ක්‍රීඩාංගනයකට සමාන ග්‍රහ වස්තුවක් පෘථිවියට ආසන්නයෙන්
විෂයන් නවයටම A සාමාර්ථ ගත් සිසුන් 13392ක්
ඇමරිකානු තීරුබදු ප්‍රතිපත්තිය පිළිබඳ ජනපති සාකච්ඡාවක්
චන්ද්‍රයාගේ දුරස්ථ ප්‍රදේශයන් හි පරිණාමය පිළිබඳ මුල්ම අනාවරණය චීනයෙන්
කළුතර නගර සංවර්ධන සැලැස්ම ක්‍රියාත්මක කිරීම පිළිබඳ සාකච්ඡාවක් ජනාධිපති ලේකම්ගේ ප්‍රධානත්වයෙන්
Hot News

කුෂ් කිලෝග්‍රෑම් 46 ක් සමග අත්අඩංගුවට ගත් කාන්තාව වෙනුවෙන් බ්‍රිතාන්‍ය ඉදිරිපත්වේ

කුෂ් කිලෝග්‍රෑම් 46 ක් සමග අත්අඩංගුවට ගත් බ්‍රිතාන්‍ය ජාතික කාන්තාව වෙනුවෙන් තම රට ඉදිරිපත්වන බවට…

Editor
Hot News

අද කාලගුණය

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පවතින බව කාලගුණ විද්‍යා දෙපාර්තමේන්තුව පවසයි.…

Editor
Hot News

ශ්‍රී ලංකාව දකුණු ආසියාවේ වඩාත් ආකර්ශනීයම ගමනාන්තයක් ලෙස තවදුරත් තහවුරු කර ගනී .

2025 මැයි මස මුලදී ශ්‍රී ලංකාවේ සංචාරක පැමිණීම සැලකිල්ලට ගනිමින් සංචාරක කර්මාන්ත විශ්ලේෂකයින් සදහන් කරන්නේ…

Editor

දිස්ත්‍රික්ක හයකට කහ නිවේදන නිකුත් කරයි.

ගතවූ පැය 24 කාලය සඳහා වන ආපදා කළමනාකරන දෙපාර්තමේන්තුව විසින් ප්‍රකාශයට පත්කළ දෛනික තත්ත්ව වාර්තාව අනුව,
නැගෙනහිර ,වයඹ ,උතුරු සහ දකුණු පළාත ආවරණය වන පරිදි බලපැවැත්වුණු අධික වර්ෂාව හා තද සුළං තත්ත්වය හේතුවෙන් මේ වන විට පුද්ගලයින් හතර දෙනෙකු මියගොස් තවත් පුද්ගලයෙකු අතුරුදහන්ව ඇතැයි කාලගුණ විද්‍යා දෙපාර්තමේන්තුව පවසයි.
එමෙන්ම අයහපත් කාලගුණ තත්ත්වය නිසා බලපෑමට ලක්වූ පවුල් සංඛ්‍යාව 187ක් වන අතර පුද්ගලයින් සංඛ්‍යාව 685ක්ද , අර්ධ නිවාස හානි වීම් 177 ද වාර්තා වන බව කාලගුණ විද්‍යා දෙපාර්තමේන්තුව වැඩිදුරටත් පවසයි.
මේ අතර කොළඹ ,ගාල්ල, කළුතර,නුවර කෑගල්ල සහ රත්නපුර දිස්ත්‍රික්ක අවාරණය වන පරිදි පසු ගිය පැය 24 තුල වර්ෂාපතනය 75mm ඉක්මවා ඇත.වර්ෂාව නවදුරටත් පවතී නම් නායයෑමේ, බෑවුම් කඩා වැටීමේ, ගල් පෙරළීමේ, පස් කණ්ඩි කඩා වැටීමේ සහ පොළොව ගිලා බැසීමේ අවදානම පිළිබදව විමසිලිමත් වන ලෙස ජාතික ගොඩනැඟිලි පර්යේෂණ සංවිධානය විසින් ජනතාවගෙන් ඉල්ලා සිටියි.

කුෂ් කිලෝග්‍රෑම් 46 ක් සමග අත්අඩංගුවට ගත් කාන්තාව වෙනුවෙන් බ්‍රිතාන්‍ය ඉදිරිපත්වේ

කුෂ් කිලෝග්‍රෑම් 46 ක් සමග අත්අඩංගුවට ගත් බ්‍රිතාන්‍ය ජාතික කාන්තාව වෙනුවෙන් තම රට ඉදිරිපත්වන බවට එක්සත් රාජධානියේ නිලධාරීන් පවසා ඇතියි ද ගාර්ඩියන් පුවත්පත වාර්තාකරයි.

දකුණු ලන්ඩනයේ කෝල්ස්ඩන්හි පදිංචි 21 හැවිරිදි චාලට් මේ ලී, සඳුදා බැංකොක් සිට ගුවන් යානයකින් පැමිණි පසු රටේ කටුනායක ගුවන් තොටුපළේදී අත්අඩංගුවට ගත් බව MailOnline සහ Sun මිට පෙර වාර්තා කළේය.

කුෂ් කිලෝග්‍රෑම් 46 (රාත්තල් 101) ක් අඩංගු ගමන් මලු දෙකක් රට තුළට ගෙන ඒමට උත්සාහ කළ බවට ඇයට චෝදනා එල්ල එල්ලවිය .

ගාසා තීරය සහමුලින්ම විනාශ බව ඊශ්‍රායලයම පිළිගනී.

ගාසා තීරය සහමුලින්ම විනාශ බව ඊශ්‍රායලයම පිළිගනී.

මේ බව පවසා සිටියේ ඊශ්‍රායල මුදල් ඇමති ස්මොට්‍රිච් විසින්.

ඊශ්‍රායල් අගමැති බෙන්ජමින් නෙත නියානු පවසා සිටින්නේ ජනතාව ආරක්ෂාව පතා ආරක්ෂක ස්ථාන කරා යොමු කරවන බවයි.

ඊජිප්තු ජනාධිපති අබ්දෙල් ෆටා එල්-සිසි Marshal Abdel Fattah el-Sisi පසුගිය ඉරිදා අවධාරණය කර සිටියේ ගාසා තීරය තුල මානුෂීය සටන් විරාමයක් දියත් කළ යුතු බවයි.

ඊජිප්තුව, එක්සත් ජනපදය සහ කටාර් රාජ්‍යයන් විසින් ගනු ලැබූ ඒකාබද්ධ මැදිහත්වීමේ ප්‍රතිඵලයක් ලෙස ගාසා තීරය තුළ විපතට පත් ජනතාවගේ අවශ්‍යතාවයන් සපුරාලීමේ වැඩපිළිවෙළක් දියත් කෙරිණි.

“ගාසා තීරයේ කුසගින්න යුද්ධය සහ සමූලඝාතන යුද්ධය දිගටම පවතින තාක් කල් සාකච්ඡාවල යෙදීමේ හෝ නව සටන් විරාම යෝජනා සලකා බැලීමේ කිසිදු තේරුමක් නැත,”යන්නයි හමාස්ංවිධානයේ අදහස වී ඇත්තේ

අද කාලගුණය

නිරිත දිග මෝසම් තත්ත්වය දිවයින හරහා ක්‍රමයෙන් ස්ථාපිත වෙමින් පවතින බව කාලගුණ විද්‍යා දෙපාර්තමේන්තුව පවසයි.

අද පෙරවරු 5.30ට නිකුත් කළ කාලගුණ නිවේදනයේ දැක්වෙන්නේ දිවයිනේ බොහෝ ප්‍රදේශවල අහස වළාකුලින් බරව පවතිනු ඇති බවයි.

බස්නාහිර, සබරගමුව, වයඹ, මධ්‍යම, දකුණු සහ උතුරු පළාත්වල විටින් විට වැසි හෝ ගිගුරුම් සහිත වැසි ඇතිවන බවයි එම නිවේදනයේ දැක්වෙන්නේ.

බස්නාහිර සහ සබරගමුව පළාත්වලත් ගාල්ල, මාතර, පුත්තලම, නුවරඑළිය සහ මහනුවර දිස්ත්‍රික්කවලත් ඇතැම් ස්ථානවල මි.මී. 100 ට වැඩි තද වැසි ඇතිවිය හැකි බව එම වාර්තාවේ සඳහන්.

උතුරු-මැද පළාතේ වැසි වාර කිහිපයක් ඇතිවන බවත්
දිවයිනේ සෙසු ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බවත් එම නිවේදනයේ දැක්වේ.

වයඹ, උතුරු-මැද, උතුරු සහ දකුණු පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැකි බවට කාලගුණ විද්‍යා දෙපාර්තමේන්තුව අනතුරු අඟවනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස එම දෙපාර්තමේන්තුව ජනතාවගෙන් ඉල්ලා සිටියි.

පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශ සඳහා අවවාදාත්මක නිවේදනයක් නිකුත් කර තිබේ.

එම නිවේදනය හෙට (20) උදෑසන 5.30 දක්වා බලපැවැත්වෙන බවයි කාලගුණ විද්‍යා දෙපාර්තමේන්තුව පවසන්නේ.

අදාළ ප්‍රදේශවල ජනතාවට සැලකිලිමත් වන ලෙස ද එම දෙපාර්තමේන්තුව නිවේදනය කරයි.

මේ අතර අදාළ ප්‍රදේශවල මුහුදු ප්‍රදේශවල සුළඟේ වේගය විටින් විට පැ.කි.මී 55 – 65 දක්වා වැඩි විය හැකිය.

මේ පිළිබඳ ධීවරයින් සහ නාවිකයින් අවදානය යොමු කරන ලෙසත් කාලගුණවිද්‍යා දෙපාර්තමේන්තුව නිවේදනය කරයි.

මේ අතර, දිවයිනේ බොහෝ ප්‍රදේශවල අහස වලාකුළින් බරව පවතී.

බස්නාහිර, සබරගමුව, වයඹ, මධ්‍යම, දකුණු සහ උතුරු පළාත්වල විටින් විට වැසි හෝ ගිගුරුම් සහිත වැසි ඇති වේ.

ශ්‍රී ලංකාව දකුණු ආසියාවේ වඩාත් ආකර්ශනීයම ගමනාන්තයක් ලෙස තවදුරත් තහවුරු කර ගනී .

2025 මැයි මස මුලදී ශ්‍රී ලංකාවේ සංචාරක පැමිණීම සැලකිල්ලට ගනිමින් සංචාරක කර්මාන්ත විශ්ලේෂකයින් සදහන් කරන්නේ එම අංශයේ සක්තිමත් පදනමට යොමුවී ඇති බවයි .ඒ අනුව දකුණු ආසියාවේ වඩාත් ආකර්ශනීයම ගමනාන්තයක් ලෙස ශ්‍රී ලංකාව තවදුරටත් තහවුරු කරගෙන සිටියි. ශ්‍රී ලංකා සංචාරක සංවර්ධන අධිකාරියේ (SLTDA) වාර්තා පෙන්වා දුන්නේ මැයි පළමු සතිය තුළ සංචාරකයන් 33,910 පැමිණ ඇති බවත් , එය පෙර වසරවල එම කාලපරිච්ඡේදය හා සසඳන විට සැලකිය යුතු වැඩිවීමක් සනිටුහන් කරන බවත්ය.
සංචාරක ආදායම් වර්ධනය ද ඒ හා සමානව කැපී පෙනුණි. ශ්‍රී ලංකා මහ බැංකු වාර්තාවන්ට අනුව, 2025 ජනවාරි සිට අප්‍රේල් දක්වා ඉපැයීම් ඇමරිකානු ඩොලර් මිලියන 1,379 ක් වූ අතර එය 2024 දී එම මාස හතර තුළ ඇමරිකානු ඩොලර් මිලියන 1,251.6 ට සාපේක්ෂව 10.2% ක වැඩිවීමකි.
ඒ සමගම උතුරු මැද සහ නැගෙනහිර පළාත් වැනි සන්චාරක කලාපයන්හි යටිතල පහසුකම්වල වැඩිදියුණු කිරීම , ගුවන්තොටුපළ වැඩිදියුණු කිරීම්, ප්‍රවේශ මාර්ග සහ නවාතැන් පුළුල් කිරීම සම්බන්ධයෙන් වැඩි අවධානයක් යොමු වීම සංචාරක ව්‍යාපාරයේ දිගුකාලීන වර්ධනයක් සහතික කිරීම සඳහා තීරණාත්මක ලෙස බලපාතිබේ .

Cannes ජාත්‍යන්තර චිත්‍රපට උළෙලට චීන චිත්‍රපට 180 ක්

චීන චිත්‍රපට 180ක් පමණ Cannes ජාත්‍යන්තර චිත්‍රපට උළෙලේදී ප්‍රදර්ශනය කෙරේ. ඇමරිකාවේ Variety සඟරාව පසුගිය දා ඒ පිළිබඳ ලිපියක් පළ කරමින් චීන චිත්‍රපට කර්මාන්තයේ ජවය හා ගතිකත්වය ඉහළින් අගය කළේ ය. මෙවර Cannes ජාත්‍යන්තර චිත්‍රපට උළෙල සඳහා “Nezha 2”,“Detective Chinatown 1900”හා“The Sinking of the Lisbon Maru”ඇතුළු චිත්‍රපට 180කට වැඩි සංඛ්‍යාවක් ප්‍රදර්ශනය කෙරේ. චීන රාජ්‍ය චිත්‍රපට දෙපාර්තමේන්තුවේ මූලිකත්වයෙන් චීන චිත්‍රපට නිෂ්පාදන ආයතන හා සමාගම් 60කට වැඩි සංඛ්‍යාවක් ඊට එක්ව සිටී. චීන චිත්‍රපට නිෂ්පාදන ආයතන හා සමාගම් මෙසේ ඒකාබද්ධ වී චීන චිත්‍රපට කර්මාන්තයේ ජවය හා ගතිකත්වය මැනවින් පෙන්නුම් කර ඇති බව ඇමරිකාවේ Variety සඟරාව කියා සිටී.
-CGTN Sinhala

චීනයේ Tianwen 2 අභ්‍යාවකාශ ගවේෂණ යානය සාර්ථකව නිකුත් කිරීමේ කලාපයට යොමු කෙරේ

චීන ජාතික අභ්‍යාවශාශ දෙපාර්තමේන්තුවට අනුව, චීන ග්‍රහතාරකා ගවේෂණ ව්‍යාපෘතියේ Tianwen 2 ගවේෂණ යානය ඊයේ (18) Sichuan පළාතේ Xichang චන්ද්‍රිකා නිකුත් කිරීමේ මධ්‍යස්ථානයේදී සාර්ථකව නිකුත් කිරීමේ කලාපයට යොමු කෙරිණ. ඒ, එකලස් කිරීම, අත්හදා බැලීම හා ඉන්ධන පිරවීම යන නියමිත කටයුතු සම්පූර්ණයෙන් ක්‍රියාත්මක කිරීමෙන් අනතුරුව ය.Tianwen 2 ගවේෂණ යානය මේ මස අවසානයේදී උඩුගුවනට නිකුත් කිරීමට සැලසුම් කර ඇත.

Tianwen 2 ගවේෂණ යානය නික්තු කිරීම මගින් අංක 2016HO3 දරන කුඩා ග්‍රහතාරකාවේ පියාසැරිය, සාම්පල ලබා ගැනීම සහ නැවත පෘථිවියට පැමිණීම මෙන්ම අංක 311P දරන ප්‍රධාන තීරු වල්ගා තරුවේ පියාසැරි ගවේෂණය යන බහු මෙහෙයුම් ක්‍රියාත්මක කෙරෙනු ඇත.
-CGTN Sinhala

“ගැහැණු ළමයි ” කෑන්ස් යයි

අභාවප්‍රාප්ත ප්‍රවීන සිනමාවේදිනි සුමිත්‍රා පීරිස් විසින් 1978 දී අධ්‍යක්ෂණය කරන ලද “ගැහැණු ළමයි” චිත්‍රපටයේ අලුතින් ප්‍රතිසංස්කරණය කරන ලද පිටපතක් මැයි 17 වන දින කෑන්ස් උළෙලේදී ප්‍රදර්ශනය වීය. මෙය මෙරට සිනමා ඉතිහාසයේ සාඩම්බරනීය මොහොතක් සනිටුහන් වේ.
දර්ශනය Salle Buñuel හිදී සිදු වූ අතර චිත්‍රපටයේ ප්‍රධාන නළු නිළියන් වන වසන්ති චතුරානි, අජිත් ජිනදාස, ශ්‍යාමා ආනන්ද සහ ශ්‍රී ලංකාවේ පළමු කාන්තා චිත්‍රපට නිෂ්පාදකවරිය ලෙස පුළුල් ලෙස සැලකෙන සුමිත්‍රා පීරිස්ගේ පවුලේ සාමාජිකයින් සහභාගී විය.

16 වන ජාතික රණවිරු අනුස්මරණ උත්සවය අද සවස 4.00 ට

16 වන ජාතික රණවිරු අනුස්මරණ උත්සවය අද සවස 4.00 ට ශ්‍රී ජයවර්ධනපුර කෝට්ටේ පිහිටි ජාතික රණවිරු අනුස්මරණ ස්මාරකය අසලදී පැවැත්වීමට සියලු කටයුතු සුදානම් කර ඇතිබව ජාතික රණවිරු අධිකාරිය පවසයි.ජනාධිපති අනුර කුමාර දිසානායක මහතා මෙම උත්සවයට සහභාගී වීමට නියමිතයි.මිට අමතරව එම අවස්ථාවට ත්‍රස්තවාදය පරාජය කිරම සදහා ත්‍රිවිධ හමුදාවට නායකත්වය ලබා දුන් ෆීල්ඩ් මාර්ෂල් සරත් ෆොන්සේකා, අද්මිරාල් ඔෆ් ද ෆ්ලීට් වසන්ත කරන්නාගොඩ සහ මාර්ෂල් ඔෆ් ද එයාර් ෆොස් රොෂාන් ගුණතිලක ද සහභාගී වීමට නියමිතයි.ඔවුන්ගේ මුලිකත්වයෙන් හා මියගිය හමුදා පවුවල සාමාජිකයන්ගේ සහබාගිත්වයෙන් යුද්ධයේදී ජිවිත පරිත්‍යාග කල සෙබළුන් වෙත පුෂ්පෝපහාර දක්වනු ඇත.

මෙම ප්‍රධාන රණවිරු සැමරුම් උත්සවයට සමගාමීව ත්‍රිවිධ හමුදාවේ, පොලිස් දෙපාර්තමේන්තුවේ හා සිවිල් ආරක්‍ෂක දෙපාර්තමේන්තුවේ දායකත්වයෙන් දිවයින පුරා ප්‍රජා සුභසාධන වැඩසටහන් මාලාවක් ද ක්‍රියාත්මක කිරීමට නියමිතයි.
30 වසරක් පුරා පැවති මෙම සිවිල් යුද්ධයේදී ත්‍රිවිධ හමුදා ,පොලිස්, සිවිල් ආරක්ෂක නිලධාරින් ඇතුළු ආරක්ෂක අංශවල සාමාජිකයන් ,විවිධ දේශපාලන නායකයන් ,ත්‍රස්තවාදී සාමාජිකයන් මෙන්ම උතුරේත් දකුණේත් දහස් ගණනක් සිවිල් වැසියන් ජිව්තක්ෂයට පත්වුහ. දහස් ගණනක් ආබාදිත තත්වයට පත්වුහ.

දිස්ත්‍රික්ක හයක් සඳහා පූර් ව නායයෑම් අනතුරු ඇඟවීම්

ජාතික ගොඩනැගිලි පර්යේෂණ සංවිධානය (NBRO) අද දිස්ත්‍රික්ක හයක් සඳහා පූර්ව නායයෑම් අනතුරු ඇඟවීම් නිකුත් කර තිබෙ .ඒ අනුව, කොළඹ, ගාල්ල, කළුතර, මහනුවර, කෑගල්ල සහ රත්නපුර දිස්ත්‍රික්ක සඳහා අනතුරු ඇඟවීමේ නිවේදන නිකුත් කරන ලදී.මෙම ප්‍රදේශවල පදිංචිකරුවන්ට නායයෑම්, බෑවුම් කඩා වැටීම්, පාෂාණ පෙරළීම්, කට්ටි කඩා වැටීම් සහ බිම් ගිලා බැසීම් පිළිබඳ විමසිල්ලෙන් සිටින ලෙස උපදෙස් දෙනු ලැබේ.