දරුවන් පිළිබඳ ගැටලු විසඳීමට ඒකාබද්ධ යාන්ත්‍රණයක්

කොටහේන ප්‍රදේශයේ සිසුවියක් සියදිවි නසා ගැනීමේ සිද්ධිය වැනි සිදුවීම් යලි වාර්තා වුවහොත් ඒ සඳහා කඩිනමින් ක්‍රියාත්මක වන යාන්ත්‍රණයක් ඇති කිරීමට කටයුතු කරන බව අග්‍රාමාත්‍ය හරිනි අමරසූරිය අද(09) පාර්ලිමේන්තුවේදී සඳහන් කළාය.

කොටහේන දැරියගේ සිද්ධිය පලමු අවස්ථාවෙිදීම වාර්තා වී නොමැති බවත් එම දැරිය ඉගෙන ගත් පාසලේ විදුහල්පතිවරිය මේ පිළිබඳ අධ්‍යාපන අමාත්‍යාංශයට දැනුම් නොදීම ගැන නිදහසට කරුණු විමසා ඇති බවත් ඇය ප්‍රකාශ කළාය. මෙවැනි සිද්ධි වාර්තා වූ විගස ළමා හා කාන්තා කටයුතු අමාත්‍යාංශය, අධ්‍යාපන අමාත්‍යාංශය, ජාතික ළමා ආරක්ෂක අධිකාරිය සහ පොලීසිය දැනුවත් විය යුතු පෙන්වා දෙන අග්‍රාමාත්‍යවරිය ඊට අදාල යාන්ත්‍රණයක් ඇති කිරීමට ළමා හා කාන්තා කටයුතු ඇමතිවරිය සාකච්ඡා ආරම්භ කර ඇති බවද සඳහන් කළා.

එම යාන්ත්‍රණය සකස් කර අවසන් වූ වහාම පාර්ලිමේන්තුව දැනුවත් කරන බවයි අග්‍රාමාත්‍යවරිය වැඩිදුරටත් පැවසුවේ. කොටහේන ප්‍රදේශයේ අපයෝජනයට ලක්වූ දැරිය සම්බන්ධ පරීක්ෂණ පිළිබඳ අද පාර්ලිමේන්තුවේදී විපක්ෂය මතුකළ ප්‍රශ්නවලට පිළිතුරු දෙමින් අග්‍රාමාත්‍යවරිය මෙම අදහස් පළ කළාය.

පකිස්තාන ඩ්‍රෝන ප්‍රහාර සාර්ථකව මැඩලීමට හැකිවූ බව ඉන්දීය හමුදාව පවසයි

ඊයේ රාත්‍රී 11.20 ට පමණ පකිස්තානය විසින් ඉන්දියාවේ පන්ජාබ් ප්‍රාන්තයේ ප්‍රදේශ කිහිපයකට ඩ්‍රෝනයානා සහ යුද උපකරණ භාවිතා කරමින් එල්ල කරන ලද ප්‍රහාර සාර්ථකව මැඩ පැවැත්වූ බව ඉන්දීය හමුදාව පවසයි. ජම්මු සහ කාශ්මීරයේ පාලන රේඛාව ඔස්සේ පාකිස්තාන හමුදා දේශසීමා උල්ලංඝනයන් සිදු කළ බව ඉන්දීය හමුදාව පවසා සිටී.

පන්ජාබයේ මොහාලි දිස්ත්‍රික් පරිපාලනය විසින් චන්දිගාර් මායිම් ප්‍රදේශවල වෙසෙන ජනතාවට ගෘහස්ථව රැඳී සිටින ලෙස උපදෙස් ලබා දීමට චන්දිගාර් පරිපාලනය කටයුතු කර තිබේ. පකිස්ථානය විසින් රාත්‍රියේ එල්ල කරන ලද ෂෙල් වෙඩි ප්‍රහාරවලින් බරමුල්ලෙහි ලගමා ගම්මානයේ වෙළඳසැල් සහ නිවාස කිහිපයකට ද හානි සිදු වී ඇත.

VIDEO

පන්ජාබ් රජය විසින් පන්ජාබ් ප්‍රාන්තයේ සියලුම අධ්‍යාපන ආයතන දින තුනක් වසා දමා ඇති අතර, පොලිස් නිලධාරීන්ගේ නිවාඩු අවලංගු කර ඇති බව පැවසේ. බ්‍රහස්පතින්දා රාත්‍රියේ පන්ජාබ් දිස්ත්‍රික්ක කිහිපයක විදුලිය විසන්ධි වීමක් ද දක්නට ලැබුණි. පතන්කොට්, අම්රිත්සර්, ජලන්දර්, රූප්නගර්, ෆාසිල්කා, ලුධියානා, හෝෂියාර්පූර් සහ සහිබ්සාඩා අජිත් සිං නගර් ඇතුළු පන්ජාබ් දිස්ත්‍රික්ක කිහිපයක සහ චන්දිගාර් යුනියන් ප්‍රදේශයේ මෙසේ විදුලි විසන්ධි වීමක් සිදුවී ඇත.

දිල්ලි ගුවන්තොටුපළ විසින් නිකුත් කරන ලද මගී උපදේශනයක සඳහන් වූයේ ගුවන් ගමන් මෙහෙයුම් සාමාන්‍ය බවයි. ආරක්ෂක පියවර හේතුවෙන් ගුවන් ගමන් කාලසටහන්වලට බලපෑම් ඇති විය හැකි බැවින් නිල මූලාශ්‍ර මත පමණක් විශ්වාසය තබන ලෙසද ඔවුන් මගීන්ගෙන් ඉල්ලා සිටී.

සයිබර් ආරක්ෂාව පිලිබඳ වඩාත් සැලකිලිමත්වන ලෙස ශ්‍රී ලංකා CERT වෙතින් දැනුම්දීමක් .

සයිබර් ආරක්ෂාව පිළිබඳව මෑත කාලීන ලැබෙන වාර්තා සැලකිල්ලට ගනිමින්, ශ්‍රී ලංකාවේ සියලුම රාජ්‍ය සහ පෞද්ගලික අංශයේ සංවිධානවලට සයිබර් ආරක්ෂණ සුපරීක්ෂාකාරීත්වය ඉහළ මට්ටමක පවත්වා ගැනීමට අවශ්‍ය පුර්ව ආරක්ෂණ පියවර ගන්නාලෙස ශ්‍රී ලංකා සර්ට් ආයතනය ඉල්ලා සිටියි . දකුණු ආසියානු කලාපයේ පවතින වර්තමාන තත්වයන් සැලකිල්ලට ගනිමින් මෙම දැනුම්දීම සිදුකර ඇත.අලුත්ම වාර්තාවන්ට මෙම උපදේශනය පූර්වාරක්ෂාව සදහාවූ පියවරක් ලෙස නිකුත් කර ඇති අතර මේ අවස්ථාවේ ශ්‍රී ලංකාවට කිසිදු සෘජු තර්ජනයක් නොපවතින බවත් අපගේ ඩිජිටල් පරිසර පද්ධතිය ආරක්ෂා කිරීම සඳහා ක්‍රියාශීලීව සහ අවදියෙන් සිටීම අත්‍යවශ්‍ය බව එම ආයතනය තවදුරටත් සදහන් කරයි. තාක්ෂණික සහාය සඳහා හෝ සිදුවීම් වාර්තා කිරීමට, පහත සදහන් සබදතා භාවිතාකරන මෙන්ඉල්ලාසිටියි :

Sri Lanka CERT – ක්ෂණික දුරකථන අංකය 101 / [email protected]

212 හෙලිකොප්ටර් යානයේ සිටි හමුදා සාමාජිකයින් 6 දෙනෙකු මියගොස් තිබෙනවා.

හදිසි ගොඩබෑමකදී අද (09) උදෑසන මාදුරුඔය ජලාශයට කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සාමාජිකයින් 6 දෙනෙකු මියගොස් තිබෙනවා.

අදාළ හෙලිකොප්ටර් යානය මාදුරුඔය ජලාශයට කඩාවැටීමෙන් අනතුරු එහි ගමන්ගත් සියලුදෙනා බේරාගෙන රෝහල්ගත කර තිබුණා.

එහිදී ගුවන් හමුදා හෙලිකොප්ටර් භටයින් දෙදෙනෙකු සහ හමුදා විශේෂ බළකායේ භටයින් තිදෙනෙකු ජීවිතක්ෂයට පත්වී ඇති බවට වාර්තා වනවා.

මෙම ගුවන්යානය කඩා වැටෙනවිට එහි ගුවන් නියමුවන් දෙදෙනා ඇතුළු පුද්ගලයින් 12 දෙනෙකු ගමන් කර තිබුණා.

RIMES දත්ව පද්දතිය ප්‍රයෝජන්වත් – ග්‍රාමාත්‍යය හරිනි අමරසූරිය

2004 වසරේ සුනාමි ව්‍යසනයේදීත් කොවිඩ් 19 වසංගතයේදීත් අපට RIMES (කලාපීය ඒකාබද්ධ බහු-උපද්‍රව පූර්ව අනතුරු ඇඟවීමේ පද්ධතිය ) හරහා ගත්ත දත්ත ඉතාමත් ප්‍රයෝජනවත් වුණු බව අග්‍රාමාත්‍යය හරිනි අමරසූරිය මෙනවිය පැවසුවා.

අග්‍රාමාත්‍යයතුමිය මෙලෙස පවසා තිබුනේ මැයි 08 වන දින කොළඹ සිනමන් ලයිෆ් හෝටලයේ, පැවති අප්‍රිකා සහ ආසියාතික රටවල් සඳහා වන කලාපීය ඒකාබද්ධ බහු-උපද්‍රව පූර්ව අනතුරු ඇඟවීමේ පද්ධතියේ (RIMES) සිව්වැනි අමාත්‍ය සමුළුවට සහභාගි වෙමින්.

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් මෙය සංවිධානය කර තිබුණා.

මෙම අවස්ථාවට කෘෂිකර්ම, පශු සම්පත්, ඉඩම් හා වාරිමාර්ග අමාත්‍ය කේ.ඩී. ලාල්කාන්ත, නියෝජ්‍ය අමාත්‍ය නාමල් කරුණාරත්න, තානාපතිවරුන්, RIMES සාමාජික රටවල නියෝජිතයින්, ලෝක බැංකුවේ සහ ආසියානු සංවර්ධන බැංකුවේ නියෝජිතයින් සහ අමාත්‍යාංශවල නිලධාරීන් සහභාගි වී සිටියා.

පිලිපීනය, ඇමරිකාව සහ ඕස්ට්‍රේලියාව දකුණු චීන මුහුදේ සන්ධාන ගොඩනගා ගැටුම් ඇති කිරීම ගැන චීනයේ විරෝධය

පිලිපීනය, ඇමරිකාව සහ ඕස්ට්‍රේලියාව දකුණු චීන මුහුදේ ඒකාබද්ධව ගමන් කරමින් ප්‍රචාරණය කිරීම පිළිබඳව චීනය තරයේ විරෝධය පළ කරයි.

චීන විදේශ අමාත්‍යාංශ ප්‍රකාශක Lin Jian මහතා ඊයේ(8) පැවති නිත්‍ය මාධ්‍ය හමුවේදී මේ බව පැවසීය.

පසුගියදා මෙම රටවල් තු‍න සිදු කර ඇති ක්‍රියාවන් සම්බන්ධයෙන් Lin Jian මහතා පැවසුවේ, චීනය මුල සිටම තම භූමියේ ස්වාධීනත්වය සහ සමුද්‍ර අයිතිවාසිකම් ස්ථීරව ආරක්ෂා කරමින් දකුණු චීන මුහුදේ සාමය හා ස්ථාවරත්වය සහතික කිරීම සඳහා කලාපීය රටවල් සමඟ එක්ව කටයුතු කරන බවයි. අදාළ රටවල් දකුණු චීන මුහුදේ සන්ධාන ගොඩනගා ගැටුම් ඇති කිරීම සහ කලාපීය සාමය හා ස්ථාවරත්වයට හානි කිරීම නතර කරන ලෙස චීනය අදාළ රටවලින් ඉල්ලා සිටින බව එම ප්‍රකාශකයා කියා සිටියේය.
-CGTN Sinhala

ජාතික වෙසක් සතිය හෙටින් (10) ආරම්භ වනවා.

එය ලබන 16 වැනිදා දක්වා ක්‍රියාත්මක බව
බුද්ධ ශාසන ආගමික හා සංස්කෘතික කටයුතු අමාත්‍යාංශයේ ලේකම් ඩබ්ලිව්.පී සේනාධීර මහතා සඳහන් කලා.

කළණ මිතුරන් ඇසුරු කරමු යන්න මෙවර ජාතික වෙසක් සතියේ තේමාවයි

සමාරම්භක උත්සවය හෙට පස්වරුවේ ජනාධිපති අනුර කුමාර දිසානායක මහතාගේ ප්‍රධානත්වයෙන් නුවර එළිය බෞද්ධ මධ්‍යස්ථානයේදී පැවැත්වීමට නියමිතයි.

නුවරඑළියේ පැවැත්වෙන රාජ්‍ය වෙසක් උත්සවය හා අනුරාධපුරය දක්වා යන සැදැහැවතුන් වෙනුවෙන් අද සිට ලබන 13 වනදා දක්වා විශේෂ දුම්රිය සේවා ක්‍රියාත්මක බව දුම්රිය දෙපාර්තමේන්තුව
පැවසුවා.

වෙසක් උත්සවයට සමගාමීව සිතුල්පව්ව සහ තිස්ස මහාරාම රජමහා විහාරස්ථානයේ දී පැවැත්වීමට නියමිත ආගමික වතාවත් පිළිබඳ සාකච්ඡාවක් 8/5/2025 වන දින එනම් ඊයේ පෙරවරුවේ පැවැත්වුණා.

ජනාධිපති ලේකම් කාර්යාලයේදී පැවති මෙම සාකච්ඡාව, ජනාධිපති ලේකම් ආචාර්ය නන්දික සනත් කුමානායක මහතාගේ ප්‍රධානත්වයෙන් පැවැත්වුණා.

කතරගම සිට සිතුල්පව්ව දක්වා මාර්ගය කඩිනමින් පිළිසකර කිරීමට පියවර ගන්නා ලෙස සිතුල්පව්ව රජ මහා විහාරයේ විහාරාධිකාරී පූජ්‍ය ලේල්වල සමිත හිමියෝ ඉල්ලා සිටියා.

මෙම උත්සව සඳහා සහභාගී වීමට අපේක්ෂිත බැතිමතුන් විශාල පිරිසකට අවශ්‍ය පහසුකම් සලසා දීමට රජය විසින් පියවර ගන්නා බව ජනාධිපති ලේකම් , ආචාර්ය නන්දික සනත් කුමානායක මහතා සඳහන් කළා.

වෙසක් සතියේ දින තුනක් දිවයිනේ සුරාසැල් හා මස් අලෙවි සැල් වසා තැබෙනවා.

නව පාප්වහන්සේ ඇමරිකාවෙන් තේරි පත්වෙයි.

කතෝලික පල්ලියේ 267 වන නව නායකයා ලෙස ඇමරිකානු සම්භවයක් ඇති කාදිනල් රොබට් ප්‍රෙවොස්ට් තෝරාගෙන ඇති බව නිවේදනය කලා. ඔහු XIV වන ලියෝ පාප් වහන්සේ ලෙස හඳුන්වනු ඇත. වසර 2,000ක ඉතිහාසයක් ඇති කතෝලික පල්ලියේ XIV වන ලියෝ පාප් වහන්සේ පළමු ඇමරිකානු පාප් වහන්සේ වීම විශේෂත්වයකි.

ඊයේ (බ්‍රහස්පතින්දා) සිස්ටයින් දේවස්ථානයේ මුදුනේ පිහිටි චිමිනියකින් සුදු දුමාරයක් නැඟුණු පසු, ශාන්ත පීතර බැසිලිකාවේ මධ්‍යම බැල්කනියේ පෙනී සිටි කාදිනල් ඩොමිනික් මැම්බර්ටි පියතුමා “හැබෙමුස් පාපම්” (අපට පාප්වරයෙක් සිටී) යන ලතින් වාක්‍ය ඛණ්ඩය උච්චාරණය කළ විට, ශාන්ත පීතර චතුරශ්‍රයට රැස්ව සිටි 100,000 කට අධික පිරිසක් ප්‍රීති ඝෝෂා නැගූහ. සාම්ප්‍රදායිකව, නව පාප්වරයා බැල්කනියට පැමිණීම සිදුවන්නේ සංඥාවෙන් මිනිත්තු 30 ත් 60 ත් දක්වා කාලයකට පසුවයි.

ඉන්පසුව ශාන්ත පීතර චතුරශ්‍රයට ඉහළින් ඇති බැල්කනියේ නව පාප් වහන්සේ පෙනී සිටියහ. එයින් අදහස් කළේ කාදිනල් ඡන්දදායකයින් 133 දෙනා පසුගිය මාසයේ මියගිය ෆ්‍රැන්සිස්ගේ අනුප්‍රාප්තිකයා ලෙස ඔහුව තෝරාගෙන ඇති බවයි. “ඔබ සැමට සාමය ලැබේවා” ඔහු ඉතාලි භාෂාවෙන් කතා කරමින් ශාන්ත පීතර චතුශ්‍රයේ සිටි ලක්ශයකට ආසන්න පිරිස ඉදිරියේ පැවසීය.

XIV වන ලියෝ පාප් වහන්සේ යනු කවුරුන්ද?

පළමු එක්සත් ජනපද පාප් වහන්සේ බවට පත් වූ XIV ව ලියෝ පාප් වහන්සේ ලතින් ඇමරිකාවේ දීර්ඝ කාලීන මිෂනාරිවරයෙකු ලෙස කටයුතු කර ඇත.

69 හැවිරිදි ප්‍රෙවොස්ට්, චිකාගෝහි සිට වතිකානයට පැමිණි අතර, ඔහුගේ වෘත්තීය ජීවිතයේ වැඩි කාලයක් පේරු හි මිෂනාරිවරයෙකු ලෙස ගත කර ඇති බව පැවසේ. 2023 දී රොබට් ප්‍රෙවොස්ට් කාදිනල්වරයෙකු බවට පත් විය.

රෝමානු කතෝලික පල්ලියේ නව නායකයා ලෙස තේරී පත් වූ කාදිනල් රොබට් ප්‍රෙවොස්ට්, ද්විත්ව එක්සත් ජනපද-පේරු පුරවැසියෙකු වන අතර ඔහු දශක ගණනාවක් උතුරු පේරු හි සේවය කළේය. පළමුව මිෂනාරිවරයෙකු ලෙසත් පසුව 2015 සිට 2023 දක්වා චික්ලායෝ හි බිෂොප්වරයා ලෙසත් කටයුතු කළේය.

XIV ලියෝ පාප්තුමාගේ උපන් ගම වන චිකාගෝ සිට කිලෝමීටර් 5,000 ක් (සැතපුම් 3,000) පමණ දුරින් පිහිටි පේරු වෙරළබඩ නගරයක් වන චික්ලායෝ හි, කතෝලිකයන් වීදි බැස පල්ලියේ සීනු නාද කළේ ඔවුන්ව තමන්ගේම කෙනෙකු ලෙස වැළඳ ගන්නා හිටපු මිෂනාරිවරයාගේ තේරී පත්වීම සැමරීම සඳහා ය.

නව පාප් වහන්සේගේ පත්වීම ජනාධිපති ඩොනල්ඩ් ට්‍රම්ප් ඔහුගේ X ගිණුමේ සටහනක් පළ කරමින් සුබ පැතුමක් එක් කර තිබෙනු දක්නට ලැබුණි. මෙම පත්වීම පේරු ජනාධිපතිනි ඩිනා බොලුආර්ටේ විසින් ද පිළිගනු ලැබූ බව ජාත්‍යන්තර මාධ්‍ය වාර්තා කර තිබුණා. කෙසේ වෙතත්, රොබට් ප්‍රෙවොස්ට්ගේ X ගිණුමේ පළ කිරීම්වලට අනුව, නව පාප්තුමා ට්‍රම්ප් සහ උප ජනාධිපති ජේ.ඩී. වැන්ස්ගේ ප්‍රතිපත්ති විවේචනය කිරීමේ ඉතිහාසයක් ඇති බව ජාත්‍යන්තර මාධ්‍ය වාර්තා සදහන් කර ඇත.

1978 දී පෝලන්තයේ කාදිනල් කැරොල් වොජ්ටිලා ප්‍රථම ඉතාලි නොවන පාප් වහන්සේ ලෙස තේරී පත් වූ විය.

කාදිනල් රොබට් ප්‍රෙවොස්ට් ලියෝ යන නාමය තෝරාගත් අතර ලියෝ යන නම ගත් අවසන් පාප්තුමා 1878-1903 දක්වා කතෝලික පල්ලිය මෙහෙයවීය. සමාජ සාධාරණත්වය පිළිබඳ ගැටළු කෙරෙහි කැපවූ අවධානයක් යොමු කිරීම සඳහා ලියෝ XIII ප්‍රසිද්ධ වූ අතර නූතන කතෝලික සමාජ ඉගැන්වීම් සඳහා අඩිතාලම දැමීමේ ගෞරවය බොහෝ විට ඔහුට හිමි වේ.

අද ප.ව. 1.00 න් පසු තඳ වැසි.

දිවයිනේ බොහෝ ප්‍රදේශවලට අද ප.ව. 1.00 න් පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.
බස්නාහිර ,සබරගමුව,මධ්‍යම ,උතුරු සහ උතුරු -මැද පළාත්වල ඇතැම් ස්ථානවල මි.මී.50 ට වැඩි තරමක වැසි ඇති විය හැක.
මේ අතර වැසි තත්ත්වය පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්‍රදේශවල තැනින් තැන වැසි ඇති වේ.දිවයින වටා වන සෙසු මුහුදු ප්‍රදේශවල ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැක.
සුළං නිරිත දිශාවෙන් හමා එන අතර සුළංගේ වේගය පැ.කි.මී. (20-30) පමණ වේ. හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුඳු ප්‍රදේශ වල සුළඟේ වේගය පැ.කි.මී. 40 දක්වා ඉහළ යා හැක.
මුහුදේ සවභාවය හලාවත සිට මන්නාරම හරහා කන්කසන්තුරය දක්වා සහ ගාල්ල සිට හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශය විටින් විට මඳ වශයෙන් රළු හෝ තරමක් රළු විය හැක.
ගිගුරුම් සහිත වැසි ඇති වන විට එම මුහුඳු ප්‍රදේශවල තාවකාලිකව තද සුළං ඇති විය හැකි අතර එවිට එම මුහුදු ප්‍රදේශ තාවකාලිකව ඉතා රළු විය හැක.
ගුගුරුම් සහිත වැසි සමඟ ඇතිවිය හැකි තාවකාලික තද සුළං වලින් සහ අකුණු මඟින් සිඳුවිය හැකි අනතුරු අවම කර ගැනීමට අවශ්‍ය පියවර ගන්නා ලෙස තවදුරටත් කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටී.

ශ්‍රී ලංකා ක්‍රීඩීකාවෝ ඉන්දියාව හා ද.අප්‍රිකාව සමග එක්ව සිටින තුන්කොන් එක්දින තරගාවලියේ 6 වන තරගය අද

ශ්‍රී ලංකා ක්‍රීඩීකාවෝ ඉන්දියාව හා ද.අප්‍රිකාව සමග එක්ව සිටින තුන්කොන් එක්දින තරගාවලියේ 6 වන තරගය අද දින පැවැත්වීමට නියමිතව ඇති අතර උදෑසන 10ට තරගය ආරම්භ වීමටයි නියමිතව ඇත්තේ

ශ්‍රී ලංකා හා ඉන්දීය ක්‍රීඩීකාවෝ අවසන් මහා තරගයෙ සිය ස්තාන වේලාසනින්ම වෙන් කරගෙන ඇති අතර අවසන් මහා තරගය එලබෙන ඉරිදා පැවැත්වීමට කටයුතු කර ඇත.

අද තරගයත් අවසන් මහා තරගයත් R.Premadasa
ක්‍රීඩාංගනයේ පැවැත්වෙන අතර සියලු තරග දිවා තරග ලෙස පැවැත්වීමටයි තරග සංවිදායකයන් කටයුතු කර ඇත්තේ.

මෙම සියලු තරග ප්‍රේක්ශක ඔබට නොමිලේ නැරබීමට හැකියාව පවතින බව ශ්‍රී ලංකා ක්‍රිකට් ආයතනය නිවේදනය කර තිබෙනවා

channel7.lk

Today News

යාපනය විශ්වවිද්‍යාලයීය නීති අධ්‍යනාංශයට වසර 20ක් සැපිරේ

120ක් අත්අඩංගුවට – සබරගමුවේ විශේෂපොලිස් මෙහෙයුමක්

දුමින්ද යලි රිමාණ්ඩ්

Weather News

අද කාලගුණය

ප්‍රදේශ කිහිපයකට තද වැසි