චීන- CELAC සංසදයේ සිව්වැනි අමාත්‍ය මට්ටමේ සමුළුව බෙයිජිං ප්‍රකාශය නිකුත් කරයි

චීන – ලතින් ඇමරිකානු සහ කැරිබියානු රාජ්‍ය සංසදයේ (CELAC) සිව්වැනි අමාත්‍ය මට්ටමේ සමුළුව මැයි මස 13 වනදා බෙයිජිංහි දී පැවැත්විණ. සමුළුවේ ප්‍රතිඵලයක් වශයෙන් නිකුත් කෙරුණු බෙයිජිං ප්‍රකාශයට අනුව, දෙපාර්ශ්වය ගැඹුරින් අදහස් හුවමාරු පවත්වා දේශපාලන සංවාදය ශක්තිමත් කිරීම, සහයෝගතා පුළුල් කිරීම හා අන්‍යෝන්‍ය විශ්වාසය ප්‍රවර්ධනය කිරීම පිළිබඳ ස්ථිර පොරොන්දු යළි අවධාරණය කර ඇත.

ජාත්‍යන්තර තත්ත්වය වේගයෙන් වෙනස් වෙමින් පවතින වර්තමානයේ, චීන-CELAC සංසදය ද්විපාර්ශ්වික සහයෝගතා ව්‍යාප්ත කිරීමේ වැදගත් වේදිකාවක් බවට පත්ව තිබෙන බවත් ගෝලීය දකුණේ සමගි ජීවගුණය දෙපාර්ශ්වය අවධාරණය කළ බවත් එම ප්‍රකාශයේ සඳහන් වේ.

‘චීන-CELAC රාජ්‍යයන් අතර වැදගත් ක්ෂේත්‍රවල සහයෝගතා පිළිබඳ ඒකාබද්ධ ක්‍රියා සැලැස්මේ (2025-2027)’ සඳහන් සහයෝගතා අවස්ථා සඳහා අවධානය යොමු කරමින් දෙපාර්ශ්වයේ සැලකිල්ලට ලක්ව ඇති කරුණු සම්බන්ධයෙන් පොදුවේ සාකච්ඡා කිරීමට එකඟ වී තිබේ.

ගෝලීය අභියෝගවලට මුහුණ දීම සඳහා වැදගත් ක්ෂේත්‍රවල සහයෝගතා පැවැත්වීමට දෙපාර්ශ්වය කැමැත්තෙන් සිටිති. එක්සත් ජාතීන්ගේ ප්‍රඥප්තියේ මූලධර්මය හා ජාත්‍යන්තර නීති අනුගමනය කිරීමට යොමු වෙමින්, ආර්ථික, සමාජයීය, සහයෝගාත්මක, පාරිසරික තිරසර බවින් හා සමතුලිතභාවයෙන් යුතු සංවර්ධනය සඳහා කලාපීය හා බහුපාර්ශ්වික සහයෝගතාවන් හි වැදගත්කම අවධාරණය කෙරේ.

අන්තර් රාජ්‍ය අදහස් හුවමාරු ශක්තිමත් කරමින්, යටිතල පහසුකම්, සන්නිවේදනය හා ගමනාගමන සම්බන්ධකම්, විද්‍යා තාක්ෂණික නවෝත්පාදනය, බලශක්ති පරිභෝජන රටා වෙනස්කිරීම, දිළිඳුකම තුරන් කිරීම යන ක්ෂේත්‍රවල අන්‍යෝන්‍ය අධ්‍යයනය පුළුල් කිරීම දෙපාර්ශ්වයේ අපේක්ෂාවය. එක් තීරයක් එක් මාවතක් වැඩපිළිවෙලේ පොදු සංවර්ධනයට එක්වන පාර්ශ්වයන් චීන ලතින් ඇමරිකා ආර්ථික හා සමාජ සංවර්ධනයට ලබා දුන් දායකත්වය අගය කෙරේ.

සාමකාමී ලෝකයක් ගොඩනැගීමෙහි නියැළී සිටිමින්, පොදු ජයග්‍රාහී, සහයෝගතා, අන්‍යෝන්‍ය ප්‍රතිලාභී, පොදු ජයග්‍රහණ දිනා ගන්නා ආර්ථික ගෝලීයකරණය ඉදිරියට ගෙන යාමට දෙපාර්ශ්වය මුලපිරීමට කටයුතු කරන බව ද බෙයිජිං ප්‍රකාශය සඳහන් කර ඇත.
-CGTN Sinhala

ආනයනික ඇමරිකානු නිෂ්පාදන සඳහා තීරුබදු පහත දැමීමේ කටයුතු චීනය අරඹයි

ආනයනික ඇමරිකානු නිෂ්පාදන සඳහා වන නව තීරුබදු සකස් කරන බව චීන රාජ්‍ය කවුන්සිලයේ රේගු තීරුබදු කොමිසම නිවේදනය කරයි.

ඒ අනුව චීන රාජ්‍ය කවුන්සිලයේ, 2025 අංක 4 දරන රේගු තීරුබදු කොමිසමේ නිවේදනය ප්‍රකාරව‍‍ ඇමරිකානු නිෂ්පාදන සඳහා අතිරේක දැන්වීම් වටිනාකම් තීරුබදු ප්‍රතිශත වෙනස් කිරීමට පියවර ගනු ඇත,

එහිදී දින 90 ක මූලික කාලය සඳහා සියයට 24 ක ප්‍රතිශතය අත්හිටුවමින්, එම නිෂ්පාදන සඳහා ඉතිරිව ඇති අතිරේක දැන්වීම් වටිනාකම් තීරුබදු අනුපාතය සියයට 10 ක් ලෙස රඳවා ගැනෙන බව සඳහන් වේ.

එමෙන්ම රාජ්‍ය කවුන්සිලයේ රේගු තීරුබදු කොමිසම විසින් අප්‍රේල් මස 09 සහ 11 යන දිනවල නිකුත් කරන ලද අංක 05 සහ 06 දරන නිවේදන මගින් පනවන ලද එම භාණ්ඩ සඳහා සංශෝධනය කළ අතිරේක දැන්වීම් වටිනාකම් තීරුබදු අනුපාත ද ‍ඉවත් කිරීමට චීනය පියවර ගනු ඇත.

ඇමරිකාව විසින් පසුගිය මාසයේ දී පනවන ලද “අන්‍යෝන්‍ය තීරුබදු” වලට එරෙහිව ප්‍රතිචාර දක්වමින් චීනය එරටින් ආනයනය කරන නිෂ්පාදන සඳහා පිළිවෙලින් සියයට 84ක් සහ සියයට 125ක් දක්වා අතිරේක තීරුබදු ඉහළ නැංවීය.

ද්විපාර්ශ්වික තීරුබදු පහත දැමීම චීනයත් ඇමරිකාවත් අතර නිෂ්පාදන සහ පාරිභෝගික අපේක්ෂාවන්ට අනුකූල වනවා සේම දෙරට අතර ආර්ථික හා වෙළඳ හුවමාරුවට මෙන්ම ගෝලීය ආර්ථිකයට හිතකර වීමක් බව ද චීන රාජ්‍ය කවුන්සිලයේ රේගු තීරුබදු කොමිසම අවධාරණය කරයි.

චීන – ඇමරිකා ආර්ථික හා වෙළඳ කටයුතු සම්බන්ධයෙන් ස්විට්සර්ලන්තයේ ජිනීවා හි දී පසුගිය 10 සහ 11 යන දෙදින තුළ පැවති ඉහළ පෙළේ සාකචඡා අවසානයේ දෙරට අතර ඒකාබද්ධ නිවේදනයකට එළැඹිණ.

ඒ අනුව විධායක නියෝගයක් මඟින් පසුගිය 12 වැනි දා ඇමරිකාව නිවේදනය කර සිටියේ, මැයි මස 14 වැනි දින සිට චීනයට එරෙහිව පනවා ඇති තීරුබදු පහත දැමීමට පියවර ගන්නා බවයි.
-CGTN Sinhala

ප.ව. 1.00 න් පසු ගිගුරුම් සහිත වැසි

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් විටින්විට වැසි හෝ ගිගුරුම් සහිත වැසි ඇතිවේ. බස්නාහිර පළාතෙත් ගාල්ල සහ මාතර දිස්ත්‍රික්කවලත් ඇතැම් ස්ථානවල මි.මී. 50 ට වැඩි තරමක තද වැසි ඇතිවේ. මධ්‍යම, ඌව, උතුරු-මැද සහ නැහගනහිර පළාත්වල ප.ව. 1.00 න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැක. උතුරු, උතුරු මැද, වයඹ සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. (30-40) ක පමණ තරමක තද සුළං ඇතිවේ. ගිගුරුම් සහිත වැසි සමග ඇතිවන තවකාලිකා තද සුළ වලින් සහ අකුණු මඟින් සිදු වන් අනතුරු අවම කර ගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් කාරුණිකාව ඉල්ලා සිටිනු ලැබේ.

ඉදිරි පැය 24 ට දිවයින වටා වන මුහුදු ප්‍රදේශ සඳහා කාලගුණ අනාවැකිය.
වැසි තත්ත්වය:
පුත්තලම සිට කොළඹ සහ ගාල්ල හරහා හම්බන්තොට දක්වා සහ මඩකලපුව සිට ත්‍රිකුණාමලය හරහා කන්කසන්තුරය දක්වා වෙරළට ඔබ්බෙන් වන මුහුදු ප්‍රදේශවල තැනින් තැන වැසි ඇතිවේ.
සුළඟ:
සුළං බස්නාහිර සිට නිරිත දක්වා වන දිශාවලින් හමා එන අතර සුළං වේගය පැ.කි.මී. (30-40) පමණ වේ. කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළගේ වේගය විටින් විට පැ.කි.මී. (50-60) පමණ දක්වා ඉහළ යා හැකිය.

මුහුදේ ස්වභාවය:
කන්කසන්තුරය සිට පුත්තලම, කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ විටින් විට රළු වේ. දිවයින වටා වන සෙසු මුහුදු ප්‍රදේශ මඳ වශයෙන් රළු වේ. ගිගුරුම් සහිත වැසි ඇති වන විට එම මුහුදු ප්‍රදේශවල තවකාලිකව තද සුළ ඇති විය හැකි අතර එවිට එම මුහුදු ප්‍රදේශ තවකාලිකාව ඉතා රළු විය හැකිය.

චීනයේ ශ්‍රී ලංකා තානාපති කාර්‍යාලය සංවිධානය කළ වෙසක් සැමරුම

සුනෙත්‍රා කුමාරි – (බේජින්) ශ්‍රී ලංකා තානාපති කාර්‍යාලය සංවිධානය කළ වෙසක් සැමරුම තානාපති කාර්යාලය, රාජ්‍ය තාන්ත්‍රික නිලධාරීන්, විදේශ කටයුතු අමාත්‍යාංශය, චීන කොමියුනිස්ට් පක්ෂයේ ජාත්‍යන්තර අංශය, චීන ව්‍යවසායකයින් සහ මාධ්‍ය සමඟ එක්ව වෙසක් උත්සවය සැමරීය. ලින්ගුවාං විහාරස්ථානයේ ප්‍රධාන සංඝනායක සහ චීන බෞද්ධ සංගමයේ උප සභාපති අතිපූජ්‍ය චැං ෂැං මහතා ආගමික උත්සවය මෙහෙයවීය. වෙසක් සැමරුම සඳහා ප්‍රථම වරට මීටර් 4 ක තොරණක් (තොරණ) සහ දන්සලක් ඉදිරිපත් කරන ලදී

The current image has no alternative text. The file name is: WhatsApp-Image-2025-05-12-at-20.29.24.jpeg

The current image has no alternative text. The file name is: WhatsApp-Image-2025-05-12-at-20.29.23-1.jpeg

The current image has no alternative text. The file name is: WhatsApp-Image-2025-05-12-at-20.29.44.jpeg

පුටින් -සෙලෙන්ස්කි හමුව 15 දා

යුක්රේන යුද්ධය සමතයකට පත්කරගනිමෙ දින 30 ක සටන් විරාමයක් සඳහා වූ ඔවුන්ගේ ඉල්ලීම පිළිගැනීමට යුරෝපීය රටවල් ක්‍රෙම්ලිනයට බල කිරීමත් සමඟ මෙම සතියේ අගභාගයේදී තුර් කියෙ දි හමුවීමට සැලසුම් කර තිබේ . එම යුක්රේන-රුසියා සාකච්ඡාවලට තමන් ද සම්බන්ධ වන බව අමරිකානු එක්සත් ජනපද ජනාධිපති ඩොනල්ඩ් ට්‍රම්ප් ඉයේ ප්‍රකාශ කරන ලදි . මෙම ආරම්භක සාම සාකච්ඡා ක්‍රියාවලියට නව ප්‍රවෙශයක් ලබාදෙමින් යුක්රේන ජනාධිපති වොලොඩිමියර් සෙලෙන්ස්කි ඉස්තාන්බුල් වෙත යන බවත් එහිදි යුක්රේන ජනාධිපති වොලොඩිමියර් සෙලෙන්ස්කි තම රුසියානු සහචරයා වන ව්ලැඩිමීර් පුටින් හමුවීමට බලා පොරොත්තුවන බවත් පවසා අත.

තීරුබදු ප්‍රතිපත්ති සංශෝධනය පිළිබඳ චීන-ඇමරිකා ඒකාබද්ධ ප්‍රකාශයක්

තිරසර, දිගුකාලීන සහ අන්‍යෝන්‍ය වශයෙන් වාසිදායක ද්විපාර්ශ්වික ආර්ථික හා වෙළඳ සබඳතාවයක වැදගත්කම හඳුනා ගනිමින් චීනය සහ ඇමරිකාව මැයි 14 වන දිනට පෙර පහත ක්‍රියාමාර්ග ක්‍රියාත්මක කිරීමට එකඟත්වය පළ කර ඇතැයි එම ඒකාබද්ධ ප්‍රකාශය මගින් ප්‍රකාශ කෙරේ.

ඒ අනුව පසුගිය අප්‍රේල් 8වැනි දා පළ කළ අංක 14259 සහ 9 වැනිදා පළ කළ අංක 14266 දරණ විධායක නියෝගවල චීන භාණ්ඩ සඳහා 91% ක තීරුබදු ඉවත් කිරීමට ඇමරිකාව තීරණය කර ඇත. පසුගිය අප්‍රේල් 2 වැනිදා පළ කළ අංක 14257 නියෝගයට අනුව චීන භාණ්ඩ සඳහා 34% ක අන්‍යෝන්‍ය තීරුබදු සංශෝධනය කර, ඉන් 24% ක තීරුබදු දින 90කට අත්හිටුවීමට ද ඇමරිකාව එකඟත්වය පළ කර තිබේ.

ඒ සමග ම, ඇමරිකාවේ අන්‍යෝන්‍ය තීරුබදු පියවරට එරෙහිව ඇමරිකා භාණ්ඩ සඳහා පනවා ඇති 91% ක තීරුබදු චීනය අවලංගු කිරීමට අපේක්ෂා කරයි. එමෙන්ම ඇමරිකාවේ භාණ්ඩ සඳහා 34% ක අන්‍යෝන්‍ය තීරුබදුවලින් 24%ක් දින 90කට චීනය ද අත්හිටුවීමට පියවර ගනු ඇතැයි වාර්තා වේ. ඇමරිකාවට එරෙහි තීරුබදු නොවන ප්‍රති-පියවර චීනය අත්හිටුවා හෝ අවලංගු කරනු ඇත.

ඉහත ක්‍රියාමාර්ගවලින් පසුව ද දෙපාර්ශ්වය ආර්ථික හා වෙළඳ සබඳතා පිළිබඳ සාකච්ඡා අඛණ්ඩව පැවැත්වීමට යාන්ත්‍රණයක් ස්ථාපිත කිරීමට නියමිත බව චීන-ඇමරිකා ඒකාබද්ධ ප්‍රකාශයේ වැඩිදුරටත් සඳහන් වේ.
CGTN Sinhala

ඉන්දු- පාකිස්ථාන උණුසුමත් සමඟ කොළඹ වරාය සිරුවෙන්

අමාත්‍ය බිමල් රත්නායක

-ඉන්දීයාව හා පකිස්ථානය අතර මේ වනවිට ඇතිවී ඇති උණුසුම්කාරී තත්ත්වය සහ ඉදිරියේ දී ඇතිවිය හැකි ලෝක දේශපාලනික තත්ත්වයන් හේතුකොට ගෙන ලංකාවේ වරාය සහ ගුවන්තොටුපොළට එල්ල විය හැකි බලපෑම පිළිබඳව සාකච්ඡා පසුගියදා ප්‍රවාහන ,මහමාර්ග,වරාය සහ සිවිල් ගුවන්සේවා අමාත්‍ය බිමල් රත්නායකගේ ප්‍රධානත්වයෙන් පැවැත්විණි.
ඉන්දු පකිස්ථාන අර්බුදය නිසා වරායට අමතර නැව් පැමිණීමට ඉල්ලීම් පවතින අතර ඒවා කාර්යක්ෂමව මෙහෙයුම් කටයුතු සිදු කිරීමටත් දැනට සිදුවන මෙහෙයුම් කටයුතුවල වලට බාධාවක් නොවී එම කටයුතු සිදුකිරීමට ඇති හැකියාව සහ යෝජනා සම්බන්ධව ද මෙහිදී සාකච්ඡා සාකච්ඡාවට බඳුන්විය.

වරාය මෙන්ම ගුවන්තොටුපොළ ද ඉදිරියේදී ඇතිවිය හැකි තත්ත්වයන්ට සුදානමින් පවත්වා ගතයුතු බවට අවධාරණය කළ අමාත්‍යවරයා ලෝක දේශපාලන තත්ත්වයන්ට සාර්ථකව මුහුණ දෙමින් එය අවස්ථාවක් කර ගනිමින් කාර්යක්ෂම ව වරාය සහ ගුවන්තොටුපොළ මෙහෙයුම් කටයුතු සිදුකර ගතයුතු බවත් පවසා සිටියා. වරාය අධිකාරියේ නිලධාරීන්,ගුවන්තොටුපල නිලධාරීන්, කොළඹ හම්බන්තොට වරායන් වල පර්යන්ත භාර නිළධාරීන්, නැව් සමාගම් නියෝජිතයින් සහ රේගු නිලධාරීන් මෙම අවස්ථාවට සහභාගී විය.

වෙසක් දින පණිවුඩය

බුද්ධශාසන, ආගමික සහ සංස්කෘතික කටයුතු අමාත්‍යය

වෙසක් දිනය (1)Download

වෙසක් සුභාශිංසන පණිවුඩය

සම්බුදුරජාණන්වහන්සේගේ තෙමඟුල සිහිකරමින් ආමිස හා ප්‍රතිපත්ති පූජාවෙන් බුදුන් පුදන්නට ශ්‍රී ලංකාවේ බෞද්ධ ජනතාව පෙළ ගැසෙන මේ වෙසක් සමයේ සමස්ත රටවැසියන් වෙත වෙසක් සුභ පැතුම් පණිවුඩයක් නිකුත් කිරීමට ලැබීම ගැන මම සතුටු වෙමි.

ශ්‍රී ලංකාවාසී අපගේ ජන ජීවිතය ඈත අතීතයේ සිටම බුද්ධ දර්ශනය හා බැඳී පවතී. එය බුදු දහමෙන් අපට ලැබුණු දායාදයකි. අප රටේ විවිධ ජාතීන් විවිධ ආගම් අදහමින් සමගියෙන් සහ සහජීවනයෙන් ජීවත් වන අතර සියලුම දෙනා එක්ව වෙසක් උත්සවය වැනි ප්‍රධාන ආගමික උත්සවයක් සැමරීම ඊට හොඳම නිදසුනකි.

“පොහොසත් රටක් ලස්සන ජීවිතයක්” ගොඩනැගීමේ අපේ තේමා පාඨය මූලික කරගෙන පිහිටුවාගත් අප රජය යටතේ එළැඹි පළමු වෙසක් උත්සවය මෙයයි. අප දේශය නිවැරදි පරිවර්තනයකට යොමු කරමින් සිටින මෙවන් අවධියක මානව සිත්සතන් සුවපත් කිරීමට ද මෙම වෙසක් කාලය වඩාත් සුදුසු බව මගේ විශ්වාසයයි. ඒ සඳහා සියලුම දෙනා එක්සිත්ව හා එක්සත්ව ඇත්වැල් බැඳගනිමුයි මාගේ වෙසක් පණිවුඩය තුළින් ඔබ සැමට ආරාධනා කිරීමට මෙය අවස්ථාවක් කර ගනිමි.

මේ වනවිට ලෝකයේ නොයෙක් රටවල ඇවිලී තිබෙන යුද ගිනිදැල් නිවී සමස්ත ලෝකවාසීන්ටම සතුටින් හා සාමයෙන් ජීවත් වීමේ භාග්‍යය උදාවේවායි මෙම වෙසක් සමයේ දී සමස්ත ශ්‍රී ලාංකිකයින් සමඟ මම ප්‍රාර්ථනා කරමි.

ඔබ සියලු දෙනාටම සුභ වෙසක් මංගල්‍යයක් වේවා! තුනුරුවන් සරණයි.

වෙසක් දින පණිවිඩය

இலங்கை சனாதிபதி

President of Sri Lanka

තිලෝගුරු සම්මා සම්බුදුරජාණන් වහන්සේගේ උත්පත්තිය, බුද්ධත්වය හා පරිනිවාණය යන

ත‍්‍රිවිධ මංගල්‍යය සිදුවූ වෙසක් පුන් පොහෝ දිනය සමස්ත ලෝකවාසී බෞද්ධ ජනතාවටම ඉතා

සුවිශේෂී දිනයකි. සියලූ බුද්ධ කාරක ර්ධමයන් සපුරා, මාර සේනාව පරාජය කොට මධ්‍යම

ප‍්‍රතිපදාවෙන් ඥානය දියුණු කර, චතුරාය සත්‍යය අවබෝධ කොට, සියලූ කෙලෙසුන් නසා

සම්‍යක් සම්බුද්ධත්වයට පත්වූයේ මෙවන් අසිරිමත් වෙසක් දිනයකදීය. උන්වහන්සේ සියලූ දුක්

ඉවසා, සසරින් සසරට ජීවිත ගණනාවකදී පෙරුම් පුරා පරාථර්චයාවෙන් අවබෝධ කරගත්

ධමය සියලූ ලෝකවාසීන්ගේආධ්‍යාත්මික හිත සුව පිණිසම හේතු සාධක විය.

බුදුන් වහන්සේගේ මුඛ්‍ය දේශනාව වූයේ ආගමික පසුබිමක හිඳ මිනිසාගේ ආධ්‍යාත්මික

සංර්වධනය ඇති කිරීමයි. එසේම පාලකයකු විසින් යහපත් පාලන තන්ත්‍රයක් ගොඩනගා ගත යුතු

ආකාරය පිළිබඳවද බෞද්ධ ර්දර්ශනයේ සඳහන් වෙයි. “සබ්බං රට්ඨං සුඛං සේති – රාජා වේ හොති

ධම්මිකෝ” යනුවෙන් බුදුන් වහන්සේ දේශනාකොට ඇත්තේ රටක පළමු පුරවැසියා වන

පාලකයා දැහැමි වුවහොත් සියලු ජනයා සුව සේ ජීවත් වනු ඇති බවයි.

බුදුරජාණන් වහන්සේගේ අථ ර්ධර්ම මාවත මනා කොට ආර්දශයට ගනිමින් පරාථකාමීත්වය

තුළ සමානාත්මතාවයෙන් සහ සමාජ සාධාරණත්වයෙන් යුතු දියුණුරටක් ගොඩනගමින්

” පොහොසත් රටක් – ලස්සන ජිවිතයක්” පිළිබඳ මෙරට ජනතාවගේ අපේක්ෂා ඵල දැරීම

වෙනුවෙන් අප තව තවත් සද් අධිෂ්ඨානයෙන් සහ වීයයෙන් යුතුව එක්ව පොර බදිමුයි මෙම

පින්බර වෙසක් මංගල්‍යයේදී මම සියලුදෙනාට ඇරයුම් කරමි.

බුදුන් වහන්සේගේ දේශනාව තුළ ලෝක සාමය උදෙසා මහැගි පණිවිඩයක් ගෙන දෙන අතර එම

ඉගැන්වීම් ප්‍රායෝගිකව වටහා ගනිමින් මෙත්තා, කරුණා, මුදිතා සහ උපේක්ෂා යන සතර බ්‍රහ්ම

විහරණ අනුව කටයුතු කරමින් යුද ගිනි දැල් නිවුණු සාමකාමී ලෝකයක් වෙනුවෙන් කැපවීමේ

අවශ්‍යතාව අන් කවරදාටත් වඩා දැඩිව මතුව තිබෙන බවද මෙහිලා සිහිපත් කරනු කැමැත්තෙමි.

ධමාවබෝධයෙන් සියලු සිත් සතන් ආලෝකවත් වන පින්බර වෙසක් මංගල්‍යයක් වේවා !

channel 7

Today News

STF අපරාධ මෙහෙයුම් අධීක්ෂණ ප්‍රධානී ලෙස රොහාන් ඕලුගලව පත් කරයි

නේපාල අගමැතිවරයා ඉල්ලා අස්වේ

අම්බලන්ගොඩ වෙඩිතැබීමක්

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි