2026 වර්ෂය සඳහා අදාළ පාසල් වාර සටහන මෙතැනින් දැනගන්න
වත්තේගම නගර සභාවේ හිටපු සභාපති අත්අඩංගුවට
බැකෝ සමන්ගේ සමීපතම පුද්ගලයෙක් අත්අඩංගුවට
ජාතික මැණික් සහ ස්වර්ණාභරණ අධිකාරියේ සභාපති අභාවප්‍රාප්ත වෙයි
ලෝටස් පාර තාවකාලිකව වසයි
Hot News

ක්ෂුද්‍ර කුඩා හා මාධ්‍ය පරිමාණ ව්‍යවසායකන් දේශපාලන පාපන්දුවක් වෙලා – විපක්ෂ නායක

ක්ෂුද්‍ර කුඩා හා මාධ්‍ය පරිමාණ කර්මාන්ත කරුවන් සහ ව්‍යවසායකන්ගේ ගැටලු වලට විසඳුමක් ලැබි නැතැයි විපක්ෂ…

Channel7.lk
Hot News

කලාපීය සාමය සහ ස්ථාවරත්වය පිලිබද ඉරාන ශ්‍රී ලංකා සාකච්ඡා

කලාපීය සාමය සහ ස්ථාවරත්වය සඳහා තිරසර රාජතාන්ත්‍රික උත්සායන්හි වැදගත්කම පිලිබද අවදානය යොමුකරමින් මෙරට ඉරාන තානාපතිවරයාට…

Channel7.lk

ශ්‍රී ලංකාව ගෙන යන වැඩපිළිවෙළට UN මානව හිමිකම් මහ කොමසාරිස්වරයගේ සහය

ශ්‍රී ලංකාවේ ජාතික සමගිය හා සංහිඳියාව තහවුරු කිරීමට සහ මානව හිමිකම් සුරැකීමට ජනාධිපති අනුර කුමාර දිසානායක මහතා ප්‍රමුඛ රජය ගෙන යන වැඩපිළිවෙළට සහාය ලබා දෙන බව එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් (Volker Türk) මහතා ප්‍රකාශ කරයි.


මෙරට සංචාරයක නිරතව සිටින එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් මහතා ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වූ අවස්ථාවේදී මේ බව ප්‍රකාශ කළේය.

මේ වන විට ශ්‍රී ලංකාව තුළ සිදු වෙමින් තිබෙන නව දේශපාලනික සහ සමාජයීය පරිවර්තනය අගය කළ මහ කොමසාරිස්වරයා, උතුරේ සහ දකුණේ සියලු ජනතාව වත්මන් ජනාධිපතිවරයා සහ රජය කෙරෙහි දැඩි විශ්වාසයක් තබා ඇති බව සඳහන් කළේය.

තමා මෙරට සිදු කළ සංචාරයේදී ශ්‍රී ලංකාව තුළ සිදු වෙමින් පවතින නව පරිවර්තනය පිළිබඳ පැහැදිලි අවබෝධයක් ලබා ගැනීමට හැකි වූ බව සඳහන් කළ වොල්කර් ටර්ක් මහතා අද රටේ සියලු ජනතාව යහපත් අනාගතයක් පිළිබඳ නව බලාපොරොත්තු තබා සිටින බව තම විශ්වාසය බවද පැවසීය.

පැවති දේශපාලන සංස්කෘතිය හේතුවෙන් ජනතා අපේක්ෂා සහ ඔවුන්ගේ අයිතිවාසිකම් වෙනුවෙන් ක්‍රියාත්මක වීමට අදාළ ආයතන අපොහොසත් වූ බැවින්, අතුරුදන් වූවන්ගේ ගැටලුව විසඳීමට එම ආයතන පද්ධතිය ශක්තිමත් කිරීමේ සහ ප්‍රතිසංවිධානය කිරීමේ අවශ්‍යතාවද මෙහිදී සාකච්ඡාවට බඳුන් විය.

ජනපති හා දකුණු අප්‍රිකානු හිටපු ජනපති අතර හමුවක්

දකුණු අප්‍රිකානු හිටපු ජනපති තාබෝ ම්බෙකි මහතා (Thabo Mbeki) පැවසුවේ විවිධත්වයක් සහිත සියලු ජන කණ්ඩායම් එක මාවතකට ගැනීමට කටයුතු කිරීම සම්බන්ධයෙන් උගත් පාඩම් සහ අත්දැකීම් ශ්‍රී ලංකාවේ ජනාධිපතිවරයා සමඟ බෙදා ගැනීමට තමා කැමති බවයි.


ඔහු මේ බව පැවසුවේ ඊයේ අරලියගහ මන්දිරයේදී ජනාධිපති අනුර කුමාර දිසානායක මහතා හමුවූ අවස්ථාවේදීයි.


දකුණු අප්‍රිකාව හා ශ්‍රී ලංකාව භූ ගෝලීය වශයෙන් දුරස්ථ වුවද, විවිධ ජාතීන්, ආගම් සහ  සංස්කෘතින් පැවතීම නිසා දෙරටෙහි සමානත්වයක් පවතින බව ද ඔහු වැඩිදුරටත් පැවසුවා.


ජාතීන් අතර සමඟිය වර්ධනය කිරීමටත්, රට මුහුණ දී ඇති ආර්ථික අභියෝග ජයග්‍රහණය කරමින් ඉදිරියට ගෙන යාමටත්, තමා ඇපකැප වී සිටින බව ජනාධිපති අනුර කුමාර දිසානායක මහතා මෙහිදී පැවසුවා.

ශ්‍රී ලංකාවෙන් මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතා ඇතුළු නිලධාරීන් පිරිසක් සහ ශ්‍රී ලංකාවේ දකුණු අප්‍රිකානු මහ කොමසාරිස් සැන්ඩිල් ෂාල්ක් ( Sandile Schalk), තාබෝ ම්බෙකි පදනමේ ප්‍රධාන විධායක නිලධාරී මැක්ස්වෙල් බොක්වානා (Maxwell Boqwana) , තාබෝ ම්බෙකි පදනමේ ප්‍රධාන මෙහෙයුම් නිලධාරී ලුක්හන්යෝ නීර් (Lukhanyo Neer) එක්වුණා.

ධීවර ගැටළුවලට විශේෂ අවධානයක්

ධීවර කටයුතු සම්බන්ධ විශේෂ සම්බන්ධීකරණ සාකච්ඡාවක් අද ත්‍රිකුණාමලයේදී පැවැත්වුණා.

ධීවර ප්‍රජාවට බලපාන ජීවනෝපාය අභියෝග, නියාමන ගැටළු, ප්‍රාදේශීය සහ ජාතික මට්ටමින් පුළුල්  සම්බන්ධීකරණය අවශ්‍ය වන තත්ත්වයන් පිළිබඳ මෙහිදී විශේෂ අවධානයක් යොමු කර තිබෙනවා.

අනාගත ප්‍රතිපත්ති සැලසුම් සකස් කිරීමේ දී වෙරළබඩ ප්‍රජාවන්ගේ අදහස් හා යෝජනා ලබාගනිමින් කඩිනම් හා දීර්ඝකාලීන විසඳුම් සකස් කිරීම සම්බන්දයෙන් ද සාකච්ඡා කර ඇත.  

මෙම සාකච්ඡාවට ධීවර නියෝජ්‍ය අමාත්‍ය රත්න ගමගේ, විදේශ කටයුතු සහ විදේශ රැකියා නියෝජ්‍ය අමාත්‍ය අරුන් හේමචන්ද්‍ර සහ නැගෙනහිර පළාත් ආණ්ඩුකාරවරයාද ද සහභාගී විය.  

ඊශ්‍රායලය ගාසා තීරයේ 90 කට වැඩි පිරිසක් ඝාතනය කරයි

ඊශ්‍රායලය විසින් එල්ල කරන ලද ප්‍රහාර වලින් පසුගිය පැය 24 තුළ ගාසා තීරයේ මියගිය සංඛ්‍යාව 90 කට වඩා වැඩි වී තිබෙනවා.

අද උදෑසන සිදුවූ ප්‍රහාරවලින් පුද්ගලයින් 14 දෙනෙකු මිය ගිය බවයි ගාසා හි රෝහල් ආරංචි මාර්ග පවසන්නේ.
ගාසා හි පවතින විනාශකාරී යුද්ධය දැන් එහි 20 වන මාසයට එලබෙමින් තිබෙනවා.

ඊශ්‍රායල ප්‍රහාරවලින් කාන්තාවන්, ළමුන් සහ මාධ්‍යවේදීන් දෙදෙනෙකු ඇතුළු අවම වශයෙන් පුද්ගලයින් 92 දෙනෙකු මිය ගොස් ඇති බවයි විදෙස් මාධ්‍ය වාර්තා කර ඇත්තේ.


බදාදා මධ්‍යම ගාසා තීරයේ ප්‍රදේශයක් ඉලක්ක කරගත් ඊශ්‍රායල ගුවන් ප්‍රහාර දෙකකින් අවම වශයෙන් පුද්ගලයින් 33 දෙනෙකු මිය ගොස් 86 දෙනෙකු තුවාල ලබා තිබෙනවා.


කෙසේ වෙතත් සැබෑ මරණ සංඛ්‍යාව බොහෝ විට වැඩි විය හැකි බව ගාසා සෞඛ්‍ය නිලධාරීන් පවසනවා.

Source – aljazeera

නිරෝගීමත්ව ඉන්න පාසලින්ම පුහුණුවක්

කායික සහ මානසික නිරෝගී සිසු පරපුරක් බිහිකර ගැනීමෙ වැඩපිළිවෙළක් පාසැල් තුළ ආරම්භ කෙරෙ.

සෞඛ්‍ය ප්‍රවර්ධන කාර්යාංශය ඒ සඳහා මඟපෙන්වයි. නිරෝගී ශක්තිමත් වැඩිහිටි පරපුරක් ඇතිකර ගැනීමයි මෙහි අරමුණ වේ. . මෙහි නියමු ව්‍යාපෘතියක් ලෙස ශරීර ස්කන්ධ දර්ශකය මැනීමේ මධ්‍යස්ථානයක් ස්ථාපනය කිරිම කොළඹ ආනන්ද විද්‍යාලයේ දි සිඩුකෙරින.

එහි දි තම උස බර ආදිය මැනීම සඳහා අවශ්‍ය පහසුකම් සලසා තිබෙ. ඉන් ළමුන්ට තමන්ගේ සෞඛ්‍ය තත්වය පිළිබඳව අවබෝධයක් ලබාගැනිමට හැකිවන් ඇතර ලබාගත් දත්ත උපයොගිකරගනිමින් අවශ්‍ය සෞඛ්‍ය පුරුදු වලට ළමුන් යොමු කෙරෙනු ඇති. සුදුසු ආහාර, සුදුසු ව්‍යායාම, නිවැරදි සෞඛ්‍ය පුරුදු ආදියට ළමුන් යොමු කිරීම මෙහිදී සිදුකෙරෙ.

ආනන්ද විද්‍යාලයේ විදුහල්පති ලාල් දිසානායක මහතාගේ සහභාගිත්වයෙන් සෞඛ්‍ය ප්‍රවර්ධන කාර්යාංශයේ පැවති මාධ්‍ය හමුවකදී මේ කරුණු අනාවරණ විය.

ඉරානය හා ඇමරිකාව අතර තීරණාත්මක සාකච්ඡාවක්

එළැඹෙන සතියේ අමෙරිකාව සහ ඉරානය අතර සාකච්ඡාවක් පැවැත්වීමට නියමිත බව අමෙරිකානු ජනාධිපති ඩොනල්ඩ් ට්‍රම්ප් පවසා තිබෙනවා.

එම අවස්ථාවේදී ඇතැම්විටකදී අවබෝධතා ගිවිසුමකට පවා එළැඹිය හැකි බව ඇමෙරිකානු ජනාධිපතිවරයා පවසා තිබෙන බව විදෙස් මාධ්‍ය වාර්තා කරනවා.

ඉරානය තම න්‍යෂ්ටික වැඩසටහන නැවත ගොඩනඟා ගැනීමට උත්සාහ කළහොත් එයට ඉඩ නොදන බවත් ට්‍රම්ප් පවසා තිබෙනවා.

කෙසේ වෙතත් ඉරානයේ උත්තරීතර නායක අයතුල්ලා අලි කමේනි පවසා තිබුණේ ඉරානයට එරෙහි ඊශ්‍රායලයේ මිලිටරි ප්‍රහාරයට එක්වීමෙන් අමෙරිකාව රාජතාන්ත්‍රිකභාවය පාවා දී ඇති බවත්, එයින් ඇඟවෙන්නේ වොෂින්ටනය සමඟ තවදුරටත් සංවාදයක් කළ නොහැකි බවයි.

ක්ෂුද්‍ර කුඩා හා මාධ්‍ය පරිමාණ ව්‍යවසායකන් දේශපාලන පාපන්දුවක් වෙලා – විපක්ෂ නායක

ක්ෂුද්‍ර කුඩා හා මාධ්‍ය පරිමාණ කර්මාන්ත කරුවන් සහ ව්‍යවසායකන්ගේ ගැටලු වලට විසඳුමක් ලැබි නැතැයි විපක්ෂ නායකයා සජිත් ප්‍රේමදාස පවසනවා.


පරාටේ නීතීය උපයෝගී කරගනිමින් ඔවුන්ගේ දේපල සහ සම්පත් අත්තනෝමතික සහ හිතුමතේ ට වෙන්දේසි කිරීම සම්බන්ධයෙන් විපක්ෂයේ විරෝධය පෑවත් රජය එම නීතීය ගෙන ඒම කල් දැමූ බව විපක්ෂ නායක වරයා වැඩිදුරටත් පවසා සිටියා.


රජය ලබා දෙන තීන්දු මහබැංකුව ගනන් නොගන්නා බවත් මහබැංකු බාණ්ඩාගාරය ලබදෙන උපදෙස් බැංකු පද්ධතිය ගනන් නොගන්නා බවත් විපක්ෂ නායකවරයා පැවසුවා.

රජයේ උපදෙස් පැහැර හැරීම නිසා ආණ්ඩුවක් තිබේද යන්න ගැටලුව පවති.

“ක්ෂුද්‍ර කුඩා හා මධ්‍යම පරිමාණ කර්මාන්ත කරුවන් සහ ව්‍යවසායකයින් පාපන්දුවක් කර නොගන්නා ලෙසත් මැතිවරණ සමයේ දුන් පොරොන්දු කඩිනමින් ක්‍රියාත්මක කර දෙන ලෙස” විපක්‍ෂ නායකවරයා රජයෙන් ඉල්ලා සිටියි.

එමෙන්ම ක්ෂුද්‍ර කුඩා සහ මධ්‍යම ව්‍යවසායකයින් ආරක්ෂා කළ යුතු බවයි ඔහු පවසා සිටියේ.
රටේ දළ දේශීය නිෂ්පාදනයට 50% ක දායකත්වයක් ලබා දෙන මේ පිරිස, ලබා දී ඇති රැකියා ප්‍රමාණය ලක්ෂ 40 කට ආසන්න වේ.

ජූනී 30 සිට නැවත වරක් දේපල වෙන්දේසීය සිදුවන බව පැවසු විපක්ෂ නායකවරයා උද්ගතව ඇති ගැටලුව සම්බන්ධයෙන් කඩිනමින් විසඳුමක් ලබා දෙන ලෙසයි රජයට පැවසුවේ.

නවෝත්පාදනය සදහා තරුණයන් යොමුකිරිමට ජාත්‍යන්තර සහාය

ශ්‍රී ලංකාවේ පර්යේෂණ, සංවර්ධන සහ නවෝත්පාදන ක්ෂේත්‍ර ශක්තිමත් කිරීමේ අරමුණින් පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC), ආසියානු සංවර්ධන බැංකුව (ADB) සහ ජපන් ජාත්‍යන්තර සහයෝගීතා නියෝජිතායතනය (JICA) අතර සාකච්ඡා කිහිපයක් පසුගිය දිනවල පැවැත්වුණා.

මෙම සාකච්ඡාවලදී අවධාරණය කර ඇත්තේ ව්‍යවසායක ක්ෂේත්‍රයේ අනාගත නායකයින් ලෙස තරුණ පරපුර සවිබල ගැන්වීමත්, විශේෂයෙන් විද්‍යා, තාක්ෂණ හා පර්යේෂණ ක්ෂේත්‍ර ආශ්‍රිත ප්‍රාරම්භ-ව්‍යාපාර (startups) සහ සුළු හා මධ්‍ය පරිමාණ ව්‍යාපාර (SMEs) තිරසාර සහ ස්ථායී ව්‍යාපාර බවට පරිවර්තනය කිරීමට දිරිගැන්වීමේ අවශ්‍යතාව පිළිබඳවයි.

අඛණ්ඩව සිදු කෙරෙන මෙම සාකච්ඡාවලින් අනෙකුත් පාර්ශ්වකරුවන්ගේ සහායද ලබා ගනිමින්, විද්‍යා සහ තාක්ෂණ නව ජාතික ප්‍රතිපත්තියට අනුකූලව, ශ්‍රී ලංකාව විද්‍යාපාදක ව්‍යවසායකත්වය සඳහා කලාපීය කේන්ද්‍රස්ථානයක් බවට පත් කිරීම අරමුණයි.

නවෝත්පාදන, තරුණ නායකත්වය සහ ජාත්‍යන්තර සහයෝගීතාව මත පදනම් වූ ආර්ථිකයක් රට තුළ ගොඩනැගීමට අවශ්‍ය මැදිහත්වීම සිදු කිරීමට පර්යේෂණ සහ සංවර්ධන වාණිජකරණ ජාතික ප්‍රවේශය (NIRDC) අපේක්ෂා කරයි.

ජපන් ජාත්‍යන්තර සහයෝගීතා නියෝජිතායතනය (JICA) නියෝජනය කරමින් එහි ප්‍රධාන නියෝජිත කුරොනුමා කෙන්ජි (Kuronuma Kenji), ජ්‍යෙෂ්ඨ නියෝජිත ඉඩෙ යුරි (Ide Yuri) යන ඇතුළු පිරිසක්ද, ආසියානු සංවර්ධන බැංකුව නියෝජනය කරමින් (ADB) ශ්‍රී ලංකා නියෝජිත තකෆුමි කඩොනො (Takafumi Kadono) ද, සිංගප්පූරුවේ නන්‍-යැන්ග් තාක්ෂණ විශ්වවිද්‍යාලයෙහි (Nanyang Technological University) මහාචාර්ය ලර්වෙන් ලු (Professor Lerwen Liu) සහ IITM ප්‍රවර්තක් තාක්ෂණ පදනමෙහි (IITM Pravartak Technologies Foundation) නව ප්‍රවේශයන්හි (New Initiatives) ප්‍රධානියා වන රාජේන්ද්‍ර මෝතා (Rajendra Mootha) යන විද්වතුන්ද මෙම සාකච්ඡාවලට එක් ව තිබෙනවා.

කලාපීය සාමය සහ ස්ථාවරත්වය පිලිබද ඉරාන ශ්‍රී ලංකා සාකච්ඡා

කලාපීය සාමය සහ ස්ථාවරත්වය සඳහා තිරසර රාජතාන්ත්‍රික උත්සායන්හි වැදගත්කම පිලිබද අවදානය යොමුකරමින් මෙරට ඉරාන තානාපතිවරයාට සහ විදේශ කටයුතු අමාත්‍ය විජිත හෙරත් අතර සාකච්චාවක් ඊයේ (26) පැවැත්වුණා.

ඊශ්‍රායලය සහ ඉරානය අතර ඇති කරගත් සටන් විරාමය පිළිබදව මෙහිදී අවධානය යොමු කරමින්
ඉරානයේ සිටින ශ්‍රී ලාංකිකයින්ගේ ආරක්ෂාව සම්බන්ධයෙන් ගෙන ඇති ක්‍රියාමාර්ග පිළිබඳව මෙහිදි සාකච්ඡා කෙරින.

මානව හිමිකම් මහ කොමසාරිස් නැගෙනහිර සංචාරයක

නැගෙනහිර පළාත් ආණ්ඩුකාර ලේකම් කාර්යාලයට ඊයේ (25) එක්සත් ජාතීන්ගේ මානව හිමිකම් පිළිබඳ මහ කොමසාරිස් වොල්කර් ටර්ක් ( Volker Turk ) පැමිණ සාකච්ඡාවක් පවත්වා තිබෙනවා.


මෙහිදි නැවත පදිංචි කිරිම්, අතුරුදහන් වූවන් පිළිබදව, මානව හිමිකම් සුරැකීම පිළිබදව, මත් ද්‍රව්‍ය නිවාරණය හා නැගෙනහිර පළාත තුළ පවතින ඉඩම් ගැටළුව පිළිබදව දිර්ඝව සාකච්ඡා කර තිබෙනවා.

එහිදි මානව හිමිකම් මහ කොමසාරිස්තුමා වර්තමානයේ ශ්‍රී ලංකාවේ රජය විසින් ගෙන ඇති තීරණ පිළිබද හා දුෂණ විරෝධි ප්‍රතිපත්ති පිළිබද සතුටට පත්වන බවද ප්‍රකාශ කළා.

ඔහු ඊයේ පෙරවරුවේ ත්‍රීකුණාමලයේ සිවිල් සංවිධාන හා ආගමික නායකයින් හමුවී සාකච්ඡා කොට පසුව ආණ්ඩුකාර කාර්යාලයේදී මෙම සාකච්ඡාව පවත්වා ඇත්තේ.

වෝලකර් ටර්ක් ( Volker Turk ) මහතා ශ්‍රී ලංකාවේ සිව් දින සංචාරයක නිරතවෙයි.


මෙම අවස්ථාවට විදේශ සේවා හා විදේශ කටයුතු නියෝජ්‍ය අමාත්‍ය අරුන් හොමචන්ද්‍ර මහතා, එක්සත් ජාතීන්ගේ ශ්‍රීලංකාවේ නේවාසික සම්බන්ධීකාරක Marc-André Franche මහතා ඇතුළු දූත පිරිස, නැගෙනහිර පළාත් ප්‍රධාන ලේකම් හා අම්පාර, මඩකලපුව, ත්‍රීකුණාමලය යන දිස්ත්‍රීක්කයන්හි දිස්ත්‍රීක් ලේකම්වරු මෙම අවස්ථාවට එක්ව සිටියා.