නවෝත්පාදනය සදහා තරුණයන් යොමුකිරිමට ජාත්‍යන්තර සහාය

ශ්‍රී ලංකාවේ පර්යේෂණ, සංවර්ධන සහ නවෝත්පාදන ක්ෂේත්‍ර ශක්තිමත් කිරීමේ අරමුණින් පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC), ආසියානු සංවර්ධන බැංකුව (ADB) සහ ජපන් ජාත්‍යන්තර සහයෝගීතා නියෝජිතායතනය (JICA) අතර සාකච්ඡා කිහිපයක් පසුගිය දිනවල පැවැත්වුණා.

මෙම සාකච්ඡාවලදී අවධාරණය කර ඇත්තේ ව්‍යවසායක ක්ෂේත්‍රයේ අනාගත නායකයින් ලෙස තරුණ පරපුර සවිබල ගැන්වීමත්, විශේෂයෙන් විද්‍යා, තාක්ෂණ හා පර්යේෂණ ක්ෂේත්‍ර ආශ්‍රිත ප්‍රාරම්භ-ව්‍යාපාර (startups) සහ සුළු හා මධ්‍ය පරිමාණ ව්‍යාපාර (SMEs) තිරසාර සහ ස්ථායී ව්‍යාපාර බවට පරිවර්තනය කිරීමට දිරිගැන්වීමේ අවශ්‍යතාව පිළිබඳවයි.

අඛණ්ඩව සිදු කෙරෙන මෙම සාකච්ඡාවලින් අනෙකුත් පාර්ශ්වකරුවන්ගේ සහායද ලබා ගනිමින්, විද්‍යා සහ තාක්ෂණ නව ජාතික ප්‍රතිපත්තියට අනුකූලව, ශ්‍රී ලංකාව විද්‍යාපාදක ව්‍යවසායකත්වය සඳහා කලාපීය කේන්ද්‍රස්ථානයක් බවට පත් කිරීම අරමුණයි.

නවෝත්පාදන, තරුණ නායකත්වය සහ ජාත්‍යන්තර සහයෝගීතාව මත පදනම් වූ ආර්ථිකයක් රට තුළ ගොඩනැගීමට අවශ්‍ය මැදිහත්වීම සිදු කිරීමට පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC) අපේක්ෂා කරයි.

ජපන් ජාත්‍යන්තර සහයෝගීතා නියෝජිතායතනය (JICA) නියෝජනය කරමින් එහි ප්‍රධාන නියෝජිත කුරොනුමා කෙන්ජි (Kuronuma Kenji), ජ්‍යෙෂ්ඨ නියෝජිත ඉඩෙ යුරි (Ide Yuri) යන ඇතුළු පිරිසක්ද, ආසියානු සංවර්ධන බැංකුව නියෝජනය කරමින් (ADB) ශ්‍රී ලංකා නියෝජිත තකෆුමි කඩොනො (Takafumi Kadono) ද, සිංගප්පූරුවේ නන්‍-යැන්ග් තාක්ෂණ විශ්වවිද්‍යාලයෙහි (Nanyang Technological University) මහාචාර්ය ලර්වෙන් ලු (Professor Lerwen Liu) සහ IITM ප්‍රවර්තක් තාක්ෂණ පදනමෙහි (IITM Pravartak Technologies Foundation) නව ප්‍රවේශයන්හි (New Initiatives) ප්‍රධානියා වන රාජේන්ද්‍ර මෝතා (Rajendra Mootha) යන විද්වතුන්ද මෙම සාකච්ඡාවලට එක් ව තිබෙනවා.

කලාපීය සාමය සහ ස්ථාවරත්වය පිලිබද ඉරාන ශ්‍රී ලංකා සාකච්ඡා

කලාපීය සාමය සහ ස්ථාවරත්වය සඳහා තිරසර රාජතාන්ත්‍රික උත්සායන්හි වැදගත්කම පිලිබද අවදානය යොමුකරමින් මෙරට ඉරාන තානාපතිවරයාට සහ විදේශ කටයුතු අමාත්‍ය විජිත හෙරත් අතර සාකච්චාවක් ඊයේ (26) පැවැත්වුණා.

ඊශ්‍රායලය සහ ඉරානය අතර ඇති කරගත් සටන් විරාමය පිළිබදව මෙහිදී අවධානය යොමු කරමින්
ඉරානයේ සිටින ශ්‍රී ලාංකිකයින්ගේ ආරක්ෂාව සම්බන්ධයෙන් ගෙන ඇති ක්‍රියාමාර්ග පිළිබඳව මෙහිදි සාකච්ඡා කෙරින.

මානව හිමිකම් මහ කොමසාරිස් නැගෙනහිර සංචාරයක

නැගෙනහිර පළාත් ආණ්ඩුකාර ලේකම් කාර්යාලයට ඊයේ (25) එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් ( Volker Turk ) පැමිණ සාකච්ඡාවක් පවත්වා තිබෙනවා.

මෙහිදි නැවත පදිංචි කිරිම්, අතුරුදහන් වූවන් පිළිබදව, මානව හිමිකම් සුරැකීම පිළිබදව, මත් ද්‍රව්‍ය නිවාරණය හා නැගෙනහිර පළාත තුළ පවතින ඉඩම් ගැටළුව පිළිබදව දිර්ඝව සාකච්ඡා කර තිබෙනවා.

එහිදි මානව හිමිකම් මහ කොමසාරිස්තුමා වර්තමානයේ ශ්‍රී ලංකාවේ රජය විසින් ගෙන ඇති තීරණ පිළිබද හා දුෂණ විරෝධි ප්‍රතිපත්ති පිළිබද සතුටට පත්වන බවද ප්‍රකාශ කළා.

ඔහු ඊයේ පෙරවරුවේ ත්‍රීකුණාමලයේ සිවිල් සංවිධාන හා ආගමික නායකයින් හමුවී සාකච්ඡා කොට පසුව ආණ්ඩුකාර කාර්යාලයේදී මෙම සාකච්ඡාව පවත්වා ඇත්තේ.

වෝලකර් ටර්ක් ( Volker Turk ) මහතා ශ්‍රී ලංකාවේ සිව් දින සංචාරයක නිරතවෙයි.

මෙම අවස්ථාවට විදේශ සේවා හා විදේශ කටයුතු නියෝජ්‍ය අමාත්‍ය අරුන් හොමචන්ද්‍ර මහතා, එක්සත් ජාතීන්ගේ ශ්‍රීලංකාවේ නේවාසික සම්බන්ධීකාරක Marc-André Franche මහතා ඇතුළු දූත පිරිස, නැගෙනහිර පළාත් ප්‍රධාන ලේකම් හා අම්පාර, මඩකලපුව, ත්‍රීකුණාමලය යන දිස්ත්‍රීක්කයන්හි දිස්ත්‍රීක් ලේකම්වරු මෙම අවස්ථාවට එක්ව සිටියා.

ප්‍රදේශ කිහිපයකට තද වැසි

මහනුවර, ගාල්ල, නුවරඑළිය, සබරගමු සහ වයඹ පළාත් වලත්, මාතර දිස්ත්‍රික්ක වලත් විටින් විට තද වැසි ඇති විය හැකියි.

කාලගුණ විද්‍යා දෙපාර්තමේන්තුව ප්‍රකාශ කරන්නේ ඇතැම් ස්ථානවල මිලිමීටර් 50ක පමණ තද වැසි ඇතිවිය හැකි බවයි.

සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති වෙයි.

මධ්‍යම කඳුකරයේ බටහිර බැවුම් ප්‍රදේශවලත් උතුරු, උතුරු-මැද සහ වයඹ පළාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් පැ.කි.මී. 30-40ක පමණ තරමක තද සුළං ඇති වෙයි.

තද වැසි සහ අකුණු මගින් ඇතිවන අනතුරු අවම කරගන්නා ලෙස කාලගුණ විද්‍යා දෙපාර්තමේන්තුව පවසයි.

ලංගමයට අධි සුඛෝපභෝගී බස් රථ 200ක්

ශ්‍රී ලංගමය විසින් අධිවේගී මාර්ග සඳහා අධි සුඛෝපභෝගී බස් රථ 200ක් මිල දී ගැනීමට අමාත්‍ය මණ්ඩල අනුමැතිය හිමිව තිබෙනවා.

මූල්‍ය හැකියාව ඇති ඩිපෝ මඟින් අධි සුඛෝපභෝගී බස් රථ 29ක් ඍජුවම මිල දී ගැනීමටත්, ශ්‍රී ලංගමයේ අරමුදල් භාවිත කරමින් මූලික ගෙවීම් සිදු කර, ඉතිරි මුදල වසර 05ක් තුළ මාසික වාරික වශයෙන් උපයන ආදායමෙන් ගෙවීම හරහා සෙසු බස් රථ ප්‍රමාණය මිල දී ගැනීමටත් නියමිතයි.

අධිවේගී මාර්ගවල මගී ඉල්ලුම සපුරාලීමට ප්‍රමාණවත් බස් රථ නොමැතිකම හමුවේ ශ්‍රී ලංගම විසින් දැනට පෞද්ගලික අංශයට අයත් සුඛෝපභෝගී බස් රථ 61ක් ලාභ බෙදා ගැනීමේ පදනම මත ධාවනයේ යොදවනු ලබයි.

ශ්‍රී ලංකා ගමනාගමන මණ්ඩලය සාමාන්‍ය බස් රථ ඇණියෙන් 52%කට ආසන්න ප්‍රමාණයක් සහ සුඛෝපභෝගී බස් රථ ඇණියෙන් 94%කට ආසන්න ප්‍රමාණයක් ආර්ථික ආයු කාලය ඉක්මවා ගොස් ඇත.

මානව හිමිකම් සහ මිනිස් අයිතිවාසිකම් වලට පුළුල් දැක්මක් අවශ්‍ය බව විපක්ෂ නායක පවසයි.

මානව හිමිකම් ආරක්ෂා කිරීම ප්‍රජාතන්ත්‍රවාදයේ සුවිශේෂ කරුණක් බව විපක්ෂ නායක සජිත් ප්‍රේමදාස පවසනවා.

ඔහු වැඩිදුරටත් පැවසුවේ අතුරුදන් වුවන්ගේ කාර්යාලය, හානි පුර්ණ කර්යාලය, ජාතික සමගිය හා සංහිදියාව උදෙසා නිර්මාණය වු කර්යාලය හරහා යුද සමයේ සංහිදියාව සාක්ෂාත් කර ගැනීමට පියවර ගණනාවක් ගෙන ඇති බවයි.

ජනතාවගේ හඬ යටපත් කරන පනත් සංශෝධනය කළ යුතු බවත්, නිදහස් මාධ්‍ය නියාමනයට ඉඩ දීමට නොහැකි බවත්, ජීවත් වීමේ අයිතිය මානව අයිතියක් කළ යුතු තවත් ඔහු වැඩිදුරටත් පවසා සිටියා.

විපක්ෂ නායකවරයා මේ පිළිබද මාධ්‍ය වෙත අදහස් දක්වමින් කියා සිටියේ එක්සත් ජාතින්ගේ මානව හිමිකම් පිළිබඳ තානාපති වෝල්කර් ටර්ක් පාර්ලිමේන්තුවේ දී හමුවීමෙන් පසුවයි.

සාක්ෂි අමතකයිලු

රාජකාරි අත්හිටුවා ඇති පොලිස්පති දේශබන්දු තෙන්නකෝන්ගේ සාක්ෂි ලැයිස්තුවේ සාක්ෂිකරුවන් සිව් දෙනෙක් පරීක්ෂණ කමිටුව ඉදිරියේ සාක්ෂි ලබාදී තිබෙනවා.

පොලිස්පති ටී.එම්.ඩබ්ලිව්. දේශබන්දු තෙන්නකෝන් විසින් කර ඇතැයි කියන විෂමාචාර සහ සිය ධුරයේ බලතල බරපතල අන්දමින් අනිසි ලෙස යොදාගැනීම සම්බන්ධයෙන් විමර්ශනය කර වාර්තා කිරීමට පත් කළ පරීක්ෂණ කමිටුව ඉදිරියේ වගඋත්තරකාර පොලිස්පති දේශබන්දු තෙන්නකෝන්ගේ සාක්ෂි ලැයිස්තුවේ සාක්ෂිකරුවන් සිව් දෙනෙක් සාක්ෂි ලබාදීම ඊයේ (24) සිදු වුණා.

වගඋත්තරකාර පොලිස්පතිවරයාද ඇතුළුව ඔහුගේ සාක්ෂි ලැයිතුවේ සාක්ෂිකරුවන් 15 දෙනෙකු සාක්ෂි ලබාදීමට නියමිතයි.

ඊයේ (23) දින වගඋත්තරකාර පොලිස්පති ටී.එම්.ඩබ්ලිව්. දේශබන්දු තෙන්නකෝන් පරීක්ෂණ කමිටුව ඉදිරියේ සාක්ෂි ලබාදීම සිදුවුණා.

එසේම සාක්ෂි ලබාදුන් සාක්ෂිකරුවන් සිව්දෙනාද ඇතුළුව මේ වන විට වගඋත්තරකාර පොලිස්පතිවරයාගේ සාක්ෂි ලැයිතුවේ සාක්ෂිකරුවන් 5 දෙනෙකු සාක්ෂි ලබාදී අවසන්.

ශ්‍රේෂ්ඨාධිකරණ විනිසුරු පී.පී. සූරසේනගේ සභාපතිත්වයෙන් සහ විනිසුරු ඩබ්ලිව්.එම්.එන්.පී. ඉද්දවල සහ ජාතික පොලිස් කොමිෂන් සභාවේ සභාපති ඊ.ඩබ්ලිව්.එම්. ලලිත් ඒකනායක යන පුද්ගලයින්ගේ සාමාජිකත්වයෙන් කමිටුව ඊයේ පෙ.ව. 9.30 රැස්වූ අතර ප.ව. 8.10 දක්වා සාක්ෂිකරුවන්ගෙන් සාක්ෂි ලබාගැනීම සිදු වුණා.

කොළඹ දිසාව භාර නියෝජ්‍ය පොලිස්පති ජගත් චන්ද්‍රකුමාර ඊයේ දින කමිටුව හමුවේ සාක්ෂි ලබාදුන්නා.

මොහු කොළඹ අපරාධ කොට්ඨාසයේ වෑන් රථය පිටතට යැවීම සඳහා අනුමැතිය දීම සඳහා නිර්දේශ කළ නිලධාරියා මෙන්ම මෙම වෙඩි තැබීමේ සිද්ධියේදි මියගිය උපුල් නමැති නිලධාරියාට වන්දි ලබාදීමේ කමිටුවේ සභාපති ලෙසද කටයුතු කර තිබෙනවා.

සාක්ෂි විමසිම ආරම්භ කරමින් දේශබන්දු තෙන්නකෝන් වෙනුවෙන් පෙනි සිටින නීතිඥ සංජීව වීරවික්‍රම සාමාන්‍ය ප්‍රශ්න කිරිම් සිදුකළ අතර අනතුරුව කමිටුවේ සභාපති විනිසුරු ප්‍රීතිපද්මන් සූරසේන ප්‍රශ්න රැසක් විමසා සිටියා.

එලෙස විමසු බොහෝ ප්‍රශ්න සඳහා ”මම දන්නේ නැහැ, මට මතක නැහැ.” යනුවෙන් සාක්ෂිකරු පිළිතුරු ලබාදී තිබුණා. ඊට කමිටුවේ දැඩි අප්‍රසාදය පළ කර තිබෙනවා.

එහිදි අතිරේක සොලිසිටර් ජනරාල් දිලීප පිරිස් ප්‍රශ්න කිරිම් ආරම්භ කරමින් ” මොකද නියෝජ්‍ය පොලිස්පතිතුමා ඔබතුමාගේ කකුල වෙව්ලන්නේ, ඔබතුමාට අසනීපයක්ද?” යනුවෙන් අසමිනි.

”නැහැ ස්වාමීනි මම මේ වගේ කොමිසමක පළවෙනි වතාවටයි සාක්ෂි ලබාදෙන්නේ. මට පුරුදු නැහැ මේක”‘ යනුවෙන් පොලිස් නිලධාරියා එහිදි ප්‍රකාශ කර තිබෙනවා.

ඔබගේ මතය තවමත් නාඳුනන වෙඩික්කුරුවෙක් විසින් මෙම වෙඩි තැබිම සිදු කළා යන්න දැයි දිලිප පිරිස් මහතා විමසා තිබෙනවා.

”ඔව් මම ඒ මතයේ තමයි ඉන්නේ ” යනුවෙන් පොලිස් නිලධාරියා ප්‍රකාශ කර ඇත.
එවක වැඩබලන පොලිස්පතිට දැනුම් දුන්නද? යනුවෙන් විමසු අවස්ථාවේදි ඔහු පැවසුවේ තමා ඔහුට කතා කර ඒ පිළිබඳ දැනුම් දුන් බවයි.

කෙසේ වෙතත් දිගින් දිගටම සිදුවූ සාක්ෂි විමසීම් අතරතුර ඔහු පරස්පර විරෝධී පිළිතුර ලබාදිමත් සමග සභාපති විනිසුරුවරයා අසත්‍ය තොරතුරු නොපවසන ලෙස ඔහුට දැඩි ලෙස අවවාද කර තිබෙනවා.

”ඔබ නිවැරදි පිළිතුරු දෙන්නේත් නැහැ. ඔබ වගේ නිලධාරින් තමයි පොලිස් දෙපාර්තමේන්තුව අපකිර්තියට පත් කරන්නේ. ඔබ ලැජ්ජා වෙන්නත් ඕනේ මේ වගේ පිළිතුරු දිලා පොලිස් නිලඇඳුම ඇඳගෙන ඉන්න” යනුවෙන් එහිදි සභාපති විනිසුරුවරයා ප්‍රකාශ කර තිබෙනවා.

එසේම වගඋත්තරකාර පොලිස්පතිවරයාගේ සාක්ෂි ලැයිස්තුවේ ඉතිරි සාක්ෂිකරුවන්ගේ සාක්ෂි ලබාගැනීම සඳහා පරීක්ෂණ කමිටුව අද (25) පෙ.ව 9.30 ට රැස්වීමට නියමිතය.

උදව් අවශ්‍යදැයි විමසීමට පුටින්ගෙන් ට්‍රම්ප් ට ඇමතුමක් ?

ඉරානය සම්බන්ධයෙන් උදව් අවශ්‍ය දැයි විමසීමට රුසියානු ජනාධිපති ව්ලැඩිමීර් පුටින් තමාට කතා කළ බව ඇමරිකානු ජනාධිපති ඩොනල්ඩ් ට්‍රම්ප් පවසනවා.

එයාර් ෆෝස් වන් නෞකාවේදී විදෙස් මාධ්‍යවේදීන් සමඟ ඉරානය පිළිබඳ සාකච්ඡා කරමින් සිටියදී ජනාධිපති ඩොනල්ඩ් ට්‍රම්ප් හෙළි කළේ රුසියානු ජනාධිපති ව්ලැඩිමීර් පුටින් ඉරානයේ තත්වයට උදව් කිරීමට තමාට කතා කළ බවයි.

ඉන්දීය ක්‍රිකට් ක්‍රීඩක රිෂාබ් පාන්ට් ට දඬුවම් ලකුණක්

ඉන්දියාව හා එංගලන්තය අතර ටෙස්ට් තරගයේදී ICC චර්යාධර්ම සංග්‍රහයේ 1 වන මට්ටම උල්ලංඝනය කිරීම සම්බන්ධයෙන් ඉන්දීය කඩුලු රකින පිතිකරු රිෂාබ් පාන්ට් හට දඬුවම් ලකුණක් ලබා දී තිබෙනවා.

ක්‍රීඩකයින් සහ ක්‍රීඩක සහායක කාර්ය මණ්ඩලය සඳහා වන ICC චර්යාධර්ම සංග්‍රහයේ 2.8 වගන්තිය පාන්ට් උල්ලංඝනය කර ඇති බවයි ICCය විසින් සදහන් කර ඇත්තේ.

එය “ජාත්‍යන්තර තරඟයක් අතරතුර විනිසුරුවරයෙකුගේ තීරණයට විරුද්ධත්වය ප්‍රකාශ කිරීම” සම්බන්ධයෙන් වේ.

මෙම සිදුවීම සිදුවී ඇත්තේ එංගලන්ත පළමු ඉනිමේ 61 වන ඕවරයේදී බෙන් ස්ටෝක්ස් සහ හැරී බෲක් කඩුල්ලේ රැදී සිටියදී පාන්ට් පන්දුවේ තත්ත්වය පිළිබඳව විනිසුරුවන් සමඟ සාකච්ඡාවක යෙදුනු අවස්තාවේදීයි.

බෝල මාපකය සමඟ පන්දුව පරීක්ෂා කිරීමෙන් පසු විනිසුරුවරුන් පන්දුව වෙනස් කිරීම ප්‍රතික්ෂේප කර තිබෙනවා.

එවිට කඩුලු රකින්නා වූ රිෂාබ් විනිසුරුවරුන් ඉදිරිපිට පන්දුව බිමට විසි කිරීමෙන් ඔහුගේ විරුද්ධත්වය පෙන්නුම් කිරීමට කටයුතු කලා.

පිටියේ විනිසුරුවරුන් වූ ක්‍රිස් ගැෆනි සහ පෝල් රීෆල් විසින් චෝදනා ඉදිරිපත් කිරීමෙන් පසුව පාන්ට් විසින් වරද පිළිගෙන තරඟ තීරක රිචී රිචඩ්සන් විසින් පනවන ලද දඬුවම පිළිගෙන තිබෙනවා.

වැලිකන්ද උණුදිය උල්පත් සංවර්ධනය කිරීමට සැලසුම්

පොළොන්නරුව, වැලිකන්ද උණු දිය උල්පත් සංවර්ධනය කිරීම පිළිබඳ සාකච්ඡාවක් ඊයේ එම ප්‍රදේශයේදී පැවැත්වුණා.

මෙම උණු දිය උල්පත් සංවර්ධනය කර නොතිබීම නිසා සංචාරකයන් එහි සංචාරය කිරීමට උනන්දුව අඩුකමක් දක්වා ඇත.

මෙහිදී අවධාරණය කෙරුණු කරුණු වූයේ උණු දිය උල්පත් සංවර්ධනය කිරීමේ වැදගත්කම, සංචාරක හා තාක්ෂණික විභවතාව සහ වත්මන් තත්වය පිළිබඳවයි.

උණු දිය උල්පත් ආශ්‍රිතව ප්‍රදේශයේ වනගහනය වැඩිකිරීම, දූපත අලංකරණය, ගොඩබිම සිට දූපත දක්වා පාලමක් ඉදි කිරීම යන කරුණද සාකච්ඡා වී තිබෙනවා.

එම අවස්ථාවට නිවාස නියෝජ්‍ය අමාත්‍ය ටී.බී.හේරත්, වැලිකන්ද ප්‍රාදේශීය සභාවේ සභාපති ඩී.ඩබ්. වසන්ත ඇතුළු නිලධාරීන් සහ තවත් ආයතන කිහිපයක් ද එක්ව සිටියා.

channel7.lk

Today News

Channel7 සජීව විකාශය නැරඹීමට පිවිසෙන්න

යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ

120ක් අත්අඩංගුවට – සබරගමුවේ විශේෂපොලිස් මෙහෙයුමක්

LIVE

අද කාලගුණය

ප්‍රදේශ කිහිපයකට තද වැසි