“ අධිකරණ පියස ” ව්‍යාපෘතියෙහි ගොඩනැගිලි දෙකක සහ අධිකරණ සංකීර්ණ හතරක ඉදි කිරීම් කඩිනම් කෙරේ.

අධිකරණ සහ ජාතික ඒකාබද්ධතා අමාත්‍යාංශය යටතේ ක්‍රියාත්මක ප්‍රධාන ඉදි කිරීම් ව්‍යාපෘතීන් වන අධිකරණ පියස ව්‍යාපෘතියෙහි ගොඩනැගිලි දෙකක සහ අධිකරණ සංකීර්ණ හතරක ඉදි කිරීම් කටයුතු කඩිනම් කරන ලෙස අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතා අද ( 27) අදාළ නිලධාරීන්ට උපදෙස් ලබා දී තිබේ.

කොළඹ, අලුත්කඩේ අධිකරණ පියස ව්‍යාපෘතිය යටතේ ඉදි කිරීමට නියමිත අධිකරණ අමාත්‍යාංශ ගොඩනැඟිල්ල, මහේස්ත්‍රාත් අධිකරණ ගොඩනැගිල්ල, ගාල්ල අධිකරණ සංකීර්ණය, පූගොඩ දිසා මහේස්ත්‍රාත් අධිකරණ සංකීර්ණය, මාතලේ අධිකරණ සංකීර්ණය සහ කන්තලේ අධිකරණ සංකීර්ණය ඉදි කිරීම් කඩිනම් කිරීම සම්බන්ධයෙන් විශේෂ සාකච්ඡාවක් අධිකරණ සහ ජාතික ඒකාබද්ධතා අමාත්‍ය, නීතිඥ, හර්ෂණ නානායක්කාර මහතාගේ ප්‍රධානත්වයෙන් අද ( 27) පෙරවරුවේ අධිකරණ සහ ජාතික ඒකාබද්ධතා අමාත්‍යාංශයේදී පැවැත්විණි.

අධිකරණ පියස ව්‍යාපෘතිය, අධිකරණ සංකීර්ණයන්හි ඉදිකිරීම්වල ප්‍රගතිය සහ අධිකරණ යටිතල පහසුකම් සඳහා වෙන් කර ඇති ප්‍රතිපාදන වියදම් කළ යුතු ආකාරය සම්බන්ධයෙන් මෙහිදී අවධානය යොමු විණි.

කොළඹ, අලුත්කඩේ අධිකරණ පියස ව්‍යාපෘතිය යටතේ ඉදි කිරීමට නියමිත අධිකරණ අමාත්‍යාංශ ගොඩනැඟිල්ලෙහි පළමු අදියර සඳහා රුපියල් මිලියන 3500 ක්, අධිකරණ නිවහන ව්‍යාපෘතියෙහි මහේස්ත්‍රාත් අධිකරණ ගොඩනැගිල්ලෙහි පලමු අදියර වෙනුවෙන් රුපියල් මිලියන 4519 ක්, මාතලේ අධිකරණ සංකීර්ණයේ ඉදි කිරීම් සඳහා රුපියල් මිලියන 599 ක්, ගාල්ල අධිකරණ සංකීර්ණයේ ඉදි කිරීම් සදහා රුපියල් මිලියන 1686 ක්, පූගොඩ අධිකරණ සංකීර්ණය ඉදි කිරීම සඳහා රුපියල් මිලියන 882 ක් සහ කන්තලේ අධිකරණ සංකීර්ණය ඉදි කිරීම් වෙනුවෙන් රුපියල් මිලියන 244 ක මුදලක් වෙන් කර තිබේ.

මහල් තුනකින් සමන්විත පූගොඩ අධිකරණ සංකීර්ණය දිසා අධිකරණයක්, මහේස්ත්‍රාත් අධිකරණයක්, කාර්යාල සහ සෙසු පහසුකම්වලින් සමන්විතව ඉදි කිරීමට නියමිත අතර මෙම වසර තුළ එහි වැඩ අවසන් කිරීමට නියමිතව තිබේ.

අධිකරණ සහ ජාතික ඒකාබද්ධතා අමාත්‍යාංශය, ඉංජිනේරු කාර්යයන් පිළිබඳ මධ්‍යම උපදේශන කාර්යාංශය, රාජ්‍ය ඉංජිනේරු සංස්ථාව නියෝජනය කරමින් උසස් නිලධාරීන් මෙම සාකච්ඡාවට එක්ව සිටියහ.

වසර තුල සංචාරක පැමිණීම මිලියනය ඉක්මවයි.

මෙම වසර තුල විදේශීය සංචාරකයින්ගේ පැමිණීම මිලියනය ඉක්මවා ගොස් තිබෙනවා. 2025 ජනවාරි සිට මැයි 25 දක්වා සංචාරකයින් 1,006,097 ක් මෙරටට පැමිණ තිබේ.

මෙය පසුගිය වසරවලට සාපේක්ෂව වසරක් තුල අඩුම කාලයකින් සංචාරකයින් මිලියනයක සීමාව පසුකල වාර්තාව බවට පත්වේ.

රජය විසින් වැඩි වශයෙන් සංචාරකයින් ආකර්ශණය කර ගැනීමට මෙම වසර තුල විවිධ ක්‍රියාමාර්ග ගෙන තිබෙන ව සංචාරක අමාත්‍යංශය පවසනවා. මේ වසර අවසන් වන විට සංචාරකයින් මිලියන 03ක් ආකාර්ෂණය කරගැනීම රජයේ ඉලක්කය වී තිබෙනවා.

ඒ අනුව 2025 වසර සංචාරක පුනරුද වසර ලෙස නම් කර සංචාරක යටිතල පහසුකම් වැඩිදියුණු කිරීම සහ මෙම ක්ෂේත්‍රයේ නියැලී සිටින්නන්ගේ ධාරිතා වර්ධනය කිරීම ඇතුළු වැඩසටහන් රැසක් සැලසුම් කර තිබෙනවා.

සංචාරකයින් මිලියනක ඉලක්කය සපිරීම වේගවත් කිරීම සදහා සංචාරකයින්ට සේවා සහ පහසුකම් සැපයීමට පෞද්ගලික අංශය ඇතුළු විවිධ පුද්ගලයන් දක්වන අනගි දායකත්වය සංචාරක පුනරුදයට රුකුලක් වී තිබෙන බව අමාත්‍යං‍ශය වැඩි දුරටත් පවසයි.

දිවයිනේ දිස්ත්‍රික්ක කිහිපයකට නායයෑම් අනතුරු ඇඟවීම් නිකුත් කරයි.

ගාල්ල දිස්ත්‍රික්කයේ ඇල්පිටිය, කළුතර දිස්ත්‍රික්කයේ පාලින්දනුවර, මහනුවර දිස්ත්‍රික්කයේ ගඟඉහළ කෝරළය, පස්බාගේ කෝරළය, කෑගල්ල දිස්ත්‍රික්කයේ අරණායක, බුලත්කොහුපිටිය, යටියන්තොට සහ රුවන්වැල්ල යන ප්‍රාදේශීය ලේකම් කොට්ඨාස වල ජීවත් වන ජනතාවට විමසිල්ලෙන් පසුවන ලෙස ජාතික ගොඩනැගිලි පර්යේෂණ සංවිධානය ඉල්ලා සිටී.

අද පෙරවරු 10.00 සිට හෙට (28) පෙරවරු 10.00 දක්වා අදාළ අනතුරු ඇඟවීමේ නිවේදනය බලාත්මක වන බව ජාතික ගොඩනැගිලි පර්යේෂණ සංවිධානය සිය නිවේදනයේ වැඩිදුරටත් සඳහන් කරයි.

විශේෂ මදුරු මර්දන වැඩසටහනෙන් සුවිශාල ප්‍රගතියක්

පසුගිය 19 සිට 24 දක්වා පැවති මදුරු මර්දන සතියේදී පරිශ්‍ර 1470 කට නීතී මගින් ක්‍රියාකිරීමට පියවර ගත් බව අමාත්‍යංශය පවසනවා.
එම කාලය තුළ මදුරුවන් බෝවිය හැකි ස්ථාන සහිත පරිශ්‍ර 31,145 ක් හඳුනාගත් අතර මදුරු කීටයන් සහිත පරිශ්‍ර 6077ක් හදුනාගන්නා ලදි.

නිකුත් කල රතු නිවේදන ප්‍රමාණය 3916 කි. මදුරු මර්දන සතියේ වැඩසටහන දී දිවයින පුරා නිවාස 119,677 ක්, පාසල් 257ක් සහ වෙනත් අධ්‍යාපන ආයතන 304ක් පරික්ෂෂාවට ලක් විය.

රජයේ ආයතන 789, පෞද්ගලික ආයතන 5025 ක් ඉදිකිරීම පරිශ්‍ර , කර්මාන්ත ශාලා , පොදු ස්ථාන, ආගමික ස්ථාන හා අනෙකුත් ස්ථාන 1100 ක් පරික්ශාවට ලක් කෙරින.
විශේෂ මදුරු මර්දන වැඩසටහන් සතිය දිස්ත්‍රික්ක 15 ක සෞඛ්‍ය වෛද්‍ය නිලධාරී කොට්ඨාස 95 ක් ක්‍රේන්ද්‍ර කරගනිමින් ක්‍රියාත්මක විය.
මෙම වැඩසටහනේදී පරිශ්‍ර පරීක්ෂාව, රතු නිවේදන නිකුත් කිරීම, නීතී මගින් ක්‍රියා කිරීම , ප්‍රතිකාර සේවා ශක්තිමත් කිරීම ද අරමුණු විය.
වැඩසටහන ක්‍රියාත්මක කිරීමට ත්‍රිවිධ හමුදාව,ශ්‍රී ලංකා පොලිසිය, ජාතික සිවිල් ආරක්ෂක බලකාය සහ විවිධ ස්වේච්ඡා සංවිධාන යන්නෙහි සහයෝගය සෞඛ්‍යාංශ වෙත ලබා දුනි.

වයඹ විද්‍යාපීඨ සිසුවියගේ සිද්ධිය පිළිබද පූර්ණ පරීක්ශනයක්

වයඹ ජාතික අධ්‍යාපන පීඨයේ ශිෂ්‍යාවක් සියදිවි හානි කරගැනීම සම්බන්දයෙන් පූර්ණ පරීක්ශනයක් සිදුවේ. ඒ සදහා රජය පරීක්ෂණ මණඩලයක් පත් කර ඇත.

මැය වයඹ ජාතික අධ්‍යාපන පීඨයේ දෙවන වසරේ ශිෂ්‍යාවකි. පරීක්ශණ මණ්ඩල වාර්තාව ලැබුනු වහාම ඒ සම්බන්දයෙන් ක්‍රියාමාර්ග ගන්නා බව අධ්‍යාපන උසස් අධ්‍යාපන සහ වෘත්තීය අධ්‍යාපන අමාත්‍යාංශය පවසයි. අදාල සිද්ධිය සම්බන්දයෙන් සවිස්තර වාර්තාවක් විද්‍යාපීඨයේ පීඨාධිපතිගෙන් ලබාගෙන ඇත. මේ සදහා අමාත්‍යංශයේ නිලධාරීන් විසින් ස්ථානීය පරික්ශනයක් ද සිදු කර ඇත.

සමස්ත ජාතික අධ්‍යාපන විද්‍යාපීඨ පද්ධතියේ පරිපාලන හා අධ්‍යාපන කටයුතු සමාලෝචනය කිරීමටත් එමගින් සිදු කලයුතු වෙනස්කම් සදහා කඩිනමින් පියවර ගන්න බවත් අමාත්‍යංශය කියා සිටී.

කලාපීය ඒකාබද්ධතාව ශක්තිමත් කිරීම කෙරෙහි ආසියාන් සමුළුවේ අවධානය

46 වන ආසියාන් නායක සමුළුව මැලේසියාවේ ක්වාලාලම්පූර් අගනුවර හිදී පැවැත්වේ. “ක්වාලාලම්පූර් ප්‍රකාශනය” ඊයේ(26) පස්වරුවේ සම්මත කෙරිණ. ඉන් ඉදිරි වසර 20 තුළ ආසියාන් සංවිධානයේ සංවර්ධනය සඳහා මග පෙන්වීම සහ සැලසුම් සැපයේ.

වාරික සභාපති රට වන මැලේසියානු අගමැති Dato’ Seri Anwar bin Ibrahim මහතා, “ක්වාලාලම්පූර් ප්‍රකාශනය” අත්සන් කිරීමේ උත්සවයේදී පෙන්වා දුන්නේ, ආසියාන් රටවල් සමීපව කටයුතු කිරීමෙන්, ගෝලීය ස්ථාවරත්වයක් ලෙසත්, නැගී එන ආර්ථික එකකයක් ලෙසත්, සිය වැදගත් ස්ථානය තහවුරු කර ගනු ඇති බවයි. වත්මන් ජාත්‍යන්තර තත්ත්වය සංකීර්ණ හා වෙනස් වෙමින් පවතී. ආසියාන් රටවල් එක්ව කටයුතු කිරීමෙන්, කලාපීය සාමය, ස්ථාවරත්වය සහ සමෘද්ධිය ප්‍රවර්ධනය කළ යුතු බව ඔහු පැවසීය. “ක්වාලාලම්පූර් ප්‍රකාශනය” සංවර්ධන මාර්ගෝපදේශ ලේඛනයක් පමණක් නොව, කලාපයේ අනාගතය සඳහා ආසියාන් සාමාජික රටවල පොදු ප්‍රතිඥාවකි. මෙය, සියලු රටවල් බහුපාර්ශ්විකත්වය අනුගමනය කිරීම මෙන්ම, අන්‍යෝන්‍ය යහපත හා සහයෝගීතා කෙරෙහි අධිෂ්ඨානය පෙන්නුම් කරන්නක් බව, මැලේසියානු අගමැතිවරයා සඳහන් කළේ ය.

“ඉවසිලිවන්තභාවය සහ තිරසාරභාවය” මෙවර සමුළුවේ තේමාවයි. කලාපීය ඒකාබද්ධතාව ශක්තිමත් කිරීම සහ වෙළඳ අවදානම් වලට ඔරොත්තු දීමේ හැකියාව වැඩි දියුණු කිරීම කෙරෙහි සමුළුව අවධානය යොමු කරයි. සමුළුව අතරතුර, ආසියාන් රටවල නායකයෝ කලාපීය උපායමාර්ගික ප්‍රමුඛතා, සහයෝගීතාව සහ සංවර්ධන යාන්ත්‍රණ ආදිය පිළිබඳව අදහස් හුවමාරු කර ගත්හ. මෙය ආසියාන් හි අනාගත සංවර්ධනය සඳහා අඩිතාලමකි.
-CGTN Sinhala

ජනපති ප්‍රවීණ රංගවේදිනී මාලනී ෆොන්සේකාගේ දේහයට අවසන් ගෞරව දක්වයි

අභාවප්‍රාප්ත ප්‍රවීණ රංගවේදිනී මාලනී ෆොන්සේකා මහත්මියගේ දේහයට ජනාධිපති අනුර කුමාර දිසානායක අවසන් ගෞරව දැක්විය.

මාලනී ෆොන්සේකා මහත්මියගේ දේහය තැන්පත් කර ඇති ජාතික චිත්‍රපට සංස්ථාවේ තරංගනී ශාලාව වෙත ඊයේ (25) රාත්‍රියේ ගිය ජනාධිපතිවරයා දේහයට අවසන් ගෞරව දැක්වූ අතර පවුලේ ඥාතීන් වෙත සිය සාතිශය සංවේගය පළ කර සිටියේය.

මේ අතර එම අවස්ථාවට එක්ව සිටි කලාකරුවන් සමඟද සුහද කථා බහක නිරත වූ ජනාධිපතිවරයා ශ්‍රී ලාංකේය සිනමාව දේශීය හා ජාත්‍යන්තර වශයෙන් ඔසවා තැබූ සන්නාමය වූ කීර්තිමත්, ප්‍රවීණ රංගවේදිනී මාලිනී ෆොන්සේකා මහත්මියගේ අභාවය පිළිබඳ සිය සංවේගය කලා ක්ෂේත්‍රයේ සියලුදෙනා වෙත පළ කළේය.

ලංකා අශෝක් ලේලන්ඩ් “Made in Sri Lanka” නමින් වාහන නිෂ්පාදනයට සැලසුම්

ඉදිරියේදී “Made in Sri Lanka” නාමය යටතේ ලංකා අශෝක් ලේලන්ඩ් ආයතනයේ නිෂ්පාදන ඉහළ මට්ටමකට ගෙන ඒමට කටයුතු කරන බව කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති පවසයි.

අමාත්‍යවරයා මෙසේ පැවසුවේ හෝමාගම පිහිටි ලංකා අශෝක් ලේලන්ඩ් ආයතනයේ නිෂ්පාදන කටයුතු නිරීක්ෂණය සදහා එහි පැමිණි අවස්ථාවේදීය.

එම ආයතනයේ නිෂ්පාදන ධාරිතාව තවදුරටත් පුළුල් කරමින් අනිකුත් රටවල් සඳහාද අපනයන කටයුතු පුළුල් කිරීමට කටයුතු කරන බව ඔහු සඳහන් කළේය.

රජයන් – රජයන් අතර ඒකාබද්ධ රාජ්‍ය ව්‍යාපාර සාර්ථකව සිදු කළ හැකි බවයි අමාත්‍යවරයා පෙන්වා දුන්නේ.

කර්මාන්ත සහ ව්‍යවසායකත්ව සංවර්ධන අමාත්‍යාංශය යටතේ ක්‍රියාත්මක වන ලංකා අශෝක් ලේලන්ඩ් ආයතනය 1983 වසරේදී ඉන්දියාවේ අශෝක් ලේලන්ඩ් ආයතනය සමග ඒකාබද්ධ සමාගමක් ලෙස ආරම්භ කළ අතර එහි කොටස් අයිතියෙන් 73% ක් ලංකාවට අයත් වන අතර ඉන් 41% ක විශාලම කොටස් අයිතිය ලංකා රජය සතුවෙයි.

මෙම ආයතනය විසින් බස් රථ, ට්‍රක් රථ, ටිපර් ඇතුළු බර වාහන මාදිලි රැසක් 40% කට වඩා වැඩි දේශීය අගය එකතු කිරීමක් සහිතව නිෂ්පාදනය කර වෙළඳපළට ඉදිරිපත් කරයි.

මේ වන විට ලංකා අශෝක් ලේලන්ඩ්හි නිෂ්පාදන මාලදිවයින වෙත අපනයනය සිදු කරන අතර 600 කට ආසන්න පිරිසකට සෘජු රැකියා අවස්ථා සලසා දී ති‌‌බේ.

ලාභ ලබන දේශීය ආයතනයක් ලෙස ක්‍රියාත්මක වන මෙමගින් මෝටර් ඉංජිනේරු තාක්ෂණය පිළිබදව පාඨමාලා පැවැත්වීම ද සිදු කරනු ලබයි.

අමාත්‍යවරයා පැවසුවේ, රජයන් අතර ඒකාබද්ධ රාජ්‍ය ව්‍යාපාර සාර්ථකව පවත්වාගෙන යාම පිළිබදව පවතින හොඳම උදාහරණයක් ලෙස ලංකා අශෝක් ලේලන්ඩ් ආයතනය පෙන්වා දිය හැකි බවයි.

ශ්‍රී ලංකාව හා ඉන්දියානු රජයන් එක්ව ඒකාබද්ධව සාර්ථකව පවත්වාගෙන යන මෙම ආයතනය මගින් උතුරු- නැගෙනහිර, වතුකර හා ග්‍රාමීය ජනතාවගේ භාවිතය සඳහා අඩු මිල- නවීන තාක්ෂණය සහිත නවතම නිෂ්පාදන පෙළක් හඳුන්වා දීමට කටයුතු කිරීමට නියමිතය.

විශේෂයෙන්ම පාසල්, විශ්ව විද්‍යාල හා අධ්‍යාපන ආයතනවලට අවශ්‍ය බස් රථ ලංකා අශෝක් ලේලන්ඩ් ආයතනය හරහා නිෂ්පාදනය කර පහසු මිලකට එම ආයතන වලට ලබාදීමට කටයුතු කරන බවද අමාත්‍යවරයා පැවසීය.

හෙළ සිනමාවේ නිළි රැජිනගේ අවසන් කටයුතු අද පස්වරුවේ

ප්‍රවීණ රංගන ශිල්පිනී, අභාවප්‍රාප්ත මාලිනී ෆොන්සේකා මහත්මියගේ දේහය පිළිබඳ අවසන් කටයුතු රාජ්‍ය අනුග්‍රහය සහිතව කොළඹ නිදහස් චතුරස්‍ර පරිශ්‍රයේ දී අද (26) පස්වරුවේ සිදුකිරීමට නියමිතය.

දේහය පිළිබඳ අවසන් කටයුතු සිදුකරන ආකාරය පිළිබඳ නිවේදනයක් රජයේ ප්‍රවෘත්ති දෙපාර්තමේන්තුව නිකුත් කර තිබේ.

ඒ අනුව, ජාතික චිත්‍රපට සංස්ථාවේ තරංගනී ශාලාවේ තැන්පත් කර ඇති දේහය අද (26) පෙ.ව. 8.00ට කොළඹ 07 නිදහස් චතුරස්‍රය වෙත රැගෙන යාමට නියමිතව ඇත.

ඉන්පසුව, පෙ.ව. 9.00 සිට ප.ව. 3.00 දක්වා මහජන ගෞරවය සඳහා අවස්ථාව සලසාදීමට කටයුතු යොදා ඇත.

එමෙන්ම, ප.ව. 3.30ට ඇය අධ්‍යාපනය ලද කැලණිය ගුරුකුල විද්‍යාලයේ ආදි ශිෂ්‍ය ශිෂ්‍යාවන් සහ කලාකරුවන් විසින් දේහය බෞද්ධ ආගමික වතාවත් සිදුකිරීම සඳහා ඉදිකළ විශේෂ වේදිකාව වෙත රැගෙන යාමට නියමිතව තිබේ.

පසුව, බෞද්ධ ආගමික වතාවත් සිදුකිරීම සහ ඉන් අනතුරුව පැවිදි අනුශාසනාව සහ ඇයගේ සිනමා දිවිය පිළිබඳ කලාකරුවන් විසින් සිදුකරනු ලබන විශේෂ ඇගයීම සිදුකෙරේ.

අවසානයේ ප.ව. 5.45ට දේහය චිතකය වෙත රැගෙන යාම සිදුවේ.

ඉන් අනතුරුව පුෂ්පෝපහාර මධ්‍යයේ චිතකය දැල්වීමෙන් පසු මාලිනී ෆොන්සේකා මහත්මියගේ දේහය පිළිබඳ අවසන් කටයුතු නිමකිරීමට නියමිතය.

ගාසා තීරයේ ළමුන් 70,000 කට වැඩි පිරිසක් උග්‍ර මන්දපෝෂණයෙන්

සිව් හැවිරිදි මොහොමඩ් යසීන් ආහාර හිඟයෙන් මිය යාම උපුටා දක්වමින් ලෝක ආහාර වැඩසටහන අනතුරු අඟවන්නෙ ගාසා තීරයේ ළමුන් 70,000 කට වැඩි පිරිසක් උග්‍ර මන්දපෝෂණයෙන් පෙළෙන බවයි.
මෙ අතර අහිංසක දරුවන් මරා දැමීම ඊශ්‍රායල සොල්දාදුවන්ට “විනෝදාංශයක්” වී ඇති බව ගාසා නිලධරින් පවසන විට, ඛාන් යුනිස් හි වෛද්‍ය අලා අල්-නජ්ජ ගේ දරුවන් 10 දෙනාගෙන් නව දෙනෙකු ඝාතනය කළ ප්‍රහාරයක් පිලිබදවත් කතාකල යුතු බව ඊශ්‍රායල හමුදාව පවසයි.

channel 7

Today News

ඉරානයට තවදුරටත් සම්බාධක ?

ශ්‍රී ලංකාවට ගෙන ඒමට තැත් කල විශාලතම රන් තොගය අත්තඩංගුවට

වන අලින්ට වෙඩි තැබී වලට විරුද්ධව නීතිය දැඩිවේ

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි