යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ
120ක් අත්අඩංගුවට – සබරගමුවේ විශේෂපොලිස් මෙහෙයුමක්
දුමින්ද යලි රිමාණ්ඩ්
ජාතික පර්යේෂණ සහ සංවර්ධන ප්‍රතිපත්ති කෙටුම්පත පිළිබඳ දැනුවත් කිරීම සාර්ථකයි
IOC එකෙන් ජනාධිපති අරමුදලට රුපියල් මිලියන 100ක්
Hot News

ක්ෂුද්‍ර කුඩා හා මාධ්‍ය පරිමාණ ව්‍යවසායකන් දේශපාලන පාපන්දුවක් වෙලා – විපක්ෂ නායක

ක්ෂුද්‍ර කුඩා හා මාධ්‍ය පරිමාණ කර්මාන්ත කරුවන් සහ ව්‍යවසායකන්ගේ ගැටලු වලට විසඳුමක් ලැබි නැතැයි විපක්ෂ…

Channel7.lk

ජනපති හා දකුණු අප්‍රිකානු හිටපු ජනපති අතර හමුවක්

දකුණු අප්‍රිකානු හිටපු ජනපති තාබෝ ම්බෙකි මහතා (Thabo Mbeki) පැවසුවේ විවිධත්වයක් සහිත සියලු ජන කණ්ඩායම් එක මාවතකට ගැනීමට කටයුතු කිරීම සම්බන්ධයෙන් උගත් පාඩම් සහ අත්දැකීම් ශ්‍රී ලංකාවේ ජනාධිපතිවරයා සමඟ බෙදා ගැනීමට තමා කැමති බවයි.


ඔහු මේ බව පැවසුවේ ඊයේ අරලියගහ මන්දිරයේදී ජනාධිපති අනුර කුමාර දිසානායක මහතා හමුවූ අවස්ථාවේදීයි.


දකුණු අප්‍රිකාව හා ශ්‍රී ලංකාව භූ ගෝලීය වශයෙන් දුරස්ථ වුවද, විවිධ ජාතීන්, ආගම් සහ  සංස්කෘතින් පැවතීම නිසා දෙරටෙහි සමානත්වයක් පවතින බව ද ඔහු වැඩිදුරටත් පැවසුවා.


ජාතීන් අතර සමඟිය වර්ධනය කිරීමටත්, රට මුහුණ දී ඇති ආර්ථික අභියෝග ජයග්‍රහණය කරමින් ඉදිරියට ගෙන යාමටත්, තමා ඇපකැප වී සිටින බව ජනාධිපති අනුර කුමාර දිසානායක මහතා මෙහිදී පැවසුවා.

ශ්‍රී ලංකාවෙන් මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා ඇතුළු නිලධාරීන් පිරිසක් සහ ශ්‍රී ලංකාවේ දකුණු අප්‍රිකානු මහ කොමසාරිස් සැන්ඩිල් ෂාල්ක් ( Sandile Schalk), තාබෝ ම්බෙකි පදනමේ ප්‍රධාන විධායක නිලධාරී මැක්ස්වෙල් බොක්වානා (Maxwell Boqwana) , තාබෝ ම්බෙකි පදනමේ ප්‍රධාන මෙහෙයුම් නිලධාරී ලුක්හන්යෝ නීර් (Lukhanyo Neer) එක්වුණා.

ළමයින්ගේ ආරක්ෂාව ගැන මහජන ආරක්ෂක අමාත්‍යංශයෙ අවධානය

සූරා කෑම සඳහා වන ළමා වෙළදාම බරපතළ මානව අයිතිවාසිකම් උල්ලංඝනයක් බව කාන්තා සහ ළමා කටයුතු අමාත්‍ය සරෝජා සාවිත්‍රී පෝල්රාජ් මහත්මිය පවසනවා.

එය ජාත්‍යන්තර සංවිධානාත්මක අපරාධයක් බවයි ඇය වැඩිදුරටත් පැවසුවේ.ළමයින් වෙළදම් කිරීම, සංවිධානාත්මක අපරාධ අනාවරණය කර ගැනීම, හඳුනා ගැනීම, විමර්ශනය කිරීම සහ නඩු පැවරීම සඳහා මහජන ආරක්ෂක කටයුතු අමාත්‍යංශය කටයුතු කරනවා.

එම වැඩසටහනට කාන්තා සහ ළමා කටයුතු අමාත්‍යාංශය හා ජාතික ළමා ආරක්ෂක අධිකාරීය උපරිම සහය දක්වන බව අමාත්‍යවරිය කියා සිටියා.

මුස්ලිම් සිවිල් සංවිධාන නායකයෝ රජයට ස්තූති කරයි

මෙවර හජ් වන්දනාව ඉතිහාසයේ ගැටළු අවම වන්දනා ගමනක් බව ශ්‍රී ලංකා මුස්ලිම් සිවිල් සංවිධාන නායකයින් පවසනවා. ඊට රජයට ස්තුතිය පල කිරීමේ සාකච්ඡාක් විදේශ කටයුතු, විදේශ රැකියා සහ සංචාරක අමාත්‍යාංශයේ දී පැවැත්වුනා. සාකච්ඡාවට එක් වූ මුස්ලිම් සිවිල් නායකින් තම ප්‍රජාව මුහුණ පාන ගැටළු පිලිබද ව ද රජයේ නියෝජිතයින් දැනුවත් කළා.


විවිධ හේතුන් මත වසා දැමුණු මුස්ලිම් ආගමික ස්ථාන, කුර් ආන් ග්‍රන්ථ වැනි ආගමික ග්‍රන්ථ අනයනයේදී මතු වන ගැටළු , මුස්ලිම් හෙද ශිෂ්‍යාවන්ගේ ගැටළු සාකච්ඡාවේදී අවධානයට ලක් වුණා. අරාබි පාසල් විෂය නිර්දේශ , කොවිඩ් වසංගත කාලයේ භූමී දානය කල දේහ පිළිබද තොතුරු හා , මුස්ලිම් ප්‍රජාවගේ මරණ ලියාපදිංචි කිරීම් ප්‍රමාදයකින් තොරව ලබාගැනීම පිලිබදව ද මෙහිදී සාකච්ඡා කෙරුවා.

මුස්ලිම් ප්‍රජාවගේ ගැටලු වලට අදාල අමාත්‍යංශ හරහා නිසි ලෙස අධ්‍යනකින් පසු පිළිගත හැකි විසදුම් ලබා දිමට කටයුතු කරන බවයි අමාත්‍ය විජිත හේරත් පැවසුවේ . එහිදී ලබන වසරේ හජ් වන්දනාවට යන වියදම සාමාන්‍ය පවුලකට දැරිය හැකි මුදලකට ලබා දීමට අවශ්‍ය ක්‍රියා මාර්ග ගන්නා බවත් අමාත්‍යවරයා වැඩි දුරටත් පැවසුවා.

මෙ අවස්ථාවට රජයේ මැති ඇමතිවරුන් ඇතුලු මුස්ලිම් ප්‍රජාව නියෝජනය කරමින් සිවිල් සංවිධාන වල නියෝජිතයින්, වෘත්තීය සමිති නියෝජිතයින් , නීතිඥයන් , හා විශ්ව විද්‍යාලීය සිසුන් එක් වුණා.

ධීවර ගැටළුවලට විශේෂ අවධානයක්

ධීවර කටයුතු සම්බන්ධ විශේෂ සම්බන්ධීකරණ සාකච්ඡාවක් අද ත්‍රිකුණාමලයේදී පැවැත්වුණා.

ධීවර ප්‍රජාවට බලපාන ජීවනෝපාය අභියෝග, නියාමන ගැටළු, ප්‍රාදේශීය සහ ජාතික මට්ටමින් පුළුල්  සම්බන්ධීකරණය අවශ්‍ය වන තත්ත්වයන් පිළිබඳ මෙහිදී විශේෂ අවධානයක් යොමු කර තිබෙනවා.

අනාගත ප්‍රතිපත්ති සැලසුම් සකස් කිරීමේ දී වෙරළබඩ ප්‍රජාවන්ගේ අදහස් හා යෝජනා ලබාගනිමින් කඩිනම් හා දීර්ඝකාලීන විසඳුම් සකස් කිරීම සම්බන්දයෙන් ද සාකච්ඡා කර ඇත.  

මෙම සාකච්ඡාවට ධීවර නියෝජ්‍ය අමාත්‍ය රත්න ගමගේ, විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර සහ නැගෙනහිර පළාත් ආණ්ඩුකාරවරයාද ද සහභාගී විය.  

පැතුම් නිශ්ශංක ලකුණු 100 කඩයිම පසුකරයි.

ඊශ්‍රායලය ගාසා තීරයේ 90 කට වැඩි පිරිසක් ඝාතනය කරයි

ඊශ්‍රායලය විසින් එල්ල කරන ලද ප්‍රහාර වලින් පසුගිය පැය 24 තුළ ගාසා තීරයේ මියගිය සංඛ්‍යාව 90 කට වඩා වැඩි වී තිබෙනවා.

අද උදෑසන සිදුවූ ප්‍රහාරවලින් පුද්ගලයින් 14 දෙනෙකු මිය ගිය බවයි ගාසා හි රෝහල් ආරංචි මාර්ග පවසන්නේ.
ගාසා හි පවතින විනාශකාරී යුද්ධය දැන් එහි 20 වන මාසයට එලබෙමින් තිබෙනවා.

ඊශ්‍රායල ප්‍රහාරවලින් කාන්තාවන්, ළමුන් සහ මාධ්‍යවේදීන් දෙදෙනෙකු ඇතුළු අවම වශයෙන් පුද්ගලයින් 92 දෙනෙකු මිය ගොස් ඇති බවයි විදෙස් මාධ්‍ය වාර්තා කර ඇත්තේ.


බදාදා මධ්‍යම ගාසා තීරයේ ප්‍රදේශයක් ඉලක්ක කරගත් ඊශ්‍රායල ගුවන් ප්‍රහාර දෙකකින් අවම වශයෙන් පුද්ගලයින් 33 දෙනෙකු මිය ගොස් 86 දෙනෙකු තුවාල ලබා තිබෙනවා.


කෙසේ වෙතත් සැබෑ මරණ සංඛ්‍යාව බොහෝ විට වැඩි විය හැකි බව ගාසා සෞඛ්‍ය නිලධාරීන් පවසනවා.

Source – aljazeera

නිරෝගීමත්ව ඉන්න පාසලින්ම පුහුණුවක්

කායික සහ මානසික නිරෝගී සිසු පරපුරක් බිහිකර ගැනීමෙ වැඩපිළිවෙළක් පාසැල් තුළ ආරම්භ කෙරෙ.

සෞඛ්‍ය ප්‍රවර්ධන කාර්යාංශය ඒ සඳහා මඟපෙන්වයි. නිරෝගී ශක්තිමත් වැඩිහිටි පරපුරක් ඇතිකර ගැනීමයි මෙහි අරමුණ වේ. . මෙහි නියමු ව්‍යාපෘතියක් ලෙස ශරීර ස්කන්ධ දර්ශකය මැනීමේ මධ්‍යස්ථානයක් ස්ථාපනය කිරිම කොළඹ ආනන්ද විද්‍යාලයේ දි සිඩුකෙරින.

එහි දි තම උස බර ආදිය මැනීම සඳහා අවශ්‍ය පහසුකම් සලසා තිබෙ. ඉන් ළමුන්ට තමන්ගේ සෞඛ්‍ය තත්වය පිළිබඳව අවබෝධයක් ලබාගැනිමට හැකිවන් ඇතර ලබාගත් දත්ත උපයොගිකරගනිමින් අවශ්‍ය සෞඛ්‍ය පුරුදු වලට ළමුන් යොමු කෙරෙනු ඇති. සුදුසු ආහාර, සුදුසු ව්‍යායාම, නිවැරදි සෞඛ්‍ය පුරුදු ආදියට ළමුන් යොමු කිරීම මෙහිදී සිදුකෙරෙ.

ආනන්ද විද්‍යාලයේ විදුහල්පති ලාල් දිසානායක මහතාගේ සහභාගිත්වයෙන් සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවකදී මේ කරුණු අනාවරණ විය.

ඉරානය හා ඇමරිකාව අතර තීරණාත්මක සාකච්ඡාවක්

එළැඹෙන සතියේ අමෙරිකාව සහ ඉරානය අතර සාකච්ඡාවක් පැවැත්වීමට නියමිත බව අමෙරිකානු ජනාධිපති ඩොනල්ඩ් ට්‍රම්ප් පවසා තිබෙනවා.

එම අවස්ථාවේදී ඇතැම්විටකදී අවබෝධතා ගිවිසුමකට පවා එළැඹිය හැකි බව ඇමෙරිකානු ජනාධිපතිවරයා පවසා තිබෙන බව විදෙස් මාධ්‍ය වාර්තා කරනවා.

ඉරානය තම න්‍යෂ්ටික වැඩසටහන නැවත ගොඩනඟා ගැනීමට උත්සාහ කළහොත් එයට ඉඩ නොදන බවත් ට්‍රම්ප් පවසා තිබෙනවා.

කෙසේ වෙතත් ඉරානයේ උත්තරීතර නායක අයතුල්ලා අලි කමේනි පවසා තිබුණේ ඉරානයට එරෙහි ඊශ්‍රායලයේ මිලිටරි ප්‍රහාරයට එක්වීමෙන් අමෙරිකාව රාජතාන්ත්‍රිකභාවය පාවා දී ඇති බවත්, එයින් ඇඟවෙන්නේ වොෂින්ටනය සමඟ තවදුරටත් සංවාදයක් කළ නොහැකි බවයි.

ක්ෂුද්‍ර කුඩා හා මාධ්‍ය පරිමාණ ව්‍යවසායකන් දේශපාලන පාපන්දුවක් වෙලා – විපක්ෂ නායක

ක්ෂුද්‍ර කුඩා හා මාධ්‍ය පරිමාණ කර්මාන්ත කරුවන් සහ ව්‍යවසායකන්ගේ ගැටලු වලට විසඳුමක් ලැබි නැතැයි විපක්ෂ නායකයා සජිත් ප්‍රේමදාස පවසනවා.


පරාටේ නීතීය උපයෝගී කරගනිමින් ඔවුන්ගේ දේපල සහ සම්පත් අත්තනෝමතික සහ හිතුමතේ ට වෙන්දේසි කිරීම සම්බන්ධයෙන් විපක්ෂයේ විරෝධය පෑවත් රජය එම නීතීය ගෙන ඒම කල් දැමූ බව විපක්ෂ නායක වරයා වැඩිදුරටත් පවසා සිටියා.


රජය ලබා දෙන තීන්දු මහබැංකුව ගනන් නොගන්නා බවත් මහබැංකු බාණ්ඩාගාරය ලබදෙන උපදෙස් බැංකු පද්ධතිය ගනන් නොගන්නා බවත් විපක්ෂ නායකවරයා පැවසුවා.

රජයේ උපදෙස් පැහැර හැරීම නිසා ආණ්ඩුවක් තිබේද යන්න ගැටලුව පවති.

“ක්ෂුද්‍ර කුඩා හා මධ්‍යම පරිමාණ කර්මාන්ත කරුවන් සහ ව්‍යවසායකයින් පාපන්දුවක් කර නොගන්නා ලෙසත් මැතිවරණ සමයේ දුන් පොරොන්දු කඩිනමින් ක්‍රියාත්මක කර දෙන ලෙස” විපක්‍ෂ නායකවරයා රජයෙන් ඉල්ලා සිටියි.

එමෙන්ම ක්ෂුද්‍ර කුඩා සහ මධ්‍යම ව්‍යවසායකයින් ආරක්ෂා කළ යුතු බවයි ඔහු පවසා සිටියේ.
රටේ දළ දේශීය නිෂ්පාදනයට 50% ක දායකත්වයක් ලබා දෙන මේ පිරිස, ලබා දී ඇති රැකියා ප්‍රමාණය ලක්ෂ 40 කට ආසන්න වේ.

ජූනී 30 සිට නැවත වරක් දේපල වෙන්දේසීය සිදුවන බව පැවසු විපක්ෂ නායකවරයා උද්ගතව ඇති ගැටලුව සම්බන්ධයෙන් කඩිනමින් විසඳුමක් ලබා දෙන ලෙසයි රජයට පැවසුවේ.

නවෝත්පාදනය සදහා තරුණයන් යොමුකිරිමට ජාත්‍යන්තර සහාය

ශ්‍රී ලංකාවේ පර්යේෂණ, සංවර්ධන සහ නවෝත්පාදන ක්ෂේත්‍ර ශක්තිමත් කිරීමේ අරමුණින් පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC), ආසියානු සංවර්ධන බැංකුව (ADB) සහ ජපන් ජාත්‍යන්තර සහයෝගීතා නියෝජිතායතනය (JICA) අතර සාකච්ඡා කිහිපයක් පසුගිය දිනවල පැවැත්වුණා.

මෙම සාකච්ඡාවලදී අවධාරණය කර ඇත්තේ ව්‍යවසායක ක්ෂේත්‍රයේ අනාගත නායකයින් ලෙස තරුණ පරපුර සවිබල ගැන්වීමත්, විශේෂයෙන් විද්‍යා, තාක්ෂණ හා පර්යේෂණ ක්ෂේත්‍ර ආශ්‍රිත ප්‍රාරම්භ-ව්‍යාපාර (startups) සහ සුළු හා මධ්‍ය පරිමාණ ව්‍යාපාර (SMEs) තිරසාර සහ ස්ථායී ව්‍යාපාර බවට පරිවර්තනය කිරීමට දිරිගැන්වීමේ අවශ්‍යතාව පිළිබඳවයි.

අඛණ්ඩව සිදු කෙරෙන මෙම සාකච්ඡාවලින් අනෙකුත් පාර්ශ්වකරුවන්ගේ සහායද ලබා ගනිමින්, විද්‍යා සහ තාක්ෂණ නව ජාතික ප්‍රතිපත්තියට අනුකූලව, ශ්‍රී ලංකාව විද්‍යාපාදක ව්‍යවසායකත්වය සඳහා කලාපීය කේන්ද්‍රස්ථානයක් බවට පත් කිරීම අරමුණයි.

නවෝත්පාදන, තරුණ නායකත්වය සහ ජාත්‍යන්තර සහයෝගීතාව මත පදනම් වූ ආර්ථිකයක් රට තුළ ගොඩනැගීමට අවශ්‍ය මැදිහත්වීම සිදු කිරීමට පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC) අපේක්ෂා කරයි.

ජපන් ජාත්‍යන්තර සහයෝගීතා නියෝජිතායතනය (JICA) නියෝජනය කරමින් එහි ප්‍රධාන නියෝජිත කුරොනුමා කෙන්ජි (Kuronuma Kenji), ජ්‍යෙෂ්ඨ නියෝජිත ඉඩෙ යුරි (Ide Yuri) යන ඇතුළු පිරිසක්ද, ආසියානු සංවර්ධන බැංකුව නියෝජනය කරමින් (ADB) ශ්‍රී ලංකා නියෝජිත තකෆුමි කඩොනො (Takafumi Kadono) ද, සිංගප්පූරුවේ නන්‍-යැන්ග් තාක්ෂණ විශ්වවිද්‍යාලයෙහි (Nanyang Technological University) මහාචාර්ය ලර්වෙන් ලු (Professor Lerwen Liu) සහ IITM ප්‍රවර්තක් තාක්ෂණ පදනමෙහි (IITM Pravartak Technologies Foundation) නව ප්‍රවේශයන්හි (New Initiatives) ප්‍රධානියා වන රාජේන්ද්‍ර මෝතා (Rajendra Mootha) යන විද්වතුන්ද මෙම සාකච්ඡාවලට එක් ව තිබෙනවා.