නාගරික සංවර්ධන අධිකාරියේ හිටපු අධ්‍යක්ෂ ජනරාල් අත්අඩංගුවට
හිටපු ජනාධිපති මහින්ද නිල නිවස හැර යයි
මහසිලුගේ මළ සිරුර හමුවේ
පාර්ලිමේන්තුව තුළ උණුසුම් තත්ත්වයක්
තෙල් පිරිපහදුවේ ගින්න ට හේතුව සොයන්න පරීක්ෂණයක්
Hot News

බාහිරින් පැමිණෙන අභියෝගවලට මුහුණ දීමට දැන් හැකියාව තියෙනවා – මහබැංකු අධිපති.

මෑත කාලීනව ක්‍රියාත්මක මුදල් ප්‍රතිපත්තිය, සංචිත වැඩි දියුණු කිරීම සහ විචක්ෂණශීලී මූල්‍ය කළමනාකරණය නිසා ගොලීය…

Editor
Hot News

සමාජවාදී නැඹුරු වෙළඳපළ ආර්ථිකයකට පරිවර්තනය කරමින් ශ්‍රී ලංකාව එහි නවීකරණයට පියවර ගනිමින් සිටිනවා.

1986 දී ආරම්භ කරන ලද වියට්නාමයේ ප්‍රතිසංස්කරණවලට සමාන්තරව, රට සමාජවාදී-නැඹුරු වෙළඳපළ ආර්ථිකයකට පරිවර්තනය කරමින්, ශ්‍රී…

Channel7.lk
Hot News

ජගත් පරිසර දිනය වෙනුවෙන් කොළඹ සමුද්‍ර මාවත වෙරළ තීරයේ පැළ සිටුවීමේ ව්‍යාපෘතියක් සිදුකරයි.

මෙය ජගත් පරිසර දිනය වෙනුවෙන් “ක්ලීන් ශ්‍රී ලංකා” වැඩසටහන මගින් ආරම්භ වේ. මෙය පැල සිටුවා…

Channel7.lk

ග්‍රාමීය මාර්ග සංවර්ධන ව්‍යාපෘති වලට ප්‍රමුඛත්වය දෙන්න- ජනපති.

මෙවර අය වැය මූල්‍ය ප්‍රතිපාදන යටතේ ප්‍රවාහන , මහාමාර්ග, වරාය සහ සිවිල් ගුවන් සේවා අම්ත්‍යාංශය විසින් ක්‍රියාත්මක කරන ව්‍යාපෘති වල ප්‍රගතිය සමාලෝචනය කෙරේ.

සමාලෝචන සාකච්ඡාව ජනාධිපති අනුර කුමාර දිසානායගේ ප්‍රධානන්ත්වයෙන් පැවැත්වුනේ ජනාධිපති කාර්‍යාලයේදී.මුල්‍ය ප්‍රතිපාදන යොදාගනිමින් මහමාර්ග හා ප්‍රවාහන ක්ශෙත්‍රයට අදාලව ක්‍රියාත්මක කර ඇති ව්‍යාපෘති පිලිබදව අදාල නිලධාරී විසින් ජනාධිපතිවරයාව දැනුවත් කරන ලදි. ව්‍යාපෘති වල වත්මන් තත්වය සහ ඒවා ක්‍රියාවට නැංවීමේදී මතුව ඇති ගැටලු පිලිබදව මෙහිදි සාකච්ඡා කෙරිණි.
සාකච්ඡාවේදී ග්‍රාමීය මාර්ග සංවර්ධන ව්‍යාපෘති කඩිනමින් අවසන් කිරීම පිලිබදව වැඩි අවධනායක් යොමු කරන ලෙස ජනාධිපතිවරයා අදාල නිලධාරීන්ට උපදෙස් ලබා දුන්නේය.

ප්‍රාවහන, මහාමාර්ග , වරාය සහ සිවිල් ගුවන් සේවා අමාත්‍ය බිමල් රත්නායක , ජනාධිපති ලේකම් ආචාර්‍ය නන්දික සනත් කුමාර යන මහත්වරු ඇතුලු අමාත්‍යංශ කිහිපයක නිලධාරී මෙම අවස්තාවට එක් විය.

බාහිරින් පැමිණෙන අභියෝගවලට මුහුණ දීමට දැන් හැකියාව තියෙනවා – මහබැංකු අධිපති.

මෑත කාලීනව ක්‍රියාත්මක මුදල් ප්‍රතිපත්තිය, සංචිත වැඩි දියුණු කිරීම සහ විචක්ෂණශීලී මූල්‍ය කළමනාකරණය නිසා ගොලීය වශයෙන් ඇතිවන බලපෑම් වලට මුහුණ දීමට හැකිවී ඇති බව මහබැංකු අධිපති ආචාර්ය නන්දලාල් වීරසිංහ මහතා පවසයි. එක්සත් ජනපදය විසින් නව ආනයන තීරුබදු තන්ත්‍රයක් ප්‍රකාශයට පත් කිරීම එවැනි බාහිර කම්පන වලින් එකකි. මෙහිදී “ඒ හා සමානව, දිගු කාලීන ඉලක්ක සපුරා ගන්නා අතරතුර ඕනෑම කෙටි කාලීන කම්පනයකට මුහුණ දීම සඳහා පෞද්ගලික අංශය තමන්ගේම ආරක්ෂණ නිර්මාණය කළ යුතුය,ඒ සදහා දිගු කාලීනව පෞද්ගලික අංශය වෙළඳපොළ සහ නිෂ්පාදන විවිධාංගීකරණය කළ යුතු බවත්, විවිධ වටිනාකම් දාමයන් වෙත ගමන් කළ යුතු බවත්, එමඟින් ව්‍යාපාර සඳහා අවදානම් අවම කළ යුතු බවත් ඔහු යෝජනා කළේය.අනාගත බාහිර කම්පන පුරෝකථනය කිරීම දුෂ්කර වුවත් , රටට සහ පෞද්ගලික අංශයට ඕනෑම සිදුවීමකට මුහුණ දීමට පමණක් සූදානම් විය හැකි බවත් මහබැංකු අධිපත්වරයා සදහන් කරයි. AmCham Sri Lanka සංවිධානය කළ සංවාදයකට එක්වෙමින් ඔහු මේ අදහස් පකාශ කරන ලදී

“ප්‍රජා සුවදැක්ම 2025” හෙට (7 ) ආරම්භවේ

“ප්‍රජා සුවදැක්ම 2025” හෙට (7 ) ආරම්භවේ. එය දවසපුරා කොළඹ විහාරමහාදේවි උද්‍යනයේදී පැවැත්වේ.

සෞඛ්‍ය හා සුවතාවය උදෙසා ප්‍රජා සෞඛ්‍ය පිළිබඳව ජනතාව දැනුවත් කිරීම එහිදී සිදුවේ. සුව සතුටින් පිරි දිවියකට ජනතාව හුරුකිරීම ප්‍රදර්ශනයේ අරමුණයි.

ශ්‍රීලංකා ප්‍රජා වෛද්‍ය වරුන්ගේ විද්‍යාලය සෞඛ්‍ය හා ජනමාධ්‍ය අමාත්‍යාංශය හා එක්ව ප්‍රදර්ශනය සංවිධානය කරයි.

උදෑසන 7.30 ට දැනුවත් කිරීමේ පාගමන නිදහස් චතරශ්‍රයෙන් ආරම්භවී විහරමහාදේවී උද්‍යානය තෙක් ගමන්කරයි.

උදෑසන 9.30 ට ප්‍රදර්ශනය ආරම්භවේ . අධ්‍යාපන කුටි, සුවතා වැඩමුළු, ළමා චිත්‍ර ප්‍රදර්ශන ආදිය ඊට ඇතුලත්ය . නොමිලේ සෞඛ්‍ය පරීක්ෂණ කරගැනීමට ද මෙහිදී අවස්ථාව සැලසේ.

මුහුදුබඩ මාර්ගයේ දුම්රිය වර්ජනය නතරකරයි

අද දහවල් 12.00 සිට සිදුකිරීමට සැලසුම් කරතිබූ මුහුදුබඩ මාර්ගයේ දුම්රිය වර් ජනය සිදුනොකරිමට දුම්රිය රියදුරන්ගේ සංගමය තීරණය කරයි.

එම සංගමයේ ලේකම් චන්දන වියන්දුව මහතා චනෙල් 7 වෙත ප්‍රකාශකලේ ,දුම්රිය සාමාන්‍යාධිකාරිවරයා සමග පවතී සාකච්චාවකින් පසුව මෙම තීරණය ගත් බවයි.

මුහුදුබඩ දුම්රිය මාර්ගයේ පවතින අනාක්ෂිත බවට හේතුවූ තාක්ෂණික ගැටළු විසදන බවට දුම්රිය සාමාන්යධිකාරිවරයා පොරොන්දුවීමෙන් පසු මෙම තීරණය ගෙන තිබේ .

මෙම දුම්රිය මාර්ගයේ ඊයේ දින සිදුවිමටගිය අනතුරක් වලක්වාගනිමෙන් පසු ඇතිවූ වාතාවරණය මත මෙම වර් නය සංවිධානය කර තිබුණි. මහජනතාවගේ සහ දුම්රිය සේවකයන්ගේ ආරක්ෂාව සම්බන්දයෙන් කලක සිට පවතින ගැටලු වලට විසදුම් ලබාගැනීම මෙහි අරමුණ වූ බව ලේකම්වරයා වැඩිදුරටත් සදහන් කරණ ලදී.

ඉන්දුනීසියාව සහ ශ්‍රීලංකාව අතර වෙළෙඳ ගිවිසුම්

විදුලි වාහන නිෂ්පාදනයේ කේන්ද්‍රස්ථානයක් බවට පත්ව ඇති ඉන්දුනීසියාව ශ්‍රීලංකාව සමඟ විදුලි බස්රථ නිෂ්පාදන කටයුතු වලට එකඟවේ.
දැනට සාකච්ඡා මට්ටමේ පවතින වරණීය වෙළෙඳ ගිවිසුම කඩිනමින් අවසන් කරගැනීමට ශ්‍රීලංකා රජය අපේක්ෂා කරයි.

ඉන්දුනීසියානු තානාපතිනි දේවි ගුස්ටිනා ටොබින් (Dewi Gustina Tobin ) මහත්මිය සහ විදේශ කටයුතු අමාත්‍ය විජත හේරත් මහතා අතර පැවති සාකච්ඡාවකදී මේ කරුනු අනාවරණය විය.

ඛනිජ වැළි අපනයනය කරන රටවල එකමුතුවක් ඇතිකර ඛනිජ ද්‍රව්‍ය අගය එකතුකල නිෂ්පාදනයක් ලෙස අපනයන කිරීම පිළිබඳව තානාපතිතුමිය අදහස් දැක්වීය.

ඒ සඳහා ශ්‍රීලංකාව තාක්ෂණික දැනුම සහ උපකරණ ලබාගැනීම වෙනුවෙන් ද්වීපාර්ශවික සහයෝගිතාවය ලබාගැනීමට අමාත්‍යවරයා එකඟතාව පලකලේය. හැත්තෑ වසරක් සපුරන බැංඩුන් සමුළුවේ ඉදිරි සැසිවාරයට සහභාගි වනලෙස තානාපති වරිය ශ්‍රීලංකා රජයට ආරාධනා කලාය.

“ඉවතලන බැරල් කසල බඳුන් ” ලෙස දිවයින පුරා බෙදා හැරීමේ ව්‍යාපෘතියක්

” ඉවතලන බැරල් ප්‍රමිති ගත කසල බඳුන්” ලෙස දිවයින පුරා බෙදා හැරීමේ ව්‍යාපෘතියක් ආරම්භ කෙරේ. සිපෙට්කෝ සමාගම සහ ක්ලීන් ශ්‍රී ලංකා සමාගම එක්ව මෙම ව්‍යාපෘතිය දියත් කර ඇත.


දිවයින පුරා ක්‍රියාත්මක මෙම ව්‍යාපෘතිය ඊයේ මුතුරාජවෙලින් ආරම්භ කෙරිණ. දිරන ‍ද්‍රව්‍ය සහ පොලිතීන් වෙන් වෙන්ව බහාලිය හැකි ලෙස මෙම කසල බදුන් සකසා ඇත.

මේ අතර ලංකා ඛනිජ තෙල් නීතිගත සංස්ථාවද ක්ලීන් ශ්‍රී ලංකා වැඩසටහන සමග එක්ව ඊයේ මුතුරාජවෙල ප්‍රදේශයේ පැළ සිටුවීමේ ව්‍යාපෘතියක් දියත් කර ඇත.

ජගත් පරිසර දිනය වෙනුවෙන් ක්‍රියාත්මක මෙම වැඩසටහන සඳහා ක්ලීන් ශ්‍රී ලංකා ලේකම් කාර්යාලයේ නිලධාරීන් සිපෙට්කෝ ආයතනයේ නිලධාරීන් ඛනිජ තෙල් නීති ගත සංස්ථාවේ නිලධාරීන් ද එක් වුණා.

පකිස්ථානයේ කරච්චිහි ඇති වූ භූමිකම්පාවකින් පසු සිරකරුවන් 216ක් පැනගිහින්

පකිස්ථානයේ වරාය නගරයක් වන කරච්චිහි ඇති වූ භූමිකම්පාවකින් පසු, අධි ආරක්ෂිත බන්ධනාගාරයක් තුළ ඇති වූ අවුල් සහගත තත්ත්වක් අතර සිරකරුවන් 200 කට අධික සංඛ්‍යාවක් පලා ගොස් තිබේ.
සින්ද් ස්වදේශ කටයුතු අමාත්‍ය සියා-උල් හසන් ලන්ජාර් විසින් බන්ධනාගාරයෙන් සිරකරුවන් 216 දෙනෙකු පලා ගොස් ඇති බව තහවුරු කරන ලද අතර පැය 24 ක් ඇතුළත 78 දෙනෙකු නැවත අල්ලා ගත් බව ද ඔහු පැවසීය.ගැටුම්කාරී තත්වයන් නිසා පොලිස් නිලධාරීන් සහ රැඳවියන් විසාල පිරිසක් තුවාල ලැබූ බවත් පලා යාමට උත්සාහ කිරීමේදී එක් සිරකරුවෙකු වෙඩි තබා ඝාතනය කළ බවත් ඔහු ප්‍රකාශ කළේය.
මාලිර් බන්ධනාගාරයේ ද ඉන්දීය සිරකරුවන් 100 කට අධික සංඛ්‍යාවක් සිටින අතර, ඔවුන්ගෙන් වැඩි දෙනෙක් පාකිස්තානයේ සාගරයේ නීති විරෝධී ලෙස මසුන් ඇල්ලීමේ චෝදනාව මත සිරගත කර සිටින දුප්පත් ධීවරයින් බවත්වාර්තාවේ. මේ අතර, ඉතිරි පලාගිය අය සොයා ගැනීම සඳහා පොලිසිය බලධාරීන් ඒකාබද්ධ මෙහෙයුමක් දියත් කර ඇත.

සමාජවාදී නැඹුරු වෙළඳපළ ආර්ථිකයකට පරිවර්තනය කරමින් ශ්‍රී ලංකාව එහි නවීකරණයට පියවර ගනිමින් සිටිනවා.

1986 දී ආරම්භ කරන ලද වියට්නාමයේ ප්‍රතිසංස්කරණවලට සමාන්තරව, රට සමාජවාදී-නැඹුරු වෙළඳපළ ආර්ථිකයකට පරිවර්තනය කරමින්, ශ්‍රී ලංකාව එහි නවීකරණය සඳහා පියවර ගනිමින් සිටින බව සෞඛ්‍ය හා ජනමාධ්‍ය අමාත්‍ය නලින්ද ජයතිස්ස පවසයි.

වියට්නාමය සහ ශ්‍රී  ලංකාව සමඟ ආර්ථික සහයෝගීතාව, රාජ්‍ය තාන්ත්‍රික කටයුතු සහ සංස්කෘතික හුවමාරුව කෙරෙහි අවධානය යොමු කරන බවයි ඇමතිවරයා පැවසූවේ.

ශ්‍රී ලංකාව සහ වියට්නාමය අතර ද්විපාර්ශ්වික සබඳතා වැඩිදියුණු කිරීමට සහ ශක්තිමත් කිරීමට වත්මන් රජය කටයුතු කරන බව අමාත්‍යවරයා සඳහන් කළේය.

වියට්නාමයේ හිටපු ජනාධිපති හෝ චි මිං (Ho Chi Minh) පිළිබඳ වූ ජාත්‍යන්තර සම්මන්ත්‍රණයක් පසුගිය දා බොරැල්ල කොමියුනිස්ට් පක්ෂ මූලස්ථානයේ සුගීශ්වර ශලාවේ දී පැවැත්වුණා. 

දේශපාලන මණ්ඩල සභික, පක්ෂ මධ්‍යම කාරක සභා ලේකම්, වියට්නාම් කොමියුනිස්ට් පක්ෂයේ ප්‍රචාරණය, අධ්‍යාපනය සහ මහජන බලගැන්වීම පිළිබඳ කොමිසමේ ප්‍රධානී Nguyen Thanh Nghi විසින් විශේෂ දේශනය සිදු කරනු ලැබුවා.

 “ජනාධිපති හෝ චි මිං සහ වියට්නාමය, ශ්‍රී ලංකාව අතර සාම්ප්‍රදායික මිත්‍රත්වය” නමින් දේශනයක් පැවැත්වුණා.

මෙම උත්සව අවස්ථාවට හිටපු ජනාධිපති මෛත්‍රීපාල සිරිසේන, ශ්‍රී ලංකාවේ වියට්නාම, රුසියන්, කියුබා සහ චීන තානාපතිවරුන්, ශ්‍රී ලංකා කොමියුනිස්ට් පක්ෂයේ ප්‍රධාන ලේකම් වෛද්‍ය ජී.වීරසිංහ මෙන් ම ශ්‍රී ලංකාවේ පක්ෂ රැසක නායකයින්, හිටපු අමාත්‍යවරුන් සහ පාර්ලිමේන්තු මන්ත්‍රීවරුන් පිරිසක් මීට එක්ව සිටියහ.  

ජගත් පරිසර දිනය වෙනුවෙන් කොළඹ සමුද්‍ර මාවත වෙරළ තීරයේ පැළ සිටුවීමේ ව්‍යාපෘතියක් සිදුකරයි.

මෙය ජගත් පරිසර දිනය වෙනුවෙන් “ක්ලීන් ශ්‍රී ලංකා” වැඩසටහන මගින් ආරම්භ වේ.

මෙය පැල සිටුවා රැකබලාගැනීමේ ව්‍යාපෘතියක් ලෙස ආරම්භ කෙරේ. කොල්ලුපිටිය දුම්රිය ස්ථානයේ සිට වැල්ලවත්ත දෙසට ඇති කොළඹ සමුද්‍ර මාවත වෙරළ තීරයේ පැල සිටුවීම ආරම්භ කර ඇත.
“තක්කඩ පැල” 1600 ක් සිටුවීම අරම්භ කෙරුණා.

ඉදිරියේදී මෙම ව්‍යාපෘතිය යටතේ පැළ හය දහසක් දක්වා සිටුවීමට සැලසුම් කර ඇත. රාජ්‍ය, පෞද්ගලික හා මහජන සහභාගිත්වයෙන් මෙය ක්‍රියාත්මක වේ.

කොළඹ නාගරික මන්ත්‍රී ව්‍රායි කලී බල්තසාර්, ජී.එම්. ආර්. ඩී. අපොන්සු යන මහත්ම මහත්මීන් සහ අනුග්‍රහක ආයතන වල නිලධාරින් මීට එක්ව සිටියහ.

එලෝන් මස්ක් හා ට්‍රම්ප් අර්බුදයට හේතුව මුදල් ප්‍රස්නයක් ද?

ජනාධිපති ඩොනල්ඩ් ට්‍රම්ප්ගේ චන්ද ව්‍යයාපාරයට සහාය වීමට එලොන් මස්ක් පොරොන්දු වූ ඩොලර් මිලියන 300 න් අවසාන ඩොලර් මිලියන 100 ලබා නොදී ඇති අතර, එය දෙදෙනා අතර ප්‍රබල විරසකයකට හේතුවී ඇති බව වෝල් ස්ට්‍රීට් ජර්නල් පුවත්පත සදහන් කරයි . අතුරුදහන් වූ එම අරමුදල් කොතැනද යන්න තේරුම් ගැනීමට ට්‍රම්ප්ගේ ප්‍රචාරක කණ්ඩායමට ද අපහසු වී ඇත.

ට්‍රම්ප්ගේ පරිපාලනය සහ ප්‍රධාන ප්‍රතිපත්ති තීරණ පිළිබඳ ඇතිවු කලකිරීම මධ්‍යයේ මස්ක්ගේ ඉවත්වීමේ තීරණයත් සමග මෙම තොරතුරු කරලියට පැමිණෙමින් තිබේ. මස්ක්ගේ පොරොන්දු වූ සහයෝගයේ අවසාන වාරිකය තවමත් නොගෙවා ඇති බව ට්‍රම්ප් උපදේශකයින් වෝල් ස්ට්‍රීට් ජර්නලයට ප්‍රකාශකර ඇත. එලාන් මසක් ගේ ඉවත්වීම ට්‍රම්ප් මහත් ව්යාකුලතාවයට පත්කර තිබුණි .