RIMES දත්ව පද්දතිය ප්‍රයෝජන්වත් – ග්‍රාමාත්‍යය හරිනි අමරසූරිය

2004 වසරේ සුනාමි ව්‍යසනයේදීත් කොවිඩ් 19 වසංගතයේදීත් අපට RIMES (කලාපීය ඒකාබද්ධ බහු-උපද්‍රව පූර්ව අනතුරු ඇඟවීමේ පද්ධතිය ) හරහා ගත්ත දත්ත ඉතාමත් ප්‍රයෝජනවත් වුණු බව අග්‍රාමාත්‍යය හරිනි අමරසූරිය මෙනවිය පැවසුවා.

අග්‍රාමාත්‍යයතුමිය මෙලෙස පවසා තිබුනේ මැයි 08 වන දින කොළඹ සිනමන් ලයිෆ් හෝටලයේ, පැවති අප්‍රිකා සහ ආසියාතික රටවල් සඳහා වන කලාපීය ඒකාබද්ධ බහු-උපද්‍රව පූර්ව අනතුරු ඇඟවීමේ පද්ධතියේ (RIMES) සිව්වැනි අමාත්‍ය සමුළුවට සහභාගි වෙමින්.

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් මෙය සංවිධානය කර තිබුණා.

මෙම අවස්ථාවට කෘෂිකර්ම, පශු සම්පත්, ඉඩම් හා වාරිමාර්ග අමාත්‍ය කේ.ඩී. ලාල්කාන්ත, නියෝජ්‍ය අමාත්‍ය නාමල් කරුණාරත්න, තානාපතිවරුන්, RIMES සාමාජික රටවල නියෝජිතයින්, ලෝක බැංකුවේ සහ ආසියානු සංවර්ධන බැංකුවේ නියෝජිතයින් සහ අමාත්‍යාංශවල නිලධාරීන් සහභාගි වී සිටියා.

පිලිපීනය, ඇමරිකාව සහ ඕස්ට්‍රේලියාව දකුණු චීන මුහුදේ සන්ධාන ගොඩනගා ගැටුම් ඇති කිරීම ගැන චීනයේ විරෝධය

පිලිපීනය, ඇමරිකාව සහ ඕස්ට්‍රේලියාව දකුණු චීන මුහුදේ ඒකාබද්ධව ගමන් කරමින් ප්‍රචාරණය කිරීම පිළිබඳව චීනය තරයේ විරෝධය පළ කරයි.

චීන විදේශ අමාත්‍යාංශ ප්‍රකාශක Lin Jian මහතා ඊයේ(8) පැවති නිත්‍ය මාධ්‍ය හමුවේදී මේ බව පැවසීය.

පසුගියදා මෙම රටවල් තු‍න සිදු කර ඇති ක්‍රියාවන් සම්බන්ධයෙන් Lin Jian මහතා පැවසුවේ, චීනය මුල සිටම තම භූමියේ ස්වාධීනත්වය සහ සමුද්‍ර අයිතිවාසිකම් ස්ථීරව ආරක්ෂා කරමින් දකුණු චීන මුහුදේ සාමය හා ස්ථාවරත්වය සහතික කිරීම සඳහා කලාපීය රටවල් සමඟ එක්ව කටයුතු කරන බවයි. අදාළ රටවල් දකුණු චීන මුහුදේ සන්ධාන ගොඩනගා ගැටුම් ඇති කිරීම සහ කලාපීය සාමය හා ස්ථාවරත්වයට හානි කිරීම නතර කරන ලෙස චීනය අදාළ රටවලින් ඉල්ලා සිටින බව එම ප්‍රකාශකයා කියා සිටියේය.
-CGTN Sinhala

ජාතික වෙසක් සතිය හෙටින් (10) ආරම්භ වනවා.

එය ලබන 16 වැනිදා දක්වා ක්‍රියාත්මක බව
බුද්ධ ශාසන ආගමික හා සංස්කෘතික කටයුතු අමාත්‍යාංශයේ ලේකම් ඩබ්ලිව්.පී සේනාධීර මහතා සඳහන් කලා.

කළණ මිතුරන් ඇසුරු කරමු යන්න මෙවර ජාතික වෙසක් සතියේ තේමාවයි

සමාරම්භක උත්සවය හෙට පස්වරුවේ ජනාධිපති අනුර කුමාර දිසානායක මහතාගේ ප්‍රධානත්වයෙන් නුවර එළිය බෞද්ධ මධ්‍යස්ථානයේදී පැවැත්වීමට නියමිතයි.

නුවරඑළියේ පැවැත්වෙන රාජ්‍ය වෙසක් උත්සවය හා අනුරාධපුරය දක්වා යන සැදැහැවතුන් වෙනුවෙන් අද සිට ලබන 13 වනදා දක්වා විශේෂ දුම්රිය සේවා ක්‍රියාත්මක බව දුම්රිය දෙපාර්තමේන්තුව
පැවසුවා.

වෙසක් උත්සවයට සමගාමීව සිතුල්පව්ව සහ තිස්ස මහාරාම රජමහා විහාරස්ථානයේ දී පැවැත්වීමට නියමිත ආගමික වතාවත් පිළිබඳ සාකච්ඡාවක් 8/5/2025 වන දින එනම් ඊයේ පෙරවරුවේ පැවැත්වුණා.

ජනාධිපති ලේකම් කාර්යාලයේදී පැවති මෙම සාකච්ඡාව, ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් පැවැත්වුණා.

කතරගම සිට සිතුල්පව්ව දක්වා මාර්ගය කඩිනමින් පිළිසකර කිරීමට පියවර ගන්නා ලෙස සිතුල්පව්ව රජ මහා විහාරයේ විහාරාධිකාරී පූජ්‍ය ලේල්වල සමිත හිමියෝ ඉල්ලා සිටියා.

මෙම උත්සව සඳහා සහභාගී වීමට අපේක්ෂිත බැතිමතුන් විශාල පිරිසකට අවශ්‍ය පහසුකම් සලසා දීමට රජය විසින් පියවර ගන්නා බව ජනාධිපති ලේකම් , ආචාර්ය නන්දික සනත් කුමානායක මහතා සඳහන් කළා.

වෙසක් සතියේ දින තුනක් දිවයිනේ සුරාසැල් හා මස් අලෙවි සැල් වසා තැබෙනවා.

නව පාප්වහන්සේ ඇමරිකාවෙන් තේරි පත්වෙයි.

කතෝලික පල්ලියේ 267 වන නව නායකයා ලෙස ඇමරිකානු සම්භවයක් ඇති කාදිනල් රොබට් ප්‍රෙවොස්ට් තෝරාගෙන ඇති බව නිවේදනය කලා. ඔහු XIV වන ලියෝ පාප් වහන්සේ ලෙස හඳුන්වනු ඇත. වසර 2,000ක ඉතිහාසයක් ඇති කතෝලික පල්ලියේ XIV වන ලියෝ පාප් වහන්සේ පළමු ඇමරිකානු පාප් වහන්සේ වීම විශේෂත්වයකි.

ඊයේ (බ්‍රහස්පතින්දා) සිස්ටයින් දේවස්ථානයේ මුදුනේ පිහිටි චිමිනියකින් සුදු දුමාරයක් නැඟුණු පසු, ශාන්ත පීතර බැසිලිකාවේ මධ්‍යම බැල්කනියේ පෙනී සිටි කාදිනල් ඩොමිනික් මැම්බර්ටි පියතුමා “හැබෙමුස් පාපම්” (අපට පාප්වරයෙක් සිටී) යන ලතින් වාක්‍ය ඛණ්ඩය උච්චාරණය කළ විට, ශාන්ත පීතර චතුරශ්‍රයට රැස්ව සිටි 100,000 කට අධික පිරිසක් ප්‍රීති ඝෝෂා නැගූහ. සාම්ප්‍රදායිකව, නව පාප්වරයා බැල්කනියට පැමිණීම සිදුවන්නේ සංඥාවෙන් මිනිත්තු 30 ත් 60 ත් දක්වා කාලයකට පසුවයි.

ඉන්පසුව ශාන්ත පීතර චතුරශ්‍රයට ඉහළින් ඇති බැල්කනියේ නව පාප් වහන්සේ පෙනී සිටියහ. එයින් අදහස් කළේ කාදිනල් ඡන්දදායකයින් 133 දෙනා පසුගිය මාසයේ මියගිය ෆ්‍රැන්සිස්ගේ අනුප්‍රාප්තිකයා ලෙස ඔහුව තෝරාගෙන ඇති බවයි. “ඔබ සැමට සාමය ලැබේවා” ඔහු ඉතාලි භාෂාවෙන් කතා කරමින් ශාන්ත පීතර චතුශ්‍රයේ සිටි ලක්ශයකට ආසන්න පිරිස ඉදිරියේ පැවසීය.

XIV වන ලියෝ පාප් වහන්සේ යනු කවුරුන්ද?

පළමු එක්සත් ජනපද පාප් වහන්සේ බවට පත් වූ XIV ව ලියෝ පාප් වහන්සේ ලතින් ඇමරිකාවේ දීර්ඝ කාලීන මිෂනාරිවරයෙකු ලෙස කටයුතු කර ඇත.

69 හැවිරිදි ප්‍රෙවොස්ට්, චිකාගෝහි සිට වතිකානයට පැමිණි අතර, ඔහුගේ වෘත්තීය ජීවිතයේ වැඩි කාලයක් පේරු හි මිෂනාරිවරයෙකු ලෙස ගත කර ඇති බව පැවසේ. 2023 දී රොබට් ප්‍රෙවොස්ට් කාදිනල්වරයෙකු බවට පත් විය.

රෝමානු කතෝලික පල්ලියේ නව නායකයා ලෙස තේරී පත් වූ කාදිනල් රොබට් ප්‍රෙවොස්ට්, ද්විත්ව එක්සත් ජනපද-පේරු පුරවැසියෙකු වන අතර ඔහු දශක ගණනාවක් උතුරු පේරු හි සේවය කළේය. පළමුව මිෂනාරිවරයෙකු ලෙසත් පසුව 2015 සිට 2023 දක්වා චික්ලායෝ හි බිෂොප්වරයා ලෙසත් කටයුතු කළේය.

XIV ලියෝ පාප්තුමාගේ උපන් ගම වන චිකාගෝ සිට කිලෝමීටර් 5,000 ක් (සැතපුම් 3,000) පමණ දුරින් පිහිටි පේරු වෙරළබඩ නගරයක් වන චික්ලායෝ හි, කතෝලිකයන් වීදි බැස පල්ලියේ සීනු නාද කළේ ඔවුන්ව තමන්ගේම කෙනෙකු ලෙස වැළඳ ගන්නා හිටපු මිෂනාරිවරයාගේ තේරී පත්වීම සැමරීම සඳහා ය.

නව පාප් වහන්සේගේ පත්වීම ජනාධිපති ඩොනල්ඩ් ට්‍රම්ප් ඔහුගේ X ගිණුමේ සටහනක් පළ කරමින් සුබ පැතුමක් එක් කර තිබෙනු දක්නට ලැබුණි. මෙම පත්වීම පේරු ජනාධිපතිනි ඩිනා බොලුආර්ටේ විසින් ද පිළිගනු ලැබූ බව ජාත්‍යන්තර මාධ්‍ය වාර්තා කර තිබුණා. කෙසේ වෙතත්, රොබට් ප්‍රෙවොස්ට්ගේ X ගිණුමේ පළ කිරීම්වලට අනුව, නව පාප්තුමා ට්‍රම්ප් සහ උප ජනාධිපති ජේ.ඩී. වැන්ස්ගේ ප්‍රතිපත්ති විවේචනය කිරීමේ ඉතිහාසයක් ඇති බව ජාත්‍යන්තර මාධ්‍ය වාර්තා සදහන් කර ඇත.

1978 දී පෝලන්තයේ කාදිනල් කැරොල් වොජ්ටිලා ප්‍රථම ඉතාලි නොවන පාප් වහන්සේ ලෙස තේරී පත් වූ විය.

කාදිනල් රොබට් ප්‍රෙවොස්ට් ලියෝ යන නාමය තෝරාගත් අතර ලියෝ යන නම ගත් අවසන් පාප්තුමා 1878-1903 දක්වා කතෝලික පල්ලිය මෙහෙයවීය. සමාජ සාධාරණත්වය පිළිබඳ ගැටළු කෙරෙහි කැපවූ අවධානයක් යොමු කිරීම සඳහා ලියෝ XIII ප්‍රසිද්ධ වූ අතර නූතන කතෝලික සමාජ ඉගැන්වීම් සඳහා අඩිතාලම දැමීමේ ගෞරවය බොහෝ විට ඔහුට හිමි වේ.

අද ප.ව. 1.00 න් පසු තඳ වැසි.

දිවයිනේ බොහෝ ප්‍රදේශවලට අද ප.ව. 1.00 න් පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.
බස්නාහිර ,සබරගමුව,මධ්‍යම ,උතුරු සහ උතුරු -මැද පළාත්වල ඇතැම් ස්ථානවල මි.මී.50 ට වැඩි තරමක වැසි ඇති විය හැක.
මේ අතර වැසි තත්ත්වය පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්‍රදේශවල තැනින් තැන වැසි ඇති වේ.දිවයින වටා වන සෙසු මුහුදු ප්‍රදේශවල ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැක.
සුළං නිරිත දිශාවෙන් හමා එන අතර සුළංගේ වේගය පැ.කි.මී. (20-30) පමණ වේ. හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුඳු ප්‍රදේශ වල සුළඟේ වේගය පැ.කි.මී. 40 දක්වා ඉහළ යා හැක.
මුහුදේ සවභාවය හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශය විටින් විට මඳ වශයෙන් රළු හෝ තරමක් රළු විය හැක.
ගිගුරුම් සහිත වැසි ඇති වන විට එම මුහුඳු ප්‍රදේශවල තාවකාලිකව තද සුළං ඇති විය හැකි අතර එවිට එම මුහුදු ප්‍රදේශ තාවකාලිකව ඉතා රළු විය හැක.
ගුගුරුම් සහිත වැසි සමඟ ඇතිවිය හැකි තාවකාලික තද සුළං වලින් සහ අකුණු මඟින් සිඳුවිය හැකි අනතුරු අවම කර ගැනීමට අවශ්‍ය පියවර ගන්නා ලෙස තවදුරටත් කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.

ශ්‍රී ලංකා ක්‍රීඩීකාවෝ ඉන්දියාව හා ද.අප්‍රිකාව සමග එක්ව සිටින තුන්කොන් එක්දින තරගාවලියේ 6 වන තරගය අද

ශ්‍රී ලංකා ක්‍රීඩීකාවෝ ඉන්දියාව හා ද.අප්‍රිකාව සමග එක්ව සිටින තුන්කොන් එක්දින තරගාවලියේ 6 වන තරගය අද දින පැවැත්වීමට නියමිතව ඇති අතර උදෑසන 10ට තරගය ආරම්භ වීමටයි නියමිතව ඇත්තේ

ශ්‍රී ලංකා හා ඉන්දීය ක්‍රීඩීකාවෝ අවසන් මහා තරගයෙ සිය ස්තාන වේලාසනින්ම වෙන් කරගෙන ඇති අතර අවසන් මහා තරගය එලබෙන ඉරිදා පැවැත්වීමට කටයුතු කර ඇත.

අද තරගයත් අවසන් මහා තරගයත් R.Premadasa
ක්‍රීඩාංගනයේ පැවැත්වෙන අතර සියලු තරග දිවා තරග ලෙස පැවැත්වීමටයි තරග සංවිදායකයන් කටයුතු කර ඇත්තේ.

මෙම සියලු තරග ප්‍රේක්ශක ඔබට නොමිලේ නැරබීමට හැකියාව පවතින බව ශ්‍රී ලංකා ක්‍රිකට් ආයතනය නිවේදනය කර තිබෙනවා

හිඟුරක්ගොඩ ගුවන් හමුදා කඳවුරේ පුහුණු සැසියක් අතරතුර ගුවන් ගත වූ ශ්‍රී ලංකා

ගුවන් හමුදාවේ අංක 7 බලගණයට අයත් බෙල් 212 හෙලිකොප්ටර් යානයක් මාදුරු ඔයට කඩා වැටුනා.

අදාළ යානයේ ගුවන් නියමුවන් දෙදෙනා ඇතුළු පුද්ගලයින් 12 දෙනෙකු ගමන් කර තිබුණා.

ගුවන් හමුදාව සඳහන් කළේ, මේ වනවිට ඉන් පුද්ගලයින් 12 දෙනෙකු පමණ බේරාගෙන ඇති බවයි.

ගුවන් හමුදා මාධ්‍ය ප්‍රකාශක, වින්ග් කමාන්ඩර් එරන්ද ගී ගනගේ මහතා සදහන් කළේ, යානයේ නියමුවන් දෙදෙනා නිරුපද්‍රිතව සිටින බවයි.

සුදු දුමාරයත් සමඟ නව පාප්වහන්සේ නමක්

ලොව පුරා කතෝලික ප්‍රජාවගේ නව පාප්වහන්සේ මීට සුළු මොහොතකට පෙර වතිකානයේ සිස්ටීන් දෙව් මැදුරේදී තෝරාපත්කරගෙන තිබේ. එය සංකේවත් කරමින් වතිකානයේ බැසිලිකාවේ දුම් කවුළුවෙන් සුදු දුමාරයක් නිකුත් වී ඇති බවද විදෙස් ආරංචි මාර්ග වාර්තා කරයි පාප් වහන්සේ ඉදිරි පැය කිහිපය ඇතුළදී ශාන්ත පීතර දේවස්තානයට ඉහළින්ඇ
ති සඳලු තලයේ පෙනී සිටිනු ඇතැයි වාර්තා සඳහන් කරයි.

දුම් කවුළුවෙන් සුදු දුමාරයක් පිටවීමත් සමග ශාන්ත පීතර දේවස් තානයේ
රැදී සිටි ජනතාව තම සතුට පළකල අයුරු වාර්තාවන්හි වැඩි දුරටත් සඳහන් කර තිබෙනවා

දෙවැනි දිනටත් වතිකානුවෙන් කළු දුමාරයක් පිටවෙයි

දෙවැනි දිනයටත් සිස්ටයින් දේවස්ථානයේ චිමිනියෙන් කළු දුමාරයක් පිට වූ අතර නව පාප් වහන්සේ තෝරා පත් කර ගැනීමට අද දිනයේත් අපොහොසත් වී තිබෙනවා.

කතෝලික පල්ලියේ බිලියනයකට වැඩි සාමාජිකයින්ගේ මීලග නායකයා වන නව පාප් වහන්සේ තෝරා පත් කර ගැනීම සඳහා පළමු ඡන්දය ඊයේ දින (මැයි 07) පැවැත්වුණි. පලමු දිනයේදී සිස්ටයින් දේවස්ථානයට රැස්වූ කාදිනල්වරුන්ට නව පාප්වරයෙකු තෝරා පත්කර ගැනීමට නොහැකි වූ අතර අද දිනයේත් උදෑසන නැවත කාදිනල්වරුන් එකසිය තිස්තුන් දෙනෙකු සිස්ටයින් දේවස්ථානයට රැස්වූයේ නව පාප් වහන්සේ තෝරා පත් කර ගැනීමටයි. මීට සුළු මොහොතකට පෙර ඡන්ද විමසීම අවසන් වූ අතර කාදිනල්වරුන්ට නව පාප් වහන්සේ තෝරා පත් කර ගැනීමට අද දිනයේදීත් නොහැකි වූ බව දේවස්තානයෙන් පිටවූ කළු දුමාරයෙන් සංඥා කර තිබුණි.

මදුරුවා ඇති කලොත් බලාගෙනයි.

2025 මැයි මස මදුරු මර්දන මාසයක් ලෙස නම් කිරීමට සෞඛ්‍ය අමාත්‍යාංශ තීරණය කරයි.

2025 අප්‍රේල් මස අවසන් වන විට ඩෙංගු ආශ්‍රිත මරණ 06 ක් වාර්තා වී ඇති අතර ඩෙංගු රෝගීන් ගණන 16, 970 පමණ වී ඇතැයි සෞඛ්‍ය හා ජනමාධ්‍ය අමාත්‍යංශය පවසයි. රෝගීන්ගෙන් 45.8% ක් බස්නාහිර පලාතෙන් වන අතර රත්නපුර දිස්ත්‍රික්කයෙන් 6.3%, මඩකලපුව දිස්ත්‍රික්කයෙන් 6.0% හා මහනුවර දිස්ත්‍රික්කයෙන් 4.2 % වාර්තා වී ඇත.

රට තුළ පවතින වැසි සහිත කාලගුණ තත්ත්වයත් ඉදිරියේදී ඇතිවන නිරතදිග මෝසම් වැසි සමඟ මෙම තත්ත්වය තවදුරටත් වර්ධනය වීමේ හැකියාවක් ඇතැයි සෞඛ්‍ය අමාත්‍යංශය පවසයි.

කීට විද්‍යා සමීක්ෂණ අනුව ඩෙංගු රෝග වාහක මදුරුවන්ගේ සහ කීටයන්ගේ වර්ධනය
ඩෙංගු රෝගය පැතිර යෑමට ඉවහල් වී තිබේ.

විශේෂ මදුරු මර්දන මාසය නිමිත්තෙන් මුළු රට ම ආවරණය වන පරිදි විශේෂ මදුරු මර්දන වැඩසටහන් සෞඛ්‍ය වෛද්‍ය නිලධාරී, සෞඛ්‍ය පරීක්‍ෂකවරුන්ගේ මෙහෙයවීමෙන් ග්‍රාම නිලධාරී කොට්ඨාස මට්ටමෙන් පැවැත්වීමට සැලසුම් කර ඇත.

අධි අවධානම් සෞඛ්‍ය වෛද්‍ය නිලධාරී කොට්ඨාස ඉලක්ක කර ත්‍රිවිධ හමුදාව පොලිසිය, සිවිල් ආරක්ෂක බලකාය , ස්වේච්ඡා සංවිධාන සහය ඇතුව එමගින් පාසල්,ඉදිකිරීම් පරිශ්‍ර , වෙනත් අධ්‍යාපන ආයතන, රජය සහ පෞද්ගලික ආයතන,ආගමික ස්ථාන සතියේ සෑම සිකුරාදා දිනකම පැයක කාලයක් පරිශ්‍රය පිරිසිදු කිරීම, නිවෙස් වල අපද්‍රව්‍ය පළාත් පාලන ආයතන මූලිකත්වයෙන් බැහැර කිරීමට ක්‍රමවත් වැඩපිළිවෙළක් සකස් කිරීම,

දුමායන කටයුතු සිදු කිරීම, මදුරුවන් බෝවන පරිදි පිරිසිදු නොකළ නිවාස හෝ තමා භාරයේ ඇති ස්ථානය පවත්වාගෙන යන පුද්ගලයන්ට නීතීමය ක්‍රියාමාර්ග ගැනීම වැනි කාර්යයන් ඩෙංගු රෝගය බෝවීම වැළැක්වීම සඳහා ක්‍රියාත්මක කිරීමට බලාපොරොත්තු වේ.එමෙන්ම පසුගිය මාස කිහිපය තුළ රටේ විවිධ ස්ථානවලින් විකුන්ගුන්‍යා රෝගීන්ගේ වාර්තාවීමේ ප්‍රවණතාවයක් නිරීක්ෂණය වී ඇතැයි අමාත්‍යාංශය පවසයි. ඩෙංගු රෝග වාහකයා වන ඊඩිස් ඊජිප්ටයි සහ ඊඩිස් ඇලබොපික්ටස් මදුරු විශේෂ මගින් තව දුරටත් වර්ධනය වීමේ අවදානම් තත්ත්වයක් ඇත

channel 7

Today News

ජෙරුසලමේ වෙඩි තැබීමකින් 15කට තුවාල

හිටපු රාජ්‍ය අමාත්‍ය නිමල් ලන්සාට ඇප

රථ වාහන නීතිය අද සිට දැඩිව ක්‍රියාත්මකයි

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි