ක්‍රීඩාංගනයකට සමාන ග්‍රහ වස්තුවක් පෘථිවියට ආසන්නයෙන්
විෂයන් නවයටම A සාමාර්ථ ගත් සිසුන් 13392ක්
ඇමරිකානු තීරුබදු ප්‍රතිපත්තිය පිළිබඳ ජනපති සාකච්ඡාවක්
චන්ද්‍රයාගේ දුරස්ථ ප්‍රදේශයන් හි පරිණාමය පිළිබඳ මුල්ම අනාවරණය චීනයෙන්
කළුතර නගර සංවර්ධන සැලැස්ම ක්‍රියාත්මක කිරීම පිළිබඳ සාකච්ඡාවක් ජනාධිපති ලේකම්ගේ ප්‍රධානත්වයෙන්
Hot News

මැදපෙරදිග වෙසෙන ශ්‍රි ලාංකිකයින්ගේ ආරක්ෂාව සදහා රජය සෘජුව මැදිහත් වෙයි

මැදපෙරදිග කලාපයේ ඇතිවී තිබෙන නොසන්සුන්කාරී තත්වය හමුවේ අදාළ රටවල වෙසෙන ශ්‍රි ලාංකිකයින්ගේ ආරක්ෂාව සම්බන්ධයෙන් අවශ්‍ය…

Channel7.lk
Hot News

ඊශ්‍රායලය සහ ඉරානය අතර සටන් විරාමයක් සඳහා ට්‍රම්ප් යෝජනාවක් ඉදිරිපත් කර ඇති බව ප්‍රංශයේ ජනපති පවසයි.

ඊශ්‍රායලය සහ ඉරානය අතර සටන් විරාමයක් සඳහා ඇමරිකානු ජනාධිපති ඩොනල්ඩ් ට්‍රම්ප් යෝජනාවක් ඉදිරිපත් කර ඇති…

Channel7.lk
Hot News

කැළණිවැලි දුම්රිය මාර්ගයේ දුම්රිය ප්‍රමාදයක්

කැළණිවැලි දුම්‍රිය මාර්ගයේ දුම්‍රිය ප්‍රමාදයක් සිදුවී තිබෙනවා. මහරගම දුම්රිය ස්ථානය අසල දුම්රියේ සිදුවූ දෝෂයක් හේතුවෙනුයි…

WEB EDITOR

ඊශ්‍රායලය සහ ඉරානය අතර යුද්ධය නිසා ගාසාව අමතක වෙලා

” ඊශ්‍රායලය සහ ඉරානය අතර යුද්ධය නිසා මිනිස්සුන්ට අපිව අමතක වෙලා. අපිට කෑම සහ වතුර නැහැ. හැමදාම මිනිස්සු කෑම සහ ආධාර ගන්න යනවා. ඒත් අන්තිමට ඒ මිනිස්සුන්ගේ මළසිරුරු බෑග් වල දාගෙන යනවා.” යනුවෙන් ගාසාවේ පදිංචිකරුවකු වන මොහොමඩ්, CNN මාධ්‍ය වෙත පවසා තිබෙනවා.


ඊයේ (16) ගාසා තීරයේ දී පලස්තීන ජාතිකයන් 56 දෙනෙක් මිය ගොස් ඇත.
මියගිය පුද්ගලයින්ගෙන් 38 දෙනෙකු දකුණේ රෆාහ් ප්‍රදේශයේ දී ආහාර බෙදාහැරීමේ ස්ථාන වලට ගිය පුද්ගලයින් වේ.


මාස තුනකට ආසන්න කාලයක සිට ආහාර, ඖෂධ , අත්‍යවශ්‍ය භාණ්ඩ බෙදාදීමට පැවති අවහිරතා ඉවත් කිරීමෙන් පසු පසු GHF සංවිධානය ගාසාවේ ආහාර ආධාර ටිකෙන් ටික බෙදා හැරීම ආරම්භ කර තිබෙනවා.
එම බෙදා දීම් අතරතුර මෙම ප්‍රහාර වැඩි වශයෙන් එල්ල වන බවයි විදෙස් මාධ්‍ය සඳහන් කර සිටින්නේ.

-source CNN –

ඊශ්‍රායල-ඉරාන ගැටුමේ නවතම තත්ත්වය

ඊශ්‍රායලය සහ ඉරානය අතර ගැටුම දිනෙන් දින උග අතට හැරෙමින් පස්වන දිනට පිවිසෙන විට මැද පෙරදිග මෑත මාතකාලයෙ එහි දරුණුතම ට්ත්න්නත්වීට්කතවට පැමිනතිබෙ පවතින එදිරි වාදිකම් ජාත්‍යන්තර ප්‍රශ්නයක් බවට පත්ව තිබෙ.
ඊශ්‍රායලය න්‍යෂ්ටික සහ හමුදා මුලස්තාන ඉලක්ක කර ගනිමින් ඉරාන භූමියට මහා පරිමාණ ගුවන් ප්‍රහාර මාලාවක් දියත් කර ඇත. මෙය ඉරාන-ඉරාක යුද්ධයෙන් පසු ඉරානයට එල්ල වූ වඩාත්ම ප්‍රබල ප්‍රහාරයක් ලෙස සනිටුහන් වන අතර එය පුළුල් කලාපීය ගැටුමක් පිළිබඳ බිය මතු කරරණ බව විදේශ මාධ්‍ය වාර්තාකරයි.
ඊට පළිගැනීමක් ලෙස, ඉරාන හමුදා ඊශ්‍රායල ඉලක්ක වෙත මිසයිල ප්‍රහාර එල්ල කරමින් ප්‍රධාන තෙල් පිරිපහදුවක් ඇතුළු ප්‍රධාන ආර්ථික මධ්‍යස්තාන විනාශකර තිබේ . මෙම ප්‍රහාර හේතුවෙන් කලාපයේ යටිතල පහසුකම් සැලකිය යුතු හානියක් සිදුවී ඇති අතර බලශක්ති සැපයුම් කඩාකප්පල් වී ඇත.

ප්‍රචණ්ඩත්වය නැවැත්වීමේ උත්සාහයක් ලෙස, ඉරානය ගල්ෆ් රාජ්‍යයන්ගෙන් මැදිහත් වීමක් ඉල්ලා ඇති අතර, සටන් විරාමයක් සාකච්ඡා කිරීමට සහ න්‍යෂ්ටික සාකච්ඡා නැවත විවෘත කිරීමට සහාය ඉල්ලා සිටී. ඕමානය සටන් විරාම යෝජනාවක් කෙටුම්පත් කර ඇති බව වාර්තා වන අතර, ගල්ෆ් රාජ්‍යයන් සාමය සඳහා මැදිහත් වනලෙස එක්සත් ජනපදයෙන් ඉල්ලා ඇත. ප්‍රංශ ජනාධිපති එමානුවෙල් මැක්‍රොන් සටන් විරාම යෝජනාවක් ඉදිරිපත්කර ඇති අතර එය උත්සන්න වන ගැටුම මධ්‍යයේ රාජ්‍ය තාන්ත්‍රික මැදිහත්වීම් බලාපොරොත්තු දල්වන්නක් බවට පත්වී තිබේ.
මෙම ගැටුම් නිසා සිවිල් වැසියන්ට දැඩි හානියක් සිදු කර ඇති අතර, බලපෑමට ලක් වූ ප්‍රදේශවල ජීවිත හානි සහ මහත් විනාශයක් වාර්තා වී ඇත. ගුවන් ප්‍රහාර සහ මිසයිල ප්‍රහාර අඛණ්ඩව සිදුවන බැවින් ඉරානයේ සහ ඊශ්‍රායලයේ සාමාන්‍ය ජනතාව මහත් අනතුරට මුහුණ දී සිටී. ජාත්‍යන්තර ප්‍රජාව අර්බුදය පිළිබඳව දැඩි කනස්සල්ල පළ කර ඇති අතර, දෙපාර්ශ්වයම සංයමයෙන් කටයුතු කරන ලෙස ඉල්ලා සිටී. රාජ්‍ය තාන්ත්‍රික උත්සාහයන් ප්‍රතිඵල ලබා දීමට අපොහොසත් වුවහොත් තවදුරටත් ගැටුම් උත්සන්න වීමේ බිය සමඟ තත්වය අවිනිශ්චිතව පවතී.

මැදපෙරදිග වෙසෙන ශ්‍රි ලාංකිකයින්ගේ ආරක්ෂාව සදහා රජය සෘජුව මැදිහත් වෙයි

මැදපෙරදිග කලාපයේ ඇතිවී තිබෙන නොසන්සුන්කාරී තත්වය හමුවේ අදාළ රටවල වෙසෙන ශ්‍රි ලාංකිකයින්ගේ ආරක්ෂාව සම්බන්ධයෙන් අවශ්‍ය සෘජු මැදිහත්වීම රජයක් වශයෙන් සිදුකරන බව විදේශ කටයුතු හා විදේශ රැකියා නියෝජ්‍ය අමාත්‍ය  අරුන් හේමචන්ද්‍ර පවසයි.

ඊශ්‍රායලයේ සිටින  20000 ක ශ්‍රි ලාංකික පිරිසක් හා දැනට ඇති තොරතුරු අනුව ඉරානයේ රැදී සිටින ලාංකිකයින් 20දෙනෙකු පමණ පිරිසගේ ආරක්ෂාව සම්බන්ධයෙන් අවශ්‍ය මැදිහත් වීම සිදු කරන බවයි ඔහු පවසන්නේ.

අදාළ රටවල තානාපති කාර්යාල හරහා නිරන්තරයෙන් ඔවුන්ගේ ආරක්ෂාව සම්බන්ධයෙන් තොරතුරු සොයාබලන බව ද මාධ්‍ය වෙත අදහස් දක්වමින් නියෝජ්‍ය අමාත්‍යවරයා පවසා සිටියා.

“ ඊශ්‍රායලයේ සිටින තුවල ලැබූ ලාංකිකයින් දෙදෙනාට අවශ්‍ය සෞඛ්‍ය පහසුකම් මේ වන විට ලබාදී තිබෙනවා.

අපි දෙරටේම සිටින ශ්‍රි ලාංකිකයින්ට අවශ්‍ය ඕනෑම වේලාවක තානාපති කාර්යාල සමග සම්බන්ධ වෙන්න විශේෂ දුරකථන අංක ඒ සඳහා හඳුන්වා දීලා තියෙනවා.

ලංකාවට නැවත ඒමට කිසියම් පුද්ගලයෙක් බලාපොරොත්තුව වනවා නම් ,ජොර්දානය හා ඊජිප්තුව හරහා ඊට අවස්ථාව ලබාදී තිබෙනවා.”

යම් කිසි පුද්ගලයෙකුට මෙරටට එන්න අවශ්‍ය නම් තානාපති කාර්යාලය හරහා ඊට අදාළ ඉල්ලීම සිදු කළ හැකි බව ද නියෝජ්‍ය අමාත්‍යවරයා වැඩිදුරටත් ප්‍රකාශ කලා.

ප්‍රදේශ කීපයකට අදත් තද වැසි

අද දිනයේ සවස් කාලයේ හා රාත්‍රී කාලයේ ප්‍රදේශ කීපයකට වැසි ඇතිවන බව කාලගුණ විද්‍යා දෙපාර්තමේන්තුව පවසයි.
නුවරඑළිය,ගාල්ල,මාතර,බස්නාහිර සහ සබරගමු පළාත්වලත් මෙලෙස වැසි ඇති විය හැකියි.
පැයට කිලෝමීටර් 30 ත් 40ත් අතර තද සුළං ඇති වන අතර උතුරු,උතුරු මැද,දකුණු, වයඹ පළාතේ සහ ත්‍රිකුණාමල දිස්ත්‍රික්කයේත් තද සුළං ඇතිවිය හැකි බව කාලගුණවිද්‍යා දෙපාර්තමේන්තුව පවසයි.
තද සුළං සහ අකුණු මගින් ඇතිවන අනතුරු අවම කරගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටියි.

මංගල ටෙස්ට් වරම් ලබා ගත් තරිඳු බංගලාදේශයේ මුල්පෙල කඩුලු 2 ක් දවා ගනී.

ශ්‍රී ලංකාව වෙනුවෙන් අද මංගල ටෙස්ට් වරම් ලබා ගත් තරිඳු රත්නායක බංගලාදේශයේ මුල්පෙල කඩුලු 2 ක් දවා ගැනීමට සමත් වුනා. ඒ මොමිනුල් හක් සහ ෂඩ්මන් ඉස්ලාම් ගේ කඩුලුයි.
ශ්‍රී ලංකාව සහ බංග්ලාදේශය අතර පළමු ටෙස්ට් තරගය අද ගාල්ල ජාත්‍යන්තර ක්‍රිකට් ක්‍රීඩංගනයේදී ආරම්භ වුනා.
දිවා ආහාරය සදහා තරගය නතර කරන විට බංගලාදේශයේ මුල් කඩුලු 3 ලකුනු 90 ක් තුළ බිද හෙලීමට ශ්‍රී ලංකා පන්දු යවන්නන් සමත් වී තිබෙනවා.
මෙම තරගාවලිය 2025-2027 ටෙස්ට් ලෝක ශූරතාවය යටතේ පැවැත්වෙන පළමු ටෙස්ට් තරඟාවලියයි.
මෙම ටෙස්ට් තරගයේ විශේෂත්වය වන්නේ තුන් ඉරියව් ක්‍රීඩකයෙකු වූ ඇන්ජලෝ මැතිව්ස්ගේ අවසන් ටෙස්ට් තරගය මෙය වීමයි.
තරගයට පෙර ශ්‍රී ලංකාව සහ බංග්ලාදේශ කණ්ඩායම් දෙකේ නායකයන් අතර මාධ්‍ය සාකච්ඡාව ඊයේ ගාල්ලේදී පැවැත් වුණා. එහිදී ශ්‍රී ලංකා ටෙස්ට් නායක ධනංජය ද සිල්වා පැවසුවේ ඇන්ජලෝ මැතිව්ස්ට ජයග්‍රාහී සමුදීමක් ලබා දෙන බවයි. මේ අතර ඉන්දීය ක්‍රිකට් ක්‍රීඩක රෝහිත් ශර්මාද ඇන්ජලෝ මැතිව්ස්ට සුබ පතා ඇත.
38 හැවිරිදි මැතිව්ස් 2009 ජූලි මාසයේදී පාකිස්තානයට එරෙහිව ගාල්ල ජාත්‍යන්තර ක්‍රිකට් ක්‍රීඩාංගණයේදී සිය මංගල තරගයට ක්‍රීඩා කර තිබෙනවා. ඔහු මේ වනවිට තරග 118 කට ක්‍රීඩා කර ඇත.
ඔහු සිය වසර 16ක ක්‍රීඩා දිවිය තුළ ලකුණු 8,167ක් ලබාගෙන ඇති අතර එහි සාමාන්‍යය 44.62ක් වන අතර ටෙස්ට් කඩුලු 33ක් දවාගෙන තිබෙනවා.

2028 වන විට රට තුළ ආර්ථික ස්ථාවරත්වයක්

2028 වන විට විදේශ ණය ස්ව ශක්තියෙන් ගෙවීමට හැකිවන ආර්ථික වර්ධනයක් සහ ස්ථාවරත්වයත් රට තුළ නිර්මාණය කරන බව ජනාධිපති අනුර කුමාර දිසානායක මහතා පවසනවා.

ආර්ථික බිඳ වැටීමක් තුළ රාජ්‍යයක ස්වාධිපත්‍යය හා ස්වෛරිත්වය රඳා නොපවතින බවද අවසන් ප්‍රතිඵලය විය යුත්තේ ජාතියක් ලෙස ස්වාධිපත්‍යය හා ස්වෛරීභාවය අත්පත් කර ගැනීම බවද ජනාධිපතිවරයා වැඩිදුරටත් කියා සිටියා.

ඒ වෙනුවෙන් ඉතා වෙහෙසකර සහ අත්නොහරින ව්‍යායාමයක තමා ප්‍රමුඛ රජය නිරතව සිටී.

රාජ්‍ය නිලධාරීන් සහ පුද්ගලයන් ලෙස සියලු දෙනාගේ සහායද ඊට අපේක්ෂා කරන බවයි ජනාධිපතිවරයා සදහන් කලේ.

ඔහු මේ බව පැවසුවේ ඊයේ කොළඹ ශ්‍රැන්ග්‍රිලා හෝටලයේ පැවති සම්මන්ත්‍රණයක ප්‍රධාන දේශනය පවත්වමින්.

සම්මන්ත්‍රණය පැවැත්වුනේ ශ්‍රී ලංකාවේ ආර්ථික ප්‍රතිසාධනය, ණය සහ පාලනය යන්නෙන්. සම්මන්ත්‍රණය පැවැත්වුනේ ණය ප්‍රතිව්‍යුහගත ක්‍රියාවලිය තුළ ශ්‍රී ලංකාවේ අත්දැකීම්, උගත් පාඩම් සහ ප්‍රගතිය සමාලෝචනය කිරීමට.

 එමෙන්ම ජාත්‍යන්තර මූල්‍ය අරමුදල සමඟ විස්තීරණ ණය පහසුකම් වැඩසටහනට අදාළ ප්‍රගතිය සහ ඉදිරි අභියෝග සාකච්ඡා කිරීම ද මෙහි තවත් අරමුණක්.

ඩොනල්ඩ් ට්‍රම්ප් G7 සමුළුව නිමවීමට පෙර ආපසු යයි .

මැදපෙරදිග ප්‍රදේශයේ පවතින ආතතීන් සැලකිල්ලට ගනිමින්, ජනාධිපති ඩොනල්ඩ් ට්‍රම්ප් කැනඩාවේ පැවැත්වෙන G7 සමුළුවට සහභාගී වීමේ සංචාරය 16වනදා රාත්‍රීයේ අවසන් කර ධවල මන්දිරයට ආපසු පැමිණෙන බව ධවල මන්දිර මාධ්‍ය ලේකම් ඊයේ (16) Karoline Leavitt ප්‍රකාශ කර ඇත.

G7 සමුළුව අතරතුර, වාර්තාකරුවන්ගේ ප්‍රශ්නවලට මුහුණ දෙන විට ඩොනල්ඩ් ට්‍රම්ප් ඊශ්‍රායලය සහ ඉරානය අතර ගැටුමට ඇමරිකානු හමුදාව මැදිහත් වේද යන ප්‍රශ්නය මග හැරියේය. ඇමරිකාව ඊශ්‍රායලයට බුද්ධි සහාය ලබා දුන්නේ දැයි විමසූ විට, ඔහු එයට ද අපැහැදිලි ආකල්පයක් දැක්වීය.

ධවල මන්දිර නිලධාරියෙකු උපුටා දක්වමින් CNN පුවත් සේවයට අනුව, 16 වනදා G7 සමුළුවේ ආරම්භක දිනයේදී, ඩොනල්ඩ් ට්‍රම්ප් ජනාධිපතිවරයා ඊශ්‍රායල-ඉරාන ගැටුම සමනය කිරීම සඳහා ඉල්ලා සිටින G7 ඒකාබද්ධ ප්‍රකාශයට අත්සන් කිරීමට තම අකැමැත්ත ප්‍රකාශ කරතිබුනි . එය ඔහු සහ සමුළුවට සහභාගී වන සෙසු නායකයින් අතර මතභේදයට හේතු වී තිබේ.
-CGTN Sinhala

අයථා ලෙස වත්කම් ඉපයූ අසූ අට දෙනෙකුගේ රු. 408 කෝටියක් රාජසන්තකයි.

නීති විරෝධී ක්‍රියා ඔස්සේ වතකම් රැස් කරගෙන ඇති පුද්ගලයින් 88 දෙනෙකුගේ දේපල ක්‍රියා විරහිත කෙරේ.  එලෙස මේ වනවිට ක්‍රියා විරහිත කොට ඇති මුලු දේපල වල වටිනාකම රුපියල් හාරසිය අට කෝටි හැට තුන් ලක්ෂ තිස් දහසකට අධිකයි.

දේපල ක්‍රියා විරහිත කිරීම නීති විරෝධී වත්කම් විමර්ශන කොට්ටාසය විසින් සිදු කරයි.

මත්ද්‍රව්‍ ජාවාරම්, පාතාල ක්‍රියාකාරකම් ඇතුලු නීති විරෝධී ක්‍රියා මගින් වත්කම් රැස් කරගෙන ඇති පුද්ගලයින්ගේ දේපල මෙසේ ක්‍රියා විරහිත කරන බව මහජන ආරක්ෂක සහ පාර්ලිමේන්තු කටයුතු අමාත්‍යංශය නිවේදනයක් මගින් දන්වයි.

ඊශ්‍රායලය සහ ඉරානය අතර සටන් විරාමයක් සඳහා ට්‍රම්ප් යෝජනාවක් ඉදිරිපත් කර ඇති බව ප්‍රංශයේ ජනපති පවසයි.

ඊශ්‍රායලය සහ ඉරානය අතර සටන් විරාමයක් සඳහා ඇමරිකානු ජනාධිපති ඩොනල්ඩ් ට්‍රම්ප් යෝජනාවක් ඉදිරිපත් කර ඇති බව ප්‍රංශ ජනාධිපති එමානුවෙල් මැක්‍රොන් පවසනවා.

“විශේෂයෙන් සටන් විරාමයක් ඇති කර ගැනීමට සහ පුළුල් සාකච්ඡා ආරම්භ කිරීමට යෝජනාවක් ඉදිරිපත් කර තිබෙනවා”

“ඇමරිකා එක්සත් ජනපදයට සටන් විරාමයක් ඇති කර ගත හැකි නම්, එය ඉතා හොඳ දෙයක් වන අතර ප්‍රංශය එයට සහාය දෙනවා ” මැක්‍රොන් සඳුදා (16) කැනඩාවේ කනනාස්කිස් හි පැවති G7 සමුළුවේදී මාධ්‍ය වෙත පැවසීය.

“බලශක්ති, පරිපාලන සහ යටිතල පහසුකම්වලට එරෙහිව සහ ඊටත් වඩා සිවිල් ජනතාවට එරෙහිව දෙපැත්තෙන්ම එල්ල වන සියලුම ප්‍රහාර නතර කිරීම අත්‍යවශ්‍යයි” ඔහු තවදුරටත් පවසා ඇත.

කැළණිවැලි දුම්රිය මාර්ගයේ දුම්රිය ප්‍රමාදයක්

කැළණිවැලි දුම්‍රිය මාර්ගයේ දුම්‍රිය ප්‍රමාදයක් සිදුවී තිබෙනවා.

මහරගම දුම්රිය ස්ථානය අසල දුම්රියේ සිදුවූ දෝෂයක් හේතුවෙනුයි මෙම දුම්රිය ප්‍රමාදය සිදු වී ඇත්තේ.