නාගරික සංවර්ධන අධිකාරියේ හිටපු අධ්‍යක්ෂ ජනරාල් අත්අඩංගුවට
හිටපු ජනාධිපති මහින්ද නිල නිවස හැර යයි
මහසිලුගේ මළ සිරුර හමුවේ
පාර්ලිමේන්තුව තුළ උණුසුම් තත්ත්වයක්
තෙල් පිරිපහදුවේ ගින්න ට හේතුව සොයන්න පරීක්ෂණයක්
Hot News

ශ්‍රී ලාංකිකයින්ට මාලදිවයිනේ රැකියා අවස්ථා ලක්ෂයක් ලබාදීමට පියවර

ශ්‍රී ලාංකිකයින් සඳහා මාලදිවයින තුල රැකියා අවස්ථා ලක්ෂයක් ලබාදීමට කටයුතු කරන බව මාලදිවයිනේ මහොකොමසාරිස් මසූද්…

Channel7.lk
Hot News

ආහාර රටාව වෙනස් කිරීමේ නව ව්‍යාපෘතියක් ආරම්භ කෙරේ.

පාසැල් දරුවන්ගෙන් ආරම්භ කරන මෙම ව්‍යාපෘතිය මඟින් මුලුමහත් සමාජයේම ආහාර රටාවේ පරිවර්තනීය වෙනසක් ඇතිකිරීමට බලාපොරොත්තු…

Channel7.lk
Hot News

ඇතැම් දත්ත දෙස බැලූ විට සුබවාදී තත්ත්වයක් නොපෙනෙන බව ජනාධිපති අනුර කුමාර දිසානායක පවසනවා.

වාර්තා ලබාදී ඇති ප්‍රතිශතය අනුව සමාගම් ලියාපදිංචි කර තිබෙන පුද්ගලයන්ගෙන් වාර්තා ලබා දී තිබෙන්නේ සියයට…

Channel7.lk
Hot News

අදත් වහීද?

බස්නාහිර, සබරගමුව, මධ්‍යම සහ වයඹ පළාත්වල ගාල්ල සහ මාතර දිස්ත්‍රික්කවල වැසි වාර කිහිපයක් ඇතිවන බව…

Channel7.lk
Hot News

ශ්‍රී ලංකාවේ ඩිජිටල් කරණය ක්‍රියාවලියේ පරිවර්තනීය ගමනක් ආරම්භ කර ඇතැයි එක්ෂත් ජාතීන්ගේ ධරණිය සංවර්ධන පොදු ප්‍රකාශනයකින් පෙන්වාදෙයි.

රී ලංකාව සිය සිවිල් ලියාපදිංචි කිරීමේ සහ වැදගත් සංඛ්‍යාලේඛන (CRVS) පද්ධතිය නවීකරණය කිරීම සඳහා පරිවර්තනීය…

Editor

පාර්ලිමේන්තු සජීව විකාශය Parliament Live

Watch Live

ශ්‍රී ලාංකිකයින්ට මාලදිවයිනේ රැකියා අවස්ථා ලක්ෂයක් ලබාදීමට පියවර

ශ්‍රී ලාංකිකයින් සඳහා මාලදිවයින තුල රැකියා අවස්ථා ලක්ෂයක් ලබාදීමට කටයුතු කරන බව මාලදිවයිනේ මහොකොමසාරිස් මසූද් ඉමාද් පවසා සිටියා. ඒ මාලදිවයින මහ කොමසාරිස්වරයා විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා අතර අමාත්‍යංශයේ අද පැවැති හමුවකදී ය.

මේ වන විට මාලදිවයින තුළ ශ්‍රී ලාංකිකයින් තිස්දහසක් පමණ රැකියාවල නිරත වී සිටී.  මාලදිවයිනේ රැකියාවල නියුතු ශ්‍රී ලාංකිකයින් සිය විදේශ ප්‍රේෂණ ලංකාවට එවීමේදී මතුව ඇති ගැටලු පිළිබඳවද මෙහිදී අමාත්‍යවරයා විමසුමට ලක් කර සිටියා.

එම ගැටළුව සම්බන්ධයෙන් මාලදිවයින රජයේ අවධානය යොමුවී ඇති බවත් එම ගැටළු විසඳීමට දැනටමත් වැඩපිළිවෙළක් සකස් කර ඇති බවයි මාලදිවන මහකොමසාරිස්වරයා වැඩිදුරටත් පවසා සිටියේ.

ආහාර රටාව වෙනස් කිරීමේ නව ව්‍යාපෘතියක් ආරම්භ කෙරේ.

පාසැල් දරුවන්ගෙන් ආරම්භ කරන මෙම ව්‍යාපෘතිය මඟින් මුලුමහත් සමාජයේම ආහාර රටාවේ පරිවර්තනීය වෙනසක් ඇතිකිරීමට බලාපොරොත්තු වේ.

අහිතකර ආහාර පුරුදු වලින් ඈත්කොට එළවලු සහ පළතුරු ඇතුලත් පෝෂණීය ආහාර වලට හුරුකර නිරෝගී පරපුරක් බිහිකර ගැනීම මෙම ව්‍යාපෘතියේ අරමුණයි.

සෞඛ්‍ය අමාත්‍යාංශය සහ අධ්‍යාපන අමාත්‍යාංශය ව්‍යාපෘතිය ක්‍රියාවට නංවයි. ජූනි මාසයට යෙදී ඇති ජාතික පෝෂණ මාසයට සමගාමීව මෙය ක්‍රියාත්මක කෙරේ.

ආහාර රටාව වෙනස්වීම හෙතුවෙන් මන්දපෝෂණය , ස්ථූලබාවය සහ ක්ෂුද්‍ර පෝෂක අඩුකම ආදී ගැටලු පසුගිය දවස් කිහිපය තුල වැඩි වී ඇත. ඒ හේතුවෙන් සමාජය තුල බෝ නොවන රෝග වල වර්ධනයක් වාර්තා වේ .

එළවලු සහ පළතුරු ඇතුලත් පෝෂණීය ආහාර භාවිතා කිරීමෙන් මෙම තත්වය මඟහරවා ගතහැකිය. පිෂ්ටය ,ප්‍රෝටීන සහ මේදය බහුල ආහාර මෙන්ම ලුණු සහ සීනි අවම කිරීම වැදගත් වේ.

පෝෂණ මාසය වෙනුවෙන් ක්‍රියාත්මකවන ව්‍යාපෘතීන් සම්බන්දව මාධ්‍ය දැනුවත් කිරීමේ සාකච්ඡාවේදී මේ බව සෞඛ්‍ය හා ජනමාධ්‍ය අමාත්‍යාංශයේ ලේකම් අනිල් ජාසිංහ මහතා පැවසීය.

කැලණිවැලියේ සතිඅන්ත දුම්රිය වාර වලට වෙන්න යන දේ

කැලණිවැලි දුම්රිය මාර්ගයේ සති අන්තයේ ධාවනය වූ දුම්රිය ගමන් වාර කිහිපයක් අවලංගු වී තිබෙනවා. ඒ අනුව සෙනසුරාදා සහ ඉරිදා දින පස්වරු 1 .50ට කොලඹ කොටුවේ සිට පාදුක්ක බලා ධාවනය වන දුම්රිය ත්,

පස්වරු 3.00 ට පාදුක්ක සිට කොලඹ කොටුව දක්වා ධාවනය වන දුම්රියත් , පස්වරු 4.00 ට කොලඹ කොටුවේ සිට අවිස්සාවේල්ලට ධාවනය වන දුම්රිය අවලංගු වී තිබේ.


මේ හේතුවෙන් “තමන් දැඩි අසීරූතාවයකට පත් වී සිටින බවයි දුම්රිය මඟීන් පවසා සිටියේ.
මේ පිලිබඳව, දුම්රිය දෙපාර්තමේන්තු නිලධාරියකුගෙන් අප කළ විමසීමකදි, ඔහු පවසා සිටියේ ,දුම්රිය රියදුරන්ගේ දැඩි හිඟය නිසා මෙම ගැටලු සහගත තත්ත්වයට මුහුණ පෑමට සිදු වී තිබෙන බවයි.


මෙම තත්ත්වය සම්බන්ධයෙන් මඟීන් පීඩාවට පත් වූවත් දුම්රිය රියදුරු හිඟය නිසා අවලංගු වීමට නියමිත ව තිබූ දුම්රිය ගමන් වාර ගණන 25ක් ය. නමුත් එම තත්වය අවම කරගනිමින් දුම්රිය වාර දෙකක් පමණක් අවලංගු කිරීමට කටයුතු කර ඇති බව ඔහු තවදුරටත් ප්‍රකාශ කළේය

. නැවත දුම්රිය රියදුරන් බඳවා ගන්නා තෙක් මෙම තත්වය මෙලෙස ම පවතින බව ත් ඔහු පවසා සිටියා.

ඇතැම් දත්ත දෙස බැලූ විට සුබවාදී තත්ත්වයක් නොපෙනෙන බව ජනාධිපති අනුර කුමාර දිසානායක පවසනවා.

වාර්තා ලබාදී ඇති ප්‍රතිශතය අනුව සමාගම් ලියාපදිංචි කර තිබෙන පුද්ගලයන්ගෙන් වාර්තා ලබා දී තිබෙන්නේ සියයට 43ක්. වාර්තා ලබා දී තිබෙන්නේ 2023-2024 වසරවල පුද්ගල ආදායම් බදුවලින් සියයට 23ක් පමණයි. හවුල් ව්‍යාපාර සියයට 46ක්, PAYE Tax ගෙවන අයගෙන් සියයට 18ක් ලෙස වාර්තා ලබා දී තිබෙනවා.

බදු ගෙවීම් සිදුකල යුතු අංශයන්ගෙන් කිසිම අංශයකින් සියයට 50 ක් ඉක්මවා නොමැති බව ජනාධිපතිවරයා ප්‍රකාශ කළා. ඉන් බදු ගෙවීමේ මැලිකමක් සහ බදු මඟහැරීම සඳහා තිබෙන ප්‍රයත්නය ඉන් පෙන්නුම් කරන බවද ඔහු සඳහන් කළේය.

YouTube player

මීට හේතු වී තිබෙන්නේ පැවති දේශපාලන අධිකාරිය විසින් රටේ බදු මුදල් පරිහරණය කළ ආකාරය පිළිබඳව බදු ගෙවන්නන් සහ පොදු ජනතාව තුළ තිබෙන විවේචන බවත් කිසිදු බදු මුදලකින් රුපියලක්වත් දේශපාලන අධිකාරිය විසින් වංචා නොකරන බවටත්, නාස්ති නොකරන බවටත් වන සහතිකය තමා ලබා දෙන බවත් ජනාධිපතිවරයා සඳහන් කළේය.

රාජ්‍ය යාන්ත්‍රණය පුරා පැතිරි තිබෙන වංචා දුෂණ වැළැක්විය යුතු බවත් මෙම කළු යාන්ත්‍රණයේ ජාවාරම්කාර අතළොස්සක් සිටින බැවින් එම කළු යාන්ත්‍රණය තුළ රාජ්‍ය නිලධාරින් මෙන්ම නීති විරෝධි සන්නද්ධ අවි ගත් අය සහ මාධ්‍යද සිටින බවයි ඔහු අවධාරණය කළේ.

එනිසා මෙම කළු යාන්ත්‍රණය බිඳින බවට තමා ජනතාවට සහතික වන බවද ජනාධිපතිවරයා වැඩිදුරටත් පැවසුවා.

ඔහු මේ බව සඳහන් කළේ අද (02) පෙරවරුවේ ජනාධිපති කාර්යාලයේ පැවති “බදු ශක්ති” බදු අනුකූලතාවය සහ බදු පදනම ඉහළ නැංවීමේ ජාතික වැඩසටහනෙහි සමාරම්භක අවස්ථාව අමතමිනි.

“ඔබේ බදු මුදල් ඔබ වෙනුවෙන්”තේමාව යටතේ “බදු ශක්ති – ජාතික බදු සතිය” ආරම්භ කිරීමද මිට සමගාමීව සිදු විය.

අදත් වහීද?

බස්නාහිර, සබරගමුව, මධ්‍යම සහ වයඹ පළාත්වල ගාල්ල සහ මාතර දිස්ත්‍රික්කවල වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.
ඌව පළාතෙත් අම්පාර සහ මඩකලපුව දිස්ත්‍රික්කවල සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති වේ.
මධ්‍යම කඳුකරයේ බටහිර බැවුම් ප්‍රදේශවල උතුරු, උතුරු – මැද සහ වයඹ පළාත්වල හම්බන්තොට සහ ත්‍රිකුණාමලය දිස්ත්‍රික්කයන්හී පැ.කි.මී. (30-40) ක පමණ තරමක තද සුළං ඇතිවේ.
තද සුළං සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.

නව COVID-19 උප ප්‍රභේද හදුනාගෙන ඇති නිසා සෞඛ්‍ය මාර්ගෝපදේශ අනුගමනයකරන්න

නව COVID-19 උප ප්‍රභේද මෙරටින් අනාවරණය වී ඇති නිසා සන්සුන්ව සිටින ලෙසත් සෞඛ්‍ය මාර්ගෝපදේශ අනුගමනය කරන ලෙසත් සෞඛ්‍ය
අංශ මහජනතාවගෙන් ඉල්ලා සිටී.

ජාතික ණය සුරැකුම් ආයතනය අද වැඩ අරඹයි

ජාතික ණය සුරැකුම් ආයතනය අද (02) නිල වශයෙන් මෙහෙයුම් කටයුතු ආරම්භ කරන බව මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය පවසයි.

මෙහි අරමුණ වන්නේ මෙරට ආර්ථිකයේ කොඳු නාරටිය බඳු ක්ෂුද්‍ර, සුළු හා මධ්‍ය පරිමාණ ව්‍යවසායයන් ශක්තිමත් කිරීමයි.

මුදල් අමාත්‍යාංශය යටතේ ක්‍රියාත්මක වන මෙම ආයතනය මගින් ගනුදෙනුකරුවන්ගේ ව්‍යාපාරික ණය සඳහා දේපළ ඇපකර මතයැපීම වෙනුවට මුදල් ප්‍රවාහ මත පදනම්ව මූල්‍ය ශක්‍යතාවයක් සහිත ව්‍යාපෘතීන් හඳුනාගනිමින් ආයතනයේ කොටස් හිමි බැංකු හා මූල්‍ය ආයතන වලට ඇප ආවරණයක් ලබා දෙමින්, ඒකී ආයතන ණය ලබා දීම සඳහා දිරිමත් කිරීම සිදු කරයි.

ශ්‍රී ලංකා රජය හා මූල්‍ය ආයතන එක්ව ක්ෂුද්‍ර, සුළු හා මධ්‍ය පරිමාණ ව්‍යවසායකයන්ගේ උන්නතිය උදෙසා ජාතික තලය තුළ මෙවැනි ක්‍රමයක් ක්‍රියාත්මක කරන ප්‍රථම අවස්ථාව මෙය වේ.

සමාරම්භක උළෙල මුදල් හා ක්‍රම සම්පාදන නියෝජ්‍ය අමාත්‍ය ආචාර්ය හර්ෂණ සූරියප්පෙරුමගේ ප්‍රධානත්වයෙන් පැවැත්වෙන අතර ආර්ථික සංවර්ධන නියෝජ්‍ය අමාත්‍ය මහාචාර්ය අනිල් ජයන්ත ප්‍රනාන්දු, කර්මාන්ත සහ ව්‍යවසායකත්ව සංවර්ධන නියෝජ්‍ය අමාත්‍ය චතුරංග අබේසිංහ, මුදල් අමාත්‍යාංශ ලේකම් මහින්ද සිරිවර්ධන, මහ බැංකු අධිපති ආචාර්ය නන්දලාල් වීරසිංහ සහ ආසියානු සංවර්ධන බැංකුවේ අධ්‍යක්ෂ ජනරාල් Leah Gutierrez ඇතුළු පිරිසක් මෙම අවස්ථාවට සහභාගී වීමට නියමිතයි.

බදු ශක්ති – ජාතික බදු සතිය සජීව විකාශය

ශ්‍රී ලංකාවේ ඩිජිටල් කරණය ක්‍රියාවලියේ පරිවර්තනීය ගමනක් ආරම්භ කර ඇතැයි එක්ෂත් ජාතීන්ගේ ධරණිය සංවර්ධන පොදු ප්‍රකාශනයකින් පෙන්වාදෙයි.

රී ලංකාව සිය සිවිල් ලියාපදිංචි කිරීමේ සහ වැදගත් සංඛ්‍යාලේඛන (CRVS) පද්ධතිය නවීකරණය කිරීම සඳහා පරිවර්තනීය ගමනක් ආරම්භ කර ඇතැයි එක්ෂත් ජාතීන්ගේ ධරණිය සංවර්ධන පොදු ප්‍රකාශනයකින් පෙන්වාදෙයි. මේ සදහා එක්සත් ජාතීන්ගේ සංවර්ධන වැඩසටහනේ (UNDP) සහ ලෝක සෞඛ්‍ය සංවිධානයේ (WHO) සහාය ඇතිව සහ එක්සත් ජාතීන්ගේ ශ්‍රී ලංකා SDG අරමුදල හරහා අරමුදල් සපයයයි. දැනට ක්‍රියාත්මක පුළුල් ඩිජිටල් පරිවර්තන න්‍යාය පත්‍රය මගින් මෙය ක්‍රියාවට නංවා ඇත. එමගින් ‘OneRegistry’ ලෙස නම් කර ඇති ඩිජිටල් මුලපිරීම මගින් එකම වේදිකාවක් මගින් සාම අංශයකටම ප්‍රවේශය ලබාගත හැකි පුළුල් ඩිජිටල් බවට පරිවර්තනයක් අපේක්ෂා කරයි.

ශ්‍රී ලංකාවේ මිලියන සංඛ්‍යාත ජනතාවට, විදේශ ගමන් බලපත්‍රයක් ලබා ගැනීම, දරුවෙකු පාසලට ඇතුළත් කිරීම, සමාජ ආරක්ෂාව ලබා ගැනීම වැනි මූලික සේවාවන් වෙත ප්‍රවේශ වීම දැනට සිදුවන්නේ සරල ආකාරයෙනි. නිවැරදි ලියකියවිලි තිබීම අත්‍යාවශ්‍ය නමුත් බොහෝ දෙනෙකුට, එවැනි තීරණාත්මක ලියකියවිලි සපයන සිවිල් ලියාපදිංචි කිරීමේ ක්‍රමය මන්දගාමී, යල් පැන ගිය සහ බාධක වලින් පිරී ඇත.

ශ්‍රී ලංකාව උපත් ලියාපදිංචි , ක්‍රියාවලිය කඩදාසි මත පදනම් වූ, ප්‍රමාදයන්ට ගොදුරු වන අතර, ග්‍රාමීය පවුල්, ආබාධ සහිත පුද්ගලයින් සහ නාගරික දුප්පතුන් ඇතුළු අවදානමට ලක්විය හැකි ප්‍රජාවන් බැහැර කිරීමේ අවදානමක් ඉන් ඇතිවේ . උපත් සහ මරණ අතින් ලේඛනගත කිරීම බොහෝ විට බාධක වලට තුඩු දෙන අතර, තීරණාත්මක සහතික සඳහා මාස ගණනාවක් බලා සිටීමට සිදුවේ.එය ක්‍රමවත් හා වේගවත් කිරීම අත්‍යවශ්‍ය පියවරකිනි. .මෙම ඩිජිටල් පරිවර්තනය මගින් එය වඩාත් ක්‍රමවත් හා කාර්යක්ෂම වනු ඇත.එහිදී පවතින ක්‍රමයෙන් සිදුවන දුෂණ වංචා අවම කරගත හැකිවනු ඇත.