ඉන්දියාව සහ පකිස්ථානය පූර්ණ හා ක්ෂණික සටන් විරාමයකට

දැඩි යුධමය ප්‍රවෙශයකට ආසන්නව සිටි , ඉන්දියාව සහ පකිස්ථානය පූර්ණ හා ක්ෂණික සටන් විරාමයකට එකඟ වී ඇත.

දරුවන් සම්බන්ධ සිදුවීම් කිසි විටෙකත් දේශපාලනික අවස්ථාවන් නොකරගත යුතුයි.- අග්‍රාමාත්‍ය ආචාර්ය හරිනි අමරසූරිය-

දරුවන් සමබන්ධව සිදුවන අපරාධ සහ සිදුවීම් පිළිබඳව අදහස් ඉදිරිපත් කිරීමේ දී වගකීමෙන් කටයුතු කළ යුතු බවත් එවන් සිදුවීම් කිසිවිටෙකත් දේශපාලන අවස්ථාවන් කර නොගත යුතු බවත් අග්‍රාමාත්‍ය ආචාර්ය හරිනි අමරසූරිය විසින් මැයි 09වැනි දා පාර්ලිමේන්තුවේ දී ප්‍රකාශ කරන ලදී.

කොටහේන ප්‍රදේශයේ පාසල් දැරියක් සියදිවි නසා ගැනීමේ සිදුවීම හා සම්බන්ධව අග්‍රාමාත්‍යවරිය විසින් මෙම අදහස් ප්‍රකාශ කරන ලදී.

දරුවකු සිය දිවි නසා ගැනීමට අදහස් කිරීම සමාජයක් ලෙස අප සියල්ලන් ම අසමත් වූ අවස්ථාවක් බවත් මෙවැනි සිදුවීම් කිසිසේත්ම නැවත් සිදු නොවිය යුතු බවත් මේ මොහොතේ කොටහේන දැරිය සමබන්ධ සිදුවීමට අදාළ සියලු පාර්ශවයන් මූලික කරගනිමින් විමර්ශන කටයුතු සිදු කෙරෙන බවත් අග්‍රාමාත්‍යවරිය විසින් මෙහිදී ප්‍රකාශ කරන ලදී.

එමෙන්ම දරුවන් සමබන්ධව වන සිදුවීම් හා අපරාධ පිළිබඳව කඩිනම් පියවර ගැනීමේ යාන්ත්‍රණයක් කන්තා හා ළමා කටයුතු අමාත්‍යාංශය , අධ්‍යාපන අමාත්‍යාංශය, කාන්තා හා ළමා ආරක්ෂණ අධිකාරිය සහ ශ්‍රී ලංකා පොලීසිය හා එක්ව ඉතා ඉක්මනින් නිර්මාණය කිරීම පිළිබඳව තමන් කාන්තා හා ළමා කටයුතු අමාත්‍ය සරෝජා පෝල්‍ රාජ් මහත්මිය සමඟ සාකච්ඡා කළ බව ද අග්‍රාමාත්‍යවරිය පැවසීය.

මේ පිළිබඳව දරුවාගේ දෙමව්පියන් වෙත සියලු දෙනා කණගාටුව ප්‍රකාශ කරන බවත් රජයක් ලෙස මෙවැනි සිද්ධීන් වළක්වන්න පුළුල් මැදිහත්වීමක් ලබා දෙන බවත් එවැනි දරුවන්ට පූර්ණ ආරක්ෂාව ලබා දීමට වැඩපිළිවෙලක් සකස් කිරීමට කටයුතු කරන බවත් අග්‍රාමාත්‍ය ආචාර්ය හරිනි අමරසූරිය විසින් පාර්ලිමේන්තුවේදී ප්‍රකාශ කරන ලදී.

විපක්ෂයෙන් ඡන්දයට ඉදිරිපත් කළ 34ක්ම අපරාධකාරයෝ

ඇතැම් සංවිධානාත්මක අපරාධවලට සහ මත්ද්‍රව්‍ය ජාවාරම් වලට සම්බන්ධ පුද්ගලයින් 34 දෙනෙකු පසුගිය පළාත් පාලන මැතිවරණයේදී අපේක්ෂකයින් ලෙස ඉදිරිපත් වී ඇති බව මහජන ආරක්ෂක සහ පාර්ලිමේන්තු කටයුතු අමාත්‍ය ආනන්ද විජේපාල ඊයේ (09) පාර්ලිමේන්තුවේදී හෙළිදරව් කළේය.

ඒ අනුව 2025 පළාත් පාලන මැතිවරණයේදී සමගි ජන බලවේගයේ අපේක්ෂකයින් 09ක්ද, ශ්‍රී ලංකා පොදුජන පෙරමුණේ අපේක්ෂකයින් 08ක්ද, පොදුජන එක්සත් පෙරමුණේ අපේක්ෂකයින් 07ක්ද, සර්වජන බලයේ අපේක්ෂකයින් 04ක්ද, එක්සත් ජාතික පක්ෂයේ අපේක්ෂකයින් 03 ක්ද, ස්වාධීක කණ්ඩායම් 03ක්ද ලෙස අපේක්ෂකයින් 34 දෙනෙකු මැතිවරණයට ඉදිරිපත් වී ඇතැයි අමාත්‍යවරයා පෙන්වා දුන්නේය.

අමාත්‍යවරයා එහිදී අපේක්ෂකයින් 34දෙනෙකුගේ නම් ලැයිස්තුවක්ද ඉදිරිපත් කළේය.

A’Bay Connect 2025′ ආරුගම්බේ සංචාරක සමය ඇරබේ

ආරුගම්බේ සංචාරක සමය ආරම්භ කිරීම සඳහා ‘A’Bay Connect 2025’ උත්සවය නිල වශයෙන් දියත් කරන ලදී. ජුනි 6 සිට ජුනි 9 දක්වා පැවැත්වීමට නියමිත මෙම දින හතරක උත්සවය කලාපය තුලින් සංචාරක ව්‍යාපාරය ප්‍රවර්ධනය කිරීම සහ දේශීය හා ජාත්‍යන්තර අමුත්තන් ආකර්ෂණය කර ගැනීම අරමුණුවී තිබේ .

ශ්‍රී ලංකාවේ 2025-2035 දස අවුරුදු ජාතික සෞඛ්‍ය ප්‍රතිපත්තිය සම්පාදනයට විශේෂ විද්වත් කතිකාවතක්.

මෙරට ක්‍රියාත්මක නිදහස් සෞඛ්‍ය සේවාවේ ඉදිරි වසර දහය (2026- 2035) සදහා ක්‍රියාත්මක කිරීමට නියමිත ජාතික සෞඛ්‍ය ප්‍රතිපත්තිය සම්පාදනය කිරීම සදහා සෞඛ්‍ය අංශයේ මෙන්ම අනෙකුත් අංශවල විද්වතුන්ගේ විද්වත් අදහස් ලබා ගැනීමේ අරමුණින් විශේෂ විද්වත් කතිකාවතක් විද්‍යා හා තාක්ෂණ අමාත්‍ය මහාචාර්ය ක්‍රිෂාන්ත අබේසේන සහ සෞඛ්‍ය හා ජනමාධ්‍ය නියෝජ්‍ය අමාත්‍ය වෛද්‍ය හංසක විජේමුණි යන අමාත්‍යවරුන්ගේ ප්‍රධානත්වයෙන් අද (09) බත්තරමුල්ල වෝටර්ස් ඒජ් හෝටලයේ දී පැවැත්විණි.

මෙරට ජනතාවට ගුණාත්මක, ඵලදායි හා කාර්යක්ෂම සෞඛ්‍ය සේවාවක් ලබාදීම මෙන්ම ඉදිරි දසවසරක කාලයේ මෙරට සෞඛ්‍ය ප්‍රතිපත්ති සකස් විය යුතු ආකාරය පිළිබඳව ද මෙම විද්වත් කතිකාවේ දී පුළුල්ව සලකා බැලීමට ද නියමිත ය.

සෞඛ්‍ය හා ජනමාධ්‍ය අමාත්‍යාංශය යටතේ ක්‍රියාත්මක සැලසුම් අංශයේ ප්‍රතිපත්ති විශ්ලේෂණ සහ සම්පාදන ඒකකය මගින් මෙම නව ජාතික සෞඛ්‍ය ප්‍රතිපත්තිය සම්පාදනය කිරීම සිදුකරන අතර, නිවාරණ සේවා, රෝග නිවාරණ සේවා, පුනරුත්ථාපන සේවා, සෞඛ්‍ය පරිපාලනය සහ සෞඛ්‍ය මානව සම්පත් ඇතුළු සියලු අංශයන් ආවරණය වන පරිදි ඉදිරි වසර දහය සදහා යෝජිත මෙම නව ජාතික සෞඛ්‍ය ප්‍රතිපත්තිය සම්පාදනය කිරීමට නියමිතය.

අදියර කිහිපයක් යටතේ ක්‍රියාත්මක වන මෙම නව ප්‍රතිපත්තිය සම්පාදනය කිරීමේ කාර්යයේ දී අවශ්‍ය නායකත්වය මෙන්ම මඟපෙන්වීම සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා ප්‍රමුඛ විද්වත් කමිටුවක් විසින් ලබා දෙනු ලබයි.

මෙම අවස්ථාවට එක්වෙමින් සෞඛ්‍ය හා ජනමාධ්‍ය නියෝජ්‍ය අමාත්‍ය වෛද්‍ය හංසක විජේමුණි මහතා පෙන්වා දෙන ලද්දේ 2025 වසරේ සිට 2035 වසර දක්වා වු ඉදිරි වසර 10 සදහා ජාතික සෞඛ්‍ය ප්‍රතිපත්තිය සම්පාදනය පිළිබඳ සැලසුම් කිරීමට අදාළ ව මුලික විද්වත් කතිකා අද දින සිදු කරන බවත්, එහිදී සෞඛ්‍ය සේවාවේ ඉදිරි ප්‍රතිපත්ති, වැඩපිළිවෙල, ඉලක්කයන් කෙසේ සකස් විය යුතු ද යන්න සාකච්ඡාවට බදුන්වන බව ද පැවසීය. මෙම සැලසුම් සකස් කිරීමේ දී රජයේ ප්‍රතිපත්ති ප්‍රකාශණයේ ඇතුළත් කරුණු ද ඉවහල් කර ගනිමින් සෞඛ්‍ය ක්ෂේත්‍රයට අදාළ ඉදිරි අභියෝගයන්, නව ගෝලීය සහ දේශීය තත්ත්වයන් අධ්‍යයනය කරමින් පුළුල්ව සාකච්ඡාවට ලක් කෙරෙන බව ද පැවසීය.

මෙම කටයුත්ත ජාතික වැදගත්කමකින් යුක්ත වන බවත්, සෞඛ්‍ය යනු මානව අයිතියක් පමණක් නොව, සමාජ සහජීවනය, ආර්ථික සමෘද්ධිය සහ දිගුකාලීන ජාතික සංවර්ධනය සඳහා වූ පදනමක් බව ද පෙන්වා දුන් අමාත්‍යවරයා සියලුම පුරවැසියන්ගේ සෞඛ්‍යය සහ යහපැවැත්ම ආරක්ෂා කිරීමට සහ ප්‍රවර්ධනය කිරීමට රජයට වගකීමක් ඇති බව ද පැවසීය.

ප්‍රාථමික සෞඛ්‍ය සේවා ශක්තිමත් කිරීම සහ ප්‍රජා මට්ටමේ සේවාවන් පුළුල් කිරීම මෙහිදී ප්‍රමුඛ වන බවත්, සෑම ශ්‍රී ලාංකිකයෙකුටම අත්‍යවශ්‍ය සෞඛ්‍ය සේවාවන් සඳහා ප්‍රවේශය සහ සෞඛ්‍ය සම්පන්න ජීවිතයක් ගත කිරීම මෙමගින් සහතික කරන බවද සෞඛ්‍ය හා ජනමාධ්‍ය අමාත්‍යවරයා මෙහිදී වැඩිදුරටත් පැවසීය.

ජනතාවට වඩා විධිමත් හා සමානාත්මතාවයෙන් යුත් සෞඛ්‍ය සේවාවක් ලබා දීම, සෞඛ්‍ය ක්ෂේත්‍රයට අදාළ මානව, මූල්‍ය සහ භෞතික සම්පත් කාර්යක්ෂමව භාවිතා කිරීමට සැලසුම් සකස් කිරීම සහ ගෝලීය වශයෙන් වැදගත් දීර්ඝ කාලීන සෞඛ්‍ය අරමුණු සාර්ථකව ළඟා කර ගැනීම ප්‍රමුඛ කර ගනිමින් මෙම නව ජාතික සෞඛ්‍ය ප්‍රතිපත්තිය සම්පාදනය කරනු ලබයි.

ජනතාවට ගුණාත්මක සෞඛ්‍ය සේවාවක් නොමිලේ ලබා ගැනීමේ හැකියාව, බෝවන හා බෝනොවන රෝග මර්දන වැඩසටහන් විධිමත් හා කාර්යක්ෂම වීම, සෞඛ්‍යය ප්‍රවර්ධනය වැඩිදියුණු වීම සහ සෞඛ්‍ය සඳහා වැය වන පුද්ගලික වියදම් අඩු වීම මෙම නව සෞඛ්‍ය ප්‍රතිපත්තියෙන් ලැබෙන මෙරට ජනතාවට මූලික ප්‍රතිලාභ වේ.\

දේශපාලන නායකත්වය, සෞඛ්‍ය සඳහා දායකත්වය සපයන ගෝලීය ආයතන නියෝජිතයින්, සෞඛ්‍ය අමාත්‍යාංශයේ ඉහළ නිලධාරීන්, අනෙකුත් අමාත්‍යංශ වල නිලධාරීන්, විශ්වවිද්‍යාලවල ආචාර්යවරුන් හා පර්යේෂකයින්, සෞඛ්‍ය ක්ෂේත්‍රයට අදාළ විවිධ නිලධාරීන් හා වෘත්තීය සංගම් සහ ප්‍රජා සේවා සංවිධාන නියෝජිතයන් මෙහි දී තම විද්වත් අදහස් මෙන්ම යෝජනාවන් ඉදිරිපත් කරන ලදී.

මෙහි දී ලබා ගන්නා සියලු අදහස් යෝජනාවන් සියල්ල කැටිකොට අනාගත සෞඛ්‍ය සේවාවේ ප්‍රගමනය වෙනුවෙන් වඩාත් ඵලදායී සෞඛ්‍ය ප්‍රතිපත්තියක් සකස් කිරීමට සෞඛ්‍ය අමාත්‍යාංශය සැලසුම් කර ඇත.

මෙම අවස්ථාවට සෞඛ්‍ය හා ජනමාධ්‍ය අමාත්‍යාංශයේ අතිරේක ලේකම් විශේෂඥ වෛද්‍ය කුමාර වික්‍රමසිංහ, නියෝජ්‍ය අධ්‍යක්ෂ ජනරාල් (සැලසුම්) විශේෂඥ වෛද්‍ය එස්. ශ්‍රීධරන්, ප්‍රතිපත්ති විශ්ලේෂණ සහ සම්පාදන ඒකකයේ අධ්‍යක්ෂ විශේෂඥ වෛද්‍ය වින්ද්‍යා කුමාරපේලි, එක්සත් ජාතීන්ගේ අන්තර් ජාතික ළමා අරමුදලේ මෙරට නියෝජිත ක්‍රිස්ටියන් ස්කූග්, සෞඛ්‍ය ක්ෂේත්‍රයේ නිලධාරින්, සෞඛ්‍ය සදහා දායකත්වය සපයන ගෝලීය ආයතන නියෝජිතයින්, අමාත්‍යාංශ නිලධාරින්, විශ්වවිද්‍යාල ආචාර්යවරුන් හා පර්යේෂකයින්, ප්‍රජා සේවා සංවිධාන නියෝජිතයින් ඇතුලු පිරිසක් එක්ව සිටියහ.

දීප්ති විජේතුංග

සෞඛ්‍ය හා ජනමාධ්‍ය අමාත්‍ය මාධ්‍ය ලේකම්

සෞඛ්‍ය හා ජනමාධ්‍ය අමාත්‍යංශ

ශ්‍රී ලංකාවේ 2025-2035 දස අවුරුදු ජාතික සෞඛ්‍ය ප්‍රතිපත්තිය සම්පාදනයට විශේෂ විද්වත් කතිකාවතක්.

පකිස්ථානය සිය ඉහළම න්‍යෂ්ටික ආයතනය කැඳවයි

යුදමය ගැටුම් හමුවේ පකිස්ථානය සිය ඉහළම න්‍යෂ්ටික ආයතනය කැඳවා ඇති අතර, එ කෙරෙහි න්‍යෂ්ටික ක්‍රියාකාරිත්වයක් පිළිබඳ ජාත්‍යන්තර අවධානය යොමුව තිබේ .එම තත්වයන් අවධානයට යොමුකරමින් එක්සත් ජනපදය, G7 රටවල් සහ ඉරානය ඇතුළු ගෝලීය බලවතුන් ඉන්දියාව සහ පකිස්ථානය යන දෙඅංශයෙන්ම ඉල්ලාසිටින්නේ සංයමයෙන් කටයුතු කරන ලෙසත්, තවදුරටත් ගැටුම් උත්සන්න වීම වැළැක්වීම සඳහා සංවාදයක යෙදෙන ලෙසත්ය

පකිස්තානුවන්ගේ X ගිණුම් (කලින් ට්විටර්) 8000 ක් තහනම්

පකිස්ථාන දේශපාලනඥයින්, මාධ්‍ය ආයතන සහ ප්‍රසිද්ධ පුද්ගලයින් ඇතුළු ඉන්දියාවේ සිට ක්‍රියාත්මක මාජ මාධ්‍ය ගිණුම් 8,000 කට අධික සංඛ්‍යාවක් අවහිර කරන ලෙස ඉන්දීය රජය සමාජ මාධ්‍ය වේදිකාවක් වන X (කලින් ට්විටර්) වෙත නියෝග කර තිබේ. මෙම වාරණ නියෝගය පිළිබද කනස්සල්ල පලකරන X සමාජ මාධ්‍ය ජාලය පවතින තත්වයන් හමුවේ එම නියෝගයට අනුකූල වී තිබේ.

“අඛණ්ඩ අභියෝග මධ්‍යයේ වුවද 2025 ශ්‍රී ලංකාවේ ආර්ථික වර්ධනය 3.5% වනු ඇතිබව ලෝක බැංකුව කියයි.

දිගු කාලීන ආර්ථික අභියෝග මධ්‍යයේ වුවද,ශ්‍රී ලංකාවේ 3.5% ක ආර්ථික වර්ධන වේගයක් පෙන්නුම්කරනබව 2025 ජනවාරි මාසයේදී ප්‍රකාශයට පත් කරන ලද ලෝක බැංකුවේ ගෝලීය ආර්ථික අපේක්ෂාවන් වාර්තාවෙන් (World Bank’s Global Economic Prospects report ) අනාවරණය කරයි. නිදහසින් පසු රටේ පැ වතී දරුණුතම මූල්‍ය අර්බුදයෙන් පසු සාර්ව ආර්ථික ස්ථාවරත්වය යථා තත්ත්වයට පත් කිරීම අරමුණු කරගත් ජාත්‍යන්තර මූල්‍ය අරමුදලෙන් (IMF) ලබාදෙනලද ඩොලර් බිලියන 2.9 ක ඇපකරයේ ස්ථාවර බලපෑමට බොහෝ දුරට එයට හේතු විතිබේ .

ඊට අමතරව සංචාරක, කෘෂිකර්මාන්තය වැනි අංශ යථා තත්ත්වයට පත්වීමට පටන් ගෙන ඇති බැවින්, ශ්‍රී ලංකාවේ ආර්ථිකය යතා තාවයට පැමිණීමේ සලකුණු පෙන්නුම් කර ඇත. කෙසේ වෙතත්, තවත් අභියෝග රැසක් ජයගැනීමට තිබෙන බවද මෙම වාර්තාව පෙන්වාදෙයි .
ප්‍රධාන බාහිර පීඩනයන්ගෙන් එකක් වන්නේ ඇඟලුම් සහ අනෙකුත් අපනයන කාණ්ඩ ඉලක්ක කරගත් එක්සත් ජනපද තීරුබදු නව ප්‍රති පත්තියයි . මෙම පියවර තීරණාත්මකව විදේශ විනිමය උපයිමේදී තර්ජනයක් වන අතර ශ්‍රී ලංකාවේ අපනයන තරඟකාරිත්වය සඳහාඑය බාදාවක් වී තිබේ .

අභ්‍යන්තරව, ජනතාව මුහුණදී ඇති ව්‍යුහාත්මක අභියෝග තවමත් පවතී .ලෝක බැංකු ඇස්තමේන්තු වලට අනුව, දරිද්‍රතාවය 24.5% ලෙස ඉහළ මට්ටමක පවතින අතර, එයින් හෙළි වන්නේ ශ්‍රී ලාංකිකයන්ගෙන් හතර දෙනෙකුගෙන් එක් අයෙකු තවමත් මූලික අවශ්‍යතා සදහා අරගල කරන බවයි. විශේෂයෙන් ආහාර උද්ධමනය සහ ඉන්ධන මිල හේතුවෙන් ජීවන වියදම ඉහළ මට්ටමක පවතී.

මෙම වාතාවරණය තුල ශ්‍රම සංක්‍රමණය ඊට මුහුණ දීමේ ප්‍රදාන උපාය මාර්ගයක් බවට පත්ව ඇත. දහස් ගණනක් ශ්‍රී ලාංකිකයන් රැකියා සඳහා විදේශගත වෙමින් සිටිති – ප්‍රධාන වශයෙන් මැදපෙරදිග, දකුණු කොරියාව සහ යුරෝපයට වෙත සංක්‍රමණය වන ශ්‍රමිකයන් උපයන විනිමය රටේ ආර්ථිකයන් පවත්වාගන යාමට සහ ජාතික ගෙවුම් ශේෂය ස්ථාවර කිරීමට වැදගත් කාර්යභාරයක් ඉටු කරයි.මේ තත්වයන් මධ්‍යයේ මුල්‍ය ස්ථාවරත්වය පවත්වාගැනීම සහ අනාගත සංවර්ධනයට සහාය වීම සඳහා, ලෝක බැංකුව ඉදිරි වසර තුන තුළ ඩොලර් බිලියන 1 කට අධික ආධාරයක් ලබාදීමට පොරොන්දු වී ඇත.,
මෙහිදී බදු ප්‍රතිපත්තිය, ණය ප්‍රතිව්‍යුහගත කිරීම, රාජ්‍ය අංශයේ කාර්යක්ෂමතාව සහ දූෂණ විරෝධී පියවර ඇතුළුව අඛණ්ඩ ප්‍රතිසංස්කරණවල වැදගත්කම ලෝක බැංකුව සහ IMF දෙකම අවධාරණය කර ඇත.

ඉන්දු පකිස්තාන ගැටුම් සම්බන්ධයෙන් ශ්‍රී ලංකා ආණ්ඩුවේ මතය මධ්‍යස්ථ බව අමාත්‍ය නලින්ද ජයතිස්ස පවසයි.

ඉන්දු පකිස්ථාන ගැටුම් සම්බන්ධයෙන් ශ්‍රී ලංකාව මධ්‍යස්ථව කටයුතු කරන බව අමාත්‍ය නලින්ද ජයතිස්ස මහතා ඊයේ පැවති කැබිනට් තීරණ දැනුම් දීමේ ප්‍රවෘත්ති සාකච්ඡාවේදී ප්‍රකාශ කළා.

ඉන්දීය කාශ්මීරයේ පෙහෙල්ගාම් හිදී එල්ලවූ ත්‍රස්ත ප්‍රහාරයකින් 26 දෙනෙකුට ජීවිත අහිමි වූයේ පසුගිය අප්‍රේල් 22 වන දායි. එම ප්‍රහාරයේ වගකීම පාකිස්ථානයට පැවරූ ඉන්දියාව මැයි හත් වනදා පාකිස්තාන කාශ්මීරයේ ස්ථාන කිහිපයකට හදිසි ගුවන් සහ මිසයිල ප්‍රහාර එල්ල කලා. එම මෙහෙයුම ඔවුන් හැඳින්වූයේ ඔපරේෂන් සින්දූර් ලෙසයි. එහිදී පාකිස්තානයේ ළමුන්ද ඇතුළුව පුද්ගලයින් තිස් එක් දෙනෙකු මිය ගියා. ඊට ප්‍රතිචාර ලෙස ඉන්දීය කාශ්මීරය වෙත ශෙල් ප්‍රහාර එල්ල කිරීමට පාකිස්තානය කටයුතු කළ අතර එහිදී සිදුවූ මරණ ගණන 15ක්. ඉන්දියාව විසින් පාකිස්තානයට එරෙහිව දියත් කල ඔපරේශන් සින්දූර් ප්‍රහාර මෙහෙයුමට ඊයේ රාත්‍රියේදී සහ අද උදෑසන පාකිස්තානය විසින්ද ප්‍රතිචාර දක්වා තිබෙනවා.

channel 7

Today News

ගෝලීය අභියෝග හමුවේ බ්‍රික්ස් සහයෝගීතා වර්ධනය චීන අගමැති අවධාරණය කරයි

Channel7 සජීව විකාශය නැරඹීමට පිවිසෙන්න

යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ

LIVE

Channel7 සජීව විකාශය නැරඹීමට පිවිසෙන්න

දින 60ක සටන් විරාමයකට ඊශ්‍රායලය සූදානම් බව ඇමරිකානු ජනපති ඩොනල්ඩ් ට්‍රම්ප් පවසයි