වත්තේගම නගර සභාවේ හිටපු සභාපති අත්අඩංගුවට
බැකෝ සමන්ගේ සමීපතම පුද්ගලයෙක් අත්අඩංගුවට
ජාතික මැණික් සහ ස්වර්ණාභරණ අධිකාරියේ සභාපති අභාවප්‍රාප්ත වෙයි
ලෝටස් පාර තාවකාලිකව වසයි
පූජ්‍ය අතුරලියේ රතන හිමියන්ට ඇප
Hot News

වියට්නාමය සහ ශ්‍රී ලංකාව අතර ක්ෂේත්‍ර රැසක පවතින නව අවස්ථා සොයා බැලේ.

වියට්නාමය හා ශ්‍රී ලංකාව අතරවියට්නාමය සහ ශ්‍රී ලංකාව අතර වෙළඳ, අධ්‍යාපනය, කෘෂිකාර්මික, ආයෝජන සහ සංචාරක…

Channel7.lk

ප්‍රභල ඇමතිවරයෙකුගේ නඬුවේ විනිසුරු මාරු කරයි

පාර්ලිමේන්තුවේ ඉදිරිපෙල වාඩිවී සිටින ප්‍රබල අමාත්‍යවරයෙකුගේ නඩුවක් ඇසීමට නියමිතව සිටු අධිකරණ විනිසුරන් මාරු කර ඇති බව ශ්‍රී ලංකා පොදුජන පෙරමුණේ ජාතික සංවිධායක නාමල් රාජපක්ෂ මහතා සඳහන් කරයි.

එවන් නඩුවක් ඇත්තේ කාටදැයි රටම දන්නා බවත් පාර්ලිමේන්තුව අමතමින් හෙතෙම කියා සිටියේය.

එම අමාත්‍යවරුන්ට අනුරාධපුරේ දී නෑමට පමණක් නිවසක් ඇති බවද හෙතෙම තවදුරටත් එහිදී පැවසුවේය.

අධිකරණවල විනිසුරුවන් පත් කිරීමට හෝ මාරු කිරීමට දේශපාලන මැදිහත්වීම නොකළ යුතු බවද පැවසූ ඔහු අධිකරණ පද්ධතිය ස්වාධීනව පැවතිය යුතු බවත් පැවසුවේය.

චිචිගේ රොකට්ටුව තියෙන තැන එක්සත් ජාතීන් (UN) පෙන්වයි..

පිවිතුරු හෙළ උරුමය පක්‍ෂ මූලස්ථානයේ පැවැති මාධ්‍ය හමුවේ දී එම පක්ෂ නායක නීතිඥ උදය ගම්මන්පිල මහතා මෙම අදහස් පල කරන ලදී.

අහසේ පවතින වස්තූන්ගෙන් අපල එන බවට ජවිපෙ නායකයින් විශ්වාස නොකලත් අද චිචී රොකට්ටුව නමින් රටම දන්නා සුප්‍රීම් සැට් චන්ද්‍රිකාව ආණ්ඩුවට බරපතල මාරකයක් ගෙනැවිත් ඇති බව පැහැදිලියි. ආණ්ඩුවේ මාධ්‍ය ප්‍රකාශක නලින්ද ජයතිස්ස ඇමතිතුමා පසුගිය මාධ්‍ය හමුවේ දී ප්‍රකාශ කලේ සුප්‍රීම් සැට් නමින් චන්ද්‍රිකාවක් ගුවන් ගත කර නෑ කියලා. එතුමා ඒකට මූලාශ්‍රය ලෙස කිව්වේ චන්ද්‍රිකා පිලිබඳ කටයුතු කරන එක්සත් ජාතින්ගේ නියෝජිත ආයතනය ලෙස එතුමා හැඳින්වූ ජාත්‍යන්තර විදුලි සංදේශ සංගමය නැතිනම් අයිටියූ එක. මුලින්ම කියන්න ඕනි අයිටියූ කියන්නේ චන්ද්‍රිකා සම්බන්ධ එක්සත් ජාතින්ගේ නියෝජිත ආයතනය නොවේ. ඒක ආණ්ඩුවේ තවත් පචයක්. ඒක ප්‍රධාන වශයෙන් කරන්නේ ජාත්‍යන්තර තාක්ෂණික ප්‍රමිතීන් සැකසීමට අමතරව විශ්වීය සංඛ්‍යාත බෙදා හැරීම සහ නියාමනයයි.

චන්ද්‍රිකා ගුවන් ගත කිරීම සම්බන්ධයෙන් කටයුතු කරන්න වෙනම එක්සත් ජාතින්ගේ ආයතනයක් තිබෙනවා. ඒකට කියන්නේ අභ්‍යවකාශ කටයුතු පිළිබඳ එක්සත් ජාතින්ගේ කාර්යාලය. United Nations Office for Outer Space Affairs. ඒක බිහි කරන්නේ ජාත්‍යන්තර සම්මුතියක ප්‍රතිඵලයක් විධියටයි. නලින්ද ඇමතිතුමා සුප්‍රීම් සැට් නමින් චන්ද්‍රිකාවක් නෑ කියලා විශ්වාසයෙන් කිව්වත් ඒ බව ඔප්පු කරන්න කිසිම සාක්ෂියක් ඉදිරිපත් කලේ නෑ. ඔන්න මම දැන් සාක්ෂි සමගම සුප්‍රීම් සැට් චන්ද්‍රිකාව තිබෙන තැන පෙන්වනවා.

ගූගල් සෙවුම් යන්ත්‍රයේ United Nations Office for Outer Space Affairs කියලා සෙව්වාම මේ වෙබ් අඩවියට එනවා. මේ වෙබ් අඩවියේ තිබෙනවා space object register නමින් ලැයිස්තුවක්. ඒකේ තිබෙනවා. Online index of objects launched into Outer Space නමින් අයිතමයක්. ඒක එබුවාම එනවා Online index of objects launched to into Outer Space කියන වෙබ් පිටුව. එතැන තිබෙන සෙවුම් යන්ත්‍රයේ අපි ලියමු supremesat කියලා. දැන් එනවා supremesat 1 සහ supremesat 2 කියලා චන්ද්‍රිකා දෙකක් ගැන තොරතුරු. මාව අල්ල ගන්න එපා. මේ ආණ්ඩුව බොරු කියනවා කියලා කියන්නේ මම නෙමෙයි. අභ්‍යාවකාශ කටයුතු පිළිබඳ එක්සත් ජාතින්ගේ කාර්යාලයේ තියෙන අන්තර්ජාල ලේඛණයේ. අපි දැන් supremesat 1 ගැන සොයලා බලමු. මේ චන්ද්‍රිකාවේ නම විධියට දැක්වෙන්නේ සොන්ග් සින්ග් 12. ඒ තමයි චීන නම. චීන නම් අපට උච්චාරණය කරන්න මතක තබා ගන්න අපහසු නිසා ඒ අය ජාත්‍යන්තර කටයුතු වල දී ඉංග්‍රිසි නම් භාවිතා කරනවා. චයිනාසැට් 12 කියන්නේ ඒකේ ජාත්‍යන්තර නම. චයිනාසැට් 12 කියන්නේ චීනය ගුවන් ගත කළ චන්ද්‍රිකාවක්.

චයිනාසැට් 12 චන්ද්‍රිකාවේ සන්නිවේදන උපකරණ ඇතුළු කොටසක් සුප්‍රීම් සැට් සමාගම මිල දී ගන්නවා. ඒක හරියට සත් මහල් ගොඩනැගිල්ලක එක මහලක් අපි මිල දී ගන්නවා වගේ වැඩක්. එහෙම නැතිනම් මහල් නිවාස සංකීර්ණයකින් මහල් නිවාසයක් මිල දී ගන්නවා වගේ වැඩක්. දැන් මේ චන්ද්‍රිකාව චීනයට වගේම ලංකාවටත් අයිති නිසා රටවල් දෙකේම ධජ මේ චන්ද්‍රිකාවට එක් වෙනවා. ඒ වගේම සුප්‍රීම් සැට් සමාගම විසින් මේ චන්ද්‍රිකාව සුප්‍රීම් සැට් 1 යනුවෙන් නම් කරනවා. අපි ඒකට co-branding නැතිනම් සමනාමකරණය ලෙස හැඳින්වෙනවා. අපි කොළඹ කියන කොට ඉංග්‍රිසීන් කලම්බු කියනවා. අපි නාගදීපය කියන දූපතටම දෙමළෙන් නයිනතිව් කියනවා. ඒ වගේ එකම චන්ද්‍රිකාවට චීන නම, ශ්‍රී ලංකා නම සහ ජාත්‍යන්තර නම වශයෙන් නම් තුනක් තිබෙනවා. මේ නම් තුනම අන්තර්ජාල ලේඛණයේ දැක්වෙන බව ඕනෑම කෙනෙකුට බලා ගන්න පුළුවන්.

2012 නොවැමබර් 27 යැව්වා කියලානේ. මෙකෙත් ඒ වගේම ගුවන් ගත කල දිනය විදියට නැතිනම් උඩුගත කල දිනය විදියට 2012.11.27. Registration document කියලා යොමුවක් තියෙනවා. මේ ලියාපදිංචියට අදාළ සියලුම ලේඛණ සියලුම ජාත්‍යන්තර භාෂාවලින් මේ වෙබ් අඩවියේ ඉදිරිපත් කරලා තියෙනවා. කාටහරි හිතෙන්න පුලුවන්. 2012 යැව්වා වුනාට නලින්ද ඇමතිතුමා බැලුවේ දැන්නේ. දැන් නෑ කියලා නේ. වෙන්න පුලුවන්නේ. අපේ සීයා ඉන්නවා කියලා මම සීයාගේ උප්පැන් සහතිකය පෙන්නලා බෑනේ. සීයා දැන් මැරිලානේ. එදා ඉපදිච්ච බව ඇත්ත. දැන් නැද්ද කියන ප්‍රශ්නේ එනවානේ. සාධාරණ ප්‍රශ්නයක් නේ. ඒ ප්‍රශ්නේත් මේ වෙබ් අඩවිය විසඳලා තියෙනවා. Date of decay or change මේ චන්ද්‍රිකාව සුන්බුන් බවට පත් වුණා නම් චන්ද්‍රිකාව ඉවත් වුණා නම් ඒ ඉවත් වෙච්ච දවස ඒ චන්ද්‍රිකාව වෙනස් වුණා නම් ඒ වෙනස් කරපු දවස. එහෙම එකක් මේකේ සටහන් වෙන්නේ නෑ. මේකේ තාම තියෙනවා Status කියලා. මේ දැන් මේ මොහොතේ තියෙන්නේ කොතනද? කියලාත් ඒ වෙබ්අඩවියේ පෙන්වනවා.

එහෙම නම් අණ්ඩුවේ මාධ්‍ය ප්‍රකාශක නලින්ද ජයතිස්ස ඇමතිතුමා ආණ්ඩුවේ මාධ්‍ය හමුවේදී පසුගිය සතියේ කියලා තියෙන්නේ අර ආණ්ඩුවේ පච වැලට තවත් එක් පචයක් එකතු කිරීමයි. නලින්ද ඇමතිතුමා කියනවා ලංකාවට වෙන් වුණු අභ්‍යවකාශ ස්ථාන දෙකේ චන්ද්‍රිකා ගුවන් ගත කරලා නෑ කියලා. දැන් කවුද ලංකාවේ අවකාශයේ චන්ද්‍රිකා තිබෙනවා කිව්වේ. සුප්‍රීම් සැට් සමාගම කිව්වෙත් නෑ. චිචී කිව්වෙත් නෑ. විපක්ෂයෙන් කිව්වෙත් නෑ. ඒක කිව්වේ වසන්ත සමරසිංහ ඇමතිතුමා. එතුමා තමයි කිව්වේ අපිට හිමි අභ්‍යවකාශ අවකාශය ටෙන්ඩර් කැඳවීමකින් තොරව සුප්‍රීම් සැට් සමාගමට දීලා කියලා. ඒක බොරුවක් බවයි නලින් ඇමතිතුමා කියන්නේ.

දැන් ඔන්න අගමැතිනිය ප්‍රකාශ කරලා දිනක් ඇතුලත වසන්ත ඇමතිතුමා කිව්වා අගමැතිනිය කිව්වේ බොරු කියලා. ඒ ප්‍රකාශය කරලා දින හතරකින් නලින්ද ඇමතිතුමා කිව්වා වසන්ත ඇමතිතුමා කිව්වේ බොරු කියලා. නලින්ද ඇමතිතුමාගේ ප්‍රකාශයෙන් දවස් හයකට පස්සේ මම කිව්වා නලින්ද ඇමතිතුමා කියන්නේ බොරු කියලා. මේක දැන් බොරු චක්‍රයක් වෙලා. පුළුවන් නම් මම කියන්නේ බොරු කියලා ඔප්පු කරන්න කියලා ආණ්ඩුවේ ඇමතිවරුන්ට මම අභියෝග කරනවා.

ඉංග්‍රිසි කියමනක් තිබෙනවා if you can’t convince, then confuse කියලා. ඒකෙන් කියන්නේ තමන් කියන්නේ ඇත්තක් බව ඔප්පු කර ගන්න බැරි නම් වැල්වටාරම් ගොඩක් කියලා අසන්නාගේ මනස ව්‍යාකූල කරන්න කියලා. මේ මොහොතේ ආණ්ඩුව කරමින් ඉන්නේ ඒකයි.

වසන්ත ඇමතිතුමා කියන විධියට සුප්‍රීම් සැට් සමාගම ලාභ වුණත් පාඩු වුණත් අපට මොකෝ? නලින්ද ඇමතිතුමා කියන විධියට අපේ අභ්‍යවකාශ අවකාශය චන්ද්‍රිකාවකට නුදුන්නත් අපට මොකෝ? ඕක නොවේනේ මාලිමාව මතු කළ සංවාදය. සංවාදය වුණේ අපේ අරමුදල් ඩොලර් මිලියන 280ක් වැය කරලා හරි රාජපක්ෂවරුන්ගේ ඩොලර් මිලියන 380ක් වැය කරලා හරි චන්ද්‍රිකාවක් ගුවන් ගත කලා ද නැද්ද කියන එකනේ. දැන් ඒක බොරුවක් බව අගමැතිනිය පාර්ලිමේන්තුවට ප්‍රකාශ කරලා තිබෙනවා. වෙන වැල් බයිලා කිව්වාට චිචීගේ චන්ද්‍රිකා සිහිනය සැබෑ කරන්න අපේ සල්ලි භාවිතා කර නෑ කියලා අගමැතිනිය කියූ ඒ කතාව බොරුවක් බව මේ කවුරුවත් කියන්නේ නෑනෙ. එච්චරයි අදාල. ඉතුරු කතා වැල්වටාරම්.

වියට්නාමය සහ ශ්‍රී ලංකාව අතර ක්ෂේත්‍ර රැසක පවතින නව අවස්ථා සොයා බැලේ.

වියට්නාමය හා ශ්‍රී ලංකාව අතර
වියට්නාමය සහ ශ්‍රී ලංකාව අතර වෙළඳ, අධ්‍යාපනය, කෘෂිකාර්මික, ආයෝජන සහ සංචාරක ක්ෂේත්‍රයේ පවතින නව අවස්ථා සොයා බැලේ.
ඒ සදහා ද්විපාර්ශ්වික සබඳතා තවදුරටත් ශක්තිමත් කර ගැනිමට ශ්‍රී ලංකාවේ කැපවී සිටින බව විදේශ කටයුතු අමාත්‍ය විජිත හේරත් පවසනවා.
ඔහු මේ බව පැවසුවේ 88 වන වියට්නාම ජාතික දින සැමරුමට එක් වූ අවස්ථාවේදී.

විදේශ කටයුතු අමාත්‍යවරයා අගෝස්තු 19 වන දින කොළඹ වියට්නාම තානාපති කාර්යාලය විසින් පවත්වන ලද රාජ්‍ය තාන්ත්‍රික උත්සවයට ප්‍රධාන ආරාධිත අමුත්තා ලෙස සහභාගී වුණා.
මෙම උත්සවය වියට්නාමයේ 80 වන ජාතික දිනය සහ ශ්‍රී ලංකා – වියට්නාම රාජ්‍ය තාන්ත්‍රික සබඳතාවල 55 වන සංවත්සරය සනිටුහන් කර තිබෙනවා.


අමාත්‍ය විජිත හේරත් මහතා සිය අදහස් දැක්වීමේ දී ජනාධිපති අනුර කුමාර දිසානායක මහතාගේ සුබ පැතුම් ද එක් කළ අතර දෙරට අතර ශක්තිමත් මිත්‍රත්වය සහ සහයෝගීතාවය ද සිහිපත් කළා.
අන්‍යෝන්‍ය ප්‍රතිලාභ සහ ප්‍රගතිය සඳහා ද්විපාර්ශ්වික සබඳතා තවදුරටත් ශක්තිමත් කිරීම සඳහා ශ්‍රී ලංකාවේ කැපවීම අමාත්‍යවරයා මෙහිදී නැවතත් තහවුරු කළා.

රටතුල ඇති සංනිවේදන දුර්වලතා වලට විසදුම්

දිවයිනේ ඇතැම් ප්‍රදේශ වල පවතින සන්නිවේදන සබදතාවල දුර්වලතා මඟහරවා ගැනීමට අව්ශ්‍ය සන්නිවෙදන කුලුනු 100 ක් ස්තාපනය කිරිමට පියවරගෙන තිබෙන බ්ව බව විදුලි සන්දේශන නියාමන් කොමිෂන් සභාව පවසනවා.


දිස්ත්‍රික්ක 11 ක් ආවරනය වන පරිදි සන්නිවේදන මෙම කුලුනු 100 අධියර කිහිපයක් යටතේ ස්ථාපනය කිරීමට සැලසුම් කර ඇති අතර මූලීක අපේක්ශාව වන්නෙ අකන්ඩ සන්නිවේදනය සහ 4G සබදත ව්‍යපත කිරීමයි. . එක් කුලුනුක් සඳ්හා ඇස්තමේන්තු ගත මුදල රුපියල් මිලියන 46ක් වන අතර එයින් 75%ක පිරිවැයක් කොමිෂන් සභාව විසින් දරුනු ලබන්වා.

ඉඩම් ලබා ගැනීමට අවසර ගැනීම අනෙකුත් කරුනු සම්බන්දව රජයේ ආයතන හා සාකච්ඡා කරන බවත් ජන ඝනත්වය අඩු ප්‍රදේශ වල සන්නිවේදන කුලුනු ඉදිකිරීම නිසා ඇතැම් අභියෝග වලට මුහුනපෑමට සිදුවන බව විදුලි සන්දේෂ නියාමන කොමිෂන් සභාවෙ විශේශ ව්‍යාපෘති අධ්‍යක්ශ නිශාන්ත පලිහවඩන චනෙල් 7 වෙත පවසා සිටියා.

කිසියම් පිරිසක් විසින් ළිඳට දැමූ පතොරම් හමුවෙයි

යාපනය දිස්ත්‍රික්කයට අයත්,කොඩිකාමම් ප්‍රදේශයේ ළිඳක් පිරිසිදු කිරීමේදී ළිඳ තුළ තිබි පතරොම් 1393ක් හමුවී ඇත.

අදාළ පතරොම් දිරාපත්ව පැවති අතර,යුද සමයේ කිසියම් පිරිසක් විසින් මෙම පතරොම් ළිඳට දමන්නට ඇති බවට පොලීසිය සැක පළ කරයි.

කොඩිකාමම් පොලීසිය පවසන ලද්දේ වසර ගණනාවක් පවිත්‍ර නොකළ ළිඳක මඩ ඉවත් කිරීමේදී ළිඳ තුළ තිබි ඊයේ 19 මෙලෙස පතරොම් සහිත බෑගයක් හමුව ඇති බවයි.

හමුවු පතරොම් සහිත බෑගය යාපනය,චාවකච්චේරි මහෙස්ත්‍රාත් අධිකරණයට ඉදිරිපත් කිරීමෙන් අනතුරුව,බෝම්බ නිශ්ක්‍රීය අංශය විසින් මෙම පතරොම් නිශ්ක්‍රීය කිරීමට නියමිත බවද පොලීසිය වැඩිදුරටත් පැවසීය.

සිද්ධිය සම්බන්ධයෙන් කොඩිකාමම් පොලීසිය වැඩිදුර පරීක්ෂණ සිදුකරනු ලබයි.

රජයේ වී කොටන්න පොලොන්නරුවේ මහ මෝල් හිමියෙකුට…

රජය විසින් ගොවීන්ගෙන් මිලදී ගන්නා ලද වී තොග සහල් බවට පත්කර සතොස අලෙවි සැල් හරහා ජනතාවට අලෙවි කිරීමේ ව්‍යාපෘතියක් ආරම්භ කර තිබේ.

ඒ අනුව රට පුරා පිහිටි සතොසා අලෙවි සැල් හරහා ‘ජාතික සතොස’ ලෙස සන්නාමගත කරන ලද එම සහල් මිලදී ගැනීමට පාරිභෝගිකයනට අවස්ථාව සලසා ඇත.

කෙසේ නමුත් රජය මිලදී ගන්නා ලද වී තොග සහල් බවට පත් කිරීම සඳහා අවශ්‍ය ඇඹරුම් යන්ත්‍ර රජය සතුව නොමැති වීම මත ඒවා ඇඹරීමේ කාර්යය පෞද්ගලික අංශයට මුදල් ගෙවා සිදු කර ගනිමින් ඇත.

ඒ අනුව පොළොන්නරුව ප්‍රදේශයේ මහා පරිමාණ සහල් මෝල් හිමියෙකු විසින් මෙම වී තොග සහල් බවට පත්කර ඇසුරුම් කර රජයට භාර දෙමින් ඇත.

මෙවර කන්නනයේදී වී අලෙවි මණ්ඩලය විසින් මේ දක්වා වී මෙට‍්‍රික් ටොන් විසිදහසක් පමණ මිලට ගෙන ඇති අතර රජය වී මිලදී ගැනීමට වෙන් කර ඇති මුදල බිලියන දහයකි.

මෙවර කන්නයේදී අපේක්‍ෂිත වී අස්වැන්න මෙටි‍්‍රක් ටොන් ලක්‍ෂ 25ක් පමණ වෙයි.

මෙරට දෛනික සහල් පරිභෝජනයට වී මෙට‍්‍රික් ටොන් දස දහසක් පමණ අවශ්‍යය.

CEB දෙවැනි කාර්තුවේ ලාබය 85%කින් පහල වැටේ…

2025 දෙවන කාර්තුවේදී ලංකා විදුලිබල මණ්ඩලයේ ශුද්ධ ලාභය රුපියල් බිලියන 5.31ක් ලෙස වාර්තා වී ඇත.

මෙය, 2024 දෙවන කාර්තුවේදී වාර්තා කළ රුපියල් බිලියන 34.53ක ශුද්ධ ලාභයට සාපේක්ෂව සියයට 85ක පහත වැටීමකි.

මෙම ලාභ පහත වැටීමට ප්‍රධාන හේතුව වී ඇත්තේ ආදායම පහත වැටීමයි.

2024 දෙවන කාර්තුවේදී රුපියල් බිලියන 146.60ක්ව පැවති ආදායම, 2025 දෙවන කාර්තුවේදී රුපියල් බිලියන 98.62ක් දක්වා සියයට 33කින් පමණ පහත වැටී ඇත. විකුණුම් පිරිවැය ද රුපියල් බිලියන 109.63 සිට රුපියල් බිලියන 91.6 දක්වා සියයට 16ක අඩුවක් පෙන්නුම් කර තිබේ.

ඒ අනුව, 2024 දෙවන කාර්තුවේදී රුපියල් බිලියන 36.96ක් වූ දළ ලාභය, 2025 දෙවන කාර්තුවේදී රුපියල් බිලියන 7.02ක් දක්වා සියයට 81කින් පහත වැටී ඇත.

2025 වසරේ පළමු කාර්තුවට සාපේක්ෂව දෙවන කාර්තුවේදී මූල්‍ය කාර්යසාධනය යම් දියුණුවක් පෙන්නුම් කර ඇත.

පළමු කාර්තුවේදී රුපියල් බිලියන 93ක් වූ ආදායම, දෙවන කාර්තුවේදී රුපියල් බිලියන 98ක් දක්වා ඉහළ ගොස් ඇත.

පළමු කාර්තුවේදී රුපියල් බිලියන 112ක්ව පැවති විකුණුම් පිරිවැය, දෙවන කාර්තුවේදී රුපියල් බිලියන 92ක් දක්වා සැලකිය යුතු අඩුවක් පෙන්නුම් කර තිබේ.

මෙම වෙනස්කම් හේතුවෙන්, පළමු කාර්තුවේදී වාර්තා වූ රුපියල් බිලියන 18ක පාඩුව වෙනුවට, දෙවන කාර්තුවේදී ලංකා විදුලිබල මණ්ඩලය රුපියල් බිලියන 11ක දළ ලාභයක් උපයා ඇත.

ට්‍රම්ප් තමන්ගේම TikTok ගිණුමක් අරියි

ඇමරිකානු ජනාධිපති ඩොනල්ඩ් ට්‍රම්ප් චීනය කෙරෙහි දක්වන හිතකරභාවය නැවත වරක් ඉස්මතු වී තිබේ. ඉන්දියාව මත තීරුබදු පනවා චීනය සමඟ සමීප සබඳතා පවත්වන ට්‍රම්ප්, දැන් චීන සමාගමකට අයත් ටික්ටොක් (TikTok) සමාජ මාධ්‍ය වේදිකාව හරහා ද පෙනී සිටීමට නියමිතය. ඇමරිකාවේ ටික්ටොක්හි අනාගතය සහනීත්‍යානුකූලභාවය පිළිබඳව බරපතල ප්‍රශ්න පැන නැගී ඇති පසුබිමක, ධවල මන්දිරය (ඇමරිකානු ජනාධිපතිගේ නිල නිවස සහ කාර්යාලය) පසුගිය අඟහරුවාදා සිය නිල ටික්ටොක් ගිණුම ආරම්භ කිරීම විශේෂත්වයකි. “ඇමරිකාව, අපි නැවත පැමිණියෙමු” යනුවෙන් සිරස්තල යොදමින් තත්පර 27ක වීඩියෝවක් බෙදා හදා ගනිමින් ධවල මන්දිරය සිය පළමු ටික්ටොක් සටහන තබා තිබුණි.

මෙම නිල ගිණුම ආරම්භ කර පැය කිහිපයක් ඇතුළත අනුගාමිකයන් පන්දහසකට වඩා ආකර්ෂණය කර ගැනීමට සමත් විය. කෙසේ වෙතත්, ඩොනල්ඩ් ට්‍රම්ප්ගේ පුද්ගලික ටික්ටොක් ගිණුමෙහි දැනටමත් මිලියන 110.1ක අතිවිශාල අනුගාමිකයන් සංඛ්‍යාවක් සිටී. ට්‍රම්ප් සහ ටික්ටොක් අතර ඇත්තේ ආදරය සහ වෛරය මත පදනම් වූ සංකීර්ණ සබඳතාවකි. ටික්ටොක් චීන සමාගමක් වන බයිට්ඩාන්ස් (ByteDance) සතු වීමත්, ඇමරිකානු පුරවැසියන්ගේ දත්ත චීනයට ගලා යා හැකි බවට ඇති බියත් මෙම විරෝධයට හේතු විය. මේ නිසා, ටික්ටොක් සමාගම ඇමරිකාව තුළ ක්‍රියාත්මක වීමට නම් එය චීන නොවන සමාගමකට විකිණිය යුතු බවට හෝ එසේ නොමැති නම් තහනමකට ලක්විය යුතු බවට ට්‍රම්ප් විසින් නීතියක් ද සම්මත කරන ලදී.

කෙසේ වෙතත්, ට්‍රම්ප් සිය 2024 මැතිවරණ ව්‍යාපාරය සඳහා සමාජ මාධ්‍ය මත විශාල වශයෙන් යැපුණු අතර,

ටික්ටොක් තහනම් කිරීමේ ක්‍රියාවලිය ඔහු විසින්ම නතර කරන ලදී. චීන නොවන ගැණුම්කරුවෙකු සොයා ගැනීම සඳහා ලබා දී තිබූ කාලය පසුගිය ජුනි මාසයේදී තවත් දින 90කින් දීර්ඝ කළ අතර, එම කාලසීමාව සැප්තැම්බර් මාසයේදී අවසන් වීමට නියමිතය.

හිටපු ජනපති රනිල් වික්‍රමසිංහ CID යට

හිටපු ජනාධිපති රනිල් වික්‍රමසිංහ මහතා ලබන 22 වන දින අපරාධ පරීක්ෂණ දෙපාර්තමේන්තුව (CID) හමුවට කැඳවා ඇත.

ඔහු ජනාධිපතිවරයාව සිටි සමයේ සිදු කළ විදේශ සංචාරයක් සම්බන්ධයෙන් කෙරෙන විමර්ශනයකට අදාළව ප්‍රකාශයක් ලබා ගැනීම සඳහා මෙම කැඳවීම සිදු කර තිබේ.

මෙම විමර්ශනයට අදාළව, රනිල් වික්‍රමසිංහ මහතා ජනාධිපතිවරයා ලෙස කටයුතු කළ සමයේ ඔහුගේ ජනාධිපති ලේකම්වරයා ලෙස කටයුතු කළ සමන් ඒකනායක මහතාගෙන් සහ පෞද්ගලික සහකාර සැන්ඩ්‍රා පෙරේරා මහත්මියගෙන් ද මීට පෙර ප්‍රකාශ සටහන් කරගෙන ඇත.

මෙම විමර්ශනය, හිටපු ජනාධිපතිවරයා ඇමරිකාවේ නිව්යෝර්ක් නගරයේ නිල සංචාරයකින් පසු එංගලන්තයට ගොස් එරට විශ්වවිද්‍යාලයක උපාධි ප්‍රදානෝත්සවයකට සහභාගී වීම ආශ්‍රිත චෝදනාවක් සම්බන්ධයෙන් බවද වාර්තා වේ.

දේශබන්දු තෙන්නකෝන් අත්අඩංගුවට 

හිටපු පොලිස්පති දේශබන්දු තෙන්නකෝන් මහතා අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇත.

ගාලුමුවදොර පැවැත් වූ අරගලයට පහරදීම සම්බන්ධයෙන් සිදුකරන විමර්ශනවලට අදාළව මෙම අත්අඩංගුවට ගැනී සිදුකර තිබේ.

මේ අතර තමන් අත්අඩංගුවට ගැනීම වළක්වා අපේක්ෂිත ඇපයක් මත මුදාහරින ලෙස ඒ මහතා ඇප ඉල්ලුම් පත්‍රයයක්ද ගොනුකර තිබූ අතර, එය අද (20) කොටුව මහේස්ත්‍රාත් නිලුපුලි ලංකාපුර මහත්මිය හමුවේ කැඳවනු ලැබූ අවස්ථාවේදී ප්‍රතික්ෂේප විය.