කොළඹ මහ නගර සභාවේ බලයත් NPP යට

මෙවර පළාත් පාලන මැතිවරණයේදී මහා නගර සභා 28 න් 23 ක බලය අත්පත් කර ගැනීමට
ජාතික ජන බලවේගය සමත් විය.
වසර 71කට පසු වාමවාදී මතවාදයක් දරණ දේශපාලන පක්ෂයකට
කොළඹ මහ නගර සභාවේ බලය මාරු වීම මෙහි විශේෂත්වයයි.
ජාතික ජන බලවේගය ලබා ගත් ජන්ද සංඛ්‍යාව 81814 වන අතර එය ජන්ද ප්‍රතිශතයෙන් 36.92% කී.
සභිකයින් 48 දෙනෙකු තේරීපත්විය.

කොළඹ මහ නගර සභාවේ මන්ත්‍රී ආසන ගණන 119ක් වන අතර
දෙවෙනි තැනට පත්වූ සමගි ජන බලවේගය මන්ත්‍රී ආසන 29ක්
හිමිකරගෙන තිබේ.
එක්සත් ජාතික පක්ෂය හිමිකර ගත්තේ මන්ත්‍රී ආසන 19කී.
ශ්‍රී ලංකා පොදුජන පෙරමුණ 05, ශ්‍රී ලංකා මුස්ලිම් කොංග්‍රසය 04,
ස්වාධීන කණ්ඩායම් (3) මන්ත්‍රී ආසන 03 ක් සහ සර්වජන බලය මන්ත්‍රී ආසන 02ක්
ලබා ගැනිණ .

සමගි ජන බල වේගයට කිසිදු මහ නගර සභාවක් දිනාගැනීමට නොහැකි වුවත්
කින්නියා නගර සභාවේ බලය ලබා ගැනීමට හැකි විය.
යාපනය සහ ත්‍රිකුණාමලය මහ නගර සභා හි බලය තහවුරු කර ගත්තේ
ඉලංගෙයි තමිල් අරසු කච්චි පක්ෂයයී.
වවුනියාව මහා නගර සභාවේ බලය හිමි වුයේ ප්‍රජාතන්ත්‍රවාදී දෙමල ජාතික සන්ධානයටයි.
හපුතලේ නගර සභාවේ බලය ස්වාධින කණ්ඩායමක් විසින් දිනා ගත් අතර,
මුස්ලිම් කොංග්‍රසය කාර්තන්කුඩ් සහ එරාවුර් නගර සභා හී බලය හිමිකර ගන්නා ලදී.

1947දී ආරම්භකරන ලද කොළඹ මහ නගර සභාවේ බලය එක්සත් ජාතික පක්ෂය
අකණ්ඩව පවත්වාගෙන යනු ලැබිණි. 1954දී සමසමාජ පක්ෂය මෙහි බලය ලබාගත් අතර
ආචාර්ය ඇන්.ඇම්. පෙරේරා කොළඹ පුරපති පදවියට පත් විය.
2006දී එක්සත් ජාතික පක්ෂයේ අපේක්ෂක ලැයිස්තුව ප්‍රතික්ෂේප වීම හේතුවෙන්
එජාප සහාය ලද, කන්නාඩිය ලකුණ නියෝජනය කරන කණ්ඩායම ජයග්‍රහණය කර
කොළඹ මහ නගර සභාවේ බලය ලබා ගත්තේය.

ජේ.ආර්. ජයවර්ධන සහ ආර්. ප්‍රේමදාස වැනි නායකයන් සිය දේශපාලන ගමන ආරම්භ කරන
ලද්දේද, කොළඹ මහ නගර සභාවෙනි

පලාත් පාලන ආයතනවල වැඩි බලය මාලිමාවට – දෙවැනි තැන සජබයට

2025 පළාත් පාලන මැතිවරණයට අදාළව මේ වනවිට නිකුත්වී ඇති නිල ඡන්ද ප්‍රතිඵලවලට අනුව ජාතික ජන බලවේගය බහුතර පළාත් පාලන ආයතන සංඛ්‍යාවක බලය තහවුරු කර ගෙන තිබේ.
මෙවර ඡන්දයෙන් පැවැති පළාත් පාලන ආයතන 339න් ජාතික ජන බලවේගය පළාත් පාලන ආයතන 265ක බලය හිමි කරගැනීමට සමත්වී ඇත. ඊට මන්ත්‍රී ධූර 3927 ක් අයත්. එය සියයට 43.26ක ප්‍රතිශතයක් ලෙස සටහන් වේ.
සමගි ජන බලවේගය පළාත් පාලන ආයතන 14ක බලය හිමි කර ගැනීමට සමත්වූ අතර හිමිව ඇති මුළු මන්ත්‍රී ධූර සංඛ්‍යාව 1767කි. ශ්‍රී ලංකා පොදුජන පෙරමුණ මන්ත්‍රීධූර 742ක්ද ලබා ගත්තද ඔවුන්ට කිසිදු පළාත් පාලන ආයතනයක බලය හිමි කර ගැනීමට නොහැකි වී තිබේ. එක්සත් ජාතික පක්ෂයටද කිසිදු පළාත් පාලන ආයතනයක බලය නොලැබූ අතර එම පක්ෂය ලබා ගෙන ඇති සමස්ථ මන්ත්‍රීධූර සංඛ්‍යාව 381කි.
මේ අතර ඉලංගෙයි තමිළ් අරසු කච්චි පක්ෂය (ITAK) පළාත් පාලන ආයතන 35ක්, ශ්‍රී ලංකා මුස්ලිම් කොංග්‍රසය පළාත් පාලන ආයතන 6ක්, ප්‍රජාතන්ත්‍රවාදී දෙමළ ජාතික සන්ධානය පළාත් පාලන ආයතන 1ක්, සමස්ත ලංකා මහජන කොංග්‍රසය පළාත් පාලන ආයතන 3ක් ලෙස බලය ලබා ගෙන තිබේ.

2018 වර්ෂයේ පැවති පළාත් පාලන මැතිවරණයේදී ශ්‍රී ලංකා පොදුජන පෙරමුණ පළාත් පාලන ආයතන 231ක බලය හිමිවිය. එහිදී පළාත් පාලන ආයතන ප්‍රතිශතයක් ලෙස බලය බෙදීයාමේදී ශ්‍රී ලංකා පොදුජන පෙරමුණ සියයට 70ක බලය හිමි කර ගෙන තිබුණි. 2018 වසරේ ආණ්ඩු බලය ගෙන ගිය යහපාලන ආණ්ඩුවේ ප්‍රධාන පක්ෂයක් වූ එක්සත් ජාතික පක්ෂය පළාත් පාලන ආයතන 34 ක බලය හිමිකරගත් අතර ශ්‍රී ලංකා නිදහස් පක්ෂයට සහ එක්සත් ජනතා නිදහස් සන්ධානයට බලය හිමි වුයේ පළාත් පාලන ආයතන 09 ක් පමණයි.
එම මැතිවරණයේදී ඉලංකෙයි තමිල් අරුසුකච්චි පක්ෂයට පළාත් පාලන ආයතන 43ක බලය හිමි වූ අතර ලංකා කම්කරු කොංග්‍රසය නුවරඑළිය දිස්ත්රික්කයේ පළාත් පාලන ආතන 05 ක බලය හිමිකර ගැනීමට සමත් විය. ශ්‍රී ලංකා මුස්ලිම් කොංග්‍රසයට ත්‍රිකුණාමල දිස්ත්‍රික්කයේ මූර්තූර්, කින්නියා සහ කුච්චුවේලි ප්‍රාදේශිය සභාවල බලය හිමි විය.
2025 පළාත් පාලන ආයතන ඡන්ද විමසීමට සුදුසුකම් ලබා ඇති ඡන්ද දායකයින් සංඛ්‍යාව 17,156,338ක්. ඡන්ද විමසීම පැවැත්වෙන පළාත් පාලන ආයතන සංඛ්‍යාව 339ක් වන අතර ඒ අතරට මහ නගර සභා 28ක්, නගර සභා 36ක්, ප්‍රාදේශීය සභා 275ක් (කල්මුණේ නගර සභාව සහ ඇල්පිටිය ප්‍රාදේශීය සභාව හැර) සෙසු පළාත් පාලන ආයතන සඳහා සභිකයින් තෝරා පත් කර ගැනීමට නියමිතයි.
අද පැවැති මාධ්‍ය හමුවකට සහභාගී වෙමින් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පැවසූවේ තනි පක්ෂයක් ලෙස මේවන විට ජාතික ජන බලවේගය පළාත් පාලන ආයතන 254ක බලය හිමිකරගෙන තිබෙන බවයි.

තනි පක්ෂයක් ලෙස වැඩි ඡන්ද දිනාගත්තද අනෙක් පක්ෂ සියල්ල එක්වුවහොත් ඇතැම් පළාත් පාලන ආයතන වල ජාතික ජනබලවේගයට වඩා වැඩි මන්ත්‍රී ධූර සංඛ්‍යාවක් ලබාගෙන තිබේ. 2018 පළාත් පාලන මැතිවරණයේදී ශ්‍රී ලංකා පොදුජන පෙරමුණේ ජයග්‍රහණයේදී ලබා ගත් පළාත් පාලන ආයතන වලට වඩා වැඩි පළාත් පාලන ආයතන සංඛ්‍යාවක බලය හිමි කර ගැනීමට ජතික ජන බලවේගයට සමත්වූ බවත් ටිල්වින් සිල්වා මහතා පැවසීය.
පළාත් පාලන ආයතනවල තනි පක්ෂයක් හෝ ස්වාධීන කණ්ඩායමක තේරී පත්වන සභිකයින් සංඛ්‍යාව සියයට 50ක් හෝ ඊට වැඩි වුවහොත් අදාළ පක්ෂයට හෝ කණ්ඩායමට සභාපති හා උප සභාපති නම්කර එවන ලෙස මැතිවරණ කොමිසම දැනුම්දෙයි. එසේ බලයක් නොගතහොත් ඊට මැතිවරණ කොමිසම මැදිහත් නොවී සභාපති හෝ නගරාධිපති පත් කරගැනීම අදාළ පළාත් පාලන ආයතනයේ සභිකයින්ගේ එකඟතාවයෙන් සිදු කෙරෙනු ඇත.

අසාධාරණ වෙළඳ ගිවිසුමකට යටත් වීමට ඇමරිකාවයුරෝපා සංගමයට(EU) අනවශ්‍ය බලපෑම් නොකළ යුතුයි -යුරෝපා සංගමය

අසාධාරණ වෙළඳ ගිවිසුමකට යටත් වන ලෙස ඇමරිකාව යුරෝපා සංගමයට(EU) අනවශ්‍ය බලපෑම් නොකළ යුතු බව යුරෝපීය වෙළඳ හා ආර්ථික ආරක්ෂාව පිළිබඳ කොමසාරිස් Maros Sefcovic මහතා පවසයි.

යුරෝපා සංගමය කිසිසේත්ම දුර්වල නොවන අතර අසාධාරණ ගිවිසුමක් පිළිගැනීමේ අනවශ්‍ය පීඩනයක නොසිටින බවත්, සිය යෝජනා මේ වනවිටත් ඇමරිකාවට ඉදිරිපත් කළ බවත් හෙතෙම පැවසීය. යුරෝපා සංගමයේ සැමවිටම සාධාරණ උත්සහායක් ගත්ත ද සාකච්ඡා අසාර්ථක විය හැකි බව ද ඔහු සඳහන් කළේය.

යුරෝපා සංගමය වානේ, ඇලුමිනියම් සහ මෝටර් රථ සඳහා මේ වනවිටත් ඇමරිකාවේ සියයට 25 ක තීරුබදුවලට යටත් ව සිටී. එමෙන්ම අනෙකුත් අපනයන සඳහා ද 10% ක අන්‍යෝන්‍ය තීරුබදු ක්‍රියාත්මක වේ. ඇමරිකාවේ දින 90ක තාවකාලික තීරුබදු විරාම කාලය එළඹෙන ජූලි 8 වන දින අවසන් වන අතර ඉන් පසු තීරුබදු අනුපාතය 20% දක්වා වැඩි විය හැකි ය.

Maros Sefcovic මහතා කියාසිටියේ ඇමරිකාවේ අන්‍යෝන්‍ය තීරුබදු ජාත්‍යන්තර වෙළද නීතිය උල්ලංඝනය කර ඇති බැවින් ඊට එරෙහිව ලෝක වෙළඳ සංවිධානය ඔස්සේ නීත්‍යනුකූල පියවර ගැනීමේ අවස්ථාවක් ද පවතින බවයි. එමෙන්ම මේ ප්‍රශ්නය සඳහා විසඳුම් සෙවීමට විවිධාංගීකරණය හරහා නව වෙළඳපළ වෙත ප්‍රවේශ වීමට උත්සහා ගත යුතු අතර, අත්ලාන්තික් සබඳතාවයෙන් ඔබ්බට ගොස්, ඇමරිකාව සම්බන්ධ නොවන ගෝලීය වෙළඳාමෙන් සියයට 87ක් ලබා ගැනීමේ අවශ්‍යතාවය ද අවධාරණය කර ඇත.

චීනය සමග තීරුබදු සාකච්ඡා පැවැත්වීමට ඇමරිකාවට සැබෑ උවමනාවක් ඇත්නම් තර්ජනය හා පීඩනය නතර කළ යුතු බව චීනය පවසයි

ඇමරිකාව තීරුබදු සම්බන්ධයෙන් සංවාද පවත්වන්නේ නම්, චීනයට තර්ජනය හා පීඩනය එල්ල කිරීම නතර කළ යුතු බව චීනය කියා සිටී.චීන විදේශ අමාත්‍යාංශ ප්‍රකාශක Lin Jian මහතා ඉයේ (6) පැවති නිත්‍ය මාධ්‍ය හමුවේදී මේ බව පැවසීය.

චීනය සමඟ තීරුබදු සම්බන්ධයෙන් සාකච්ඡා කිරීමට ඇති කැමැත්ත ඇමරිකාව මෑතකදී නැවත නැවතත් ප්‍රකාශ කර තිබේ. සංවාද හා සාකච්ඡා මගින් අදාළ ගැටලුව විසඳා ගැනීමට සැබෑ උවමනාවක් ඇමරිකාවට ඇත්නම් සමානාත්මතාවය, ගරු කිරීම් සහ අන්‍යෝන්‍ය ප්‍රතිලාභ මත පදනම්ව චීනය සමඟ සංවාදයක නිරත විය යුතු බව ද Lin Jian මහතා එහිදී අවධාරණය කළේය.

CGTN Sinhala

ගාසා තීරය වෙත යුද මෙහෙයුම් ඉහළ නැංවීමට ඊශ්‍රායලය තීරණය කරයි

ගාසා තීරයේ සිදු කෙරුණු යුද මෙහෙයුම් තුළ ඊශ්‍රායල හමුදාව ඇතැම් ජයග්‍රහණ ලබා ගෙන හමාස් සංවිධානයට පීඩනය එල්ල කළ ද පුද්ගල හුවමාරු ගිවිසුමට එම සංවිධානය තවමත් එකඟ වී නොමැති බව ඊශ්‍රායල ජාතික ආරක්ෂක හමුදාවේ ප්‍රකාශක Effie Defrin මහතා පවසයි .

එබැවින් ඊශ්‍රායල හමුදාව ගාසා තීරය වෙත සිදු කරන යුධ මෙහෙයුම් ඉහළ නංවන බව එම ප්‍රකාශකයා ප්‍රකාශ කළේය. ගාසා තීරයේ ගුවන් ප්‍රහාර එල්ල කිරීම, සන්නද්ධ පුද්ගලයන් හා යටිතල පහසුකම්වලට පහර දීම, ගාසා තීරයේ බහුතර පුද්ගලයන් විකල්ප ස්ථානවල පදිංචි කිරීමද ඊට ඇතුළත් ය. සිරබාරයේ සිටින ඊශ්‍රායල පුද්ගලයන් නිදහස් කිරීම මෙන්ම ගාසා තීරයේ හමාස් සංවිධානයේ පාලනය පෙරළා දැමීම එහි අරමුණ බව ද Effie Defrin මහතා කියා සිටියේය.

CGTN Sinhala

“මැතිවරණය සාමකාමීයී.ශ්‍රී ලංකාව යහපත් මැතිවරණ සංස්කෘතියට ප්‍රවේශවීතිබෙනවා.” මැතිවරණ නිරීක්ෂකයෝ තහවුරු කරති.

“මැතිවරණය සාමකාමීයී.ශ්‍රී ලංකාව යහපත් මැතිවරණ සංස්කෘතියට ප්‍රවේශවීතිබෙනවා.” - ප්‍රජාතන්ත්‍රීය ප්‍රතිසංස්කරණ හා මැතිවරණ අධ්‍යයන ආයතනයේ විධායක අධ්‍යක්ෂ මංජුල ගජනායක

පළාත් පාලන මැතිවරණයේ පශ්චාත් මැතිවරණ කාලය තුළ නීති උල්ලංඝනය කිරීම් කිසිවක් වාර්තා නොවන බව මැතිවරණ නිරීක්ෂණ කණ්ඩායම් තහවුරු කරයි. මෙම තත්වය මගින් ශ්‍රී ලංකාව යහපත් මැතිවරණ සංස්කෘතියකට ප්‍රවේශ වී තිබෙන බව තහවුරු වී ඇතැයි ප්‍රජාතන්ත්‍රීය ප්‍රතිසංස්කරණ හා මැතිවරණ අධ්‍යයන ආයතනයේ විධායක අධ්‍යක්ෂ මංජුල ගජනායක පවසයි.

“ප්‍රජාතන්ත්‍රීය ප්‍රතිසංස්කරණ හා මැතිවරණ අධ්‍යයන ආයතනය සමස්ථ මැතිවරණ කාල සමය තුළම මැතිවරණ නිරීක්ෂණයෙහි යෙදුණා. අද දක්වා පවත්වන ලද දීපව්‍යාප්ත ඡන්ද විමසීම් අතර ඉතාමත්ම අවම රාජ්‍ය දේපළ අවභාවිතාවක් සහිත ප්‍රචණ්ඩ ක්‍රියා විරහිත මැතිවරණයක් සාක්ෂාත් කළා. ඊයේ දිනේදී පැවති මැතිවරණය මෑත කාලීනව පවත්වන ලද ඡන්ද විමසීම ඇසුරෙන් සහ පළාත් පාලන ඡන්ද විමසීම් අතර විශේෂයෙන්ම ඡන්ද දායකයින් හට සුවිශේෂී අවස්ථාවක් උදාවුණේ මේ ඔස්සේ තමන්ගේ අපේක්ෂකයා හෝ දේශපාලන පක්ෂය තෝරා ගන්නට.එබැවින් ශ්‍රී ලංකාව ඉතාමත් යහපත් මැතිවරණ සංස්කෘතියකට ප්‍රවේශ සිටිනවා. එබැවින් අපට සටහන් කරන්නට හැකියි ඉතාමත් අවම සිද්ධීන් ප්‍රමාණයක් සහිත උසස් ආකාරයේ මැතිවරණ ක්‍රියාවලියක් ඊයේ දිනයේදී අවසන් වුණා.”

පශ්චාත් මැතිවරණ තත්ත්වය පිළිබඳව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා ප්‍රකාශ කලේ,

“පළාත් පාලන මැතිවරණ ප්‍රතිඵල මේ වන විට ප්‍රකාශයට පත් වී අවසන් වෙමින් තිබෙන්නේ. පශ්චාත් කාලය තුළ එකම සිදුවීමක්වත් වාර්තා වන්නේ නැහැ. මේ ඉතාමත් සාධනීය තත්ත්වයක්. පහුගිය පාර්ලිමේන්තු මැතිවරණය වගේම මේ මැතිවරණයේත් පශ්චාත් කාලයේදී කිසිදු ගැටුමක් වාර්තා වන්නේ නැහැ. අප විශ්වාස කරනවා ඉදිරි දින කිහිපය තුළත් මෙම සාමකාමී බව ආරක්ෂා කරගන්නට සියලුම දේශපාලන කණ්ඩායම් ක්‍රියා කරයි කියලා.”

මැතිවරණ නිරීක්ෂණ කටයුතු සඳහා පැෆරල් සංවිධානය විසින් නිරීක්ෂකයින් තුන්දහසක ප්‍රමාණයක් ඡන්ද මධ්‍යස්ථානය ඇතුළත සහ පිටත තත්ත්වයන් නිරීක්ෂණය කිරීම සඳහා යොදවා තිබුණි. ඊට අමතරව ජංගම නිරීක්ෂණ රථ දෙසීයක් ද ලංකාව පුරා සෑම මැතිවරණ කොට්ටාසයක්ම ආවරණය වන පරිදි ඡන්ද මධ්‍යස්ථාන අතරතුර තත්ත්වය නිරීක්ෂණය කිරීම සඳහා යොදවා තිබුණි.

පළාත් පාලනයේදී ආණ්ඩු පක්ෂය සහ විපක්ෂය ලෙස බෙදීමක් නොමැති බවත් කුමන කණ්ඩායම දේශපාලන බලය ලබා ගත්තත් සියලු පාර්ශවයන් වල වගකීම තමන්ගේ ගම සහ නගරය සංවර්ධනය කිරීමේ වැඩසටහන් ඉදිරියට ක්‍රියාත්මක කිරීමට සාමූහිකව සියළු දෙනා ක්‍රියා කිරීම බව පැෆරල් සංවිධානයේ විධායක අධ්‍යක්ෂ රෝහණ හෙට්ටිආරච්චි මහතා වැඩිදුරටත් පවසා සිටියා.

කාශ්මීරයේ ගුවන් ප්‍රහාර අතර ඉන්දීය ප්‍රහාරක ජෙට් යානා පහක් වෙඩි තබා බිම දැමූබව පකිස්තානය කියයි

Pakistan says it shot down five Indian fighter jets during airstrikes in Kashmir

පකිස්ථානයේ සහ පකිස්ථාන පරිපාලනයට අයත් කාශ්මීරයේ ස්ථාන නවයක් ඉලක්ක කර ගනිමින් ඉන්දියාව විසින් ප්‍රහාර මාලාවක් ඊයේ දිනයතුල සිදුකොට ඇත. 24News රූපවාහිනී නාලිකාව වාර්තා කළේ මෙම ප්‍රහාර මගින් පකිස්තානයෙ ,අහමඩ්පූර් ෂාර්කියා, මුරිඩ්කේ, මුසෆරාබාද්, කොට්ලි, බාග් සහ ෂකර්ගාර් ඇතුළු ප්‍රදේශවල සිවිල් වැසියන් 26 දෙනෙකු මිය ගොස් 46 දෙනෙකු තුවාල ලැබූ බවයි.
ප්‍රති ප්‍රහාර එල්ලකළ පකිස්ථානය, ඉන්දීය ප්‍රහාරක ජෙට් යානා පහක් වෙඩි තබා බිම දැමූ බවත්,එහි ප්‍රතිඵලයක් ලෙස තවත් සිවිල් වැසියන් විශාල ප්‍රමානයකට හානි සිදු වූ බවත් පකිස්තානය ප්‍රකාශ කරයි. දේශසීමා හරහා ෂෙල් වෙඩි ප්‍රහාර එල්ල කිරීම තවදුරටත් සිදුවන බව AP පුවත් සේවය වාර්තාකරයි.
මේ අතර එක්සත් ජාතීන්ගේ ආරක්ෂක මණ්ඩලය දෙරටෙන්ම ඉල්ලාසිටින්නේ එදිරිවාදිකම පසෙකලා සාකච්චාවෙන් සම්මුතියකට එන ලෙසයි. ඇමරිකා එක්සත් ජනපදය සහ එක්සත් රාජධානිය ඇතුළු ලෝක නායකයින් පවතින තත්වය තවදුරටත් උත්සන්න වීම වැළැක්වීම සඳහා වහාම සංයමයෙන් කටයුතු කරන ලෙස ඉල්ලා තිබේ.

channel 7

Today News

කෙසෙල් පෙට්ටිවලින් රට පුරා ආයුධ ප්‍රවාහනය කරන හැටි

SPAවලට පනින පොලිසියට ‘ SPA අයිතිකරුවන් ‘ දැළ එලන්න හදන හැටි

ඕස්ට්‍රේලියාවේ බිලියනපතියෙක් වූ ‘පළමු ලාංකිකයා’ රොෂ් ජලග්ගේ ගැනයි මේ

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි