පරිසර නියමු ජනාධිපති පදක්කම් ප්‍රදානෝත්සවය හෙට

මධ්‍යම පරිසර අධිකාරිය විසින් සංවිධාන කරනු ලබන “පරිසර නියමු ජනාධිපති පදක්කම් ප්‍රදානෝත්සවය හෙට උදෑසන 9 ට ජනාධිපති අනුර කුමාර දිසානායකගේ ප්‍රධානත්වයෙන් බණ්ඩාරනායක අනුස්මරණ සම්මන්ත්‍රණ ශාලාවේදී පැවැත්වේ.

11 වන වරට පවත්වනු ලබන ජනාධිපති පදක්කම ප්‍රදානෝත්සවයේදී පරිසර නියමුවන් එකසිය අනූ දෙදෙනෙකු සදහා ජනාධිපති පදක්කම් ලබා දීමට නියමිතයි.

දරුවන් සඳහා වඩාත් විධිමත් අධ්‍යාපනක් ලබාදීම අපේ අරමුණයි

විදේශ කටයුතු හා විදේශ රැකියා නියෝජ්‍ය අමාත්‍ය ගරු අරුන් හේමචන්ද්‍රගේ සහභාගිත්වයෙන් ත්‍රීකුණාමලය තිස්ස මහා විද්‍යාලයෙහි නව ගොඩනැගිල්ලට මුල්ගල් තැබීමේ උත්සවය අද පෙරවරුවේ පාසල් පරිශ්‍රයේදී පැවැත්වුණා.
මෙම අවස්ථාවට නැගෙනහිර පළාත් ආණ්ඩුකාර ජයන්ත ලාල් රත්නසේකර, පාර්ලිමේන්තු මන්ත්‍රී රොෂාන් අක්මීමන, නැගෙනහිර නාවික ආඥාපතිවරයා, නැගෙනහිර පළාත් අධ්‍යාපන අධ්‍යක්ෂක සහ පාසල් දරුවන් ද සහභාගි වුනා.
දරුවන් සඳහා වඩාත් විධිමත් අධ්‍යාපනක් ලබාදීම අරමුණු ඇතිව වැඩසටහන් මින් ඉදිරියට ද දියත් වීමට නියමිතයි.

ගාසා තීරය අල්ලා ගැනීම සඳහා පුළුල් යුධමය සැලැස්මක් ක්‍රියාත්මක කරනවා

ගාසා තීරය අල්ලා ගැනීම සඳහා පුළුල් යුධමය සැලැස්මක් ක්‍රියාත්මක කිරිමට ඊශ්‍රායල ආරක්ෂක අමාත්‍යවරයා විසින් අනුමත කර තිබෙනවා.
එමගින් ගාසා තිරයේ පවතින ගැටුම තවදුරටත් උත්සන්න විය හැකි බවයි විදෙස් මාධ්‍ය වර්තා කරන්නේ.

ඊශ්‍රායල ආරක්ෂක නිලධාරීන්ට අනුව, මෙම මෙහෙයුමට හමාස් බලකොටු, භූගත උමං මාර්ග ජාල සහ ප්‍රධාන යටිතල පහසුකම් ඉලක්ක කරගත් වඩාත් පුලුල් මෙහෙයුමකින් යුක්තයි.

යුධමය ඉලක්කයන් ඉටුකරගත් පසු ගාසා තීරයේ පරිපාලනය සහ ආරක්ෂක පාලනය සඳහා වන සැලැසුම් ද මෙම යොජනාවට ඇතුලත්.
ගාසා තීරයේ සිවිල් වැසියන්ට සිදුවන හානි සහ අමානුශික තත්ත්වයන් පිළිබඳ ජාත්‍යන්තර විවෙචන වැඩිවෙමින් පවතින මොහොතකයි මෙම නිවේදනය නිකුත් කර තිබෙන්නෙ .

පූර්ණ පරිමාණයේ අත්පත් කර ගැනීමක් අර්බුදය තවත් උග්‍ර කළ හැකි අතර කලාපයෙ අස්ථාවර භාවය තවදුරත් වර්දනය විය හැකිබව ට එක්සත් ජාතීන්ගේ සංවිධානය සහ අන්ත ර් ජාතික බලවතුන් දැනටමත් අනතුරු අඟවා තිබෙනවා.
පසුගිය කාලය තුල සිදුවු රොකට් ප්‍රහාර සහ දේශසීමා ප්‍රචණ්ඩත්වයෙන් පසුව තම ආරක්ෂාව සහතික කිරීම සඳහා මෙම මෙහෙයුම අවශ්‍ය බවයි ඊශ්‍රායලය පවසන්නේ.
මෙ අතර පලස්තීන බලදාරින් මෙම පියවර හෙලා දකිමින් ප්‍රකාශ කරන්නෙ “බලහත්කාරයෙන් ගාසා තීරය අත්පත් කර ගැනීට ගන්නා උත්සාහයක් ලෙසයි.

මිතුරියකගේ පවුම් 50ක රන් භාණ්ඩ උකස් කර වංචා කළ කාන්තාවකට පොලිසියෙන් විමර්ශන

හදිසි අවශ්‍යතාවක් සඳහා බව පවසා මිතුරියකගෙන් ඉල්ලාගත් පවුම් 50ක් පමණ බරැති රන් ආභරණ තොගයක් උකස් කර, ඉන් ලබාගත් රුපියල් ලක්ෂ 19ක මුදලක් සමඟ අතුරුදන් වූ කාන්තාවක් අත්අඩංගුවට ගැනීම සඳහා කිරිබත්ගොඩ පොලිසිය පුළුල් විමර්ශනයක් ආරම්භ කර ඇත. මෙම වංචාවට මුහුණ පෑ හුණුපිටිය ප්‍රදේශයේ පදිංචි කාන්තාව විසින් සිදුකරන ලද පැමිණිල්ලකට අනුව මෙම පරීක්ෂණ ක්‍රියාත්මක වේ.

සැකකාර කාන්තාව අත්අඩංගුවට ගැනීම සඳහා ඇයගේ දුරකථන විශ්ලේෂණ වාර්තාවක් සහ බැංකු ගිණුම් වාර්තා ලබාගැනීමට මහර මහෙස්ත්‍රාත් අධිකරණයෙන් පොලිසියට නියෝගයක් ලැබී තිබේ. මෙම කාන්තාවන් දෙදෙනා අතර පැවති මිත්‍රත්වය ප්‍රයෝජනයට ගත් සැකකාරිය, මීට පෙර අවස්ථා කිහිපයකදී ද මෙලෙස රන් භාණ්ඩ ලබාගෙන උකස් කර නැවත බේරා දීමෙන් විශ්වාසය ගොඩනඟාගෙන තිබූ බව පැවසේ. අවසන් වරට ලබාගත් රන් භාණ්ඩ තොගය උකස් කිරීමෙන් පසු ඇය මිතුරිය මඟහරිමින් සිටීම නිසා ඇතිවූ සැකය මත මෙම පැමිණිල්ල සිදුකර ඇත. සැකකාරිය වත්තල ප්‍රදේශයේ පදිංචිකාරියක බවට තොරතුරු ලැබී තිබේ.

“වැව අපේ කම්හලයි” යන සංකල්පය තවදුරටත් ශක්තිමත් කරයි

මෙම ව්‍යාපෘතිය සඳහා එක්සත් ජාතීන්ගේ ආහාර හා කෘෂිකර්ම සංවිධානයේ මූල්‍ය දායකත්වය ලබා දී තිඹුණු අතර අම්පාර දිස්ත්‍රික්කයේ ජලජීවී වගා ක්ෂේත්‍රය නංවාලීම සඳහා ක්‍රියාත්මක වී තිබුණා.
ඇමරිකානු ඩොලර් 150,000ක මූල්‍ය ප්‍රතිපාදනයක් ලබා දී තිබූ තාක්ෂණික සහයෝගිතා ව්‍යාපෘතිය සාර්ථකව නිම කිරීම නිමිත්තෙන් විශේෂ වැඩමුළුවක් ඊයේ දින අම්පාරේදී පැවැත්වුණා.
“වැව අපේ කම්හලයි” යන සංකල්පය තවදුරටත් ශක්තිමත් කරමින් ව්‍යාපෘතියේ ප්‍රතිඵල සහ අත්දැකීම් හුවමාරු කර ගැනීම මෙහි ප්‍රධාන අරමුණයි.

මුත්තයන්කට්ටු වැවේ ගිලී මියගිය තරුණයාගේ මරණයට සැකපිට 26ක් අත්අඩංගුවට

පසුගියදා සැකපිට අත්අඩංගුවට ගත් යුද හමුදා සෙබලු‍න් සිව්දෙනා ලබන 26 වනදා දක්වා බන්ධනාගාරගත කර ඇත.ඒ මුලතිව් වැඩබලන මහේස්ත්‍රාත් එස්. එච්මාරූස් මහතාගේ නියෝගය මත වේ, මුලතිව්, මුත්තයන්කට්ටු යුද හමුදා කඳවුරකට ඇතුළුවීමෙන් අනතුරුව මුත්තයන්කට්ටු වැවේ ගිලී මියගිය තරුණයාගේ මරණය සම්බන්ධයෙන් මෙලෙස ඔවුන් අත් අඩංගුවට ගැනිණ.

එලෙස බන්ධනාගාර ගත කෙරුණේ මුලතිව් 12 වන සිංහ රෙජිමේන්තුවට අනුයුක්තව සේවය කළ යුද හමුදා සෙබළුන් සිව්දෙනෙකි. අත්අඩංගුවට ගත් සැකකාර සෙබලු‍න් පිරිස හඳුනාගැනීමේ පෙරට්ටුවකට ඉදිරිපත් කිරීමෙන් අනතුරුව සාක්ෂිකරුවන් විසින් පහරදීම සම්බන්ධයෙන් සැකකාර යුද හමුදා සෙබලු‍න් දෙදෙනකු හදුනාගෙන ඇත.

පසුගිය 09 වනදා පස්වරුවේ අබිලි යකඩ එකතු කිරීම සඳහා මුලතිව්, මුත්තයන්කට්ටු යුද හමුදා කඳවුරට පැමිණි තරුණයෙකු යුද හමුදාව දැක පලායාමේදී මුත්තියන්කට්ටු වැවේ ගිලී මියගොස් සිටි අතර ඔහුගේ සිරුර පොලිසිය විසින් පසුදින සොයාගෙන තිබුණි.

කාන්තා ක්‍රිකට් ශූරතාව නාවික හමුදාවට

පළමු පෙළ කාන්තා සීමීත පන්දුවාර ක්‍රිකට් තරගාවලියේ රැජිණන් වන්නට නාවික හමුදා කණ්ඩායමට හැකි විය ජාතික කණ්ඩායම නියෝජනය කරන මේ වන විට එහි විශ්වසණීයම පිතිකාරිණිය බවට පත් වෙමින් සිටින හර්ෂිතා සමරවික්‍රම මේ ජයග්‍රහණය පිටුපස නාවික හමුදාවට සුවිශාල ශක්තියක් විය.

හර්ෂිතා තරගාවලියේ වැඩිම ලකුණුලාභිණිය වූයේ තරග 9 දී ලකුණු 471 ක් රැස් කරමින්ය.මුළු තරගාවලියටම වාර්තා වූයේ ශතක 4 ක් වූ අතර එයින් දෙකකම හිමිකාරිණිය වූයේ ද හර්ෂිතාය.එසේම නාවික හමුදා කණ්ඩායම වෙනුවෙන් පළපුරුදුම පන්දු යවන්නිය වන ඉනෝකා රණවීර තරගාවලියේ වැඩිම කඩුලුලාභිණිය වෙමින් තරග 9 දී ලකුණු 151 ක් ලබා දී කඩුලු 23 ක් ලබා ගැනීම ප්‍රතිවාදීන්ට නාවික හමුදාව අභිබවා යන්නට නොහැකි වූ සුවිශාල බාධකයක් විය.

නායිකාවක ලෙස හංසිමා කරුණාරත්න අවශ්‍යයම අවස්ථාවල මැද පෙළ බිඳ වැටෙන්නට නොදි පිතිකාරිනියක ලෙස ගත් වගකීම මෙන්ම අවසානයට ගුවන් හමුදාවට එරෙහිව වූ සටනේදී තරගය වෙනස් කිරීමට අවශ්‍යය සබඳතාවය බිදීමට පන්දු යවන්නියක ලෙස පැමිණ කළ දායකත්වයද නායකාවක ලෙස වගකීම්වලට උරදීමෙට ඇය තුළ තිබුණු ශක්‍යතාවය පැහැදිළි පැහැදිළි කිරීමක් විය.ඇය සතුව සිටි අත්දැකීම් සහිත හෂිනි පෙරේරා මෙන්ම උදේශිකා ප්‍රබෝධනී ද,සත්‍යා සංදීපනී වැනි ක්‍රීඩිකාවන් ද මැනවින් කළමණාකරණය කර ගැනීමට හංසිමාට හැකිවීම නාවික හමුදා ජයග්‍රහණයට පදනම විය.

ලෝක උරුම නකල්ස් කඳුවැටිය මැදින් කාපට් පාරක්

නකල්ස් ලෝක උරුම රක්ෂිතය මැදින් තංගප්පුව සිට අට්ටලමේට්ටුව දක්වා අධි සංවේදී පරිසර කලාපයක පිහිටි අත්හැර දමා තිබූ පාරක් යළි සංවර්ධනය කිරීම සඳහා ආණ්ඩුව කටයුතු කරමින් සිටින බව පරිසරවේදී ජනක විතානගේ පැවැසීය.

කාලයක් තිස්සේ අතහැර දැමූ මේ මාර්ගය සංවර්ධනය කිරීම සඳහා වන සංරක්ෂණ දෙපාර්තමේන්තුවේ නිසි අවසරයක් ගෙන ඇති බවක් දැනගන්නට නැතැයිද ඔහු කීය.

එසේ තිබියදී පසුගිය දිනෙක මාර්ග සංවර්ධන අධිකාරියේ නිලධාරීන් එහි ගොස් එම මාර්ගය සංවර්ධනය කිරීම සඳහා මැනුම් කටයුතු පවා සිදු කර ඇති බවට තොරතුරු වාර්තා වූයේ යැයිද හෙහෙම පැවැසීය.

පසුගිය ආණ්ඩු කාලයන්හි පවා එම ප්‍රදේශයේ හෝටල් හිමියන් කිහිපදෙනෙක් පටු අරමුණු වෙනුවෙන් මේ මාර්ගය අනීතික අයුරින් සංවර්ධනය කර ගැනීමට උත්සාහ දැරූ බවටද ජනක විතානගේ චෝදනා කළේය.

යුනෙස්කෝ ලෝක උරුමයක් ලෙස නකල්ස් රක්ෂිතය නම් කිරීමෙන් අනතුරුව එම මාර්ගයේ පයින් ඇවිද ගොස් එය නැරඹීම ඇතුළු සංචාරක කටයුතුවල නිරත වීමට වන සංරක්ෂණ දෙපාර්තමේන්තුව නිසි අවසරය ලබාදී ඇති බවද ඔහු පෙන්වා දුන්නේය.

එසේ තිබියදීත් ප්‍රදේශයේ ඇතැම් හෝටල් හිමියන්ගේ අවශ්‍යතාව මත වත්මන් ආණ්ඩුව සංචාරක ව්‍යාපාරය ප්‍රවර්ධනය කිරීම යැයි පවසමින් කඳුකර වනාන්තරවලින් හෙබි මේ අධි සංවේදී පරිසර කලාපය කාපට් අතුරා සංවර්ධනය කිරීමට කටයුතු සැලසුම් කරන බවටද හෙතෙම චෝදනා කළේය.

මෙවන් අධි සංවේදී කලාපයක්, දේශපාලන හිතවතුන් මැදිහත් කර ගැනීමෙන් නිසි අධ්‍යයනයකින් හෝ තොරව සංවර්ධනය කිරීම අනුමත නොකරන බවද ඔහු කීය. මේ මාර්ගය සංවර්ධනය කීරීම සඳහා අවශ්‍ය අනුමැතිය ලබාගැනීම සඳහා රාජ්‍ය නිලධාරීන්ද ඇතුළුව පාර්ලිමේන්තු මන්ත්‍රිවරයකුගේ මූලිකත්වයෙන් මේ සතියේදී සාකච්ඡාවක් පැවැත්වීමට නියමිත බවද ඔහු පැවැසීය.

මේ මාර්ගය සංවර්ධනය කිරීමකින් තොරව සංචාරක ව්‍යාපාරය ප්‍රවර්ධනය කිරීම සඳහා අවස්ථාව ඇතත් ඒ පිළිබඳව අවධානය යොමු නොකොට කිහිපදෙනකුගේ වුවමනාව නිසා යුනෙස්කෝ ලෝක උරුම රක්ෂිතයක් මැදින් පාරක් කැපීම කිසිසේත්ම අනුමත කළ හැක්කක් නොවන බවද ජනක විතානගේ අවධාරණය කළේය.

ෂැංහයි සහයෝගිතා සංවිධානයේ සමුළුවට ඉන්දීය අගමැති සහභාගීවන බව් ස්ථීර කරයි.

මෙම මස අගදී චීනයේ පැවැත්වෙන ෂැංහයි සහයෝගිතා සංවිධානයේ සමුළුවට ඉන්දීය අගමැති නරේන්ද්‍ර මෝදි සහභාගිවන බව ස්තිරකර තිබෙනවා.
මෙහිදි දෙරටේ රාජ්‍ය නායකයන්ගෙ හමුවක් ද සිදුවිමට ද නියමිතයි.
දෙපාර්ශවයේ නිලධාරීන් පවසන්නේ මෙම පියවර දේශසීමා ගැටුම් නිමාකර ගැනිමටත් ද්විපාර්ශ්වික සබඳතා ශක්තිමත් කිරීම සඳහා වු ධනාත්මක පියවරක් වනු ඇති බවයි.

පසුගිය දින දෙක තුල නව දිල්ලියේදී පවති ඉන්දීය සහ චීන විදේශ අමාත්‍යවරු හමුවීම ඒසදහාවු පසුබිම සකසන්නක් වි තිබුනා. මෙහිදි මුලික අවදානය යොමුව තිබුනෙ දේශසීමා ගැටලු කළමනාකරණය සහ ආරක්ෂාව පිලිබද සාකච්ඡා කිරීමයි.
මෙම සාකච්චා අතරතුර දේශශීමා ආරක්ෂාව ශක්තිමත් කිරීම, සම්බන්ධීකරණය වැඩි දියුණු කිරීම සහ සාමය පවත්වා ගැනීම සඳහා නව විශේෂඥ කණ්ඩායම් සහ ක්‍රියාකාරි කණ්ඩායම් පිහිටුවීමට දෙපාර්ශ්වයම එකඟ විතිබෙනවා.
සෘජු ගුවන් ගමන්, වෙළඳ පහසුකම් සහ සංස්කෘතික හුවමාරු නැවත ආරම්භ කිරීම ඇතුළුව ආර්ථික සහ සංස්කෘතික සහයෝගීතාව වර්දනය කෙරෙහි ද සාකච්ඡාවෙ අවධානය යොමු වි තිබුනා.
දුර්ලභ පස්, පොහොර සහ උමං කැණීම් සදහා තාක්ශනික යටිතල පහසුකම් සහ උපකරණ සැපයිමට ඉන්දියාවට සහාය වීමට චීනය මෙහිදි කැමැත්ත පලකර තිබෙනවා.

ඉන්දියාව සහ චීනය කිලෝමීටර 3,400 කට වඩා විහිදෙන දිගු හා මතභේදාත්මක දේශ සීමාවක් බෙදා ගන්නා අතර එවයෙ විවිට්න් විට ඇතිවු ගටුම් පසුගිය ඉතිහාසය පුරා දක්නට ලබුනා.
විශේෂයෙන් ලඩාක් සහ අරුණචාල් ප්‍රදේශවල මෙම ගටුම් දක්නට ලැබුන අතර ඒවායෙ නිශ්චිත ලකුනු කිරිම් පිලිබද එකගතාවකට පැමින නොතිබීමද මීට හෙතුවක් .

1993 සහ 1996 දේශසීමා ගිවිසුම් ඇතුළු අතීත ගිවිසුම් සාමකාමී විසඳුමක් සඳහා රාමුවක් සකස් කළ නමුත් 2020 දි ඇතිවු ගැල්වාන් ගැටුම වැනි සිදුවීම් දෙපාර්ශවයම බියට පත්කලෙ ඉදිරි ආරක්ෂක ගැටළු පිලිබද වු සැකය මතයි.
වත්මන් සාකච්ඡාවල අරමුණ වන්නේ එවැනි ගැටුම් වැළැක්වීම සඳහා රාජ්‍ය තාන්ත්‍රික, මිලිටරි සහ ආර්ථික සබදතා ගොඩ නගා ගැනිමයි.
එමෙන්ම එදිරි වාදි සතුරන් ලෙස නොව අන්නොන්‍ය සහයොගයෙන් දෙපාර්ශවයෙ ශක්තිමත් භාවය තහවුරු කර ගැනිමද අරමුනක්.
එමගින් කලාපිය ශක්තිය තහවුරු කර ගනිමට ද හැකිවනු ඇතැයි විශ්වාශ කෙරෙනවා.

‘ජාතික ගමන් මග’ වැඩසටහන යටතේ කනිෂ්ඨ පාසල් 690 ක් සඳහා ක්‍රිකට් උපකරණ

ශ්‍රී ලංකා ක්‍රිකට් ආයතනය විසින් දිවයින පුරා සිදු කරනු ලබන ‘ ජාතික ගමන් මග’ වැඩසටහන යටතේ කනිෂ්ඨ පාසල් 690 ක් සඳහා ක්‍රිකට් උපකරණ කට්ටල බෙදා දීමේ දීපව්‍යාප්ත වැඩසටහන අද පැවැත්වුනා.
ඒ තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ අමාත්‍යවරයාගේ සහභාගීත්වයෙන් ක්‍රිඩා අමාත්‍යාංශයේදී.

මෙහිදී කනිෂ්ඨ ක්‍රිකට් උපකරණ කට්ටල 690 ක්, ක්‍රිකට් සපත්තු කට්ටල 9995 ක්, පන්දු විසිකිරීමේ උපකරණ කට්ටල 97 ක්, ක්‍රිකට් පන්දු 2760 ක් බෙදා දීම සිදු සිදු කරුණා.

මෙම අවස්ථාවට එක්වෙමින් තරුණ කටයුතු සහ ක්‍රීඩා අමාත්‍ය සුනිල් කුමාර ගමගේ පැවසුවේ, පාසල් මට්ටමින් දක්ෂ ක්‍රීඩක ක්‍රීඩිකාවන් ගොඩනැගීම මඟින් ජාතික මට්ටමේ දී සාර්ථක ක්‍රීඩකයින් බිහි කරගත හැකි බවයි.

අනෙකුත් ප්‍රදේශ වලට සාපේක්ෂව උතුරු නැගෙනහිර ප්‍රදේශ වල ක්‍රීඩාවේ පසුගාමී දියුණුවක් පවතින අතර එම ප්‍රදේශවල ක්‍රීඩාව දියුණු කිරීම පිළිබඳව විශේෂ අවධානය යොමු කර කටයුතු කරන බවයි අමාත්‍ය වරයා මෙහිදී වැඩිදුරටත් පවසා සිටියේ.
මෙම අවස්ථාවට ශ්‍රී ලංකා ක්‍රිකට් සභාපති ශම්මි සිල්වා, තරුණ කටයුතු සහ ක්‍රීඩා අමාත්‍යංශයේ ලේකම් අරුණ බණ්ඩාර ඇතුළු විශාල පිරිසක් සහභාවී සිටියා.

channel 7

Today News

වත්තේගම නගර සභාවේ හිටපු සභාපති අත්අඩංගුවට

බැකෝ සමන්ගේ සමීපතම පුද්ගලයෙක් අත්අඩංගුවට

නේපාලයේ අන්තර්කාලීන අගමැතිනිය එරට පාර්ලිමේන්තුව විසුරුවා හරී

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි