ජාතික මැණික් සහ ස්වර්ණාභරණ අධිකාරියේ සභාපති අභාවප්‍රාප්ත වෙයි
ලෝටස් පාර තාවකාලිකව වසයි
පූජ්‍ය අතුරලියේ රතන හිමියන්ට ඇප
බෙනඩික්ට් ජෝසප් ප්‍රනාන්දු පියතුමා ස්වර්ගස්ථ වෙයි
පද්මේගේ-බැකෝ සමන්ගේ කුඩු රට පුරා බෙදාහැරියේ සම්පත්(VIDEO)
Hot News

මන්ත්‍රී ඝාතනයේ වෙඩික්කරු රඳවාගෙන ප්‍රශ්න කිරීමට අධිකරණයෙන් අවසර

හෝමාගම ප්‍රාදේශීය සභාවේ හිටපු මන්ත්‍රී ශාන්ත මුදුන්කොටුව වෙඩි තබා ඝාතනය කිරීමේ සිද්ධියේ සැකකාර වෙඩික්කරු දින…

Channel7.lk

සුරියවැව ප්‍රදේශයේ අදත් වෙඩි තැබීමක්

හම්බන්තොට, සූරියවැව, වැවේගම කැළෑබද ප්‍රදේශයකදී පොලිස් විශේෂ කාර්ය බලකා නිලධාරීන් සමඟ සිදුවූ වෙඩි හුවමාරුවකදී සැකකරුවකු මිය ගොස් තිබෙනවා.

අදාළ ස්ථානයේ සැකකරුවන් දෙදෙනකු රැඳී සිට ඇති අතර, වෙඩි හුවමාරුව අතරතුර එක් සැකකරුවකු පලා ගොස් ඇති බවත්, සැකකරුවන් විසින් එල්ල කළ අත්බෝම්බයක් නිසා STF නිලධාරියකු ද තුවාල ලබා ඇති බවයි සඳහන් වන්නේ.

වෙඩි වැදීමෙන් මිය ගිය සැකකරු, පසුගියදා කොස්ගොඩදී සිදු කළ වෙඩි තැබීමේ සැකකරුවකු වන බවයි පොලීසිය වැඩිදුරටත් සඳහන් කරන්නේ.

comment loading image මහජන ප්‍රතිචාර

අද කාලගුණ නිවේදනය

ඉදිරි දින කිහිපයේදී උතුරු, උතුරු-මැද, මධ්‍යම, ඌව සහ නැගෙනහිර පළාත්වල සවස් කාලයේදී ගිගුරුම් සහිත වැසි ඇතිවීමට හිතකර වායුගෝලීය තත්ත්වයන් පවතින බව කාලගුණ විද්‍යා දෙපාර්තමේන්තුව පවසනවා.

මන්ත්‍රී ඝාතනයේ වෙඩික්කරු රඳවාගෙන ප්‍රශ්න කිරීමට අධිකරණයෙන් අවසර

හෝමාගම ප්‍රාදේශීය සභාවේ හිටපු මන්ත්‍රී ශාන්ත මුදුන්කොටුව වෙඩි තබා ඝාතනය කිරීමේ සිද්ධියේ සැකකාර වෙඩික්කරු දින 07ක් රඳවාගෙන ප්‍රශ්න කිරීමට පූගොඩ මහේස්ත්‍රාත් අධිකරණය අද (21) අවසර ලබාදී තිබෙනවා.

iPhone 17 Pro Max සැප්තැම්බර් මුල

ගෙවුණු වසරේ iPhone 16 දුරකථන මාලාව නිකුත් කිරීමෙන් පසුව, මෙම iPhone 17,iPhone 17 Pro සහ iPhone 17 Pro Max ඇතුළු iPhone 17 මාලාව ඉක්මනින් වෙළෙඳපොළට නිකුත් කිරීම ආරම්භ කෙරුණි.

දේශබන්දු 27 දක්වා රිමාන්ඩ්

අපරාධ පරීක්‍ෂණ දෙපාර්තමේන්තුව මගින් අත්අඩංගුවට ගත් හිටපු පොලිස්පති දේශබන්දු තෙන්නකෝන් මහතා එළැඹෙන 27 වනදා දක්වා රක්ෂිත බන්ධනාගාර ගතකරන ලෙස කොළඹ කොටුව මහෙස්ත්‍රාත් අධිකරණය අද (21) පස්වරුවේ නියම කළේය.

චාමර සම්පත් CIDයට පැමිණෙයි

පාර්ලිමේන්තු මන්ත්‍රී චාමර සම්පත් දසනායක අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන අංශය හමුවට පැමිණ තිබෙනවා.

ප්‍රකාශයක් ලබා ගැනීම සඳහා සිදුකළ කැඳවීමක් අනුව ඔහු මෙලෙස පැමිණ ඇති බවයි වැඩිදුරටත් සඳහන් වෙන්නේ.

ඩයනා ගමගේට වරෙන්තු

හිටපු රාජ්‍ය අමාත්‍ය ඩයනා ගමගේ අත්අඩංගුවට ගන්නා ලෙස දන්වමින් කොළඹ මහේස්ත්‍රාත් අධිකරණය වරෙන්තු නිකුත් කර ඇත.

පාර්ලිමේන්තු සභා වාරය ඇරඹේ

අද (21) දිනට නියමිත පාර්ලිමේන්තු සභා වාරයේ කටයුතු මේ වනවිට ආරම්භ කර තිබේ.

ඒ, කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙනි.

සජීවී දර්ශන ඉහත වීඩියෝවෙන් නරඹන්න.

YouTube player

අද දේශබන්දු අධිකරණයට

අත්අඩංගුවට ගත් හිටපු පොලිස්පති දේශබන්දු තෙන්නකෝන් අද කොළඹ කොටුව මහේස්ත්‍රාත් අධිකරණයට ඉදිරිපත් කිරිමට නියමිතයි.

අපරාධ පරීක්‍ෂණ දෙපාර්තමේන්තුව විසින් හෝකන්දර පිහිටි නිවසේදී ඊයේ මොහුව අත්අඩංගුවට ගනු ලැබුවේ 2022 වසරේ මැයි මස 09 වනදා අරගලයට පහරදුන් බවට කියන සිද්ධියට අදාළවයි.

මෙම සිද්ධියට අදාළව තමන් අත්අඩංගුවට නොගන්නා ලෙස දේශබන්දු තෙන්නකෝන් ගොනුකළ අපේක්ෂිත ඇප අයදුම්පතක් ද කොළඹ කොටුව මහේස්ත්‍රාත් නිලූපුලී ලංකාපුර ඊයේ ප්‍රතික්ෂේප කරනු ලැබුවා.

ඇප අයදුම්පත ප්‍රතික්ෂේප කරමින් මහේස්ත්‍රාත්වරිය කියා සිටියේ නීතියට ගරු කරනු ලබන පුද්ගලයෙකු ඉදිරිපත් කරන අපේක්ෂිත ඇපයක් සලකා බැලීමේ හැකියාවක් අධිකරණයට ඇතත් අධිකරණයේ මගහැර සිටින දේශබන්දු තෙන්නකෝන් වැනි සැකකරුවෙකු ඉල්ලා සිටින ඇප ඉල්ලීම සලකා බැලීමට තම අධිකරණයට නොහැකි බවයි.

තමන් සැකකරුවෙකු ලෙස නම් කර සිටින බව දැන දැනත් අධිකරණය මගහැර සිටීම යුක්තිගරුක පුද්ගලයෙකු ලෙස සිදු නොකළ යුත්තක් බවද මහේස්ත්‍රාත්වරිය මෙහිදී සඳහන් කර තිබුණා.

මේ අතර මාසයකට අධික කාලයක් අධිකරණය මගහැර සැගව සිට වරෙන්තු ලැබූ හිටපු අමාත්‍ය රාජිත සේනාරත්නට මේ මස 29 වනදා අධිකරණය හමුවේ පෙනී සිටින ලෙස නියම කරමින් කොළඹ ප්‍රධාන මහේස්ත්‍රාත් තනූජා ලක්මාලි ඊයේ නියෝගයක් නිකුත් කළා.

අල්ලස් කොමිසම කළ ඉල්ලීමක් සලකා බැලීමෙන් අනතුරුව ප්‍රකාශන නියෝගයක් නිකුත් කළ මහේස්ත්‍රාත්වරිය අදාළ නියෝගය කොළඹ ප්‍රධාන මහේස්ත්‍රාත් අධිකරණ පරිශ්‍රයේ සහ රාජිත සේනාරත්න පදිංචි ස්ථාන 05ක අලවා ප්‍රදර්ශනය කරන ලෙස ද නියෝග කළා.

එමෙන්මල ශබ්ද විකාශන යන්ත්‍ර ඔස්සේ එය ප්‍රචාරය කිරීමට ද නියම කර තිබෙනවා.

කිරින්ද ධීවර වරායේ වැලි කැණීමේ ව්‍යාපෘතියක් කොරියානු සමාගමකට ලබා දී රජයට රුපියල් කෝටි දෙකකට අධික පාඩුවක් සිදු කළේයැයි පැවසෙන සිද්ධියක් සම්බන්ධයෙන් මොහුට වරෙන්තු නිකුත් කර තිබුණා.

තැපැල් සේවක වර්ජනය තවදුරටත්

සේවක පුරප්පාඩු ඇතුළු ඉල්ලීම් 19 ක් මුල්කර ගනිමින් තැපැල් දෙපාර්තමේන්තුවේ සේවකයන් ආරම්භ කර ඇති වැඩ වර්ජනය අද සිව්වන දිනටත් ක්‍රියාත්මකයි.

මේ අතර අද දිනයේදී තම ගැටලු කෙරෙහි අවධානය යොමු කරන ලෙස ඉල්ලමින් ජනාධිපතිවරයා වෙත සංදේශයක් ද භාර දීමට කටයුතු කරන බවයි තැපැල් වෘත්තිය සමිති පෙරමුණ සඳහන් කළා.

තැපැල් දෙපාර්තමේන්තුවේ සියළුම නිලධාරින්ගේ නිවාඩු අවලංගු කර ඇති පසුබිමක මෙම තැපැල් වර්ජනය ක්‍රියාත්මක අතර අද දිනයේත් කොළඹ මධ්‍යම තැපැල් හුවමාරුව ඇතුළු දිවයින පුරා ප්‍රදේශ රැසක තැපැල් කාර්යාල වසා දමා ඇති අයුරු දක්නට ලැබුණා.