ක්‍රීඩක ක්‍රීඩිකාවන්ට ශිෂ්‍යත්ව 900 ක්

ජාතික කනිෂ්ඨ මට්ටමේ ඉහල දක්ශතා දැක්වූ ක්‍රීඩක ක්‍රීඩිකාවන් 900 ක් සදහා ශිෂ්‍යත්ව ප්‍රධානය කෙරේ.

2025 ක්‍රීඩා ශක්ති වැඩසටහන යටතේ මෙය ක්‍රියාත්මකයි. තරුණ කටයුතු හා ක්‍රීඩා අමාත්‍යංශයේ අධීක්ශනය යටතේ ක්‍රීඩා සංවර්ධන දෙපාර්තමේන්තුව මෙය ක්‍රියාවට නංවයි. තෝරාගත් ක්‍රීඩාවන් 21 ක පුහුණුවේ නියැලෙන වයස අවුරුදු 18 ත් 20 ත් අතර ක්‍රීඩක ක්‍රීඩිකාවන්ට මෙම ශිෂ්‍යත්වය ප්‍රධානය කෙරේ. එහි මුල් අදියරේ ක්‍රීඩක ක්‍රීඩාකාවන් 300 කට ශිෂ්‍යත්ව ප්‍රදානය අද සිදු කෙරින.

මෙය ක්‍රීඩා අමාත්‍ය සුනිල් කුමාර ගමගේ සහ නියෝජ්‍ය අමාත්‍ය සුගත් තිලකරත්න යන මහත්වරුන්ගේ ප්‍රධානත්වයෙන් සිදු කෙරින. මෙරට ක්‍රීඩාවේ පැවැත්ම රදා පවතින්නේ ක්‍රීඩක ක්‍රීඩාකාවන් සතුව බවත් මුදලට නොවිකිනෙන ආදරය, යහපත් ගතිගුණ සහිත ක්‍රීඩක ක්‍රීඩිකාවන් මෙරටට අවශ්‍ය බව මෙහිදී අමාත්‍ය සුනිල් කුමාර පැවසුවේය, දක්ශතා මත ඉදිරියට යාමට ක්‍රීඩක ක්‍රීඩිකාවන්ට අවශ්‍ය පහසුකම් සැපයීමට රජයක් ලෙස කටයුතු කරන බවද අමාත්‍යවරයා මෙහිදී කියා සිටියේය.

තහනම් උත්තේජක භාවිතාව කෙටි කාලීන ජයග්‍රහණ බවත් පුහුණුවීම් කටයුතු මගින් දක්ෂතා ඔප මට්ටම් කර ගැනීමට කටයුතු කරන ලෙසත් ක්‍රීඩා නියෝජ්‍ය අමාත්‍යවරයා මෙහිදී ඉල්ලා සිටී. වර්තමානයේදී බොහෝ පාසල්වල ශිෂ්‍ය ශිෂ්‍යාවන් ක්‍රීඩාවෙන් ඈත් වන බවත් ක්‍රීඩාව සදහා සම අවස්තා ලබා දිය යුතු බවත් මෙම ශිෂ්‍යත්ව ක්‍රමය ක්‍රීඩක ක්‍රීඩිකාවන් ට ක්‍රීඩාවේ රැදී සිටීමට උත්දීපනයක් ලැබේ යැයි බලාපොරොත්තු වන බවත් නියෝජ්‍ය අමාත්‍යවරයා වැඩි දුරටත් කියා සිටියා.

දුම්වැටි බදු අඩුවී රජයට බිලියන 42ක් පාඩුයි

දුම්වැටි සදහා සියයට 80 ක බදු පැනවීමට හැකියාවක් ඇත. එහෙත් මේ වන විට සියයට 60 ත් 65ත් අතර බදු ප්‍රමාණයක් පමණක් පනවා ඇතැයි ආචාර්‍ය නිශන් ද සිල්වා මහතා පවසයි.

ඔහු මේ අදහස් පැවසුවේ ලෝක දුම්කොළ නිවාරණ දිනය වෙනුවෙන් අද ජාතික පුස්තකාල ලේඛන ශ්‍රවණාගාරයේදී පැවති මාධ්‍ය හමුවේදීය.

කොවිඩ් අර්බුදය සහ මෙරට ආර්තිකය කඩා වැටීමෙන් පසු අත්‍යවශ්‍ය ආහාර සදහා සියයට 100 ක බදු ප්‍රමාණයක් පනවා ඇති බව ඔහු සදහන් කලා. නමුත් දුම්වැටි බද්ද සදහා වෙනසක් සිදු නොවීමෙන් මීට ලැබෙන බදු මුදල රජයට අහිමි වී ඇත.

මෙසේ රජයට අහිමිවන බදු මුදල දුම්රිය සමාගමේ ලාබය වශයෙන් ඉතිරි වන බවත් රජයේ බදු ප්‍රතිපත්තිය නිවැරදිව සිදු කර නැතැයි ආචාර්‍ය නිශාන් ද මෙල් පවසා සිටියා.

ලෝක සෞඛ්‍ය සංවිදානය ප්‍රකාශ කරන්නේ දුම්වැටි මිලෙන් සියයට 75 ක මුදලක් පැනවිය යුතු බවයි. මේ වන විට ශ්‍රී ලංකාවේ දුම්වැටි අලෙවිය සියයට 60 කින් පහළ වැටී ඇත.

කර්මාන්ත ක්ශේත්‍රයේ මතුව ඇති අභියෝග ජයගැනීමට රජයෙන් දිගු කාලීන සැලැස්මක්

කර්මාන්ත ක්ශේත්‍රයේ මතුව ඇති අභියෝග ජයගැනීම සදහා දිගු කාලීන සැලැස්මක් සකස් කිරීමට රජයේ අවදානය යොමු කෙරේ.

මේ පිළිබද සාකච්චාවක් ජනාධිපති අනුර කුමාර දිසානයක මහතාගේ ප්‍රධානත්වයෙන් අද ජනාධිපති කාර්‍යාලයේදී පැවැත්විය.

මෙම සකච්චාව සදහා කර්මාන්ත සහ ව්‍යවසායකත්ව සංවර්ධන අමාත්‍ය සුනිල් හදුන්නෙත්ති, නියෝජ්‍ය අමාත්‍ය චතුරංග අබේසිංහ ඇතුලු අමාත්‍යංශ කිහිපයක නිලධාරීන් එක්ව සිටියා.

දේශීය නිෂ්පාදනය ශක්තිමත් කර අපනයනය ප්‍රමුඛ කරගත් නිශ්පාදන ආර්තිකයක් වෙත යොමු වීමේ රජයේ වැඩපිලිවෙල පිළිබද මෙහිදී දීර්ඝ ලෙස සාකච්චා කෙරුණි.

අපනයන ක්ශේත්‍රයේ උන්නතිය වෙනුවෙන් ගත යුතු පියවර පිලිබදවද මෙහිදී සකච්චා කෙරුනු අතර ඊට අදාල යෝජනා සහ සැලසුම් ජනාධිපතිවරයා වෙත ඉදිරිපත් කෙරින.

ලෝකයේ පළමු මානවරූපී රොබෝ බොක්සිං සටන චීනයේ දී

ලෝකයේ පළමු මානවරූපී රොබෝ බොක්සිං සටන පසුගිය 25වැනිදා චීනයේ Zhejiang පළාතේ Hangzhou නගරයේදී පැවැත්විණ. චීන මාධ්‍ය සමූහය විසින් එම තරඟය සංවිධාන කරන ලදී.

එම තරඟය චීනයේ තායිවාන ප්‍රදේශයේ මහජන ප්‍රසාදය ඇතුළුව ගෝලීය අවධානය ද දිනාගෙන ඇත.

“මෙය චිත්‍රපට කතාවක යථාර්ථය පිළිබිඹු කිරීමක්” යනුවෙන් තායිවාන මාධ්‍ය වාර්තා කළේය. චීන මාධ්‍ය සමූහයේ වේගවත්ව වර්ධනය වන තාක්ෂණික නවෝත්පාදනය ඔස්සේ තායිවාන ප්‍රදේශයේ සිටින චීන ස්වදේශකයන්ට මව්බිමේ වේගවත් සංවර්ධනය දැක ගැනීමට ඉඩ සලසා දී තිබෙන බව තවත් තායිවාන මාධ්‍ය සඳහන් කර තිබේ.

“CTI News”, “TVBS News Channel” සහ “ETtoday News Cloud” ඇතුළු තායිවාන ප්‍රදේශයේ ප්‍රධාන මාධ්‍ය ආයතන, ලොව ප්‍රථම මානවරූපී රොබෝ සටන් තරඟය පිළිබඳව පුළුල් ලෙස වාර්තා කොට තිබීම විශේෂත්වයකි.

තෙදින නිල සංචාරයකට පෝලන්ත විදේශ කටයුතු ඇමැති ශ්‍රී ලංකාවට පැමිණෙයි.

ශ්‍රී ලංකා – පෝලන්ත සහයෝගීතාව තවදුරටත් ශක්තිමත් කරමින් තෙදින නිල සංචාරයක් සඳහා පෝලන්ත ජනරජයේ විදේශ කටයුතු ඇමැති රඩොස්ලාව් සිකෝර්ස්කි මහතා අද දින (28) මෙරටට පැමිණීයේය.

විදේශ කටයුතු හා විදේශ රැකියා නියෝජ්‍ය අමාත්‍ය ගරු අරුන් හේමචන්ද්‍ර මහතා විසින් එතුමාව පිළිගනු ලැබීය.

යුරෝපා සංගම් කවුන්සිලයේ සභාපතිත්වය දරන පෝලන්ත ජනරජයේ විදේශ කටයුතු ඇමැති රඩොස්ලාව් සිකෝර්ස්කි මහතා, එළඹෙන 31 වැනිදා දක්වා ශ්‍රී ලංකාවේ නිල සංචාරයක නිරත වීමට නියමිතයි.

ඔසප් චක්‍රය පිළිබඳ සමාජයෙන් නැගෙන අපවාදවලින් දුක් විඳින කාන්තාවන් මුදවා ගැනීම අත්‍යවශ්‍යයි. – අග්‍රාමාත්‍ය ආචාර්ය හරිනි අමරසූරිය –

ඔසප් චක්‍රය පිළිබඳ සමාජයෙන් නැගෙන අපවාදවලින් දුක් විඳින කාන්තාවන් මුදවා ගැනීම අත්‍යවශ්‍ය බව අග්‍රාමාත්‍ය ආචාර්ය හරිනි අමරසූරිය පවසයි.

“ඔසප් දරිද්‍රතාවයට එරෙහි සාමූහික ක්‍රියාකාරීත්වය” යන තේමාවෙන් කොළඹ ගෝල්ෆේස් හෝටලයේ ඊයේ (27) පැවති Period Proud 2025″ සමුළුව අමතමින් අග්‍රාමාත්‍යවරිය මේ බව පැවසුවා ය.

එහිදී වැඩි දුරටත් අදහස් දැක් වූ අග්‍රාමාත්‍ය ආචාර්ය හරිනි අමරසූරිය,

කාන්තාවන්ගේ මාසික ඔසප්වීම අපහාසයට ලක්විය යුතු කරුණක් නොවන බවත්. එය ස්වභාවික සංසිද්ධියක් බවත්, ඔසප් සෞඛ්‍යය සහ ඔසප් දරිද්‍රතාවය යනු හුදෙක් සෞඛ්‍ය ගැටලුවක් පමණක් නොව, ගරුත්වය, සමානාත්මතාවය සහ මානව අයිතිවාසිකම් හා බැඳුණු කාරණයක් බවත් අවධාරණය කළා ය.

ත්‍රිකුණාමලය, මහනුවර සහ කොළඹ ප්‍රදේශ කේන්ද්‍ර කරගනිමින් සිදුකළ නවතම සමීක්ෂණ වාර්තාවක් අනුව පාසල් සිසුවියන් රැසකට කාන්තා සනීපාරක්ෂක නිෂ්පාදන නොමැතිවීම හේතුවෙන් ඔවුන් පාසල් යාම මගහැරෙන බව හෙළි වී ඇති බවත්, එසේම බොහෝ කාන්තාවන් අනාරක්ෂිත විකල්පවලට යොමු වන බවත්, එය ඉතාම අවධානම් සහගත තත්ත්වයක් බවත් අග්‍රාමාත්‍යවරිය පෙන්වා දුන්නාය.

කාන්තාවන්ගේ ඔසප් සෞඛ්‍යය පිළිබඳ පවතින සමාජ අපවාද හේතුවෙන් බොහෝ කාන්තාවන් නිහඬව දුක් විඳින බවත්, මෙම තත්ත්වය වෙනස් විය යුතු බවත්, ඔසප් වීම කිසිවෙකුගේ සෞඛ්‍යයට, අධ්‍යාපනයට හෝ ගරුත්වයට බාධාවක් නොවන බව සහතික කිරීම සඳහා කඩිනමින් හා ක්‍රමවත් වැඩපිළිවෙලක් අවශ්‍ය බවත් කී අග්‍රාමාත්‍යවරිය,

වයස අවුරුදු 13ට වැඩි සියලුම පාසල් සිසුවියන්ට නොමිලේ කාන්තා සනීපාරක්ෂක නිෂ්පාදන ලබාදීමේ වැඩසටහනක් අධ්‍යාපන අමාත්‍යංශය විසින් දැනටමත් ක්‍රියාත්මක කර තිබෙන බව පෙන්වා දුන් අතර, විශේෂයෙන් එහිදී අඩු ආදායම්ලාභී පවුල්වල දැරියන් වෙත ප්‍රමුඛතාවය ලබාදීමට කටයුතු කර තිබෙන බවත්, කිසිදු ගැහැනු ළමයෙකුට ඔසප් වීම නිසා පාසල් යාම මග නෙහැරිය යුතුය යන්න තම පෞද්ගලික මතය බවත් අවධාරණය කළාය.

ලබන වසරේ සිට නැවත භාවිත කළ හැකි සනීපාරක්ෂක තුවා ලබාදීමේ වැඩපිළිවෙළක් ක්‍රියාත්මක කිරීමේ හැකියාව පිළිබඳව සලකාබලමින් සිටින බවත්, කාන්තා සනීපාරක්ෂක නිෂ්පාදන සඳහා වන සියලුම බදු ඉවත් කරන්නැයි යන ඉල්ලිම් ලැබී තිබෙන බවත්, මේ සම්බන්ධයෙන් යම් සාධනීය තත්ත්වයක් ඇති වී ඇතත්, එය සාර්ථක කරගැනීමට පුළුල් ප්‍රතිපත්ති සහ ප්‍රතිසංස්කරණ අත්‍යවශ්‍ය බවත් අග්‍රාමාත්‍යවරිය ප්‍රකාශ කළාය.

මේ පිළිබඳ මුදල් අමාත්‍යාංශය සමඟ සාකච්ඡා කරමින් බදු ඉවත් කිරීමේ වැඩපිළිවෙළ ඉදිරියට ගෙන යාමට අපේක්ෂා කරන බවත්, සිවිල් සමාජයේ සහ පෞද්ගලික අංශයේ සහාය ඒ සඳහා අපේක්ෂා කරන බවත් අග්‍රාමාත්‍ය ආචාර්ය හරිනි අමරසූරිය පැවසුවාය.

ඇඟලුම් කම්හලේ සේවය අහිමිවන සේවකයන්ට නීතියට අනුව ගෙවිය යුතු මුදලට වඩා වැඩි මුදලක් ගෙවීමට තම සමාගම තවදුරටත් සුදානම් – NEXT පාලනාධිකාරිය

කටුනායක නිදහස් වෙළඳ කලාපයේ පිහිටි NEXT ඇඟලුම් කම්හලේ සේවය අහිමිවන සේවකයන්ට මීට පෙර ප්‍රකාශ කළ පරිදි කම්කරු නීතියට අනුව ගෙවිය යුතු වන්දි මුදලට වඩා වැඩි මුදලක් ගෙවීමට තම සමාගම තවදුරටත් සුදානමින් පසුවන බව එහි පාලනාධිකාරිය පවසා තිබෙනවා.

ඇඟලුම් කම්හල හදිසියේ වසා දැමීම සම්බන්ධයෙන් විශේෂ සාකච්ඡාවක් කම්කරු අමාත්‍යංශයේ දී ඊයේ (27) පැවැත්වුණා. මේ සදහා ඇඟලුම් කම්හලේ පාලනාධිකාරය, වෘත්තීය සමිති නියෝජිතයන් සහ ශ්‍රී ලංකා ආයෝජන මණ්ඩලයේ නිලධාරීන් ද එක්ව සිටියා.

පාලනාධිකාරිය අවධාරණය කළේ මෙම කම්හල වසා දමීමට තීරණය වූයේ මෙහෙයුම් පිරිවැය අධික වීමෙන් පසුගිය වසර කිහිපය පුරා දැඩි ලෙස පාඩු ලබමින් සිටීම හේතුවෙන් බවයි.

මෙම කාර්මික ආරවුල විසඳා ගැනීමේ ඉදිරි පියවර පිළිබඳව කම්කරු කොමසාරිස් ජනරාල් නදීකා වටලියද්ද මහත්මිය ප්‍රකාශ කළේ ලබන 30 වැනිදා සේව්‍ය සේවක දෙපාර්ශවයම කැඳවා කම්කරු ක්‍රියාපටිපාටියට අනුව කටයුතු කරන බවයි.

ඊට දෙපාර්ශවයම එකඟ වීමෙන් අනතුරුව අද පැවති සාකච්ඡාව අවසන් වුණා.

ඇමරිකාව ජාත්‍යන්තර සිසුන් සඳහා නව වීසා සම්මුඛ පරීක්ෂණ අත්හිටුවයි

ජාත්‍යන්තර සිසුන් සඳහා නව වීසා සම්මුඛ පරීක්ෂණ අත්හිටුවන ලෙස, Donald Trump පරිපාලනය ඇමරිකානු තානාපති කාර්යාල සහ කොන්සල් කාර්යාලවලට උපදෙස් දී ඇතැයි Politico වෙබ් අඩවිය වාර්තා කරයි. එසේම ඔවුන් ජාත්‍යන්තර සිසුන්ගේ සමාජ මාධ්‍ය පරීක්ෂාව පුළුල් කිරීමට සලකා බලමින් සිටී.

ඇමරිකානු රාජ්‍ය ලේකම් Marco Antonio Rubio ඊයේ(27) අත්සන් කළ විදුලි පණිවුඩයකට අනුව, ඇමරිකාවේ අධ්‍යාපනය ලැබීමට අයදුම් කරන සියලුම ජාත්‍යන්තර සිසුන් ගේ සමාජ මාධ්‍ය පරීක්ෂාවට ලක් කිරීම අනිවාර්ය කිරීමට, Trump පරිපාලනය සලකා බලමින් සිටී. මේ සඳහා, ශිෂ්‍ය සහ හුවමාරු ආගන්තුක වීසා අයදුම්කරුවන්ට නව සම්මුඛ පරීක්ෂණ දින ලබා දීම අත්හිටුවන ලෙස, ඇමරිකානු රජය ලොව පුරා ඇමරිකානු තානාපති කාර්යාල සහ කොන්සල් කාර්යාලවලට උපදෙස් දී තිබේ. මීට පෙර සැලසුම් කෙරුණු වීසා සම්මුඛ පරීක්ෂණ තවදුරත් සිදු කළ හැකි බවටද දැනුම් දී ඇත.

Donald Trump යළි ජනාධිපති ධුරයට පත්වීමෙන් පසු, බොහෝ ඇමරිකානු විශ්ව විද්‍යාලවලට එරෙහිව පියවර ගෙන තිබේ. ඇමරිකානු මාධ්‍ය ක්ෂේත්‍රයේ පොදුවේ පවතින අදහසට අනුව, Trump පරිපාලනය Harvard විශ්ව විද්‍යාලය වැනි විශ්ව විද්‍යාලවලට එරෙහිව එවැනි පියවර ගෙන ඇත්තේ, මෙම විශ්ව විද්‍යාල වාමාංශික ලිබරල්වාදීන්ගේ හෝ ඩිමොක්‍රටික් පක්ෂයේ බලකොටු බවට රිපබ්ලිකන් පක්ෂය විශ්වාස කරන බැවිනි.
-CGTN Sinhala

පරිසර දිනයට සත්වෝද්‍යානයෙන් වැඩසටහන්.

පරිසර සතිය යෙදෙන මැයි මස 30 සිට ජුනි මස 5 දක්වා ජාතික සත්වෝද්‍යාන දෙපාර්තමේන්තුව විසින් වැඩසටහන් ගණනාවක් ක්‍රියාත්මක කෙරේ.

ජගත් පරිසර දිනයට සමගාමීව මෙය ක්‍රියාත්මක වන බවයි අධ්‍යක්ෂ ජෙනරාල් චන්දන රාජපක්ෂ මහතා පැවසුවේ.

ශ්‍රි ලංකාවට ආවේණික සත්ත්වයෙක් වන දිවියාව සංරක්ෂණය කිරීම මෙම සතිය තුළ සිදුකරන ප්‍රාධාන ම කර්තවයක් ලෙස සඳහන් වේ. එහිදි දිවියාව හෙවත් (ශ්‍රී ලංකාවේ කොටියා) කෘත්‍රිම ලෙස අභිජනනය කොට කොටි ගහණයක් බිහිකිරීම අරමුණු කර ඇත.

මැයි මස 30 වන දින ප්ලාස්ටික් කලමනාකරණයට සමගාමීව සත්වෝද්‍යාන පිරිසිදු කිරීමේ වැඩසටහනක් ක්‍රියාත්මකයි.
ඊට අමතරව දෙහිවල සත්වෝද්‍යානය, පින්නවල අලි අනාථාගාරය , පින්නවල සත්වෝද්‍යාන ය , රිදීගම සෆාරි උද්‍යාන වලදි පැල සිටුවිමෙ ව්‍යාපෘතියක් ජුනි 5 දින ක්‍රියාත්මක කෙරේ.
ඊට අමතරව මෙම සතිය තුල පාසල් ලමුන් දැනුවත් කිරීමෙ වැඩසටහන් සහ වෙරල පවිත්‍රතා වැඩසටහන් ක්‍රියාත්මක කිරීමට සැලසුම් කර තිබේ.

පොල් මිල අඩුවන ලකුණු

පොල් සංවර්ධන අධිකාරියේ කොළඹ පොල් වෙන්දේසියේ අද පොල් ගෙඩියක මිළ රු. 162.07ක් ලෙස සටහන් විය. ඊට හේතු වූයේ වෙසක් මුරය තුල පොල් අස්වැන්න වැඩි වීමයි. මේ බව සදහන් කලේ පොල් සංවර්ධන අධිකාරියේ අලෙවි අධ්‍යක්ෂ අනුරාධි හතුරුසිංහ සමග අප කල විමසීමක දීයි.

මෙසේ පොල් මිල අඩු උවද පොල් මිල සම්භන්දයෙන් තවත් ගැටලු පවතී. එනම් තොග පවත්වාගෙන යන ව්‍යාපාරිකයන් සතුව ඇති පොල් වල තොග මිළ නොවෙනස්ව පවත්වාගෙන යාමට ගන්නා උත්සාහය සහ පොල් කර්මාන්ත කරුවන්ට අවශ්‍ය පොල්මඳ ආශ්‍රිත නිෂ්පාදන පොල්ගෙඩි මිලියන 200 ක මඳවලට සමාන ප්‍රමානයක් ගෙන්වීම සඳහා රජයෙන් අවසර ලබාදී ඇතත් කර්මාන්ත කරුවන් ඒ සඳහා මැලිකමක් දැක්වීම ආදියයි.

ඔවුන්ද දේශීය පොල් ගෙඩි මිළදී ගැනීමට ක්‍රියා කරයි. එසේම කර්මාන්ත කරුවන් ඉල්ලා සටින්නේ පිටරටින් පොල්ගෙඩි ආනයනය කිරීමට අවසර දෙන ලෙසයි. නමුත් ශාක නිරෝදායන පනතට අනුව පොල් ගෙඩි ආනයනය කල නොහැකිය. වැඩිවන පොල් මිලට විසඳුමක් ලෙස අවම තත්වයන් යටතේ පොල් ගෙඩි ලෙස ගෙන්වීමට අවසර දීම සඳහා වාර්ථාවක් මේ වනවිට සකස් වෙමින් පවතී.

channel 7

Today News

ඉරානයට තවදුරටත් සම්බාධක ?

ශ්‍රී ලංකාවට ගෙන ඒමට තැත් කල විශාලතම රන් තොගය අත්තඩංගුවට

වන අලින්ට වෙඩි තැබී වලට විරුද්ධව නීතිය දැඩිවේ

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි