගුවන් යානයකින් රුසියාවේ මොස්කව් අගනුවරට ළඟාවී එරට නිල සංචාරය ආරම්භ කළේය.

රුසියානු ජනාධිපති ව්ලැඩිමීර් පුටින් මහතාගේ ආරාධනයෙන්, ෂී ජින් පිං මහතා මැයි මස 7 වැනිදා සිට 10 වැනිදා දක්වා රුසියාවේ නිල සංචාරයක නිරත වෙයි. සංචාරය අතරතුර, ඔහු සෝවියට් සංගමයේ මහා දේශප්‍රේමී යුද ජයග්‍රහණයේ 80 වන සංවත්සර සැමරුම් උත්සවයට සහභාගී වනු ඇත.

චීන ජනාධිපතිවරයා වෙනුවෙන් ‌මොස්කව් හි Vnukovo Andrei Tupolev ජාත්‍යන්තර ගුවන්තොටුපොලේ දී රුසියානු උප අග්‍රාමාත්‍ය Tatyana Golikova මහත්මිය ඇතුළු රජයේ ජ්‍යෙෂ්ඨ නිලධාරීන්ගේ සහභාගීත්වයෙන් උණුසුම් පිළිගැනීමක් පවත්වා තිබේ.

මියෙන්මාර් සයිබර් අපරාධ කදවුරු වල රදවාගෙන සිටි ශ්‍රී ලාංකිකයින් 15 දෙනකු මුදා ගැනේ.

මියෙන්මාර් සයිබර් අපරාධ කදවුරු වල බලහත්කාරයෙන් රදවාගෙන සිටි ඉතිරි ශ්‍රී ලාංකිකයින් 15 දෙනකු එයින් මුදා ගැනේ.

මුදා ගත් ශ්‍රී ලාංකිකයින් 15 දෙනා පසුගිය අගහරුවදා (13)මියන්මාර – තායිලන්ත දේශසීමාවේ මියාවඩි ප්‍රදේශයේ මීසෝට්හි දී
තායිලන්තයේ ශ්‍රි ලංකා තානාපති විජයන්ති එදිරිසිංහ මහත්මිය වෙත තායිලන්ත බලධාරීන් විසින් භාර දෙනු ලැබුවා.
ඔවුන් ඊයේ (7) උදැසන කටුනායක ගුවන් තොටුපොල වෙත ඔවුන් රැගෙන විත් තිබුණා.

මෙම පිරිස මුදාගනු ලැබූවේ විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා තායිලන්ත විදේශ කටයුතු අමාත්‍ය
මරිස් සන්ගම්පොන්ස්ගා (Maris Sangiampongsa) මහතා සහ මියන්මාර විදේශ කටයුතු අමාත්‍ය යූ තාන් ස්වේ (U Than Swe) මහතා සමඟ
අවස්ථා කිහිපයක කල දුරකථන සංවාදවල ප්‍රතිපලයක් අනුවයි.

මීට පෙර ඉකුත් මාරතු මස 18 වන දින මියන්මාර සයිබර් අපරාධ කඳවුරුවල සිරවී සිටි ශ්‍රී ලාංකිකයන් 14ක් සහ 2024 දෙසැම්බර් 17 වන දින
ශ්‍රී ලාංකිකයන් 27ක් මෙරටට ගෙන්වා ගනු ලැබුවා.

ආනයන තීරුබදුවලට අදාළ යෝජනා විවාදයට

පාර්ලිමේන්තුව අද (08) සහ හෙට (09) රැස්වීමට නියමිතය.

මේ අනුව රේගු ආඥා පනතේ ආනයන තීරුබදු සම්බන්ධයෙන් පසුගිය අප්‍රේල් 09 වැනි දා ඉදිරිපත් කරන ලද අංක 2421/05 දරන 2025.01.27 දිනැති අති විශේෂ ගැසට් පත්‍රයට අදාළ යෝජනා සම්මතය විවාදයට ගැනීමට නියමිතය.

හෙට දිනයේ පෞද්ගලික මන්ත්‍රීවරුන්ගේ යෝජනා 6ක් විවාදයට ගැනීමට නියමිත අතර පාර්ලිමේන්තු මන්ත්‍රී හේෂා විතානගේ මහතා විසින් ඉදිරිපත් කරනු ලබන ශ්‍රී ලංකා පාර්ලිමේන්තුව නියෝජනය කරන මහජන නියෝජිතයන්, හිටපු රාජ්‍ය නායකයින් හා එම වැන්දඹුවන් භුක්ති විදින වරප්‍රසාද සුදුසු පරිදි කප්පාදු කිරීමට අදාළ යෝජනාව, පාර්ලිමේන්තු මන්ත්‍රී රෝහණ බණ්ඩාර මහතා විසින් ඉදිරිපත් කිරීමට නියමිත අතර අත්‍යාවශ්‍ය ආහාර ද්‍රව්‍ය ආනයනය කිරීම සහ බෙදා හැරීම සඳහා රාජ්‍ය අංශයේ මැදිහත්වීම ඉහළ නැංවීමේ වැඩසටහනක් සකස් කිරීමට අදාළ යෝජනාව, පාර්ලිමේන්තු මන්ත්‍රී චමින්ද විජේසිරි මහතා විසින් ඉදිරිපත් කරනු ලබන විගණන වාර්තා මගින් ලබා දෙන නිර්දේශ ක්‍රියාත්මක කිරීම සඳහා වැඩසටහනක් සකස් කිරීමට අදාළ යෝජනාව විවාදයට ගැනීමට නියමිතව තිබේ.

තවද පාර්ලිමේන්තු මන්ත්‍රී රවි කරුණානායක මහතා විසින් ඉදිරිපත් කරනු ලබන ශ්‍රී ලංකාවේ සෑම පවුලකටම ජීවත්වීමට නිවසක් ලබාදීමට අදාළ යෝජනාව, පාර්ලිමේන්තු මන්ත්‍රී රවීන්ද්‍ර බණ්ඩාර මහතා විසින් ඉදිරිපත් කරනු ලබන පොදු ප්‍රවාහන ප්‍රමිතීන්ට අනුකූල බස්රථ පමණක් මෙරටට ගෙන්වීමට අදාළ නීති සකස් කිරීම පිළිබඳ යෝජනාව සහ පාර්ලිමේන්තු මන්ත්‍රී ලාල් ප්‍රේමනාත් මහතා විසින් ඉදිරිපත් කරනු ලබන “සංවර්ධන යෝජනා” නමින් ශ්‍රී ලංකාව තුළ මේ දක්වා ඉදිකර ඇති එහෙත් කිසිදු ප්‍රයෝජනයකට නොගන්නා ලද සියලුම ගොඩනැගිලි මහජන ප්‍රයෝජනය සඳහා යොදා ගැනීම සඳහා කටයුතු කිරීමට අදාළ යෝජනාව මෙදින විවාදයට ගැනීමට ද නියමිතය.

ලෝක බැංකුවෙන් ශ්‍රී ලංකාවට ඩොලර් බිලියන 1 ක ආධාරක පැකේජයක්

ලෝක බැංකුව ශ්‍රී ලංකාව සඳහා ඩොලර් බිලියන 1 ක ආධාරක පැකේජයක් අනුමත කර ඇති අතර එය ඉදිරි වසර තුන තුළ ලබා දීමට නියමිතය. මෙමගින් ප්‍රධාන ආර්ථික අංශකිපයක ප්‍රවර්දනය සහ ඉදිරි දශකය තුළ අපෙක්ශිත රැකියා 700,000 ක හිඟය පියවීම අරමුණුවි තිබෙ . තරුණ පුද්ගලයින් මිලියනයකට ආසන්න සංඛ්‍යාවක් ශ්‍රම බලකායට ඉදිරි වසර තුන තුල ඇතුළත් වනු ඇතැයි අපේක්ෂා කෙරේ. ජනාධිපති අනුර කුමාර දිසානායක මහතා සහ ලෝක බැංකු සමූහයේ සභාපති අජේ බංගා මහතා

හමුවෙන් පසු මෙම කරුණු ප්‍රකාශයට පත්කෙරින . කොළඹ ජනාධිපති ලේකම් කාර්යාලයේදී හමුව සිදුවිය . මෙම හමුව දශක දෙකකට ආසන්න කාලයකින් පසු ලෝක බැංකු සභාපතිවරයෙකු ශ්‍රී ලංකාවට කළ පළමු සංචාරය සනිටුහන් කළේය.

මෙම සහාය පැකේජය මගින් බලශක්ති අංශය ප්‍රවරනය සදහා ඩොලර් මිලියන 185 ක් ලබෙන අතර මෙම ආයෝජනය ගිගාවොට් 1 ක නව සූර්ය සහ සුළං බලශක්ති ධාරිතාවක් සංවර්ධනය කිරීමට සහාය වනු ඇත. මෙමගින් විදුලි පිරිවැය අඩු කිරීමට සහ ඩොලර් මිලියන 40 ක ඇපකර ඇතුළුව ඩොලර් මිලියන 800 කට අධික පුද්ගලික ආයෝජන ආකර්ෂණය කර ගැනීමට අපේක්ෂා කෙරේ.

එමෙන්ම සංචාරක අංශය ප්‍රවර්දනය සදහා ඩොලර් මිලියන 200 ක් වෙන්කර අති අතර එමගින් සංචාරක ව්‍යාපාරය නංවාලීමට සහ ප්‍රජා පාදක රැකියා නිර්මාණය කිරීමට ස්වාභාවික හා සංස්කෘතික වත්කම් වැඩි දියුණු කිරීම කෙරෙහි අවධානය යොමු කෙරේ.

ප්‍රාදේශීය සංවර්ධනය සදහා ඩොලර් මිලියන 200 ක් වෙන්වන අතර දේශීය ආර්ථිකයන් සහ රැකියා නිර්මාණය උත්තේජනය කිරීම සඳහා ආයෝජන ,උතුරු සහ නැගෙනහිර පළාත් ඇතුළු අඩු පහසුකම් සහිත ප්‍රදේශවල යටිතල පහසුකම් සහ කර්මාන්ත සන්වර්දනය මෙමගින් ඉලක්කකෙරෙ .

විශේෂයෙන් ඉහළ රැකියා විභවයක් ඇති අංශවල, පෞද්ගලික ව්‍යවසායයන්ට හිතකර කොන්දේසි නිර්මාණය කිරීම සඳහා ප්‍රතිසංස්කරණ වේගවත් කිරීමේ වැදගත්කම ලෝක බැංකු සභාපති අජේ බංගා අවධාරණය කළේය. මෙම ආධාර මගින් ශ්‍රී ලංකාව පුරා සිටින ප්‍රජාවන්ට පුලුල් ප්‍රතිලාභ ලබා දීමට තමා කැපවන බව ජනාධිපති අනුර කුමාර දිසානායක මහතා මෙහිදී ප්‍රකාශ කළේය.

එක්සත් රාජධානිය තම වීසා ප්‍රතිපත්ති දැඩි කිරීමට සැලසුම් කරමින් සිටී – ශ්‍රී ලංකාව බලපෑමට ලක්විය හැකි රටවල් ලැයිස්තුවේ .

එක්සත් රාජධානිය තම වීසා ප්‍රතිපත්ති දැඩි කිරීමට සැලසුම් කරමින් සිටී - ශ්‍රී ලංකාව බලපෑමට ලක්විය හැකි රටවල් ලැයිස්තුවේ .

ද ගාඩියන් පුවත්පතේ වාර්තාවලට අනුව, එක්සත් රාජධානියේ රජය තම රටෙහි වැඩි කාලයක් රැඳී සිටීම හෝ සරණාගත හිමිකම් පෑම ඉහළ මට්ටමක පවතින රටවල් ඉලක්ක කර ගනිමින් වීසා සීමාවන් හඳුන්වා දීමට සූදානම් වෙමින් සිටී. නම් කරන ලද රටවල් අතර ශ්‍රී ලංකාව, නයිජීරියාව සහ පකිස්ථානය ඇතුළත් වේ.

ඔබට අවශ්‍ය මොනවගේ ප්‍රවෘත්තිද?

මහාචාර්ය රොහාන් සමරජීව

සභාපති (LIRNEasia)

#news #channel7 #srilanka #trusted #campus #lecture #mohan #samarajeewa #news #channel7 #srilanka #trusted #campus #lecture #Rohan #samarajeewa

ලෝක බැංකු සභාපතිවරයෙක් දශක දෙකකට පසු ශ්‍රි ලංකාවට.

ලෝක බැංකු සභාපති අජේ බංගා (Ajay Banga) ශ්‍රි ලංකාවට පැමිණේ. ලෝක බැංකු සභාපතිවරයෙකු ශ්‍රි ලංකාවට පැමිණෙන්නේ දශක දෙකකට ආසන්න කාලයකට පසුවයි.
ඔහු ශ්‍රි ලංකාවට පැමිණෙන්නේ ජනාධිපති අනුර කුමාර දිසානායක මහතාගේ ආරාධනයකට අනුවයි.
ඔහුගේ සංචාරය ආර්ථික වශයෙන් ශ්‍රි ලංකාවට වඩා වැදගත් වෙයි.
මෙරට පෞද්ගලික අංශයේ ආර්ථිකය ගොඩනැගීම, රැකියා උත්පාදනය, දිගුකාලීන සංවර්ධනය හා තිරසාර මාවතකට සහය වීම ඔහුගේ සංචාරයේ මූලික අරමුණයි.

ලෝක බැංකු සමූහයේ සභාපති අජේ බංගා ( Ajay Banga) මහතාගේ සංචාරයේදී ජනාධිපති අනුරකුමාර දිසානායක, අගමැතිනි ආචාර්ය හරිනි අමරසූරිය සහ පෞද්ගලික අංශයේ ප්‍රධානින් හමුවීමට ද නියමිතය.

කොළඹ මහ නගර සභාවේ බලයත් NPP යට

මෙවර පළාත් පාලන මැතිවරණයේදී මහා නගර සභා 28 න් 23 ක බලය අත්පත් කර ගැනීමට
ජාතික ජන බලවේගය සමත් විය.
වසර 71කට පසු වාමවාදී මතවාදයක් දරණ දේශපාලන පක්ෂයකට
කොළඹ මහ නගර සභාවේ බලය මාරු වීම මෙහි විශේෂත්වයයි.
ජාතික ජන බලවේගය ලබා ගත් ජන්ද සංඛ්‍යාව 81814 වන අතර එය ජන්ද ප්‍රතිශතයෙන් 36.92% කී.
සභිකයින් 48 දෙනෙකු තේරීපත්විය.

කොළඹ මහ නගර සභාවේ මන්ත්‍රී ආසන ගණන 119ක් වන අතර
දෙවෙනි තැනට පත්වූ සමගි ජන බලවේගය මන්ත්‍රී ආසන 29ක්
හිමිකරගෙන තිබේ.
එක්සත් ජාතික පක්ෂය හිමිකර ගත්තේ මන්ත්‍රී ආසන 19කී.
ශ්‍රී ලංකා පොදුජන පෙරමුණ 05, ශ්‍රී ලංකා මුස්ලිම් කොංග්‍රසය 04,
ස්වාධීන කණ්ඩායම් (3) මන්ත්‍රී ආසන 03 ක් සහ සර්වජන බලය මන්ත්‍රී ආසන 02ක්
ලබා ගැනිණ .

සමගි ජන බල වේගයට කිසිදු මහ නගර සභාවක් දිනාගැනීමට නොහැකි වුවත්
කින්නියා නගර සභාවේ බලය ලබා ගැනීමට හැකි විය.
යාපනය සහ ත්‍රිකුණාමලය මහ නගර සභා හි බලය තහවුරු කර ගත්තේ
ඉලංගෙයි තමිල් අරසු කච්චි පක්ෂයයී.
වවුනියාව මහා නගර සභාවේ බලය හිමි වුයේ ප්‍රජාතන්ත්‍රවාදී දෙමල ජාතික සන්ධානයටයි.
හපුතලේ නගර සභාවේ බලය ස්වාධින කණ්ඩායමක් විසින් දිනා ගත් අතර,
මුස්ලිම් කොංග්‍රසය කාර්තන්කුඩ් සහ එරාවුර් නගර සභා හී බලය හිමිකර ගන්නා ලදී.

1947දී ආරම්භකරන ලද කොළඹ මහ නගර සභාවේ බලය එක්සත් ජාතික පක්ෂය
අකණ්ඩව පවත්වාගෙන යනු ලැබිණි. 1954දී සමසමාජ පක්ෂය මෙහි බලය ලබාගත් අතර
ආචාර්ය ඇන්.ඇම්. පෙරේරා කොළඹ පුරපති පදවියට පත් විය.
2006දී එක්සත් ජාතික පක්ෂයේ අපේක්ෂක ලැයිස්තුව ප්‍රතික්ෂේප වීම හේතුවෙන්
එජාප සහාය ලද, කන්නාඩිය ලකුණ නියෝජනය කරන කණ්ඩායම ජයග්‍රහණය කර
කොළඹ මහ නගර සභාවේ බලය ලබා ගත්තේය.

ජේ.ආර්. ජයවර්ධන සහ ආර්. ප්‍රේමදාස වැනි නායකයන් සිය දේශපාලන ගමන ආරම්භ කරන
ලද්දේද, කොළඹ මහ නගර සභාවෙනි

channel7.lk

Today News

යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ

120ක් අත්අඩංගුවට – සබරගමුවේ විශේෂපොලිස් මෙහෙයුමක්

දුමින්ද යලි රිමාණ්ඩ්

Weather News

අද කාලගුණය

ප්‍රදේශ කිහිපයකට තද වැසි